Si problematike janë përmendur vargje si: “Kur ndez një qiri, pyet gjyshen tënde / pse i lindi vajzat me frikë”, “Nënat tona nuk kanë lindur skllevër” dhe “Bijtë tanë nuk janë nënshtruar”, si dhe pjesa ku përmenden “tradhtarët”. Në disa media dhe komente në rrjetet sociale në Turqi, këto vargje interpretohen si referenca ndaj përvojave historike gjatë sundimit osman.

Reagime kanë shkaktuar edhe elementet vizuale të performancës. Veçanërisht janë përmendur kryqet dhe simbolet e tjera të krishtera në fytyrat dhe duart e anëtareve të grupit, të cilat një pjesë e publikut turk i lidh me rrëfime historike për gratë që përpiqeshin të mbroheshin nga dhuna dhe rrëmbimet.

Megjithatë, interpretimet nuk janë të njëjta për të gjithë. Tatuazhet e shfaqura në performancë lidhen shpesh me traditën e “sicanjes”, një zakon i vjetër i tatuimit te popullsia katolike në Bosnje dhe Hercegovinë. Ky zakon zakonisht shihet si pjesë e trashëgimisë kulturore dhe fetare, dhe jo domosdoshmërisht si simbol rezistence ndaj osmanëve.

Edhe më herët janë dhënë shpjegime të ndryshme për këtë praktikë. Për shembull, një grua nga Bosnja, Mara Bojić, ka deklaruar se këto tatuazhe nuk kanë qenë “mburojë kundër turqve”, por pjesë e traditës katolike. Nga ana tjetër, disa studiues theksojnë se në periudha të caktuara, ky zakon ka marrë edhe kuptime shtesë, si ruajtja e identitetit gjatë sundimit osman.

Pikërisht për shkak të këtyre interpretimeve të ndryshme, një pjesë e publikut turk e ka parë performancën më shumë si politike sesa artistike. Ndërsa nga këndvështrimi kroat, ajo konsiderohet si një trajtim artistik i kujtesës historike, dhimbjes kolektive dhe motiveve të tradhtisë, pa iu referuar drejtpërdrejt Turqisë së sotme.

Grupi Lelek përbëhet nga Judita Štorga, Inka Večerina Perušić, Korina Olivija Rogić, Lara Brtan dhe Marina Ramljak. Ato janë një formacion etno-pop që ndërthur motive tradicionale me tinguj modernë. Vitin e kaluar morën pjesë në festivalin kombëtar Dora me këngën “The Soul of My Soul”, ku u renditën të katërtat, ndërsa këtë vit siguruan përfaqësimin në Eurovision.

Kroacia do të përfaqësohet me “Andromeda” në gjysmëfinalen e parë të Eurovisionit më 12 maj në Vienna. Tekstin e këngës e ka shkruar Tomislav Roso, ndërsa muzikën e kanë realizuar Filip Lacković, Lazar Pajić dhe Zorja Pajić.

E gjithë kjo situatë ka rihapur edhe diskutimin për reagimin e mundshëm të European Broadcasting Union, e cila në të kaluarën ka ndërhyrë kur ka vlerësuar se ndonjë këngë përmban mesazhe politike. Deri më tani nuk ka sinjale se grupi do të detyrohet të ndryshojë performancën, por është e qartë se “Andromeda” ka tërhequr vëmendje ndërkombëtare që para nisjes së garës.

The post Turqit kanë folur hapur për këngën kroate të Eurovisionit: Janë të shqetësuar për tekstin dhe tatuazhet appeared first on Albeu.com.

“Do të nisnim bisedime intensive me Turqinë për të gjetur, në frymën e bashkëpunimit të mirë dhe aleancës, modelin më të mirë në interes të të dyja palëve”, tha Spajiq.

Ai nuk dha arsye për heqjen e regjimit pa viza.

Njoftimi i Spajiqit erdhi pasi policia gjatë një aksioni në lagjen Zabello të Podgoricës arrestoi rreth 50 shtetas të Turqisë, përfshirë dy persona për të cilët dyshohet se morën pjesë në një përleshje ku një banor i Podgoricës, M.J., u plagos me thikë, njoftoi Policia malazeze pas orës 22:00 të dielën.

Përleshja ndodhi natën mes së shtunës dhe së dielës në një kafene në Zabello.

Gjatë arrestimeve, u mblodh një grup i madh qytetarësh që brohoritnin mesazhe me gjuhë të urrejtjes, përkatësisht duke nxitur dhunë ndaj turqve. Policia ndaloi disa nga të pranishmit që të afroheshin pranë objekteve ku ndodheshin shtetasit turq.

