Sipas ekspertëve, gjatë ditës duhet konsumuar ujë në sasi të mjaftueshme, edhe kur nuk keni ndjesinë e etjes. Po ashtu, këshillohet të mos qëndroni në diell në orët kur nxehtësia është më e fortë, zakonisht nga ora 11:00 deri në 17:00, transmeton Klankosova.tv.

Kur dilni jashtë, zgjidhni veshje të holla dhe me ngjyra të hapura, si dhe përdorni kapelë e syze dielli. Nëse keni mundësi, qëndroni në hapësira të freskëta ose në ambiente me klimë.

Frutat dhe perimet e freskëta, si ushqime të lehta, e ndihmojnë trupin të ruajë hidratimin, ndërsa alkooli dhe pijet me përmbajtje të lartë sheqeri është më mirë të shmangen.

Në rast se për shkak të vapës ndieni marramendje, lodhje të madhe ose dhimbje koke, zhvendosuni menjëherë në një vend më të freskët dhe pini ujë. Nëse shenjat nuk kalojnë, duhet të kërkoni këshillën e mjekut, transmeton Klankosova.tv.

The post Si ta përballojmë më lehtë të nxehtin ekstrem? appeared first on Albeu.com.

Në ditët e nxehta të verës, një kondicioner i zakonshëm mund të grumbullojë nga 5 deri në 20 litra ujë brenda një dite. Në vend që ky ujë të rrjedhë në fasadë dhe të krijojë shqetësime me fqinjët, ai mund të përdoret me shumë leverdi për nevoja të ndryshme në shtëpi, pasi kondensati i kondicionerit ka përbërje kimike shumë të afërt me ujin e distiluar.

Në këtë ujë nuk gjenden klor, minerale apo gëlqere. Megjithatë, specialistët theksojnë se ai nuk duhet konsumuar në asnjë rast, sepse mund të ketë pluhur nga tubacionet, gjurmë metalesh, myk dhe baktere.

Ndihmë e mirë për bimët

Uji i kondicionerit u përshtatet shumë luleve që nuk e tolerojnë gëlqeren në tokë, si orkidetë, zambakët aromatikë, fierët dhe kalateat. Po ashtu, ai pëlqehet edhe nga barbarozat, lulet e oborrit dhe domatet e mbjella në vazo.

Nga ana tjetër, për bimët që kërkojnë ujë më të fortë dhe përmbajtje mineralesh, si sukulentët dhe kaktusët, rekomandohet më tepër uji i zakonshëm i rubinetit.

Xhama dhe veturë të pastra pa njolla

Për shkak se nuk ka gëlqere, ky ujë nuk lë shenja të bardha pasi thahet. Ai është shumë i përshtatshëm për pastrimin e xhamave me leckë mikrofibre, si edhe për larjen e veturave të errëta, karrigeve plastike apo pllakave, pa qenë nevoja për një fshirje të dytë.

Zëvendësim pa pagesë për hekurin me avull

Një nga problemet më të zakonshme të hekurave është dëmtimi nga krijimi i gëlqeres. Uji që del nga kondicioneri mund të përdoret në vend të ujit të distiluar që blihet në dyqan, sepse nuk krijon mbetje në rezervuar.

I përshtatshëm edhe për pajisjet me avull

Pikërisht për të njëjtën arsye, ky ujë shkon shumë mirë edhe për pastruesit me avull dhe për lagështuesit e ajrit që përdoren në shtëpi.

Mund të përdoret edhe për akumulatorët

Edhe shoferët që vazhdojnë të përdorin akumulatorë të vjetër me plumb mund ta shfrytëzojnë këtë ujë për mbushjen e sigurt të qelizave të tyre.

Zgjidhje edhe për shpëlarjen e tualetit

Një shpëlarje e vetme e tualetit harxhon rreth gjashtë litra ujë të pijshëm. Nëse tubi i kondicionerit drejtohet në një kovë më të madhe, mund të sigurohen disa shpëlarje falas gjatë ditës.

I dobishëm për larjen e dyshemeve dhe pllakave

Për pastrimin e përditshëm të shkallëve, dyshemeve ose pllakave të banjës, kondensati i kondicionerit shërben po aq sa uji i çezmës.

Si të mblidhet siç duhet uji i kondicionerit?

