Ukraina, betejë në distancë me Rusinë dhe UEFA-n për fanellat

admin — Thu, 10 Jun 2021 20:48:05 +0000

Prapa skenave në UEFA po zhvillohet një betejë e mirëfillitë në distancë mes Rusisë, Ukrainës por edhe qeverisë europiane të futbollit.

Ukraina ndezi polemikat me fanellën e re ku përfshihet Krimeja e aneksuar në 2014 nga Rusia dhe këta të fundit u ankuan menjëherë në UEFA. Nëpërmjet një komunikate, qeveria e futbollit europian ka kërkuar nga Ukraina të modifikojë fanellat pasi shikon elementë politikë në kit-in e kësaj përfaqësuese, një lëvizje e shtyrë sigurisht nga Moska.

Kur pritej një dorëzim nga Ukraina, Federata e këtij vendi ka njoftuar se do të luftojë deri në fund madje do të negociojë për të mbajtur fanellën e kombëtares në Europian.

Kreu i Federatës, Andrei Pavelko njoftoi se është nisur me urgjencë në Romë për të negociuar me përfaqësuesit e UEFA-s: UEFA pati dhënë “ok” për fanellën dhe të gjithë elementëve të saj më parë duke përfshirë edhe frazën “Lavdi Heronjve”.

Nuk vonoi edhe reagimi i federatës ruse menjëherë me një deklaratë; Edhe me ndryshimet e bëra, uniforma e ekipit kombëtar të Ukrainës mbetet e politizuar dhe krijon një precedent të rrezikshëm, shkruhet në reagimin nga Moska.

Ndërkohë, fanella ka tërhequr shumë vëmendje dhe sigurisht tifozët ukrainas kanë blerë deri tani 1500 bluza të reja, ashtu siç janë hedhur në shitje me hartën e Krimesë dhe me frazat “Lavdi Heronjve”.

The post Ukraina, betejë në distancë me Rusinë dhe UEFA-n për fanellat appeared first on Albeu.com.

Zgjidhet ngërçi? Udhëheqësit e Superligës bisedojnë me UEFA-n (FOTO LAJM)

admin — Tue, 20 Apr 2021 14:38:16 +0000

Sekretari i përgjithshëm i Superligës Evropiane, Anas Laghrari ka thënë se është i gatshëm të ulet dhe të bisedojë me UEFA-n për të gjetur një zgjidhje. Por, nëse nuk ka zgjidhje, ai ka thënë se është i vendosur që Superliga Evropiane t’i nisë garat pas pesë muajsh.

“Ne jemi gati të ulemi rreth një tavoline me UEFA-n, sepse ne kërkojmë vetëm një dialog. Në rast mosmarrëveshjeje? Gjithçka mund të fillojë brenda pesë muajsh”, ka thënë Laghrari në një intervistë për gazetën e madhe franceze “Le Parisien”.

Ai ka theksuar se Superliga Evropian është duke u krijuar edhe për t’ua mundësuar lojtarëve më të mirë në botë një rast për të luajtur rregullisht kundër njëri-tjetrit. Si shembull e ka marrë rastin e Nymarit. “Ekziston një zhgënjim midis lojtarëve që duan të luajnë në lojëra të mëdha kundër kundërshtarëve të shkëlqyer. Neymar ëndërroi të luante kundër Linonel Messit. Por, ai u lëndua dhe mbase nuk do të jetë në gjendje të luajë më kurrë kundër Messit sërish”, është shprehur Laghrari. Janë 12 klube të mëdha evropiane që kanë pranuar të luajnë në Superligën Evropiane.

The post Zgjidhet ngërçi? Udhëheqësit e Superligës bisedojnë me UEFA-n (FOTO LAJM) appeared first on Albeu.com.

UEFA-n Archives - Albeu.com

Ukraina, betejë në distancë me Rusinë dhe UEFA-n për fanellat

Zgjidhet ngërçi? Udhëheqësit e Superligës bisedojnë me UEFA-n (FOTO LAJM)