Merkatoja e kësaj vere ka sjellë ndryshime të shumta për futbollistët kryesorë të Kombëtares shqiptare, me disa prej tyre që kanë zgjedhur të vijojnë karrierën në skuadra të reja.

Mario Mitaj u transferua te Genoa, ndërsa Berat Gjimshiti dhe Nedim Bajrami kaluan në Arabi. Ylber Ramadani u transferua në Superligën turke, kurse Mirlind Daku, edhe pse qëndroi në Rusi, ndryshoi ekip.

Megjithatë, lista e lëvizjeve mund të zgjerohet. Në qendër të vëmendjes është Ardian Ismajli, mbrojtësi i Torinos, i cili ka kontratë me klubin italian deri më 30 qershor 2027.

Sipas raportimeve nga Italia, të publikuara nga eksperti i merkatos Gianluca Di Marzio, Udinese ka shfaqur interes për 29-vjeçarin dhe tashmë e ka përfshirë emrin e tij në listën e objektivave.

Drejtuesit e bardhezinjve po e ndjekin me vëmendje situatën e Ismajlit dhe, në një të ardhme të afërt, mund të ndërmarrin hapa konkretë për transferimin e tij.

The post Ardian Ismajli në radarët e Udineses, mbrojtësi i Kombëtares mund të largohet nga Torino appeared first on Albeu.com.

Udinese ka bërë zyrtar transferimin e Mërgim Vojvodës, i cili do të jetë pjesë e klubit italian pas largimit nga Como. Mbrojtësi i Kombëtares së Kosovës është prezantuar nga friulianët si një lojtar me eksperiencë dhe cilësi për forcimin e prapavijës.

Futbollisti 31-vjeçar është blerë përfundimisht dhe ka firmosur një marrëveshje deri më 30 qershor 2028. Kontrata parashikon edhe mundësinë e zgjatjes së bashkëpunimit për një sezon shtesë.

Në njoftimin e saj, Udinese thekson se Vojvoda mund të përshtatet në disa pozicione. Ai është në gjendje të luajë në rreshtimin me katër mbrojtës, por edhe si anësor i djathtë në skemat me pesë lojtarë prapa. Klubi vë në pah aftësitë e tij teknike, si edhe gatishmërinë për të dhënë ndihmë në sulm.

I lindur në Llaushë të Kosovës më 1 shkurt 1995, Vojvoda e nisi rrugëtimin në futboll në Holandë, në akademinë e Maastrichtit. Më vonë u zhvendos në Belgjikë, fillimisht te Standard Liege dhe më pas te Sint-Truiden, skuadër me të cilën debutoi në futbollin profesionist gjatë sezonit 2014/15.

Pas kësaj, ai provoi një eksperiencë në Gjermani me Carl Zeiss Jena, për t’u kthyer më pas në Belgjikë. Te Mouscron qëndroi për tri sezone, duke grumbulluar 103 paraqitje dhe dy gola në kampionat e kupë.

Gjatë verës së vitit 2019, Vojvoda u rikthye te Standard Liege, ku pati mundësi të luante edhe në Ligën e Evropës. Një vit më vonë, ai realizoi kalimin në Serie A, duke nënshkruar me Torinon.

Te klubi torinez, mbrojtësi kosovar u kthye në një prej figurave më të rëndësishme të ekipit. Në katër vjet e gjysmë, ai zhvilloi 135 ndeshje në Serie A dhe Kupën e Italisë, teksa shënoi tre gola.

Në janar të vitit 2025, Vojvoda kaloi te Como dhe u shndërrua menjëherë në një pikë referimi për skuadrën e drejtuar nga Cesc Fabregas. Tekniku spanjoll e përdori edhe në pozicione më të avancuara në krah, ndërsa lojtari e përfundoi gjysmën e parë të sezonit 2024/25 me një gol në 11 paraqitje.

Paraqitjet e tij të mira vazhduan edhe sezonin e kaluar, kur shënoi dy herë në 30 ndeshje të Serie A dhe ndihmoi Comon të arrinte një kualifikim historik në Ligën e Kampionëve. Ai dha kontribut edhe në rrugëtimin drejt gjysmëfinales së Kupës së Italisë, duke luajtur në katër takime.

The post Udinese zyrtarizon afrimin e Mërgim Vojvodës appeared first on Albeu.com.

Drejtuesit e Como-s kanë dhënë dritën jeshile për ofertën e Udineses për mbrojtësin e përfaqësueses së Kosovës, Mërgim Vojvoda. Tani lojtari do të nisë bisedimet për aspektet personale të kontratës, në mënyrë që të kryhet zyrtarisht ky operacion në merkato.