Për të shmangur shqetësimet me fqinjët, mënyra më praktike është zgjatja e tubit të kondicionerit me një gyp PVC dhe drejtimi i tij në një kovë ose bidon.

Është thelbësore që ena të ketë kapak, në mënyrë që uji i ndenjur të mos kthehet në vatër mushkonjash gjatë vapës. Nëse në ballkon përdoret një shishe plastike, ajo duhet zbrazur çdo mbrëmje.

The post Uji i kondicionerit mund të ripërdoret për lulet, pastrimin e xhamave dhe hekurin me avull appeared first on Albeu.com.

Revoltë kjo që shpërtheu pas dhunimit të aktivistëve dhe pronarëve të tokës nga rojet private të firmës që do kryej punimet.

Dje ishte dita e katërt e protestës dhe mes të rinjve dhe qytetarëve të ndryshëm kishte dhe prani të fëmijëve të vegjël.

Policia kishte vendosur dy kordonë për të ndaluar protestuesit të kalonin dhe të rrethonin godinën e qeverisë.

Por të shumtë në numër protestuesit kanë arritur t’i çajnë kordonet e sigurisë, ndërkohë që autobotet e ujit kanë tentuar t’i largojnë duke përdorur ujë me presion.

Në video që po shihni, shikohet dhe momenti kur forcat e policisë kanë hedhur ujë me presion edhe ndaj disa prindërve që kishin dalë në protestë bashkë më fëmijët e mitur.

Nga pamjet shihet se si prindërit mbulojnë me trup fëmijët e tyre në tentativë për t’i shpëtuar nga presioni i madh i ujit, i cili përmban dhe supstanca irrituese për lëkurën dhe sytë.

The post VIDEOLAJM/ Skandal, momenti kur policia hodhi ujë me presion dhe ndaj prindërve me fëmijë të vegjël që dolën në protestë appeared first on Albeu.com.

Kjo pasi do të punohet për lidhjen e nyjeve të rrjetit të ri të ujësjellësit me rrjetin ekzistues në zonat: “Lungomare”, Lagjja “24 Maji” dhe Lagjja “1 Maji”.

Si rrjedhojë e kësaj, do të ndërpritet furnizimi me ujë në zonën bregdetare: Uji i Ftohtë, Lungomare, 10 Korriku, Kalaja dhe Jonufra. Ndërsa pjesa tjetër e qytetit nuk do të furnizohet me ujë vetëm gjatë orarit të pasdites së së martës.

NJOFTIMI PËR QYTETARËT E VLORËS

Në zbatim të projektit të ujësjellësit të ri të qytetit të Vlorës, ditën e martë, më 7 Prill do të punohet për lidhjen e nyjeve të rrjetit të ri të ujësjellësit me rrjetin ekzistues në zonat:

“Lungomare”

Lagjja “24 Maji”

Lagjja “1 Maji”

Ujësjellës Kanalizime Rajoni Vlorë, njofton qytetarët dhe bizneset se, në kuadër të këtyre ndërhyrjeve, ditën e martë do të ketë stakim të detyruar të stacionit kryesor për shkak të punimeve.

Si rrjedhojë, do të ndërpritet furnizimi me ujë në zonën bregdetare:

“Uji i Ftohtë”

“Lungomare”

“10 Korriku”

“Kalaja”

“Jonufra”

Pjesa tjetër e qytetit nuk do të furnizohet me ujë vetëm gjatë orarit të pasdites së së martës. Gjatë mëngjesit të ditës së mërkurë, furnizimi do të vijojë normalisht.

The post Vlora zgjohet nesër pa ujë, shkak punimet e projektit të ujësjellësit të ri appeared first on Albeu.com.

Sipas raportit, gjatë vitit 2024 në sistem janë futur 302,816,052 metra kub ujë. Nga kjo sasi, 196,355,861 m³, ose 64.8%, janë matur drejtpërdrejt, ndërsa 106,460,191 m³, ose 35.2%, janë vlerësuar.

Megjithatë, nga gjithë ky volum uji i prodhuar dhe i futur në rrjet, vetëm 118,083,809 m³, ose 38.97%, janë faturuar.

