Më pas, Berisha disa herë e ka pohuar se së shpejti ai do të udhëtojë drejt SHBA.

Gazetari i Top Channel, Muhamed Veliu, nga burime diplomatike, ka siguruar këtë dokument nga “International Democracy Union”, i cili tregon të dhëna për një udhëtim të mundshëm të Berishës drejt SHBA në këtë fillim shtatori.

Dokumenti ka si titull “konfirmim për pjesëmarrjen tuaj në delegacionin e IDU për Konventën Kombëtare Republikane”.

Më tej, në këtë letër konfirmimi që ka marrë Berisha mësohet se konventa do të mbahet në Dallas më 9 dhe 10 Shtator, nga ku jepen këto detaje.

“IDU është e kënaqur që ju do të na bashkoheni ne dhe ne jemi konfidentë se pjesëmarrja juaj në këtë mbledhje historike për Partinë Republikane do të jetë me shumë vlerë për Partinë Demokratike të Shqipërisë. Detaje të tjera në lidhje me lëvizjet e delegacionit, akreditimin dhe programit të eventit do t’ju komunikohen nga sekretariati i IDU”.

Ndërkohë, një tjetër dokument i siguruar nga Top Channel i datës 7 Gusht nga Instituti Amerikan i Trajnimeve, Berishës i konfirmohet regjistrimi si pjesëmarrës në Konventën Kombëtare Republikane.

Pas marrjes së këtij konfirmimi, në Tiranë kanë nisur përpjekjet nga Gazment Bardhi.

Burime nga Ministria për Europën dhe Punët e Jashtme treguan se Gazment Bardhi në kapacitetet e kryetarit të Grupit Parlamentar të PD ka çuar një kërkesë, duke kërkuar një notë verbale shtetërore për t’i mundësuar Berishës marrjen pjesë në këtë aktivitet të republikanëve amerikanë.

The post Zbulohen dokumentet se kur ish-kryeministri Berisha do të udhëtojë në SHBA appeared first on Albeu.com.

E kemi fjalën pikërisht për këngëtarin Kozma Dushin, i cili në të përditshmen e tij, zgjedh transportin publik.

Paparaci ka mundur të shkrepë disa foto, ku shihet artisti, i cili tërësisht i çliruar nga komplekset, ka zgjedhur të udhëtojë si çdo njeri i thjeshtë.

Një pamje kjo, që duhet thënë nuk ndodh shpesh ta hasim në radhën e artistëve, që kryesisht kanë automjetet e tyre.

Por, Kozmai ka folur për pasurinë që artistët e kalibrit të atij kanë, duke u shprehur se nuk ka qenë kurrë i pasur dhe madje për të është e pamundur realizimi i një klipi.

“Është shumë e vështirë për një këngëtar si unë apo Liljana të realizojnë një videoklip sot. Biznesmenë apo njerëz të tjerë, nuk japin para. Ndërkohë që për ndonjë nga ata që quhen këngëtarë sot paguajnë deri në 20.000 euro për një natë. Sot është shumë e vështirë për ne të gjesh 5.000 euro për një videoklip. Ka biznesmenë të mirë, por është shumë e vështirë të takohesh me ta. Kur i thua një biznesmeni që kushton 3.000 euro një videoklip, thotë merri 50.000 lekë të vjetra”, është shprehur i revoltuar me këtë realitet Dushi.

E duket se realiteti i tij është ky, ku punët e përditshme zgjedhë ti mbarojë me autobus.

The post Këngëtari i njohur shqiptar pa komplekse, shfaqet duke udhëtuar me autobus (FOTO) appeared first on Albeu.com.

Kuqezinjtë, do kërkojnë tre pikët kundër një rivali të kualifikuar për më tej dhe që në tetë ndeshje nuk e kanë mundur në asnjë rast.

jithashtu, GKuqezinjtë do të zhvillojnë sot seancën zyrtare stërvitore, ku po sot kuqezinjtë do të nisen drejt Dusseldorfit ku do luhet edhe ndeshja.

Ndërkohë që konferenca zyrtare e trajnerit Sylvinho dhe kapitenit Berat Gjimishiti, do të zhvillohet në stadiumin e ndeshjes, në Dusseldorg në orën 18:45.

Trajneri Sylvinho, duket se do bëjë disa ndryshime në ekip, duke i besuar një fanellë titullari Arbër Hoxhës dhe Ivan Balliut, kjo nga minuta e parë.

Rikthim edhe për Brojën që u la pushim në ndeshjen me Kroacinë, edhe sepse ka një karton të verdhë dhe një tjetër do të thoshte se nuk luante kundër Spanjës.

Porta duket se është e Strakoshës, teksa në prapavijë Balliu, Ajeti, Gjimshiti dhe Mitaj do i bëjnë ballë “Furisë së Kuqe”.

Mesi i fushës për Ramadanin e Asllanin, me Bajramin që do jetë një lojtar i lirë.

Në mbështetje te kuqezinjve në stadiumin e Dusseldorfit, besohet se do jenë më shumë se 30 mijë shqiptarë, duke u dhënë zemër lojtarëve në fushë.

Kundër Italisë në ndeshjen e parë ishin më shumë se 50 mijë tifozë të Shqipërisë, teksa pamjet e ultrasve kanë bërë bujë në Evropë.

Të hënën në 21:00 të gjithë shqiptarët do i kenë sytë në Dusseldorf, aty ku stadiumi me 49 mijë ulëse duket se do “pikturohet” kuqezi.

The post Kombëtarja udhëton sot në Dusseldorf/ Sylvinho ndryshime në formacion, 30 mijë tifozë priten në stadium appeared first on Albeu.com.