Kryeministri i Kosovës, Albin Kurti, do të udhëtojë sot për në Shtetet e Bashkuara të Amerikës, i shoqëruar nga disa këshilltarë të tij, sipas burimeve të Radio Dukagjinit brenda qeverisë.

Gjatë qëndrimit në New York, ai pritet të zhvillojë një takim me komunitetin shqiptar më 19, në orën 16:30.

Kurti pritet gjithashtu të marrë pjesë në Asamblenë e Përgjithshme të OKB-së, punimet e së cilës zhvillohen nga 22 deri më 28 shtator.

Edhe pse Asambleja e Përgjithshme e Kombeve të Bashkuara mblidhet gjatë gjithë muajit shtator, këto janë datat kryesore të zhvillimeve.

The post Albin Kurti niset sot drejt Shteteve të Bashkuara appeared first on Albeu.com.