Anësori i djathtë i kombëtares “Dardane” është 31 vjeç dhe lidhja e tij aktuale me skuadrën e Stadio Sinigaglia-s skadon në verën e vitit 2028. Vojvoda kaloi në radhët e Como-s në shkurt të 2025-ës nga Torino, në një marrëveshje që i kushtoi klubit 2 milionë euro, ndërsa më herët kishte veshur fanellën e Standard Liege-it.

Në garë për shërbimet e tij ishin futur edhe emra si Cagliari, Venezia dhe Monza, por nga të dhënat e fundit rezulton se Udinese ka marrë një avantazh të qartë në drejtim të sigurimit të kartonit të mbrojtësit kosovar.

Sipas informacioneve të zbuluara nga gazetari i Sportitalia-s, Gianluigi Longari, klubi friulan ka paraqitur një propozim konkret për Vojvodën, propozim i cili tashmë ka marrë miratimin nga ana e Como-s.

Detajet financiare të kësaj lëvizjeje i bën të ditura Sky Sport Italia, duke nënvizuar se oferta kap shifrën e 1.3 milionë eurove, plus 300 mijë euro të tjera të lidhura me bonuse të ndryshme.

Mbrojtësi i gjithanshëm shquhet për aftësinë për të mbuluar disa pozicione në fushë. Ai mund të aktivizohet si qendërmbrojtës në një linjë me tre lojtarë, në të dyja krahët e prapavijës, si dhe në një rol më sulmues në krahun e djathtë. Sezonin e kaluar, Vojvoda regjistroi 34 ndeshje me fanellën e Como-s, duke përfshirë garat në Serie A dhe Coppa Italia, ku arriti të shënojë dy gola dhe të sigurojë tre pasime vendimtare për gol.

The post Udinese arrin marrëveshjen me Comon për Mërgim Vojvodën, pritet finalizimi i kalimit te friulanët appeared first on Albeu.com.

Vetëm një ditë më parë, mediat italiane bënë me dije se Cagliari kishte shfaqur interes për sulmuesin shqiptar. Ishte eksperti i merkatos Gianluca Di Marzio ai që raportoi se skuadra sardë kishte nisur kontaktet e para për të kuptuar nëse ky operacion mund të realizohej.

Ndërkohë, mundësia që 23-vjeçari të largohet nga Burnley, klubi që zotëron kartonin e tij, po bëhet gjithnjë e më konkrete. Për pasojë, pista që shkodrani të përfundojë në një kampionat shumë të dashur për shqiptarët vazhdon të mbetet e hapur. Sipas “Transfermarkt”, vlera aktuale e Brojës shkon në 5 milionë euro, një ulje e ndjeshme që lidhet edhe me hapësirat e pakta që ai ka pasur te anglezët.

The post Armando Broja ndez merkaton në Itali, pas Cagliarit futet në garë edhe Udinese për sulmuesin kuqezi appeared first on Albeu.com.

Kuqezinjtë, të rreshtuar nga Conceiçao me 3-4-3, e çuan lojën në drejtimin e duhur në fundin e pjesës së parë me golat e Leao dhe Pavlovic, përpara se ta mbyllnin në pjesën e dytë me golat e Theo Hernandez dhe Reijnders.

Në pritje të ndeshjeve të fundjavës, ata tani janë 1 pikë prapa Fiorentinës në vendin e tetë. Për friulianët, pa objektiva në këtë pjesë të fundit të sezonit, një humbje shumë e rëndë, e katërta radhazi.

The post Milani, “poker” ndaj Udineses appeared first on Albeu.com.

Sipas raportimeve më të fundit, të mediave italiane, klubi i Serie A do të shkarkojë trajnerin Cioffi për shkak të rezultateve të dobëta të javëve të fundit, duke u renditur momentalisht në vend të 17-të me 28 pikë ose thënë ndryshe pranë zonës së rrezikut.

Pavarësisht se lista e emrave të rinj është shumë e gjatë, si më favoriti shihet ish-tekniku i Kombëtarës e në rast se marrëveshja finalizohet, Reja mund ta nisë punën në krye të “Bardhezinjve”, më ndeshjen kundër Roma, që është për t’u përfunduar, pasi u ndërpre të dielën e kaluar për shkak të një problem që shfaqi Ndicka, në fushën e blertë.

The post Rikthimi në pankinë, ish-tekniku i Kombëtares pranë kalimit te “gjigantët” e Italisë appeared first on Albeu.com.

Loja u pezullua për pak kohë në ndeshjen e Serie A kundër Udineses më 20 janar, kur AC Milan u largua nga fusha pasi paralajmëroi arbitrin për këtë ngjarje.

