Penalizimi financiar ka ardhur sërish nga problematika e shkaktuar nga disa tifozë shqiptarë, të cilët ndezën flakadanë gjatë ndeshjes, transmetuan mesazhe të papërshtatshme gjatë ndeshjes Kroaci – Shqipëri, si edhe për ndërprerjen e ndeshjes nga një tifoz gjatë zhvillimit të lojës.

Edhe njëherë tjetër Federata e Futbollit gjen rastin t’u bëjë apel të gjithë tifozëve shqiptarë që të jenë më të përgjegjshëm dhe të shmangin krijimin e këtyre incidenteve dhe trazirave totalisht të evitueshme, që mund të sjellin penalitete financiare dhe dëmtojnë imazhin e Shqipërisë dhe futbollit shqiptar. Gjithashtu, FSHF bën me dije se gjatë ndeshjeve nuk lejohen mesazhet me natyrë jo sportive (politike, etnike, etj).

FSHF fton tifozët dhe futbolldashësit të mbështesin deri në fund Kombëtaren shqiptare në këtë rrugëtim magjik dhe historik në “Euro 2024”, duke treguar qytetari dhe përgjegjshmëri përmes një sjellje korrekte dhe duke respektuar rregullat dhe kundërshtarët.

Vendimet e plota të Komisionit të Etikës dhe Disiplinës në UEFA:

Të gjobisë Federatën Shqiptare të Futbollit me 2.500 euro për ndezjen e fishekzjarreve.

Të gjobisë Federatën Shqiptare të Futbollit me 20.000 euro për pushtimin e fushës.

Të gjobisë Federatën Shqiptare të Futbollit me 25.000 euro për transmetim e mesazheve të papërshtatshme për një ngjarje sportive.

The post Tjetër gjobë FSHF-së për incidentet e tifozëve shqiptarë appeared first on Albeu.com.

NJOFTIMI I UEFA-S

“Në përputhje me nenin 31(4) të Rregullores disiplinore të UEFA-s, një Inspektor i Etikës dhe Disiplinës i UEFA-s është caktuar sot për të kryer një hetim në lidhje me sjelljen e mundshme raciste dhe/ose diskriminuese nga mbështetësit që dyshohet se kanë ndodhur në kuadër të Kampionatit Europian 2024 në ndeshjen e fazës së grupeve ndërmjet ekipeve përfaqësuese të Federatës Kroate të Futbollit (HNS) dhe Federatës Shqiptare të Futbollit (FSHF), e luajtur më 19 qershor 2024 në Hamburg të Gjermanisë.

Informacione të mëtejshme në lidhje me këtë çështje do të vihen në dispozicion në kohën e duhur.

Në lidhje me ndeshjen e fazës së grupeve të Kampionatit Europian 2024 ndërmjet ekipeve përfaqësuese të Federatës Kroate të Futbollit dhe Federatës Shqiptare të Futbollit të luajtur më 19 qershor 2024 në Hamburg të Gjermanisë, është hapur një hetim në lidhje me sjelljen e supozuar të papërshtatshme të lojtarit të Federatës Shqiptare të Futbollit (FSHF), z. Mirlind Daku.

Informacione të mëtejshme në lidhje me këtë çështje do të vihen në dispozicion në kohën e duhur./ Panoramasport

The post Njoftim zyrtar/ Sjellja e tifozëve dhe festa e Dakut, UEFA nis hetim për ndeshjen Kroaci-Shqipëri appeared first on Albeu.com.

Këtë herë përballë panzerave është Hungaria e cila në ndeshjen e pare u mund nga Zvicra me shifrat 3-1.

Që në minutën e 22-të Musiala zhbllokon takimin në pjesën e pare e cila u mbyll me shifrat 1-0.

🚨🚨| GOAL: MUSIALA SCORES!!!

Germany 1-0 Hungary #Euro2024

pic.twitter.com/L5fathUWFp

— Transfer Sector (@TransferSector) June 19, 2024

The post Gjermania mbyll pjesën e parë në avantazh (VIDEO) appeared first on Albeu.com.

Jo vetëm shqiptarët, por tani atë kanë filluar ta kritikojë e gjithë Europa, për rastin e fundit, në golin e Barales, ku shkodrani uli kokën duke lejuar topin të depërtojë dhe të shkojë në rrjetë.