Qytetarëve iu drejtua edhe ministri i Punëve të Brendshme, Danilo Sharanoviq, i cili tha se është manipulim të thuhet se në Mal të Zi qëndrojnë 100.000 shtetas turq dhe shpjegoi se numri i tyre është 13.000, prej të cilëve 80 kanë qëndrim të përhershëm.

Mbrëmjen e së dielës, një numër i madh i automjeteve policore u vendosën para ndërtesës së Ambasadës turke në Podgoricë.

Deputeti Boris Bogdanoviq nga Partia Demokratike në pushtet, subjekti i ministrit Sharanoviq, publikoi një fotografi të arrestimeve me mbishkrimin: “Mbrojmë vendin tonë. Mbrojmë çdo shtëpi”.

Policia lidhi arrestimet me, siç tha, incidente me elemente dhune gjatë 24 orëve të fundit, në të cilat morën pjesë shtetas turq që qëndrojnë përkohësisht në Podgoricë.

Nga policia thanë se do të verifikojnë ligjshmërinë e qëndrimit të tyre dhe nëse gjatë qëndrimit ka pasur dhunë, mund të ketë veprime për anulimin e ëndrimit ose dëbim nga vendi.

Nga rreth 100.000 të huaj në Mal të Zi, 13.400 janë shtetas turq, sipas të dhënave zyrtare të policisë. Më shumë janë shtetas serbë dhe rusë, gjithsej rreth 50.000.

Ndryshe, Turqia është një ndër vendet për të cilat Mali i Zi ka hequr vizat, gjë për të cilën Komisioni Evropian ka kërkuar nga Podgorica që të harmonizojë politikën e vizave me Bashkimin Evropian. Shtetasve turq u kërkohet vizë për të hyrë në vendet e BE-së.

“Dënoj ashpër sulmin”, shkroi në rrjetin X presidenti i Malit të Zi, Jakov Millatoviq, duke u bërë thirrje autoriteteve të zgjidhin rastin në mënyrë efikase.

“Njëkohësisht, bëj thirrje për qetësi dhe përmbajtje për të gjithë qytetarët. Nuk duhet të ketë vend për faj kolektiv apo stigmatizim të një populli të tërë”.

Ai shtoi se të gjithë duhet të kenë kujdes që mesazhet e tyre të mos rrisin tensionet.

“Policia dhe prokuroria janë të detyruara të luftojnë gjuhën e urrejtjes dhe çdo formë kërcënimi. Malit të Zi i nevojitet një politikë imigracioni më e përgjegjshme: e fortë ndaj abuzimeve dhe krimit, dhe e drejtë ndaj të gjithë atyre që respektojnë ligjet tona”, theksoi Millatoviq.

Edhe zëvendëskryeministri dhe ministri i Punëve të Jashtme i Malit të Zi, Ervin Ibrahimoviq, dënoi ashpër sulmin. Ai bëri thirrje “të gjithë në Mal të Zi për përmbajtje”, duke theksuar se përgjegjësia është individuale.

Sipas tij, në një Mal të Zi evropian nuk ka vend për dhunë, për veprime arbitrare dhe thirrje si “Vrite turkun” – thirrje që u dëgjuan në Podgoricë, duke kërkuar një reagim të menjëhershëm nga autoritetet.

Edhe Partia e Boshnjakëve, në pushtet, kërkoi zbardhjen e rastit dhe ndëshkimin e autorëve “pavarësisht përkatësisë së tyre kombëtare”.

“Së bashku, me shqetësim të madh dënojmë gjuhës së urrejtjes dhe brohoritjet si ‘Vrite Turkun’… Mali i Zi duhet të mbetet një vend ku ndaj dhunës nuk përgjigjemi me urrejtje, por me drejtësi, dhe ku institucionet, jo rrugët, vendosin për fajësinë”.

Kryetari i Bashkësisë Islame në Mal të Zi, Rifat Fejziq, komentoi ngjarjen në kontekstin e ftohjes së marrëdhënieve midis Beogradit dhe Ankarasë, pas faktit që në fillim të tetorit Turqia dërgoi armë në Kosovë, gjë që presidenti serb, Aleksandar Vuçiq, e quajti “tronditëse” dhe vlerësoi se Ankaraja, që është anëtare e NATO-s, nuk dëshiron stabilitet në Ballkan.

