Harnaaz Sandhu nga India u kurorëzua “Miss Universe 2021″ të dielën, duke shënuar fundin e një konkursi të diskutueshëm të organizuar këtë vit në Izraelin jugor.

Në një fjalim në skenë gjatë konkursit, Sandhu u kërkoi të rinjve të dinë se janë të veçantë dhe kjo është ajo që i bën të bukur.

“Kam besuar në veten time dhe kjo është arsyeja pse po qëndroj këtu sot”, shtoi ajo, nën duartrokitje të forta nga publiku.

Konkursi u mbajt në qytetin turistik të Eilat, me 80 vajza nga e gjithë bota që konkurruan për kurorën. Mbrëmja e së dielës ishte dita e fundit e garës, ku eliminimet ngushtuan numrin e finalistëve deri sa mbetën dy të fundit.

Nadia Ferreira e Paraguait dhe Lalela Mswane e Afrikës së Jugut ishin nënkampionet e para dhe të dyta, respektivisht.

Konkursi u drejtua nga komediani Steve Harvey, i cili në një moment të natës e pyeti Sandhun: “Dëgjoj se po bëni disa imitime mjaft të mira të kafshëve, le të dëgjojmë më të mirën tuaj”. Harvey u kritikua më vonë në internet për veçimin e saj me atë që shumë kanë sugjeruar se ishte një pyetje e papërshtatshme.

“O zot, Steve, nuk e prisja ta bëja këtë në skenën botërore. Më duhet ta bëj këtë, nuk kam zgjidhje tjetër. Mbani veten të gjithë”, tha ajo duke u dukur e habitur, përpara se të demonstronte disa tinguj.

Në një seancë të mëvonshme pyetjesh dhe përgjigjesh, kur Sandhu kishte arritur në top 5, ajo shfrytëzoi rastin për të përhapur një mesazh mbi ndryshimin e klimës.

“Kjo është koha për të ndërmarrë veprime dhe për të folur më pak. Të parandalosh dhe të mbrosh është më mirë se të pendohesh dhe të riparosh”, tha ajo.

The post Pjesëmarrëse dy bukuroshet shqiptare, kush është 21-vjeçarja që u shpall “Miss Universe 2021” (FOTO LAJM) appeared first on Albeu.com.

Së fundmi, “Gazeta Express” ka bërë publike aktgjykimin mbi çështjen e saj, por nuk përmendet fakti se ajo është përdhunuar apo trafikuar nga fqinji i saj, siç dhe ajo ka deklaruar.

Duke u bazuar në këtë aktgjykim, i pandehuri është arratisur në Serbi kur familja e të miturës zbuloi lidhjen e tyre. Në dëshminë e tij ai ka treguar se çdo gjë ka ndodhur me dëshirë.

“A.K. 1981, është fajtor sepse gjatë muajit shtator të vitit 2015 në vende të ndryshme në Gjilan, e pastaj më 26 shtator të vitit 2015 rreth orës 01:00, te moteli “C…”, në rrugën Gjilan-Ferizaj dhe gjatë qëndrimit të qytetit Shabac të Serbisë nga data 1 tetor 2015 deri më datën 6 tetor 2015 e ka keqpërdor seksualisht personin nën moshën 16-vjeç, tani të dëmtuarën e mitur Sh.S. e lindur në vitin 2002, duke kryer marrëdhënie seksuale me të. Pasi që është zbuluar lidhja e të miturës me të pandehurin nga të afërmit e saj, i akuzuari është arratisur në Serbi. Ndërsa më 15 tetor 2016 ai është dorëzuar në stacionin policor në Gjilan. Është vërtetuar se i akuzuari ka kryer veprën penale “keqpërdorim seksual i personave nën moshën 16-vjeçare”. Gjykohet me burgim në kohëzgjatje prej 4-vjetësh”, -thuhet në aktgjykimin e Gjykatës Themelore të Gjilanit.

Dëshmia:

“Kam filluar të punoj në shitoren time në Gjilan, aty ka ardhur dhe kemi shkëmbyer puthje. Prej atij momenti ka filluar lidhja dhe komunikimi përmes telefonit të babait të saj. Të nesërmen kemi shkuar te motel “C..”, dhe aty kemi pasur marrëdhënie seksuale me dëshirën dhe iniciativën e saj, pasi edhe më herët ajo kishte pasur marrëdhënie seksuale. E kam ditur që është e mitur, por nuk e kam ditur që është nën moshën 16-vjeç”, -dëshmoi ai.

Dëshmia e Tuti Sejdiut:

“Edhe pse fillimisht kam shkuar vullnetarisht, kam kërkuar nga ai që të më lëshojë. M’i ka dhënë edhe 10 euro dhe e ka ditur për moshën time. Është e vërtetë që kam dalë me të dhe kemi shkuar në motel në Gjilan. Ai ka kërkuar nga unë që të mos pranoj, nëse dikush më pyet për lidhjen tonë.”