Pesë vjet është ndalimi maksimal që mund t’u jepet shkelësve për herë të parë për abuzim racist në ndeshjet e futbollit.

Udinese konfirmoi të hënën se një tjetër tifoz ishte pezulluar përgjithmonë.

Autoritetet italiane thanë se një burrë nga qyteti i Udine, një grua dhe dy burra të tjerë nga zona lokale u zbuluan pas analizimit të pamjeve video nga stadiumi.

Ata thanë se detajet e të dyshuarve u janë përcjellë prokurorëve.

Udinese, e cila ende nuk ka komentuar këtë deklaratë më të fundit të policisë, më parë tha se do të kërkonte të vendoste një ndalim të përjetshëm për shkelësit.

Klubi është urdhëruar të luajë një ndeshje me dyer të mbyllura. /gazetaexpress/

The post 4 tifozë të Udineses penalizohen për 5 vjet nga stadiumet pas fjalëve raciste ndaj Maignan appeared first on Albeu.com.

“Udinese Calcio komunikon, pas identifikimit të personit që lëshoi fraza raciste ndaj Maignan, se ai do të ndalohet të hyjë në stadiumin tonë për një periudhë të pacaktuar me efekt të menjëhershëm” – Shkruan Udine.

Sipas asaj që shkruajnë mediat italiane, tifozi është një 46 vjeçar, i cili përdori disa herë fjalën “f*cking n*gger”. /balkanweb/

The post Ofendoi Maignan me shprehje raciste, identifikohet një tifoz appeared first on Albeu.com.

Tashmë vendasit nëpërmjet kamerave të sigurisë në stadiumin “Blue Energy” ka nisur puna për identifikimin e autorëve të këtij episodi. Klubi është treguar me “dorë të hekurt”, ndërsa ka theksuar se autorët do të përjashtohet përjetë nga stadiumi.

Udinese vazhdon të theksojë se klubi është multietnik dhe racizmi nuk ka vend tek kjo skuadër. Mbetet të shihet se cilët do të jenë autorët e kësaj ngjarjeje dhe nëse klubi do të gjobitet apo dënohet për këtë situatë. /newsport.al/

The post Koret raciste ndaj Maignan, Udinese përjashton përjetësisht tifozët nga stadiumi appeared first on Albeu.com.

Maignan kishte paralajmëruar tashmë Mareskën dhe gjyqtarin e katërt për fyerje raciste në stadiumin Bluenergy dhe një deklaratë u lexua në stadium.

Herën e dytë, Maresca ndërpreu lojën për pesë minuta, ndërsa u paralajmërua se nëse ndodh ndonjë incident i mëtejshëm loja do të ndërpritet.

Kuptojmë se Maignan u tërbua dhe u largua nga tuneli, duke hequr dorezat me qëllim që të mos vazhdonte, por u bind t’i jepte një mundësi më shumë ndeshjes dhe futbollit.

Fatmirësisht, tifozët e Udineses u ndalën pas kësaj dhe Milani mundi të përfundojë ndeshjen dhe ta marr fitore me rezultat 3-2.

“Unë u solla si një vëlla i madh dhe ndjeva trishtim të sinqertë për Maignan, i cili qartë u lëndua emocionalisht nga e gjithë kjo”.

“U ndjeva tmerrësisht, ku i dëgjuam ato këngë të çuditshme”, ka treguar Maresca për agjencinë e lajmeve Ansa.

Ndërsa disa besonin se Maignan kishte dalë nga fusha, ishte Maresca ai që e pezulloi lojën.

“Rregullat janë të qarta, udhëzimet nga AIA (Shoqata Italiane e Arbitrave) dhe drejtuesi Gianluca Rocchi nuk lënë vend për manovrim. Unë i qëndrova protokollit, siç është detyra ime”, deklaroi ai.

Maresca fitoi lëvdata për mënyrën se si e trajtoi situatën, duke u përpjekur të siguronte Maignan se shqetësimet e tij po dëgjoheshin dhe po vepronin në drejtim të duhur në lidhje se si qëndrohet brenda protokollit. /Telegrafi/

?️ Fabio Maresca: "I acted like an older brother [with Maignan]. I felt sincere sorrow for Maignan who was clearly stunned on emotional level. I felt big discomfort for these racist gestures. The regulation is clear. The rules of the Referees Association and the designator… pic.twitter.com/qYGOuqQNov

— Milan Posts (@MilanPosts) January 21, 2024

The post Gjyqtari i ndeshjes Udinese – Milan: U përpoqa të jem një vëlla i madh për Maignan appeared first on Albeu.com.