U arrestuan për blerje votash gjatë fushatës së 25 prillit, me sa vite burg u dënuan Denis Xholi dhe Albion Çeku

Gjykata e Posaçme ka dënuar me nga 1 vit burg Denis Xholin dhe Albjon Çekun, të arrestuar në Dibër për korrupsion në zgjedhjet e 25 prillit.

Ata u kapën me vlera monetare dhe fletë votimi në makinë nga mbështetësit e PD më 22 prill, 3 ditë para zgjedhjeve parlamentare.

Në automjetin me të cilin udhëtonin shtetasit e lartpërmendur, policia sekuestroi një shumë lekësh, modelar për të orientuar zgjedhësit për mënyrën e votimit si dhe fletëpalosje të një subjekti politik.

Drejtuesi politik i PD në Dibër, Xhelal Mziu pretendoi atëherë se paratë po shpërndaheshin për të siguruar vota për kandidatin e PS, Melaim Damzi./albeu.com