Ministri në detyrë i Mbrojtjes, Ejup Maqedonci, njoftoi se sot ka zhvilluar një takim me Blanca Hereza Atienzan, udhëheqëse e Sektorit të Operacioneve Aktuale në Divizionin e Operacioneve të NATO-s, e cila ishte e shoqëruar nga delegacioni i saj.

Sipas një postimi të Maqedoncit në Facebook, biseda u përqendrua te zhvillimet e sigurisë në rajon, gjendja aktuale dhe nevoja për koordinim të pandërprerë mes institucioneve të Republikës së Kosovës dhe NATO-s.

Ai tha se e çmon bashkëpunimin e vazhdueshëm me NATO-n, si dhe rolin e Aleancës në garantimin e një mjedisi të sigurt dhe të qëndrueshëm në Kosovë e në rajon.

Maqedonci theksoi se Republika e Kosovës do të vijojë përpjekjet për thellimin e bashkëpunimit me NATO-n dhe do të kontribuojë, përmes kapaciteteve të saj, në sigurinë dhe stabilitetin rajonal e ndërkombëtar.

The post Maqedonci pret zyrtaren e NATO-s: Në fokus siguria rajonale dhe bashkëpunimi institucional appeared first on Albeu.com.