Sipas raportimeve të mediave të huaja, helikopteri u ngrit nga Shtëpia e Bardhë të martën pasdite, por kontrollorët e trafikut ajror nuk i kishin ndërprerë në kohë ngritjet dhe uljet e avionëve komercialë në Aeroportin Kombëtar Ronald Reagan të Uashingtonit, siç kërkohet nga protokollet e sigurisë për lëvizjet e presidentit.

FAA po heton mundësinë që të ketë pasur një shkelje të distancave të përcaktuara të sigurisë midis avionëve, e njohur si humbje e distancës standarde të sigurisë. Rregulloret kërkojnë, në raste të tilla, një distancë minimale horizontale prej 1.5 miljesh dhe një distancë vertikale prej 500 këmbësh midis avionëve.

Megjithatë, një zëdhënës i FAA-s sqaroi se Marine One dhe avioni komercial që po ngrihej nuk ishin në afërsi të rrezikshme ose nuk ndiqnin kurse konvergjente. Prandaj, incidenti nuk konsiderohet serioz dhe as nuk konsiderohet se kishte një rrezik të menjëhershëm përplasjeje. Për Shtëpinë e Bardhë, zëdhënësi Kush Desai theksoi se fluturimet e Marine One kryhen nga disa nga pilotët më të mirë në botë dhe në asnjë moment nuk është kompromentuar siguria e presidentit.

The post Incidenti i sigurisë me helikopterin e Trump në Uashington, FAA nis hetimet appeared first on Albeu.com.

Ministria e Punëve të Jashtme e Republikës së Shqipërisë ka bërë publike një fotografi nga takimi në Uashington mes ministrit Ferit Hoxha dhe ministrit të Punëve të Jashtme të Kosovës, Glauk Konjufca.

Në një reagim në Facebook, Hoxha njoftoi se biseda është fokusuar te zhvillimet e fundit, temat e interesit të përbashkët dhe rrugët për thellimin e bashkëpunimit gjithëpërfshirës ndërmjet Shqipërisë dhe Kosovës.

Hoxha dhe Konjufca ndodhen në Uashington për takimin ministror që trajton rritjen e rrezikut nga terrorizmi politik. Aktiviteti është organizuar nga Sekretari amerikan i Shtetit, Marco Rubio.

Në njoftimin e publikuar, Ministria bëri të ditur se në Uashington D.C., Ministri për Evropën dhe Punët e Jashtme, Ferit Hoxha, u takua me Zv.Kryeministrin dhe Ministrin e Jashtëm të Kosovës, Glauk Konjufca.

Sipas njoftimit, gjatë këtij takimi u diskutuan zhvillimet më të fundit, çështjet me interes të përbashkët dhe mundësitë për forcimin e mëtejshëm të bashkëpunimit të gjithanshëm mes Shqipërisë dhe Kosovës.

The post Ferit Hoxha zhvillon takim me Glauk Konjufcën në Uashington appeared first on Albeu.com.

Zyrtarë të lartë të Gardës Revolucionare, Ministrisë së Jashtme dhe presidenti Masoud Pezeshkian kanë dënuar sulmet amerikane, duke theksuar se Irani do të mbrojë interesat dhe sigurinë e tij kombëtare.
Sipas autoriteteve iraniane, sulmet amerikane kanë dëmtuar dy rezervuarë të ujit të pijshëm në jug të vendit, duke lënë rreth 20 mijë civilë pa furnizim të rregullt me ujë.

Në kundërpërgjigje, forcat e armatosura iraniane pretendojnë se kanë goditur tre baza ushtarake në Bahrein, Kuvajt dhe Jordani, përfshirë një hangar ku ndodheshin avionë luftarakë F-35.

Ndërkohë, Ministria e Jashtme iraniane deklaroi se Teherani mbetet i hapur për dialog dhe nuk po largohet nga tryeza e negociatave, por paralelisht po demonstron gatishmërinë e tij ushtarake, veçanërisht në lidhje me ngushticën strategjike të Hormuzit.

The post Teherani sfidon Uashingtonin: Jemi gati për goditje hakmarrëse appeared first on Albeu.com.

Përpara selisë diplomatike shqiptare, protestuesit kanë kërkuar dorëheqjen dhe arrestimin e Kryeministrit Edi Rama, duke e bërë atë përgjegjës për situatën në vend.

Kjo protestë vjen në vazhdën e demonstratave të ngjashme në qytete të ndryshme të Evropës dhe revoltës së vazhdueshme qytetare në Tiranë.

The post Kërkojnë largimin e Ramës! Protestë nga shqiptarët e diasporës në Uashington DC para ambasadës shqiptare appeared first on Albeu.com.

