Ditën e djeshme në Tiranë një 55-vjeçar u vetëplagos me armë zjarri.

H. Xh., 66 vjeç u arrestua pasi në banesën e tij policia ka gjetur armën e zjarrit që dyshohet se është përdorur për ngjarjen, të cilën ai e mbante pa leje.

Po ashtu, në pranga ranë edhe N. Xh., 26 vjeç, dhe F. Xh., 53 vjeçe, pasi nuk kanë kallëzuar krimin.

Njoftimi i policisë:

Specialistët për Hetimin e Krimeve në Komisariatin e Policisë Nr. 1 arrestuan shtetasit H. Xh., 66 vjeç, N. Xh., 26 vjeç, dhe F. Xh., 53 vjeçe, të tre banues në Tiranë. Shtetasi H. Xh., ditën e djeshme, është vetëplagosur me armë zjarri në banesë. Gjatë kontrollit në banesën e 66-vjeçarit, shërbimet e Policisë, kanë gjetur dhe sekuestruar në cilësinë e provës materiale, armën e zjarrit që dyshohet se është përdorur për ngjarjen, të cilën shtetasi H. Xh. e mbante pa leje, ndërsa shtetasit N. Xh. dhe F. Xh., nuk kanë kallëzuar krimin./albeu.com

The post U vetëplagos me armë zjarri, arrestohen tre persona appeared first on Albeu.com.

Sipas njoftimit të policisë, 78-vjeçari është vetëplagosur në garazhin e banesës së tij dhe për pasojë është dërguar me urgjencë në spitalin e Pogradecit.

Nuk dihet nëse plagosja ka qenë aksidentale apo i moshuari i ka qëlluar vetes me qëllim.

Njoftimi i policisë Pogradec:
Më datë 29.05.2022, rreth orës 14:30, jemi njoftuar se në lagjen nr. 1, Pogradec, në garazhin e banesës së tij, dyshohet se është vetëplagosur me armë gjahu shtetasi P. G., rreth 78 vjeç, i cili u transportua për mjekim në Spitalin e Pogradecit dhe aktualisht ndodhet në gjendje të rëndë shëndetësore.

Në cilësinë e provës materiale iu gjet e sekuestrua arma e gjahut.

Grupi hetimor po punon për të zbardhur rrethanat e ngjarjes./albeu.com

The post U vetëplagos me armën e gjahut, në gjendje të rëndë 78-vjeçari appeared first on Albeu.com.