Për këtë arsye Hysaj ka reaguar me anë të një story në profilin e tij zyrtar në “Instagram”, ku i ka kërkuar falje të gjithve për veprimin.

Reagimi i plotë:

“Ndjej t’i kërkoj ndjesë të gjithë tifozëve shqiptar për gabimin teknik dhe instiktiv që shkaktoi golin e dytë që pësuam. Është e tepërt të specifikoj që ishte pikërisht gabim loje dhe vlerësim i rreme i trajektores”, shprehet ai.

Pas ndeshjes me Italine dhe evenimenteve te fundit, ndjej ti kerkoj ndjese te gjith tifozave shqiptar per gabimin teknik dhe instiktiv qe shkaktoi golin e dyte qe pesuam. Eshte e tepert te specifikoj qe ishte pikerisht gabim loje dhe vleresim i rreme i trajektores! Kush me njeh e din mire qe do jepja cdo force qe kam e do beja cdo sakrifice per kete bluze, sic kam bere gjithmone. Me vjen keq per strumentalizimin pa vend nga shume persona te gabimit pertej vleresimit teknik.

Nga ana tjeter falenderoj perzemersisht te gjith tifozat e panumert qe me kan derguar mesazhe konfortimi ne forma te ndryshme. I pranoj me vetedije kritikat dhe keqardhjen e tifozave ane e mbare te cilet pa perjashtim i mbaj ne zemer. Tashi te koncentrohemi te ndeshjet e ardhshme dhe forca Shqiperi gjithmone.

The post FOTO/ Pas gjyqit publik që ju bë, reagon për herë të parë Hysaj: Ju kërkoj ndjesë, ishte gabim… appeared first on Albeu.com.

Futbollisti kuqezi iu përgjigj interesit të gazetarëve dhe theksoi dhe atmosfera në skuadër pas ndeshjes me Italinë është shumë e mirë.

Mitaj tha se tashmë i gjithë fokusi është te ndeshja me Kroacinë ku kanë nisur përgatitjet për takimin që do të luhet më datë 19 qershor në stadiumin e Hamburgut, në ora 15:00.

Kush mund të jetë heroi shqiptar ndaj Kroacisë? – Besoj se në përgjithësi të gjithë ne mund të luftojmë për të luajtur sa më mirë me Kombëtaren. Kemi lojtarë si Broja me cilësitë e tij dhe Asani me goditjet e tij. Të luajmë sa më mirë dhe ta çojmë Kombëtaren sa më lart. Të gjithë lojtarët, por mendoj se Broja mund të jetë lojtari që mund të bëjë dëm.

Kundërshtari i radhës Kroacia, a mendoni se mund të marrim pikë? – E kemi harruar ndeshjen me Italinë dhe mërzinë që patën nga ajo ndeshje. Tani po përgatitemi sa më shumë, po analizojmë kundërshtarin. Do të futemi në fushë me të njëjtin personalitet. Shpresoj të luajmë më mirë dhe të marrim pikë.

Emocione në fushë? – Nuk kam emocione kur futem në fushë, mundohem ta shijoj. Sidomos kur luajmë përpara gati 60 mijë tifozëve shqiptarë. Kisha vetëm emocione të mira, aspak stres apo emocione negative.

Kundërshtarët e grupit? – Në një ndeshje gjithmonë duhet bërë gabim pasi bëjnë edhe rezultatin. Ne nuk i nënvlerësojmë kundërshtarët, ashtu siç e kanë thënë të gjithë është grupi i vdekjes. Kroacia mund të marrë edhe vendin e parë. Të përgatitemi, të analizojmë kundërshtarin dhe të japim më të mirën në fushë për të marrë një rezultat të mirë.

A mund të menaxhohej më mirë avantazhi ndaj Italisë? – Në pjesën e dytë më kanë furnizuar më shumë shokët me pasime. Në pjesën e parë e preka pak topin. Jam një lojtar që më pëlqen të mbaj topin në këmbë për të krijuar raste me pasimet e mia. Besoj se ky ishte problemi që nuk e mora shumë topin.

E ardhmja në Seria A? – Tani për tani nuk mendoj për të ardhmen, e kam mendjen vetëm te Kombëtarja dhe te dy ndeshjet që na kanë mbetur.