“Pas më pak se 20 ditësh. A po e ndëshkon Beogradi Turqinë përmes Malit të Zi?”, shkroi Fejziq në X, duke publikuar një foto të një teksti me titullin “Vuçiq sulmoi Turqinë: Ne dimë çfarë po planifikoni…”.

Një pjesë e koalicionit qeverisës në Mal të Zi, kryesisht partitë e ish-Frontit Demokratik prorus, kanë lidhje të ngushta me Beogradin dhe presidentin e Serbisë, Aleksandar Vuçiq.

Në Mal të Zi, vitet e fundit janë bërë gjithnjë e më të pranishme grupet kriminale të huaja, veçanërisht turke, gjeorgjiane dhe ruse, siç thuhet në Vlerësimin e Rrezikut të Krimit të Organizuar dhe të Rrezikshëm (SOCTA) të Qeverisë, vitin e kaluar.

Në dokument nuk ka detaje mbi veprimtarinë specifike të kriminelëve rusë dhe gjeorgjianë, ndërsa turqit përmenden në lidhje me “operacione” me heroinë, trafikim të njerëzve dhe pastrim parash.

Gjatë tre muajve të fundit, janë përshkallëzuar përleshjet midis dy klaneve kriminale malazeze që merren me kontrabandën ndërkombëtare të drogës.

Në Mal të Zi janë të regjistruara 11 grupe të krimit të organizuar me rrezik të lartë, shumica me më shumë se 30 anëtarë, sipas raportit të fundit SOCTA-s./REL

The post Mali i Zi vendos vizat për turqit, pas një sërë arrestimesh në Podgoricë appeared first on Albeu.com.

I. C., 34 vjeç, R. B., 19 vjeç dhe H. A., 38 vjeç, të tre banues në Turqi, u gjetën me dokumente identifikimi të dyshuara të falsifikuara, të cilat u sekuestruan në cilësinë e provës materiale.

Njoftimi i policisë:

Policia Kufitare e Rinasit vijon operacionet për parandalimin dhe goditjen e tentativës për kalim të kufirit, me dokumente të falsifikuara.

Finalizohet operacioni policor i koduar “Last guide”.

Tentuan të kalonin kufirin, me dokumente të falsifikuara, arrestohen në flagrancë 3 shtetas turq. Për njërin prej tyre disponohej informacion se kishte ndihmuar shtetas të huaj, për të kaluar kufirin, me dokumente të falsifikuara.

Sekuestrohen dokumente identifikimi të dyshuara të falsifikuara.

Shërbimet e Policisë Kufitare Rinas, në vijim të kontrolleve të detajuara të dokumentacionit që paraqesin shtetasit që hyjnë dhe dalin në këtë pikë të kalimit kufitar, bazuar dhe në informacionet e shkëmbyera me partnerët francezë, kanë organizuar dhe finalizuar operacionin policor të koduar “Last guide”, për goditjen e tentativës për të kaluar kufirin në mënyrë të paligjshme, me dokumente false.

Si rezultat i këtij operacioni u arrestuan në flagrancë shtetasit I. C., 34 vjeç, R. B., 19 vjeç dhe H. A., 38 vjeç, të tre banues në Turqi.

Shërbimet e Policisë, pas informacioneve të shkëmbyera me partnerët francezë, se shtetasi H. A. dyshohej se kishte ndihmuar për të kaluar kufirin në mënyrë të paligjshme, dy shtetas të tjerë, menjëherë kanë kontrolluar dokumentet e tij dhe të shtetasve I. C. dhe R. B.

Gjatë kontrolleve, shërbimet e Policisë iu gjetën këtyre shtetasve, dokumente identifikimi të dyshuara të falsifikuara, të cilat u sekuestruan në cilësinë e provës materiale.

Materialet i kaluan Prokurorisë, për veprime të mëtejshme procedurale. /albeu.com

The post Tentuan të kalonin me dokumente të falsifikuara, arrestohen 3 turqit në Rinas appeared first on Albeu.com.

Për të bërë pilafin sipas recetës turke, mjafton vetëm mishi i bardhë dhe perimet, si dhe orizi. Mishi i bardhë nuk do të jetë i thatë sepse është i skuqur në salcë me domate dhe speca. Tani nuk keni pse ta piqni në furrë, gjithçka mund ta përfundoni në një tavë.

Përbërësit:

– 2 speca të kuq,
– 2 speca të gjelbër,
– 1 qepë,
– 2 domate,
– 3 lugë vaj ulliri,
– 700 gr fileto pule,
– 350 gr oriz,
– 1 lugë çaji pure domatesh,
– 200 ml ujë të vluar.

