George Kamurasi, portieri i ekipit londinez të kategorive të ulëta SE Dons, ka vendosur të mos pranojë fronin e mbretërisë afrikane të Tooro-s, një prej mbretërive tradicionale që ende ekzistojnë në Ugandë.

Ai ishte mes kandidatëve për të trashëguar Mbretin Oyo Nyimba Kabamba Iguru Rukidi IV, i cili vdiq në moshën 34-vjeçare në Shtetet e Bashkuara të Amerikës, ku po trajtohej për një formë agresive të kancerit. Rukidi IV ishte kushëri i Kamurasit.

Portieri zgjodhi të mos e merrte përsipër detyrën, ndaj pasardhësi i fronit u bë Edward Rukidi Kijanangoma, redaktor dhe prezantues i lajmeve në televizionin shtetëror të Ugandës.

Refuzimi i tij tërheq vëmendje edhe për faktin se Kamurasi vijon të luajë futboll në Angli. Ai mbrojti portën e SE Dons në përballjen kualifikuese të FA Cup ndaj Erith Town, ndeshje të cilën skuadra londineze e fitoi 2-0.

Pas vendimit për të mos marrë fronin, Kamurasi pritet të qëndrojë në Angli dhe të vijojë karrierën e tij sportive, ndërsa mbretëria e Tooro-s tashmë ka caktuar pasardhësin e saj.

Kush ishte Mbreti Rukidi IV?

Oyo Nyimba Kabamba Iguru Rukidi IV humbi jetën rreth 20 ditë më parë në SHBA, në moshën 34-vjeçare, pas përballjes me një formë agresive të kancerit.

Varrimi i tij u zhvillua të shtunën e kaluar, në të njëjtën ditë kur, në rrethana të tjera, ai do të festonte përvjetorin e kurorëzimit.

Rukidi IV u shpall mbret kur ishte vetëm tre vjeç, ndërsa ceremonia zyrtare e kurorëzimit u mbajt pasi ai mbushi 18 vjeç. Në kohën e vdekjes, ai njihej si monarku më i ri në botë.

Mbretëria e Tooro-s është një nga katër mbretëritë tradicionale që vazhdojnë të funksionojnë në Ugandë, megjithëse nuk ushtrojnë pushtet politik si një shtet sovran.

The post E zgjodhën si kandidat për mbret, por portieri i ligës së nëntë angleze zgjodhi të vazhdojë futbollin appeared first on Albeu.com.

Trupi i 24-vjeçares, e cila njihej në internet si Diana Skys, u gjet nga miqtë kur shkuan për të kontrolluar shtëpinë e saj dhe zbuluan se dera e apartamentit të saj ishte e hapur.

Sipas mediave lokale, Namulinde u gjet me shenja që përputhen me mbytje.

Deri më tani, autoritetet kanë identifikuar tre të dyshuar, ndërsa dy persona janë aktualisht në paraburgim.

Një nga të arrestuarit thuhet se është një roje sigurie, të cilit iu gjetën sende që besohet se janë vjedhur nga shtëpia e 24-vjeçares.

Namulinde kishte më shumë se 200,000 ndjekës në Instagram dhe TikTok, ku ndante përmbajtje rreth bukurisë, modës, stilit të jetës dhe udhëtimeve.

Në postimin e saj të fundit në Instagram, më 3 shkurt, një ditë para se të gjendej trupi i saj, 24-vjeçarja tregoi një pamje moderne të shoqëruar me mbishkrimin: “Dianah do të thotë dritë e përsosur. Perëndesha e zjarrit”.

 

View this post on Instagram

 

A post shared by Diana Skys (@ka_richwife)

The post E rëndë/ Influencuesja 24-vjeçare gjendet e pa jetë në banesën e saj appeared first on Albeu.com.

Në kuadër të hetimeve të Prokurorisë pranë Gjykatës së Shkallës së Parë të Juridiksionit të Përgjithshëm Fier në bashkëpunim me shërbimet e policisë gjyqësore të Drejtorisë Vendore të Policisë, u arrestuan pesë persona, dy shtetase nga Uganda, ‘tutori’ dhe bashkëpunëtorët e tyre për veprat penale “Trafikimi i personave të rritur”, “Mbajtja e lokaleve për prostitucion” kryer në bashkëpunim, “Shfrytëzimi i prostitucionit”,”Veprime që pengojnë zbulimin e së vërtetës” kryer në bashkëpunim, “Prodhimi, mbajtja, blerja apo shitja e armëve të ftohta” kryer në bashkëpunim dhe “Moslëshimi i kuponit tatimor” të parashikuar nga nenet 110/a/2, 115 dhe 25, 114/1 301 dhe 25, 279/2 dhe 25, 180/a/2 dhe 25 të Kodit Penal.

Pas një hetimi proaktiv disa mujor, Prokuroria pranë Gjykatës së Shkallës së Parë të Juridiksionit të Përgjithshëm Fier, dokumentoi veprimtarinë e jashtëligjshme të trafikimit të personave të rritur organizuar nga shtetasi O.P. administruar nga shtetësja K.H.

