“Dosjen do ta çoj në SPAK”, u tha ajo.

Me një ton të ashpër, që më shumë tingëllonte si i një prokuroreje në hetuese, Balluku iu drejtua vartësve të saj me akuzë të rënda, referuar një situate kur një numër shumë i madh i punonjësve të Ujësjellësit në Vlorë kanë fituar në gjykatë shifra shumë të mëdha pasi kanë pretenduar se nuk u janë paguar 2% në vit për vjetërsinë në punë, kompensimin ushqimor apo edhe përqindje për grupin e diplomës.

“Të gjitha dosjet janë gati. Përdorini tani ata avokatë për t’u mbrojtur, edhe ata avokatë duhet të mbrojnë veten”, tha ministrja e Infrastrukturës dhe Energjisë.

Deri më tani janë 30 paditë, ndërsa po përgatiten edhe dhjetëra të tjera, teksa për të gjithë ata që kanë fituar bëhet fjalë për shifra që janë rreth 100 mln lekë të vjetra secili dhjetë herë më shumë nga shifra që i takon sipas Ballukut.

“Pretendoni që nuk të është paguar vjetërsia në punë, por nuk të mjafton kjo. Në të gjitha rastet të llogaritura nga ne shkon në 1 mln deri në 2 mln të vjetra, me shtesat që i kanë bërë paditësit ka arritur në 100 mln të vjetra, është marrë në gjykatë për një punonjës.  Nga gjykata kanë marrë edhe 14 mijë lek në muaj për diplomën e nivelit të lartë, që në fakt VKM parashikon vetëm për ata me DAP.  Këtë e dinë shumë mirë ata që kanë bërë skemën, deri te gjyqtari. Me kod pune shumica e atyre që kanë paditur e kanë çështjen të parashkruar se kanë dalë në pension prej vitesh”, vijoi ai.

Vartësve i tha se është vërtetuar se bëhet fjalë për një skemë të mirëfilltë, e ngjizur nga disa duar, e mbrojtur nga disa duart, me shkelje ligjore, duke përmendur edhe ekzekutimin e vendimeve gjyqësore që në shkallë të parë.   Duke përmendur edhe juristët e institucionit të cilët sipas saj paralelisht me gjoja mbrojtjen e UKV ishin pjesë e skemës, kërcënimin e kishte të drejtëpërdrejtë.

“Secili prej jush që i ka hyrë kësaj skemë, i keni hyrë detit në këmbë. Do përgjigjeni të gjithë, do të ktheheni në shembull se çfarë ndodh kur ka grup të strukturuar. Ky është grup i strukturuar, i cili ka vepruar në bashkërendim të plotë në kurriz shqiptar dhe në kurriz të popullit të Vlorës…. S’ka ardhur njeri t’ju thotë të rrini apo të ikni nga puna, atë e dini vetë. E dini mirë kush ka shkelur ligjin”, kërcënoi ministrja.

The post Paditën ujësjellësin e Vlorës dhe fituan, Balluku-vartësve në Vlorë: Do ju çoj në SPAK, ju bëj shembull! Jeni grup kriminal appeared first on Albeu.com.

Gjatë fjalës së tij, Rama tha se e kanë gati projektin e ujësjellësit për Shirokën dhe Zogajn, por i pengon Bashkia që nuk i jep lejen.

https://www.facebook.com/ediramaal/videos/1863643740673025

“E kemi bërë projektin për ujësjellës, e kemi lidhur kontratën për të nisur punën. Bashkia Shkodër nuk na jep lejen. Nuk jep lejen të të vijë uji dhe me sa më rezulton jo vetëm që shkon në çezmat e të gjithëve, nuk më rezulton që kur duan ujë, e duan blu, por e duan të pastër. Kurse ata duan që demokratë e socialistë të kenë etjen blu. Kjo është mesjeta e thellë në mendjen e atyre që drejton sot bashkinë. Kurdo që kemi pasur mundësi të bëjmë punë për Shkodrën, e kemi bërë.

Nuk e di si funksionon në mendjen e ndonjë të djathti por s’më ha mendja të jetë llogaria e saktë që do njeri të shkojë në Velipojë duke u futur nëpër gropa. Dhe e bëmë rrugën Shkodër-Velipojë. Edhe atë të Thethit ne e bëmë.

Në Belsh ka më shumë turistë se në Shkodër, është turp. në Belsh punon bashkia kurse këtu nuk pastrohen as rrugët, as koshat e plehrave”, tha Rama.

The post Rama: Projektin për ujësjellësin e Shkodrës e kemi gati, por bashkia nuk na jep lejen appeared first on Albeu.com.

Sot SPAK ka dalë me një njoftim zyrtar ku bën me dije se përveç Allës, janë arrestuar dhe 10 zyrtarë të tjerë të Bashkisë Bulqizë.

Tenderi që çoi pas hekurave Allën së bashku me zyrtarët është ai i ndërtimit të ujësjellësit të lagjes së vjetër, Bulqizë, me vlerë 322.439.000 lekë të rinj.

