Burime të rojes bregdetare thanë se aktualisht një numër i madh mjetesh lundruese po lëvizin nga Libisë drejt Kretës, duke reflektuar presionin në rritje të fluksit të migrantëve në këtë rrugë detare.

Operacioni më i madh u zhvillua dje në jug të Kretës, ku 192 persona, mes tyre 42 të mitur, u shpëtuan nga një anije peshkimi dhe u transportuan në tokë. Sipas dëshmive të emigrantëve, ata ishin nisur nga brigjet libiane dhe kishin paguar rreth 3 000 dollarë secili tek trafikantët për kalimin drejt Evropës.

Rruga detare prej rreth 300 kilometrash nga Libia drejt Kretës po përdoret gjithnjë e më shumë nga rrjetet e kontrabandës së emigrantëve. Ministri grek i Migracionit, Thanos Plevris, deklaroi së fundmi se më shumë se gjysmë milioni njerëz ndodhen aktualisht në Libi duke pritur mundësinë për të udhëtuar drejt Evropës.

Ndërkohë, parlamenti grek ratifikoi mbrëmë rregullat e reja të Bashkimit Evropian për migracionin dhe azilin. Ligji pritet të hyjë në fuqi të premten dhe parashikon, ndër të tjera, krijimin e qendrave të pritjes në vende jashtë Bashkimit Evropian.

Autoritetet greke kanë nisur bisedime me dy shtete afrikane për zbatimin e këtyre masave, ndërsa Athina përballet me një rritje të vazhdueshme të mbërritjeve të emigrantëve nga brigjet e Afrikës Veriore.

The post Shpëtohen qindra emigrantë në ujërat pranë Kretës appeared first on Albeu.com.

Ministri i Brendshëm i Turqisë, Ali Gerlikaya, në një postim në platformën X ka konfirmuar se në zonë janë gjetur trupat e shtatë personave.

Ai raportoi gjithashtu se roja bregdetare turke shpëtoi  gjithsej 19 emigrantë të paligjshëm, 18 prej tyre nga një ishull ngjitur, ndërsa një person tjetër u shpëtua nga një anije peshkimi në zonë.

The post Tragjedi në ujërat turke, humbin jetën shtatë emigrantë të paligjshëm appeared first on Albeu.com.