Lajmi është bërë i ditur nga presidenti i AARC-së, Martin Vulaj, i cili njoftoi se gjatë takimit është vënë theksi te rëndësia e forcimit të marrëdhënieve ndërmjet Kosovës dhe Greqisë, si dhe nevoja për thellimin e bashkëpunimit mes dy vendeve, me synimin për të arritur njohjen formale të Kosovës nga Greqia.

“Një nga temat kryesore të diskutimit ishte forcimi i marrëdhënieve mes Greqisë dhe Kosovës dhe inkurajimi i bashkëpunimit më të ngushtë që në të ardhmen mund të çojë drejt njohjes zyrtare të Kosovës nga Greqia”, thuhet në njoftimin e AARC-së.

Përfaqësuesit e organizatës ngritën gjithashtu shqetësimet lidhur me të drejtat dhe statusin e shqiptarëve në Maqedoninë e Veriut, duke nënvizuar rëndësinë e angazhimit të vazhdueshëm amerikan dhe monitorimit të zbatimit të Marrëveshja Kornizë e Ohrit. Në takim u diskutua edhe lëvizja studentore në vend dhe kërkesat e saj për llogaridhënie institucionale.

Sipas njoftimit, kongresistja Malliotakis shfaqi interes të veçantë për zhvillimet rajonale, duke parashtruar pyetje rreth vendeve më pro-amerikane në Ballkan, ndikimit rus dhe kinez, si dhe mënyrës se si Serbia ushtron ndikimin e saj në rajon.

“Ne theksuam se Kosova mbetet një nga shoqëritë më pro-amerikane në botë, ndërsa Shqipëria dhe komunitetet shqiptare në Maqedoninë e Veriut dhe Mal të Zi kanë dëshmuar vazhdimisht mbështetje të fortë për Shtetet e Bashkuara dhe aleancën transatlantike”, thuhet më tej në deklaratë.
Përfaqësuesit e AARC-së diskutuan edhe përpjekjet e Serbisë për të ushtruar ndikim politik, ekonomik, mediatik dhe të sigurisë në vende të ndryshme të Ballkanit Perëndimor, përfshirë Bosnje e Hercegovinën, Malin e Zi, Maqedoninë e Veriut dhe Kosovën.

Delegacioni i AARC-së në këtë takim u udhëhoq nga kryetari Eli Rusi dhe përfshinte nënkryetarin Tony Marke, sekretarin Burim Rexhaj, anëtarët e bordit Agim Jusufi dhe Vehbi Bajrami, si dhe mbështetës të tjerë të organizatës.

The post Në Uashington diskutohet njohja e Kosovës nga Greqia, AARC zhvillon takim me kongresisten Malliotakis appeared first on Albeu.com.

Kryeministri Edi Rama dhe presidentja e Kosovës, Vjosa Osmani, të cilët po marrin pjesë në këtë takim kanë shtrënguar duart me Presidentin amerikan Donald Trump.

Më pas liderët kanë pozuar për foton familjare, me Presidentin Trump që është vendosur në qendër, shoqëruar nga zv/presidenti JD Vance dhe Sekretari i Shtetit Marco Rubio.

The post Bordi i Paqes/ Trump takon liderët e ftuar në Uashington, mes tyre edhe Rama dhe Osmani appeared first on Albeu.com.

Bilanci i takimit në Uashington të krerëve të shteteve dhe qeverive evropiane në Shtëpinë e Bardhë del mjaft i balancuar.

Nga njëra anë, Evropa, kontinenti i kjetër mori frymë lirisht: nuk pati asnjë konfrontim midis Volodymyr Zelenski dhe Donald Trumpit, siç pati shkurtin e kaluar – apo edhe një shkëputje të marrëdhënies transatlantike.

Nga ana tjetër, Donald Trump, nuk i përmbushi kërkesat kryesore evropiane – para së gjithash, kërkesën për një armëpushim përpara se të fillonin negociatat e paqes për Ukrainën.

Niklas Ebert përgjegjës për programin e sigurisë në institutin Marshall Fund thotë, se evropianët në kushtet aktuale arritën më të mirën e mundshme.

Por Evropa duhet të përgatitet për faktin se marrëdhënia transatlantike, nuk është më ajo që ishte dikur.

Uashingtoni nuk është një partner mbi të cilin mund të mbështetesh gjithmonë, paralajmëron Ebert.

Edhe Anthony Gardner, ish-ambasador i SHBA-së në BE gjatë administratës së Barack Obamës dhe tani këshilltar, nuk është shumë optimist se takimi i Uashingtonit do të përmirësojë marrëdhëniet transatlantike, kjo pasi. “Trump ende e sheh Evropën si kryesisht të parëndësishme”, thekson Gardner.

