Ministri i Shëndetësisë, Sasho Klekovski, deklaroi se në Gostivar nuk do të shpallet gjendje epidemike pa u përcaktuar fillimisht shkaku i problemeve gastrointestinale të paraqitura te qytetarët.

Sipas tij, institucionet shëndetësore duhet të mbledhin më shumë informacione përmes anketave epidemiologjike, në mënyrë që të zbulojnë burimin e infeksionit.

Klekovski u bëri thirrje qytetarëve që t’u përgjigjen ekipeve epidemiologjike dhe të bashkëpunojnë me to, duke theksuar se të dhënat e pacientëve janë thelbësore për identifikimin e shkaktarit.

“Në hetimin epidemiologjik janë përfshirë më shumë institucione dhe po zhvillohen më shumë lloje analizash për të përjashtuar të gjitha mundësitë – nga metalet e rënda, parazitët, viruset e bakteret. Deri tani anketë epidemiologjike kanë plotësuar vetëm 19-të qytetarë, u apleoj qytetarëve të përgjigjen pozitivisht ndaj ftesave të shërbimeve epidemiologjike të Gostivarit dhe të bashkëpunojnë me ta. Na duhen shumë më tepër anketa epidemiologjike për të gjetur shkaktarin dhe për të lidhur burimet e mundshme të infeksionit”, tha Klekovski.

Ai shtoi se nuk mund të japë një vlerësim për situatën, pasi hetimi i rastit është në kompetencë të epidemiologëve.

“As unë dhe as drejtoresha e ndërmarrjes publike nuk mund të përcaktojmë shkaktarin. Për këtë janë epidemiologët. Ekziston Qendra e Shëndetit Publik dhe Instituti i Shëndetit Publik dhe duhet të pritet vlerësimi i tyre. Mund të them jozyrtarisht se gjasat që 1.000 persona të helmohen nga ushqimi janë shumë të vogla. Për më tepër, kjo situatë po zgjat tashmë katër ditë, prandaj, sipas logjikës sime, ushqimi mund të përjashtohet si burim i mundshëm”, tha Klekovski.

The post Klekovski u kërkon banorëve të Gostivarit bashkëpunim në anketat epidemiologjike appeared first on Albeu.com.

Kryeministri Hristijan Mickoski ka reaguar lidhur me situatën në Gostivar, ku shumë qytetarë kanë raportuar shqetësime në stomak. Ai deklaroi se institucionet kanë ndërmarrë veprimet e nevojshme dhe se rasti do të shoqërohet me përgjegjësi.

Sipas tij, të gjitha organet kompetente ndodhen aktualisht në terren, ndërsa po analizohen mostra të ujit. Mickoski bëri të ditur gjithashtu se për çështjen ka nisur procedurë edhe Prokuroria.

“Në këtë moment të gjitha institucionet janë në terren, po merren masa, po testohen mostra nga uji dhe kemi një proces që po e udhëheq edhe Prokuroria. Mendoj se shumë shpejt do të dalin informacion rreth asaj që ka ndodhur, kush dha urdhër që kjo të ndodhë dhe, natyrisht, do të ketë përgjegjësi”, theksoi Mickoski.

Ai e cilësoi tronditës që persona të caktuar të veprojnë pa përgjegjësi, duke nënvizuar sërish se rasti nuk do të mbetet pa pasoja.

“Rasti nuk do të shkojë kështu. Vërtet nuk mund ta kuptoj se si disa njerëz mund të sillen kaq në mënyrë të papërgjegjshme dhe paturpësi. Është thjesht e pabesueshme se si i pranojnë këto gjëra kaq lehtë dhe si vendosin të bëjnë gjëra të tilla. Për mua, e gjithë kjo është tronditëse dhe thjesht e pabesueshme, gjithçka që dikush bëri atje. Por do të ketë përgjegjësi, sigurisht, dhe kjo përgjegjësi normalisht do të duhet të përcaktohet më tej në kuadër të proceseve ligjore”, tha kryeministri Mickoski.

The post Mickoski paralajmëron përgjegjësi për problemet me ujin e pijshëm në Gostivar appeared first on Albeu.com.

Inspektorët e Zyrës së Jashtme për Punë Kriminalistike në Gostivar kanë dalë dje, më 16.07.2026, në fshatin Vërtok, ku rreth orës 18:20 kanë nisur veprime urgjente në terren lidhur me dyshimet për ndotje të ujit që furnizon qytetin e Gostivarit. Veprimet janë ndërmarrë me urdhër të prokurorit publik nga Prokuroria Themelore Publike e Gostivarit.

Sipas SPB Tetovë, dyshohet se Ndërmarrja Publike “Ujësjellësi”, bashkë me Komunën e Gostivarit, ka vendosur tre pompa në shtratin e ujërave të ndotura. Përmes tyre, sipas dyshimeve, ujë është dërguar drejtpërdrejt në gypin kryesor të furnizimit të qytetit.

Njoftimi i SPB Tetovë thekson se veprimi dyshohet të jetë kryer për të shtuar presionin në rrjet, për shkak të mungesës së ujit të pijshëm, duke vënë në rrezik të drejtpërdrejtë shëndetin e banorëve të Gostivarit.

Policia njofton se po zhvillohen të gjitha procedurat e nevojshme për sqarimin e plotë të rastit, nën dyshimin për veprën penale “Ndotja e ujit të pijshëm”, e cila parashihet dhe dënohet me nenin 219 të Kodit Penal.

Përveç policisë dhe prokurorisë, në procedurën hetimore janë angazhuar edhe Instituti i Shëndetit Publik, Agjencia e Ushqimit dhe Veterinarisë, Inspektorati Shtetëror i Mjedisit Jetësor dhe një ekspert i licencuar. Ky i fundit do të bëjë vlerësimin profesional të sistemit që dyshohet se është vendosur në mënyrë të kundërligjshme.

The post SPB Tetovë heton dyshimet për futjen e ujit të ndotur në ujësjellësin e Gostivarit appeared first on Albeu.com.