Vllaznia, kampionia e Shqipërisë, do të garojë në mini-turneun 6 të raundit të dytë të këtij kompeticioni. Në gjysmëfinale, ekipi shkodran do të luajë ndaj skuadrës që do të triumfojë në mini-turneun 5 të raundit të parë, ku marrin pjesë Flora (Estoni), Spartak Myjava (Sllovaki) dhe Mġarr United (Maltë).

Në gjysmëfinalen tjetër të mini-turneut 6, Apollon Ladies (Qipro) do të përballet me fituesen e mini-turneut 4, ku janë të përfshira Czarni Sosnowiec (Poloni), Athlone Town (Irlandë), WFC Nike (Gjeorgji) dhe Skopje 2014 (Maqedonia e Veriut).

Ndërkohë, Apolonia do të marrë pjesë në mini-turneun 2, ku në gjysmëfinale e pret një duel me skuadrën suedeze Hammarby, një prej emrave më të njohur të futbollit të vajzave në Europë.

Gjysmëfinalet e mini-turneve janë caktuar për datën 5 gusht, ndërsa finalet do të zhvillohen më 8 gusht. Ekipet që do të fitojnë secilin mini-turne do të avancojnë në fazën pasuese të UEFA Women’s Champions League.

Prania e KFF Vllaznisë dhe Apolonisë në kompeticionin më prestigjioz europian për klube në futbollin e vajzave konsiderohet një tjetër hap i rëndësishëm për futbollin shqiptar, duke dëshmuar ecurinë dhe zhvillimin e vazhdueshëm të këtij sektori gjatë viteve të fundit.

The post UEFA Women’s Champions League, Vllaznia dhe Apolonia njohin rivalet pas shortit në Nion appeared first on Albeu.com.

Sfida e parë mes Valur (Islandë) dhe Fomget Gençlik (Turqi) do të zhillohet më 6 shtator në stadiumin “Loro Boriçi” të Shkodrës duke nisur nga ora 10:00.

Ndërkaq, po më 6 shtator do të zhvillohet po në stadiumin “Loro Boriçi” edhe sfida tjetër mes Vllaznisë dhe Hajvalisë (Kosovë).

Dy fitueset e dala nga këto dy ndeshje do të luajnë një finale me njëra-tjetrën dhe vetëm një prej tyre do të avancojë për në raundin e dytë, ndërkohë që edhe dy skuadrat humbëse do të përballen në një sfidë të fundit për të kompletuar renditjen e grupit.

Më konkretisht, ndeshja mes ekipeve fituese të dy çifteve do të luhet më 9 shtator në Shkodër, duke filluar nga ora 18:00, kurse përballja mes dy ekipeve humbëse do të luhet në të njëjtën datë dhe starton në orën 10:00

Zhvillimi i ndeshjeve në Shqipëri është një avantazh për Vllazninë që synon sërish të përsërisë suksesin dhe të kualifikohet në fazën e grupeve të UEFA Women’s Champions League edhe këtë edicion.

Në raundin e parë të këtij kompeticioni marrin pjesë 41 skuadra, të ndara në 11 grupe, ku 8 prej tyre janë me nga katër skuadra ndërsa 3 prej tyre me tre ekipe.

UEFA Women’s Champions League

Kalendari i ndeshjeve të Grupit 7

6 shtator 2023

1. Valur (ISL) – Fomget Gençlik (TUR)

Ora 10:00, stadiumi “Loro Boriçi”

2. Vllaznia (ALB) – Hajvalia (KOS)

Ora 18:00, stadiumi “Loro Boriçi”

9 shtator 2023

Humbësja e çiftit 1 – Humbësja e çiftit 2

Ora 10:00, stadiumi “Loro Boriçi”

Fituesja e çiftit 1 – Fituesja e çiftit 2

Ora 18:00, stadiumi “Loro Boriçi”

The post UEFA Women’s Champions League, caktohen oraret & stadiumi i ndeshjeve të Grupit 7 që luhen në Shqipëri appeared first on Albeu.com.