Vajzat e trafikuara së fundmi ishin nga Uganda, të cilat kishin hyrë në vendin tonë në muajin mars 2024. Ato rekrutohen fillimisht si kërcimtare “strip dance” dhe më pas duke përfituar nga kushtet ekonomike dhe sociale pranonin kryerjen e shërbimeve seksuale në zonën “prive” të lokalit. O.P., duke patur si qëllim të pengojë zbulimin e së vërtetës, gjatë periudhës së hetimeve pasi ka mbyllur për disa kohë lokalin, ka përdorur shtetasen O.G. si qerramarëse dhe administratore fiktive.

Edhe në këtë rast, shtetasi O.P. përdor një person vulnerabël, një vajzë me probleme familjare e sociale. Bashkëpunëtorja e tij K.H. menaxhonte lokalin, vajzat e punësuara ndërsa paratë e fituara ia dorëzonte organizatorit. Gjatë kontrolleve u sekuestruan 611,000 Lekë, shuma parash në monedha të tjera dhe dy doreza përforcuese grushti metalike.

EMRI/ Arrestohet 34-vjeçari i rrezikshëm në Korçë
Gjykata e Shkallës së Parë e Juridiksionit të Përgjitshëm Fier miratoi kërkesat e Prokurorit dhe caktoi masat e sigurimit “arrest në burg” për organizatorin O.P. dhe bashkëpunëtoren K.H., “detyrim për t’u paraqitur pranë policisë gjyqësore” për O.G. Për vajzat e huaja u caktua “detyrim për t’u paraqitur pranë policisë gjyqësore” dhe “ndalim i daljes jashtë shtetit”.

The post Trafikuan vajza nga Uganda me qëllim shfrytëzim prostitucioni, Prokuroria e Fierit arreston ‘tutorin’ dhe bashkëpunëtorët appeared first on Albeu.com.

Zyrtarët thanë se Sheikh Muhamed Abas Kirevu kishte rekrutuar për celulat e drejtuara nga Forcat Demokratike Aleate (ADF), rebelë që janë zotuar për besnikëri ndaj grupit të Shtetit Islamik.

Kujtojmë se të paktën 4 persona u vranë nga kamikazët që hodhën në erë veten në qytet të martën.

Më shumë se 30 të tjerë u plagosën në sulmin, për të cilin IS tha se ishte përgjegjës dhe zyrtarët fajësuan ADF-në./albeu.com

The post Pas sulmeve me bomba në Ugandë, forcat e sigurisë qëllojnë për vdekje klerikun mysliman të akuzuar për lidhje xhihadiste appeared first on Albeu.com.

Tre sulmues me motoçikleta hodhën veten në erë pranë parlamentit dhe selisë së policisë së qytetit.

Kampala Twin Explosion

-33 injured, five are critical
-Three attackers died as they detonated the bombs
-Three Ugandans died
-The explosions happened six minutes apart.
-Two bombs were defused before they exploded.
-Police officers among the injured.#NBSUpdates pic.twitter.com/A4bbmELaHW

— Daniel Lutaaya (@DanielLutaaya) November 16, 2021

Numri i të vdekurve ka gjasa të rritet, ndërsa zyrtarët fajësuan për sulmet Forcat Demokratike Aleate (ADF), një grup i armatosur me bazë në DR Kongo

Sulmet erdhën brenda tre minutave nga njëri-tjetri. Dhe shumë bomba janë gjetur në pjesë të tjera të qytetit, thanë zyrtarët.

Një sulmues i katërt është arrestuar. Atij i është gjetur një jelek shpërthyes, tha policia./albeu.com

The post Sulm me bomba në kryeqytetin e Ugandës, momenti kur kamikazët hedhin veten në erë (VIDEO) appeared first on Albeu.com.

BBC bën me dije se si pasojë e sulmit humbi jetën vajza e gjeneralit dhe shoferi i tij.

Zëdhënësi i ushtrisë deklaroi për mediat se Wamala është plagosur, por ndodhet jashtë rrezikut për jetën.

Sipas disa dëshmitarëve të cituar nga BBC, disa persona u afruan me motorë dhe qëlluan me armë zjarri në drejtim të automjetit me të cilin udhëtonin ministri i Transportit dhe vajza e tij, afër shtëpisë së tyre në Kampala, kryeqyteti i Ugandës.

Gjenerali është shtruar në spital, ku dhe po kurohet për plagët e marra, ndërsa ruhet nga forcat ushtarake.

“Ne kemi të dhëna në lidhje me identitetin e autorëve”, tha presidenti i Ugandës, Yoweri Museveni, ndërsa i konsideroi ata “derra” dhe “terroristë”.

The post Të shtëna me armë zjarri drejt ministrit të Ugandës, vritet vajza dhe shoferi i tij appeared first on Albeu.com.