Skuadra U-19 e Partizanit ka bërë një hap të rëndësishëm drejt kalimit në raundin pasardhës të UEFA Youth Champions League, turneu kryesor europian për të rinjtë, pasi fitoi 0-2 në transfertë kundër Valletta-s. Rrenga dhe Hyka realizuan golat e të kuqve, duke i siguruar ekipit një epërsi prej dy golash për sfidën e kthimit, e cila do të zhvillohet më 14 tetor në Tiranë.

Pas kësaj arritjeje historike të Partizanit, presidenti i Federatës Shqiptare të Futbollit, Armand Duka, reagoi përmes profilit të tij në Instagram. Kreu i FSHF-së përgëzoi të rinjtë për paraqitjen në fushë, ndërsa u uroi suksese si në takimin e kthimit, ashtu edhe gjatë vazhdimit të rrugëtimit europian.

Në mesazhin e tij, Duka shkroi: “Urime djemve të Partizanit U-19 për triumfin 2-0 ndaj maltezëve të Valletta-s në UEFA Youth League. Shumë suksese në ndeshjen e kthimit dhe në këtë rrugëtim europian”.

The post Partizani U-19 triumfon në Maltë, Duka uron të rinjtë dhe u dëshiron sukses në ndeshjen e kthimit appeared first on Albeu.com.