“Spurs” nuk e zhvilluan takimin ndaj Rennes me nëntë dhjetor, shkaku që kishin raste të shumta me COVID-19, derisa të hënën, UEFA vendosi ta vlerësojë si ndeshje e dorëzuar në tavolinë dhe fitoren i’a dhuroi skuadrës franceze me rezultat zyrtar 3 – 0.

Kështu, Tottenhami e mbylli grupin si pozitë e tretë, prandaj edhe u eliminuan nga Liga e Konferencës, dhe këtë gjë Conte po e sheh si vendim i padrejtë, dhe bëri të qartë se klubi mund ta apelojë atë në CAS.

“Ky është një vendim i mahnitshëm. Është i padrejtë. E gjithë bota është e vetëdijshme se ne po përballemi me një problem serioz – koronavirusin. Ne nuk luajtëm pa fajin tonë, por për shkak të numrit të madh të të infektuarve, autoritetet vendosën të na ndalojë stërvitjen dhe të mbyllë bazën tonë.

UEFA e ka marrë këtë vendim, por ka edhe një hap, ne jemi të sigurt për të. E përsëris: ajo që ka bërë UEFA është e mahnitshme. Në shpjegimin e vendimit lexova se Tottenham nuk mund të luante për shkak të rasteve të infektimit me COVID. Unë nuk jam dakord me këtë. Por ata e morën këtë vendim.

Ne jemi absolutisht të sigurt në hapin tonë të ardhshëm. Ne e meritojmë të drejtën për të konkurruar për raundin tjetër në fushë, jo në gjykatë. Nuk mund ta pranoj. Në këtë drejtim, UEFA na zhgënjeu.

Ndoshta kjo zgjidhje do të thotë që dikush nuk është në dijeni të problemit me të cilin po përballemi. Ose ndoshta janë të përfshira interesat personale të dikujt”, tha Conte.

The post Pas eliminimit nga Liga e Konferencës, Conte: Vendimi i UEFA-s është i padrejtë appeared first on Albeu.com.

Rosetti i bëri këto komente pas golit të diskutueshëm të Mbappes në finalen e Ligës së Kombeve kundër Spanjës.

Sulmuesi francez ishte në pozicion jashtë loje, por megjithatë loja vazhdoi pasi mbrojtësi i Spanjës Eric Garcia u shtri për të kapur topin e Theo Hernandez dhe bëri një kontakt të lehtë.

Rosetti tha se referi kishte marrë vendimin e duhur, por tha se formulimi i ligjit duhej ndryshuar.

“Anthony Taylor mori një vendim të saktë bazuar në ligjin ekzistues dhe interpretimin e tij zyrtar”, tha italiani.

“Garcia ndërhyri qëllimisht për të luajtur topin dhe Mbappe nuk po ndërhynte në lojë”.

“Sidoqoftë, ky rast na tregon se interpretimi aktual i ligjit duket të jetë në kundërshtim me frymën e vetë ligjit, i cili do të parandalojë çdo lojtar të përfitojë nga pozicioni i tyre jashtë loje”.

Shefi i gjyqtarëve tha se ai kishte qenë tashmë në kontakt me organin ligjbërës të lojës, Bordin e Shoqatës Ndërkombëtare të Futbollit, për të diskutuar zgjidhjet në takimin e ardhshëm të panelit këshillues teknik.

The post Pas golit të Mbappes, shefi i gjyqtarëve të UEFA-s bën thirrje për përditësim të rregullit appeared first on Albeu.com.

Atëherë pse nuk është arritur ende rinovimi i kontratës? Negociatat, të ngadalësuara nga Kupa e Amerikës në të cilën lojtari është i angazhuar, por mbi të gjitha nga problemet ekonomike të klubit, tani llogaritin një ndryshore më shumë: presionin që La Liga po u bën katalanasve për të ulur në mënyrë drastike sasinë e pagave.

Kështu që, PSG dhe Mançester Siti përpiqen përsëri të provojnë për “Pleshtin” edhe nëse presidenti i Barçës, Joan Laporta, është i qetë: “Gjithçka po shkon mirë”.

PRERJE – Sipas disa burimeve nga mediat spanjolle, La Liga i ka kërkuar Barçës që të kalojë nga 347 milionë eurot që paguhen çdo vit në skuadër në rreth 160, një prerje e madhe dhe drastike që tashmë ka lindur zgjedhje të tilla si ajo e dhënies së “kartës së lirë” Pjaniçit, praktikisht duke e liruar lojtarin falas në mënyrë që të mos i mbulojë më pagën.

Rinovimi i Mesit përshtatet në këtë kontekst për të cilin Liga Spanjolle e Futbollit tashmë i ka thënë Barcelonës në mënyrë jozyrtare se nuk dëshiron të bëjë përjashtime: nuk ka rëndësi nëse një fenomen si argjentinasi largohet nga Spanja, qëndrueshmëria e sistemit ka më shumë rëndësi.

ËNDRRA – Prandaj, te tifozët “blaugrana” po kthehet ankthi dhe kanë frikë se “martesa” e re me Leon do të anulohet, veçanërisht pasi që PSG dhe Siti – shpjegon “Mundo Deportivo” – nuk kanë hequr dorë ende nga ëndrra. Parisienët do të donin të kënaqnin Nejmarin i cili dëshiron të ribashkohet me mikun e tij të vjetër (edhe Al-Khelaifi në “L’Equipe” kishte zbuluar se Laporta i ka thënë që “nga 1 janari çdo klub ka të drejtë të merret me Mesin”), ndërsa ishte në Mançester dyshja Guardiola-Soriano që kishte arritur një marrëveshje me argjentinasin verën e kaluar, kur ai kërkoi të lirohej nga Barcelona për shkak të largimit të presidentit Bartomeu.

Një situatë që në këtë moment i sheh katalanasit përpara, pak për shkak të dashurisë së Mesit për këto ngjyra, pak sepse është e vërtetë që PSG po ndërton një ekip ëndërr, por pa lamtumirën e Mbapesë ardhja e një monumenti si Leo duket i vështirë edhe për Al-Khelaifin, ndërsa Siti duket se ka marrë vendime të tjera në nivelin e projektit.

The post Vendimi i UEFA-s, Barça duhet të ulë shpenzimet, Messi ngel “në mes të rrugës” appeared first on Albeu.com.