Edhe pse politikanët evropianë arritën ta ndryshonin disi narrativën në favor të Ukrainës, takimi nuk arriti të prodhonte ndonjë rezultat domethënës.

Gardner gjithashtu pret që evropianët do duhet ta përsërisin këtë, pasi Trump ndryshon mendje “çdo orë”. Në fund të fundit, qëllimi i presidentit aktual të SHBA-së është të arrijë një marrëveshje që është e favorshme për të.

Evropa do të japë kontributin e saj për paqen

Megjithatë, gatishmëria e SHBA-së për të marrë pjesë në të ashtuquajturat garanci sigurie për Ukrainën konsiderohet përparimi i ditëve të fundit.

Flitet për premtime mbrojtjeje të ngjashme me ato në Nenin 5 të Traktatit të NATO-s, ku shkruhet mbi detyrimin për të ofruar ndihmë nëse sulmohet një nga aleatët.

Në Uashington, delegacioni evropian kërkoi të theksonte gatishmërinë e tij për të dhënë kontributin e vet.

Për shembull, Presidenti francez Emmanuel Macron iu drejtua Presidentit të SHBA-së: “Mund të jeni të sigurt se Evropa është shumë e vetëdijshme për të dhënë kontributin e saj të drejtë në këto garanci sigurie për Ukrainën – në fund të fundit, siguria e saj është qartësisht në rrezik”.

I ashtuquajturi “koalicion i të vullnetshmëve”, së bashku me forcimin e ushtrisë ukrainase, ka të ngjarë të jetë një element qendror i garancive të sigurisë në të ardhmen.

Cili është “Koalicioni i të Vullnetshmëve”?

“Koalicioni i të Vullnetshmëve”, u krijua disa muaj më parë nga Franca dhe Britania e Madhe. Tani thuhet se ka rreth 30 anëtarë.

Sipas Presidentit të Këshillit të BE-së, Antonio Costa, përveç vendeve evropiane, në një konferencë telefonike të këtij grupi morën pjesë edhe Kanadaja, Turqia, Japonia dhe Zelanda e Re.

Pas përfundimit të luftimeve në Ukrainë, do të vendosen “trupa sigurie”, që kanë për qëllim të ndihmojnë në rindërtimin e forcave tokësore ukrainase dhe të sigurojnë hapësirën detare dhe ajrore të Ukrainës, njoftoi bashkëkryetari Keir Starmer në korrik.

Eksperti Ebert e sheh “koalicionin e të vullnetshmëve” si një “sinjal politik ndaj Uashingtonit” se Evropa është e gatshme të marrë më shumë përgjegjësi dhe të kundërshtojë narrativën amerikane se evropianët po mbahen në kurriz të SHBA-së.

Ish-ambasadori Anthony Gardner, pohon se nga evropianët “po vijnë veprat pas fjalëve tanimë”. Kjo është e rëndësishme, por gjithashtu kërkoi shumë kohë.

Sjellja e Evropës ndoshta nuk është pa interes. Eksperti i sigurisë Ebert thotë se motivi tjetër i evropianëve është gjithashtu t’i mbajnë amerikanët në anën e tyre.

Pa SHBA nuk ka zgjidhje

Një gjë është e qartë: Pa amerikanët, garancitë e sigurisë të lartpërmendura do të jenë të vështira të realizohen, nëse jo të pamundura. Analisti politik Ebert i tha DW se evropianët janë të varur nga SHBA-të si për mbrojtjen ajrore dhe raketore, edhe misionin e zbulimit dhe transportin strategjik ajror. Pra ata kanë nevojë për amerikanët si siguri.

Evropa nuk është në gjendje të mobilizojë një forcë mjaftueshëm të madhe për të mbrojtur në mënyrë efektive një armëpushim të mundshëm. Prandaj, duhet të jetë e qartë, se SHBA-të do të ndërhyjnë nëse ndodh diçka, thekson Ebert.

Aktualisht, po punohet për të formuluar garancitë e sigurisë. Sipas burimeve britanike, një takim midis SHBA-së dhe përfaqësuesve të “Koalicionit të të Vullnetshmëve” është planifikuar të zhvillohet në ditët në vijim.

Trump pret trupa tokësore evropiane

Një çështje e ndjeshme këtu janë “trupat në terren”, pra a duhet të ketë trupa tokësore evropiane në Ukrainë.