Bilanci i ujit, i publikuar në raportin e Entit Rregullator të Ujit, tregon se sistemi i furnizimit me ujë në vend vazhdon të përballet me nivele shumë të larta humbjesh dhe konsumesh të pafaturuara, duke bërë që shumica e ujit të prodhuar të mos kthehet në të ardhura për ndërmarrjet e ujësjellësit.

Sipas raportit, gjatë vitit 2024 në sistem janë futur 302,816,052 metra kub ujë. Nga kjo sasi, 196,355,861 m³, ose 64.8%, janë matur drejtpërdrejt, ndërsa 106,460,191 m³, ose 35.2%, janë vlerësuar.

Megjithatë, nga gjithë ky volum uji i prodhuar dhe i futur në rrjet, vetëm 118,083,809 m³, ose 38.97%, janë faturuar.

Kjo do të thotë se vetëm rreth katër nga dhjetë litra ujë që prodhohen në sistem arrijnë të faturohen dhe të kthehen në të ardhura për ndërmarrjet, ndërsa pjesa tjetër humbet në rrjet, përdoret në mënyrë të paligjshme ose nuk matet dhe nuk faturohet saktë.

Bilanci i vitit 2024 tregon se sektori i ujësjellës-kanalizimeve vazhdon të përballet me probleme strukturore që lidhen me rrjetin e amortizuar, informalitetin në përdorimin e ujit dhe dobësitë në sistemet e matjes dhe faturimit./ekofin.al

The post SHIFRAT/ 61% e ujit në Shqipëri nuk gjeneron të ardhura, humbjet në rrjet mbeten shumë të larta appeared first on Albeu.com.

Si pasojë e përmbytjeve, lëvizet me gomone siç duket edhe nga këto pamje.

Pamjet që shihni tregojnë shkallën e përmbytjeve në burgun e Durrësit.

Sic shihet edhe nga pamjet nga jashtë këtij institucioni të vuajtjes së dënimit, situata paraqitet e rënduar edhe ditën e sotme.

Kujtojmë se në këtë burg vuajnë dënimin ish-ministri Ilir Beqaj apo dhe kryebashkiaku i Tiranës, Erion Veliaj apo dhe ish-deputeti socialist Jurgis Çyrbja.

The post Rruga dhe oborri i burgut të Durrësit edhe sot “pushtohen” nga uji (VIDEO) appeared first on Albeu.com.

Si pasojë, ka pasur ndërprerje të furnizimit me ujë në zonat që furnizohen nga ky stacion:
-Lagja 24 Maji (zona e Stacionit të Trenit të Mallrave)
-Petrolifera
-TECI
-Porti i Peshkimit
-Zvërnec

Ujësjellës Kanalizimet kanë njoftuar se grupet e punës kanë ndërhyrë menjëherë pas konstatimit të rastit për zëvendësimin e saracineskës dhe rikthimin e furnizimit normal me ujë, ndërsa për këtë ngjarje është bërë denoncim pranë Policisë së Qarkut Vlorë.

The post Vlorës nuk i ndahen “hallet”/ Pas problemit me tubacionin, disa zona sërish pa ujë të pijshëm, shkak… appeared first on Albeu.com.

Kryeministri ka ndarë një foto nga dëmtimi që është pësuar në Ujësjellësin e Vlorës, si edhe pajisjet e reja që po sillen nga Stambolli.

Sipas tij, pajisjet që kanë qenë të instaluara në ujësjellës ishin prej vitit 2009 dhe “nuk e kanë mbajtur dot më presionin e ujit dhe për pasojë tubacioni ka shpërthyer”.

Një ndjesë kërkon për qytetarët e Vlorës, si edhe një falenderim për punonjësit e Ujësjellësit, për të cilët thotë se prej ditësh po bëjnë të pamundurën për të riparuar problematikën.

“Vlonjatëve të mi u them ndjesë për tërë këtë peripeci të pamerituar dhe siç thoshin gjyshet tona plasi më në fund edhe syri i keq pas tërë këtyre viteve të mira për Vlorën, e ja që kush i do të keqen Vlorës, veç të keqen do i marrë”, shkruan Rama.

Banorët e qytetit protestuan ditën e djeshme para vendit ku punonjësit e bashkisë po mbanin festën e fundvitit, ndërsa sot u mblodhën para godinës së bashkisë duke kërkuar zgjidhjen e menjëhershme.

