Teksa ngre pyetjen se “kur do të flasim?”, Açka e cilëson këtë çështje si “genocidin e ujit”.

Sipas Açkës nëse kjo do të ndodhte një vend tjetër, banorët do të kishin dalë të protestonin natë e ditë deri në dorëheqjen e kryebashkiakut, ekspertët do të kërkonin kthimin e parave tek qytetarët për rritjen e çmimit të ujit në këto vite, prokuroria do kishte nisur investigimin për të gjetur fajtorët dhe media do t’i kushtonte të paktën disa emisione.

Reagimi i Açkës

Kur do të flasim për “genocidin” e ujit?

Në një vend normal, kur Gjykata Administrative e shpall ujin që pijnë qytetarët e Tiranës të papijshëm dhe të dëmshëm për shëndetin e banorëve:

Këta banorët, pra ca nga këta banorët, do të protestonin ditë e natë para Bashkisë, derisa shtetari brenda saj që i ka mashtruar me vite nëpër intervistat e tij, të jepte dorëheqjen.

Një tjetër grup që çoç marrin vesh nga ekonomia, do të kërkonin të kthehej rritja madhe e çmimit të ujit, sepse qytetarët paskan paguar për të zezë të vet.

Një prokurori patriote, e cila do që shqiptarët të mos vriten nga “genocid i i ujit”, do të kishte nisur menjëherë investigimin dhe duhet t’ia thotë qytetarëve se kush janë fajtorët e ujit të papijshëm të Tiranës.

Një Opozitë, e cila me qytetarët ka marrëveshjen politike ta luftojë të keqen e këtij vendi, edhe mes halleve që ka këto ditë, duhet t’u thotë dy fjalë për ujin që po u mbin kërpudha në trup.

Një qeveri dinjitoze si e jona, do të kishte dalë e t’i bënte ca batuta e t’i bullizonte qytetarët e të mos e merrnin për kaq të madhe se ka edhe të pëgëra uji që pijnë ata, se fundja i forcon ndaj ndonjë vale tjetër virusi dhe t’ia dinë asaj për nder.

Një media më e përgjegjshme, nuk do të jepte vetëm lajmin, por do t’i kushtonte ca emisione, do të thërriste ca specialistë e t’ua shpjegonin qytetarëve. Ndonjë nga ato talk shoë të mbrëmjes le t’i linin pushim një natë ngrehalucët politikë, e zahmet t’i kushtojnë një mbrëmje ujit. Sigurisht, mbase e kanë vështirë nga “besa” që kanë me kryemgrehalucin e bashkisë, por bëhet fjalë edhe për ta dhe fëmijët e tyre.

The post Jashtë parametrave të konsumit, Açka: Kur do të flasim për “genocidin” e ujit? appeared first on Albeu.com.

Me një vendim të paprecedentë, Gjykata ka ngarkuar shoqërinë civile të “mbikëqyrë” shoqërinë shtetërore Ujësjellës Kanalizime Tiranë sh.a, në masat që do të ndarmarrë në përmirësimin e cilësisë së ujit.

Në vitin 2017, “Qendra Res Publika” dhe shoqata “Impetus” iu drejtuan gjykatës së Tiranës për të detyrua ndërmarrjen e Ujësjellës Kanalizime të ndërmarrë masave që garantojnë cilësinë e ujit të pijshëm në qytetin e Tiranës.

Sipas, akt-padisë, në zona të ndryshme të Tiranës, niveli i escherichia coli (bakter i dëmshëm për shëndetin) është më shumë se norma e lejuar sipas rregullores për ujin e pijshëm.

E njëjta gjë ndodh dhe me nivelin e streptococci faecal, bakter i dëmshëm për shëndetin, ndërsa niveli i Klorit (kimikat) rezulton shpesh herë të jetë mbi 0.5 (norma maksimale e lejuar nga VKM nr. 379, dt. 25.05.2016.

“Ka rezultuar se analizat mikrobiologjikë apo kimikë që garantojnë cilësisë së ujit të pijshëm. janë bërë nga një laborator i pa akredituar, duke mos dhënë asnjë garanci për asnjë parametër“-thuhet në akt-padi.

Pas katër vjetësh betejë ligjor, Qendra Res Publika ia ka dalë të sigurojë nga gjykata një vendim, të paprecedent, i cili do të ndikojë në përmirësimin e cilësisë së ujit në kryeqytet.

Gjykata urdhëroi Ujësjellës Kanalizime Tiranë sh.a. të monitorojë dhe të analizojë të gjitha parametrat e ujit të pijshëm në Tiranë. Sipas vendimit, ndërmarrja e Ujësjellës– Kanalizime është e detyruar që këto rezultate të analizave ti dërgojë në Institutin e Shëndetit Publik, për të përcaktuar masat që duhet të merren për të përmirësimin cilësisë së ujit.

Po kështu, gjykata urdhëroi ndërmarrjen Ujësjellës –Kanalizime Tiranë të raportojë tek “Qendra Res Publika“ dhe shoqata “Impektus” rezultatet periodike të analizave si dhe masat që do të ndërmarrë, kjo ndërmarrje që do të çojnë në garantimin e cilësisë së ujit të pijshëm.

Avokati Dorian Matlija e konsideroi vendim si një hap të rëndësishëm që do të ndikojë në përmirësimin e gjendjes së furnizimit me ujë të pijshëm të kryeqytetit.

“Tashmë kemi dhe një vendim gjykate e cila pranon dhe zyrtarizon se uji i pishën nuk ka parametrat e duhura në Tiranë. Ajo që kemi fituar është, si të thuash, ne jemi bërë auditues të shoqërisë shtetërore, Ujësjellës Kanalizime Tiranë, të cilët gjykata i urdhëron, jo vetëm bëjë analizuat periodike të ujit të pijshëm por të na vërë në dijeni dhe ne si paditës, “Qendrës Res Publika dhe shoqatën e “Impektus” për rezultate dhe hapat që ajo do të ndërmarrë në përmirësimin e cilësisë së ujit”-deklaroi pas vendimit të gjykatës Administrative të Tiranës, avokati Dorian Matlija./tpz

The post Vendimi i Gjykatës: Uji që furnizohet Tirana nuk është i sigurt për t’u pirë appeared first on Albeu.com.