Ndeshja me Italinë? – Të gjithë u habitën se goli u bë shumë shpejt dhe u emocionuam pak dhe kthyem në mbrojtje. Normalisht kur luan më një kundërshtar si Italia e gjen hapsirën dhe të bën golin.

Çfarë mendon se duhet të përmirësojmë në ndeshjen me Kroacinë? – Trajneri nuk është se na ka folur shumë, na ka thënë që kemi bërë paraqitje të mira. Ajo që duhet të përmirësojmë janë goditjet standarte edhe pse kemi punuar shumë.

Goli i parë në ndeshjen me Italinë? – Mund të jetë pak faji im dhe faji i Seferit. Të gjithë si skuadër krosimi i lojtarit sduhet të ishte bërë, është diçka që duhet ta përmirësojmë në stërvitje.

Tifozët, a prisni përkrahje të njëjtë në Hamburg? – Besoj se do të na përkrahin fuqishëm edhe ndaj Kroacisë, por varet nga ata.

Mundësitë e kualifikimit? – Ne po përgatitemi dhe e kemi analizuar mirë Kroacinë. Duam të futemi në fushë dhe të luajmë futbollin tonë. Tani na intereson vetëm Kroacia dhe ishalla marrim rezultatet më të mira e pastaj të shohim ndeshjen me Spanjën.

Kritikat e tifozëve? – E bukur nuk është të kritikosh një lojtar që ka dhënë aq shumë për Kombëtaren. Hysaj ka dhënë shpirtin për Kombëtaren, nuk është kaq gjë e bukur. Çdo person bën kritikën e vet.

Keni diskutuar me trajnerin për ndeshjen me Kroacinë? – I dimë cilësitë që ka Kroacia dhe sa e fortë është si skuadër. Sot është stërvitja që do të jemi të gjithë bashkë, dje ka qenë më shumë stërvitje rikuperimi. Sot do t’i analizojmë më shumë taktikisht dhe si do të futemi ne në fushë. Sot është dita që do të përgatitemi për Kroacinë. Kroacia të gjithë repartet i ka të forta, besoj se mbrojtjen kanë pikën më të fortë.

Atmosfera në skuadër? – Atmosfera në skuadër nuk ndryshon është shumë e mirë. Jemi ekip shumë harmonik këtë e ka parë e gjithë Shqipëria, do të vazhdojmë kështu. Jemi në Europian dhe në fund të fundit duhet ta shijojmë.

A ndikoi ngarkesa psikologjike ndaj Italisë? – E kemi respektuar shumë kundërshtarin. Kishim dëshirë të merrnim diçka më tepër. Shpresoj të futemi në fushë me psikologji më të mirë ndaj Kroacisë, dhe të marrim diçka më tepër. Nuk besoj se luajti shumë rol ngarkesa psikologjike, thjesht ata ishin më të mirë se ne dhe fituan ndeshjen.

The post Humbja ndaj Italisë dhe përballja me Kroacinë, flet Mitaj: Broja mund të bëhet hero, shpresoj të marrim… appeared first on Albeu.com.

Vetëm 12 minuta pas nisjes së sfidës së fundit, të kësaj të diele, në Kampionatin Evropian të futbollit, mes Serbisë dhe Anglisë, në “Veltnis Arena”, të Gelsenkirshenit, djemtë e teknikut Southgate kanë arritur të gjejnë rrugën e rrjetës.

Protagonist i goli ishte “ylli” i Real Madrid, Jude Bellingham, i cili përfiton maksimalisht nga një krosim në zonë, duke e dërguar topin në rrjetën kundërshtare.

Rezultati shkon në 0 me 1 për Anglinë.

The post Bellingham ndëshkon serbët, Anglia në avantazh appeared first on Albeu.com.

UEFA tha të dielën se Federata Shqiptare e Futbollit po përballet me procedime disiplinore për mesazhin, hedhjen e objekteve, përdorimin e fishekzjarrëve dhe një “pushtim të fushës së lojës”, me tifozin që hyri në fushë.

UEFA nuk e theksoi se për cilin mesazh kundërshtoi, vetëm se akuza lidhet me “transmetimin e një mesazhi provokues të papërshtatshëm për një ngjarje sportive”.

Disa tifozë shqiptarë kishin ekspozuar flamujt e Ushtrisë Çlirimtare të Kosovës.

The post UEFA merr masa disiplinore ndaj Shqipërisë, shkak mesazhet provokative appeared first on Albeu.com.