Detaji i ri që përmendet në dosjen e çështjes është dhe fakti se si ajo kishte arritur që ta kalonte kufirin dhe të shkonte në Serbi në një kohë që ishte vetëm 13 vjeçe.

“Gjatë kohës së qëndrimit në Shabac, një herë kam tentuar që të iki nga shtëpia e tij sepse më ka goditur. Në Serbi kanë ardhur mami dhe babi im dhe më kanë marrë nga një vend ku isha e strehuar,”-tregoi ajo.

Kujtojmë se para pak ditësh ajo ka treguar për “Prive” se është trafikuar nga një komshi i saj nga Kosova drejt Serbisë. Miss Universe Kosova ka treguar se në ditën e tetë të atij makthi e shpëtoi Interpoli dhe e dërgoi në Kosovë.

“Komshiu im më dhunoi dhe më trafikoi nga Kosova në Serbi. Në atë kohë unë isha fëmijë 13 vjeç dhe nuk e kuptoja gjithçka dhe gjuhën serbe nuk e di e nuk e kam ditur as atëherë. Në ato momente e kam kuptuar se diçka nuk ishte në rregull. Mirëpo ditën e 8, kur shkova në Serbi më shpëtoi Interpoli dhe më solli në Kosovë pranë familjes time. Unë atë kapitull e kam mbyllur nuk merrem me të shkuarën, po luftoj vetëm për t’u vendosur drejtësi.

Kur më mori Interpoli më çoi në një qendër rehabilitimi dhe pastaj erdhi familja më mori. Po për t’i kaluar ato ditë dhe ato vite më është dashur të bëjë shumë sakrifica për t’i tejkaluar këto sfida. Por sfidat të bëjnë shumë të fortë”, ka rrëfyer Sejdiu.

The post Fqinji u dënua me 4 vite burg, detaje të reja nga rasti i përdhunimit të Miss-it shqiptar (FOTO LAJM) appeared first on Albeu.com.

Pak ditë më parë, Tuti Sejdiu ka tronditur me rrëfimin e saj teksa ka treguar se në moshën 13-vjeçare është përdhunuar e trafikuar nga disa persona. Në një intervistë, ajo ka thënë se kurorën ia ka kushtuar familjes së saj, për një arsye mjaft rrënqethëse.

Së fundmi, e ftuar në “Prive”, ajo ka bërë publike të tjera detaje shokuese. Ajo zbuloi se ka qenë komshiu i saj ai që e ka trafikuar nga Kosova drejt Serbisë. Po ashtu Tuti tha se atë e ka shpëtuar Interpoli në ditën e tetë dhe e ka rikthyer te familjarët.

“Komshiu im më dhunoi dhe më trafikoi nga Kosova në Serbi. Në atë kohë unë isha fëmijë 13 vjeç dhe nuk e kuptoja gjithçka dhe gjuhën serbe nuk e di e nuk e kam ditur as atëherë. Në ato momente e kam kuptuar se diçka nuk ishte në rregull. Mirëpo ditën e 8, kur shkova në Serbi më shpëtoi Interpoli dhe më solli në Kosovë pranë familjes time. Unë atë kapitull e kam mbyllur nuk merrem me të shkuarën, po luftoj vetëm për t’u vendosur drejtësi. Kur më mori Interpoli më çoi në një qendër rehabilitimi dhe pastaj erdhi familja më mori. Po për t’i kaluar ato ditë dhe ato vite më është dashur të bëjë shumë sakrifica për t’i tejkaluar këto sfida. Por sfidat të bëjnë shumë të fortë”, tregoi ajo.

The post “Komshiu më trafikoi nga Kosova në Serbi”, Miss-i shqiptar bën publike të tjera detaje shokuese appeared first on Albeu.com.

“Arsyeja që kam ardhur në Miss Universe janë familja ime, kam apliku, kam ardhur dhe nuk e kam besu që jam fituesja, kjo kurorë i dedikohet vetëm familjes time që kanë sakrifiku shumë për mu, e vazhdojnë që të sakrifikojnë.”, u shpreh ajo.

Rrëfimi i saj i ka prekur të gjithë, ndër ta dhe aktoren Adriana Matoshi, e cila ka publikuar një fotografi me missin ndërsa ka përcjellë dhe një mesazh për të.

“Tuti Sejdiu, një çikë e fortë që vendosi me shpalosë historinë e saj në momentin që fitoi titullin e më të bukurës në ‘Miss Universe Kosova’! Qëllimi i saj nuk ishte titulli i më të bukurës, po prurja e drejtësisë në vend!

Ajo tani është në duar të sigurta dhe me njerëzit që punojnë për të çuar në vend amanetin e saj! Një femër si ajo i duhet shtetit! E fortë, e bukur dhe shumë motivuese”, ka shkruar Adriana.

The post Tronditi me historinë e përdhunimit, Adriana Matoshi për Miss-in shqiptar: I duhet shtetit appeared first on Albeu.com.

The post U përdhunua e u trafikua nga disa persona në Serbi, Miss-i shqiptar trondit me rrëfimin (FOTO LAJM) appeared first on Albeu.com.