Reagimi i plotë i Ramës:

Drejt aeroportit të Stambollit për të ardhur sot brenda ditës, pjesët e reja hidraulike për riparimin e difektit të rëndë në ujësjellësin e Vlorës, ku në vitin 2009-2010 janë instaluar pjesë hidraulike jashtë standarteve, që nuk e kanë mbajtur dot më presionin e ujit dhe për pasojë tubacioni ka shpërthyer…

Respekt për punën e palodhur të punëtorëve të ujësjellësit Vlorë, që nën drejtimin e drejtorit të përgjithshëm të Agjencisë Kombëtare të Ujësjellës-Kanalizimeve, inxhinierit të njohur Flauers Shoshi, i cili prej disa ditësh e netësh gjendet në krye të operacionit të vështirë, po bëjnë të pamundurën për ta mbyllur këtë plagë të hapur në trupin e Vlorës prej një mine të vjetër nga një kohë e zezë për Vlorën

Vlonjatëve të mi u them ndjesë për tërë këtë peripeci të pamerituar dhe siç thoshin gjyshet tona plasi më në fund edhe syri i keq pas tërë këtyre viteve të mira për Vlorën, e ja që kush i do të keqen Vlorës, veç të keqen do i marrë.

The post Protesta për ujin në Vlorë/ Reagon Rama: Vlonjatëve të mi u kërkoj ndjesë… appeared first on Albeu.com.

Edhe pse Policia ka tentuar nëpërmjet krerëve të saj të negociojë, ata refuzojnë, duke kërkuar praninë e kryetares së sapozgjedhur të Bashkisë, Brunilda Mersini, që të flasë me ta.

Nëndrejtori i Policisë së Vlorës, Shpëtim Hasanaliaj, ka tentuar të negociojë me ta, por pa sukses.

Ai u ka kërkuar banorëve të lirojnë rrugën, kërkesë që nuk është pranuar prej tyre, duke kërkuar dhënie llogari dhe theksuar se edhe ministrja Balluku e institucionit të linjës, ndodhet nën hetim për vete.

“Ne nuk ikim nga sheshi nëse nuk vjen kryetarja e Bashkisë. Kemi kaq ditë me gënjeshtra! Ku janë deputetët! Duam ujë! Kujt ti kërkojmë llogari Balluku është nën hetim si hajdute me çizme për vete”, ishin disa nga thirrjet e tyre.

Prej orësh ata qëndrojnë në mes të rrugës dhe kanë bllokuar lëvizjen e mjeteve në shenjë proteste.

Një pjesë tjetër kanë dëmtuar tabelat e investimeve të infrastrukturës dhe ujësjellës-kanalizimeve nga kompanitë e ndryshme, duke deklaruar se “ja ku shkonin lekët e tyre”.

The post Protesta për ujin, shpërthejnë banorët: Kujt t’i kërkojmë llogari, Balluku si hajdute me çizme është nën hetim për vete appeared first on Albeu.com.

Autori i vrasjes Xhesion Toromeni u arratis menjëherë nga vendngjarja, por më vonë u kap nga policia.

Nga hetimet paraprake dyshohet se shtetasi Xhesion Toromeni e ka vrarë shtetasin Besmir Kumria, pasi familjet e tyre kanë pasur konflikte të vazhdueshme për një kanal vaditës në fshat.

Fqinjët thonë se viktima ishte një njeri i qetë dhe jo konfliktual dhe punëtor.

Ndërsa e afërmja e Besmir Kumriajt nuk nxitoi në deklaratë teksa tha s enuk kishte dijeni për konfliktin.

“Besmir Kumrian e kam djalin e mbesës. Nuk di gjë për vijën e ujit.

Ne morëm vesh që u qëllua në lokal nga një njeri i panjohur. Ishte djalë i mirë dhe punëtor, por nuk po dimë gjë se u bënë njerëzit si bagëtia”, tha banorja.

“Ishte djalë i mirë, s’qe gërvishtur me askënd kurrë”, shprehet fqinji.

The post VIDEO/ “U bënë njerëzit si bagëti” – Vr*sja për kanalin e ujit në Divjakë, flasin fqinjët: Ishte djalë i mirë, s’qe gërvishtur me askënd appeared first on Albeu.com.