Alla në bashkëpunim me nënkryetaren e Bashkisë, dhe punonjësit e tjerë, si specialiste e prokurorimeve, anëtarët e KVO, kanë bërë të mundur që këtë tender ta fitonte me dokumentacion BOE Egland shpk dhe BE-IS shpk, duke krijuar avantazhe për këtë subjekt gjatë procedurës së prokurimit. Në një kohë që nga hetimi ka dyshime të arsyeshme të bazuara, se punimet janë kryer nga OE 2AF Albania shpk, lidhje shoqërore e kryetarit të Bashkisë.

Me kërkesë të Prokurorisë, Gjykata e Posaçme e Shkallës së Parë Për Korrupsionin dhe Krimin e Organizuar me vendimin nr.21 datë 14.03.2023 ka caktuar masat e sigurimit “arrest në burg” për shtetasit:

Lefter Alla, si person i dyshuar për kryerjen e veprave penale “Shkelja e barazisë së pjesëmarrësve në tendera apo ankande publike”, parashikuar nga neni 258/2 e 25 i Kodit Penal dhe “Shpërdorimi i detyrës”,parashikuar nga neni 248 i Kodit Penal.

Enkeleda Lleshi, si person i dyshuar për kryerjen e veprës penale “Shkelja e barazisë së pjesëmarrësve në tendera apo ankande publike”, parashikuar nga neni 258/2 e 25 i Kodit Penal dhe “Shpërdorimi i detyrës”,parashikuar nga neni 248 i Kodit Penal.

Rubin Kola, si person i dyshuar për kryerjen e veprës penale “Shkelja e barazisë së pjesëmarrësve në tendera apo ankande publike”, parashikuar nga neni 258/2 e 25 i Kodit Penal.

Erion Isaku, si person i dyshuar për kryerjen e veprës penale “Shkelja e barazisë së pjesëmarrësve në tendera apo ankande publike”, parashikuar nga neni 258/2 e 25 i Kodit Penal.

Leonard Daci, si person i dyshuar për kryerjen e veprës penale “Shkelja e barazisë së pjesëmarrësve në tendera apo ankande publike”, parashikuar nga neni 258/2e 25 i Kodit Penal.

Arsen Gjoka, si person i dyshuar për kryerjen e veprës penale “Shkelja e barazisë së pjesëmarrësve ne tendera apo ankande publike”, parashikuar nga neni 258/2 e 25 i Kodit Penal

Kujtim Zogu, si person i dyshuar për kryerjen e veprës penale “Shkelja e barazisë së pjesëmarrësve në tendera apo ankande publike”, parashikuar nga neni 258/2 e 25 i Kodit Penal.

Denis Xholi, si person i dyshuar për kryerjen e veprës“Shkelja e barazisë së pjesëmarrësve në tendera apo ankande publike”, parashikuar nga neni 258/2 e 25 i Kodit Penal.

Rasim Daci, si person i dyshuar për kryerjen e veprës penale “Falsifikimi i dokumenteve”, parashikuar nga neni 186/2,3 i Kodit Penal.

Dalo Gazidedja, si person i dyshuar për kryerjen e veprës penale “Falsifikimi i dokumenteve”, parashikuar nga nenet 186/2,3 të Kodit Penal.

Aqif Konesha si person i dyshuar për kryerjen e veprës penale “Falsifikimi i dokumenteve”,parashikuar nga neni 186/2,3 i Kodit Penal.

Gjithashtu me vendimin nr.21 datë 14.03.2023 Gjykata ka caktuar masën e sigurimit “arrest në shtëpi”, për shtetasit:

Kastriot Ibrahimaj, si person i dyshuar për kryerjen e veprës penale “Falsifikimi i formularëve”,parashikuar nga neni 190/1 i Kodit Penal.

Ana Nishku, si person i dyshuar për kryerjen e veprave penale “Falsifikim i dokumenteve”, parashikuar nga nenet 186/2,3 të Kodit Penal.

Policia e Shtetit ka ekzekutuar në datën 16.03.2023 masat e sigurimit të caktuara nga Gjykata me vendimin nr.21 datë 14.03.2023.

Gjithashtu në zbatim të vendimit nr.124 dt 15.03.2023 Policia Gjyqësore Pranë Policisë së Shtetit ka ushtruar kontrolle në disa banesa dhe zyra të subjekteve të hetuar dhe të tjerë.

Arrestimi i Allës, vjen dy muaj nga zhvillimit të zgjedhjeve lokale që do të mbahen më 14 majit.

Ai akuzohet për korrupsion dhe abuzim me tenderat publikë gjatë kohës që ka qenë në krye të bashkisë.
Burime për AlbEu.com bëjnë me dije se policia dhe BKH mësynë dje në shtëpinë e vëllait të Allës.

Nuk dihet se pse BKH ka kryer kontrolle në banesën e shtëpisë së Lefter Allës.

Kjo nuk është hera e parë që Alla përballet me institucionet e drejtësisë, pasi pak vite më parë PD e akuzoi për konsum kokainë në një lokal, ku shfaqi edhe një video si provë.