Ndërsa kryeministri britanik Keir Starmer, ka deklaruar qëllimin e tij për të dërguar trupa në Ukrainë, qeveria gjermane ende nuk ka marrë një qëndrim përfundimtar për këtë çështje. Rusia kundërshton vendosjen e trupave të NATO-s në Ukrainë.

Ish-ambasadori amerikan Gardner kritikoi faktin se, ndonëse është folur shumë për këtë çështje duket sikur do të bëhet fjalë në fund për shumë më pak.

Edhe pas shumë muajsh, është ende e paqartë se për çfarë është e gatshme të kontribuojë Evropa.

Duke e varur tek njëri-tjetri gatishmërinë e tyre për të vepruar evropianët dhe amerikanët po e zhvendosin përgjegjësinë sa andej këtej.

Në një intervistë me televizionin amerikan Fox News, Donald Trump i bëri të qarta pritjet e tij nga Evropa: Ai pret që Gjermania, Franca dhe Britania e Madhe të dërgojnë trupa tokësore. SHBA-të janë të përgatitura të ofrojnë mbështetje, për shembull, nga ajri. Çështja e trupave tokësore mund të jetë, pra, testi i radhës për marrëdhëniet transatlantike./DW

The post A mund të mbështetet BE tek SHBA pas samitit në Uashington? appeared first on Albeu.com.

Kryeministri izraelit do të jetë i pranishëm më 24 korrik në Kongres, ku edhe do të mbajë fjalën e tij.

Ndërkohë Izraeli po studion përgjigjen e Hamasit ndaj një propozimi për marrëveshje që mund të përfshijë lirimin e pengjeve dhe një armëpushim në Gaza, sipas agjencisë izraelite të spiunazhit Mossad.

“Negociatorët e marrëveshjes së pengjeve i dhanë ekipit negociator një përmbledhje të përgjigjes së Hamasit ndaj marrëveshjes së pengjeve. Izraeli po shqyrton përgjigjen dhe do t’i përgjigjet ndërmjetësuesve”, thuhet në një deklaratë të lëshuar nga zyra e kryeministrit Benjamin Netanyahu në emër të Mossad.

Ndërmjetësuesit duke përfshirë Egjiptin, Katarin dhe Shtetet e Bashkuara janë përpjekur për muaj të tërë për të siguruar një armëpushim dhe lirimin e 120 pengjeve që ende mbahen në Gaza, por përpjekjet e tyre kanë ngecur.

The post Joe Biden dhe Natanyahu do të takohen në Uashington appeared first on Albeu.com.

Kjo u bë me dije nga faqja e internetit Ynet, duke konfirmuar edhe atë që u njoftua dje nga Shtëpia e Bardhë.

Fillimisht Netanyahu e tërhoqi delegacionin pas votimit për armëpushim në Këshillin e Sigurisë së OKB.

Por sipas Ynet, Netanyahu e ka kuptuar gabimin që anuloi vizitën e delegacioni izraelit në Shtëpinë e Bardhë.

The post Netanyahu: Javën e ardhshme delegacioni izraelit në Uashington appeared first on Albeu.com.

“Një kandidat është shumë i vjetër dhe mendërisht i papërshtatshëm për të qenë president. Tjetri jam unë,” tha Biden

Fushata e Trump nuk u përgjigj, megjithëse udhëheqësi 77-vjeçar republikan ka vënë në pikëpyetje aftësinë mendore të Biden për të qenë president. Lideri demokrat ka shmangur kritikat e vazhdueshme se kujtesa e tij është e turbullt dhe ai duket i hutuar.

Ishte hera e parë që Biden mori pjesë në darkën tradicionale gjatë presidencës së tij, dhe vjen ndërsa zgjedhjet e 2024 afrohen dhe ndeshja e nëntorit midis Biden dhe Trump po nxehet.

Paraqitja e Bidenit në darkën, në të cilën politikanët dhe gazetarët shkëmbejnë gjemba humoristike në një aferë zyrtare me kravata të bardha, ishte hera e parë që një president merrte pjesë personalisht që nga ardhja e vetë Trump në 2018.

Biden përforcoi rëndësinë e shtypit, për të cilin ai tha se nuk është “armik i popullit”, në kontrast të plotë me vërejtjet e mëparshme të Trump për mediat e lajmeve.

Ai foli edhe për luftën në Ukrainë me kryeministren e Estonisë Kaja Kallas, e cila mori pjesë në darkën e së shtunës.

“Ne nuk do të përkulemi, ata ukrainasit nuk do të përkulen dhe unë nuk do të përkulem”, tha Biden.

The post Biden bën shaka me gjëndjen mendore të Trump gjatë fjalimit në darkën tradicionale të Uashingtonit appeared first on Albeu.com.