Por vetë Alla hodhi poshtë akuzat dhe tha se ajo është montazh. Ndërkohë nga përgjigjet e analizave të kryera pranë laboratorit të policisë shkencore rezultoi se nuk ishte konsumues i lëndëve narkotike

The post Ky është tenderi që çoi pas hekurave kryebashkiaun e Bulqizës, Lefter Alla appeared first on Albeu.com.

Sipas Prokurorisë, Ledio Çela, Andi Kupa dhe Ervin Karafili, me veprimet dhe mosveprimet e tyre kane lejuar ndotjen e ujit të pijshëm.

Kujtojmë se në fund të tetorit, janë helmuar më shumë se 500 banorë në Krujë, të cilët kanë marrë shërbim shëndetësor në spital.

Pas daljes së rezultatit të analizave, u mësua se uji kishte ngarkesë bakteriale të escherichia coli dhe streptokokut fekal. Qytetarët e Krujës u helmuan nga uji i pijshëm që është përzier me të zezat.

The post Helmimi masiv në Krujë, Apeli lë në fuqi pezullimin nga detyra për 3 zyrtarët appeared first on Albeu.com.

Bushati shkruan në Facebook se, pas 9 vitesh Rama zbulon krizën në ujësjellës.

Sipas tij, ngjarja në Krujë ku u helmuan qindra banorë, nxori në pah punët elektorale, pa cilësi dhe të dëmshme të rilindjes.

“Pas 8 viteve në pushtet, Rama ka mësuar se gjendja e Ujësjellësave është e rëndë.

Më parë deklaronte se ka bërë më shumë se gjithë qeveritë të marra bashkë, por sot po i rezulton dështim.

Ngjarja në Krujë ku u helmuan qindra banorë, nxori në pah punët elektorale, pa cilësi dhe të dëmshme të rilindjes.

Prej 30 muajsh ai ka nën kontroll edhe çdo bashki tashmë, me kryetarë të emëruar prej tij.

I kujt është faji? Kush mban përgjegjësi?

Ish-drejtuesit e fundit te Ujësjellësave ti i ke promovuar, i ke bërë deputetë e zyrtarë akoma më të lartë.

E vërteta është se ky sistem është sot në këtë pikë, sepse i ngjan kryekeput dhe është pjellë e rilindjes, e qeverisjes për përfitime, për interesa, e për vota”, shkruan Bushati./albeu.com

The post Helidon Bushati: Kriza e ujësjellëseve, pjellë e rilindjes dhe qeverisjes për përfitime appeared first on Albeu.com.

Për të mos përmendur këtu që edhe ajo që shkon në rubitetet e kryeqytetasve është ujë që maksimumi mund të përdoret për të bërë dush apo të pastrojë sifonin pas jashtëqitjes pasi as pihet dhe as mund të vlejë për gjë tjetër.

Megjithatë, UKT nuk kursehet për t’i mbushur mendjen tiranasve se sa shumë mirë kanë punuar këto vite, edhe pse të gjithë e kanë parë tashmë se përveç problemeve të mësipërme dhe abuzimeve me tenderët, një pjesë e mirë e pagesave që bëjnë qytetarët e Tiranës shkojnë në xhepat e personave publik për të blerë influencë në rrjetet sociale.

Sëfundmi UKT ka bërë një spot me në qendër Alban Skënderajn duke i bërë thirrje qytetarëve të Tiranës që të mos e shpërdorojnë ujin. Nuk ka të dhëna se sa ka kushtuar ky spot pasi kemi të bëjmë me një institucion që nuk shquhet për transparencë edhe kur jep rroga për të blerë dy rreshta lëvdata në Facebook, megjithatë duhet thënë se Alban Skënderaj është një këngëtar dhe figurë publike jo dhe aq i lirë.

Dhe sëfundmi, që ta kursesh ujin, duhet ta kesh. Si fillim, UKT duhet të harxhojë në drejtimin e duhur thasët me para që merr çdo muaj nga tiranasit duke rritur cilësinë e furnizimit dhe më pas të na mbushë mendjen me propagandë se gjoja duhet të kursejmë (atë që nuk e kemi?)ujin!/albeu.com

The post QESHARAKE/ UKT, miliona Alban Skënderajt për të kursyer ujin që nuk e kemi appeared first on Albeu.com.

Sot, banorët e Vodës kanë dalë në protestë pro ndërtimit të ujësjellësit, ndërsa menjëherë janë mbledhur edhe ata të Lumasit, duke i kundërshtuar.

Mes banorëve të dy fshatrave ka pasur përplasje fizike. Ata kanë goditur njëri-tjetrin.

Kujtojmë se disa banorë të Lumasit kanë hyrë në grevë urie dhe kanë thënë se nuk do të ndalen derisa punimet në burimin e Sincit për ndërndrimin e ujësjellësit të ndalen.

Banorët e Lumasit thonë se burimi i Sinecit për ta është jeta, ndërsa ata të Vodës thonë se burimi është pronë publike./albeu.com

The post Ujësjellësi fut në sherr banorët e Lumasit me ato të Vodës, përplasen fizikisht me njëri-tjetrin (VIDEO) appeared first on Albeu.com.