Përgatitja:

Pritini specat, domatet dhe qepët në kubikë. Skuqini qepën në pak vaj, më pas shtoni specat.

Pas disa minutash shtoni mishin e prerë në kubikë. Hidhni erëza sipas shijes, më pas shtoni domatet.

Ziejeni derisa mishi të jetë gati. Shtoni orizin e larë dhe hidhni ujë.

Mbulojeni dhe ziejeni derisa të bëhet gati. Nëse e shihni se është i thatë orizi, rrisni sasinë e ujit.

Ju bëftë mirë!/albeu.com

The post Ja si e bëjnë pilafin amvisat turke, nuk e përdorin fare furrën appeared first on Albeu.com.

Sipas rezultateve të Entit të Statistikës, në Maqedoninë e Veriut jetojnë 3,504 bullgarë.

“Si është e mundur që të ketë një dallim të madh mes atyre që janë deklaruar si bullgarë (3,504) dhe numrit prej mbi 100.000 shtetasve maqedonas, të cilët janë të pajisur me shtetësi bullgare. Objekt i analizës serioze është fakti se 7.2% e qytetarëve të shtetit fqinj nuk janë të numëruar aktivisht. Sipas informacioneve, të dhënat për ta janë mbledhur nga një bazë e duhur informative, por pa u theksuar përkatësia e tyre etnike dhe fetare”, thuhet në reagimin e Ministrisë së Punëve të Jashtme të Bullgarisë.

Rezultatet e regjistrimit i kontestuan të premten edhe Partia Demokratike e Serbëve dhe komuniteti serb në Maqedoni. Sipas Entit Shtetëror të Statistikës, në Maqedoninë e Veriut jetojnë rreth 26 mijë serbë apo 1.3 për qind.

Edhe pakica turke ka thënë se nuk i pranon rezultatet pasi pretendon se turq ka më shumë se shifrat zyrtare prej rreth 75 mijë personave apo 3.84 për qind.

Komisioni Evropian konsideron se regjistrimi i popullsisë në Maqedoninë e Veriut është realizuar, sipas të gjitha standardeve evropiane. Zëdhënësja e Komisionit Evropian, Ana Pisonero, tha të premten se “ligji dhe metodologjia në të cilën bazohet përgatitja, organizimi dhe zbatimi i regjistrimit ishin në përgjithësi në përputhje me standardet përkatëse të përcaktuara me legjislacionin statistikor të Bashkimit Evropian”.

Në Maqedoninë e Veriut, bazuar në rezultatet e publikuara më 30 mars, jetojnë 1,836,713 banorë apo rreth 10 për qind më pak se në regjistrimin e vitit 2002. Prej tyre 58.44 për qind maqedonas dhe 24.3 për qind shqiptarë./Rel

The post Bullgarët, serbët dhe turqit s’i pranojnë rezultatet e regjistrimit në Maqedoninë e Veriut appeared first on Albeu.com.

Në një intervistë të dhënë për VOA, Ish-kryetari i Komunitetit Mysliman të Shqipërisë, Skënder Bruçaj u shpreh se nëse nuk përfundohet në kohë nga turqit brenda afatit, KMSH i ka forcat që këtë objekt kulti ta përfundojë i vetëm.

Bruçaj theksoi se xhamia nuk po bëhet nga qeveria turke, por me ndihmesën e vëllezërve myslimanë në Turqi ndërsa shtoi se është një objekt kulti që nuk mund të bëhet pjesë e pazareve politike apo pjesë e strategjive të një shteti të huaj për të rritur influencën në vendin tonë.

“Fillimet e punimeve ishin atëherë kur isha unë në detyrë kryetar. Në një vizitë që pata në Turqi, i pata thënë ish-kryetarit të Komunitetit Mysliman të Turqisë që duhet të filloni punimet e xhamisë së Namazgjasë se edhe unë për vete kam kontribuar. Dhe janë bërë disa herë thirrje në Turqi. Xhamia bëhet me ndihmesën e vëllezërve myslimanë turq. Edhe xhamia duhej të mbaronte për dy vjet. Besoj se kontrata këtë verë mbaron. Nëse nuk e përfundojnë, KMSH i ka forcat për ta mbaruar. Xhamia është një objekt kulti, nuk mund të bëhet pjesë e një pazari politik e as e një strategjie kombëtare të një shteti të huaj për të rritur influencën e vet,” tha ish-kreu i KMSH.

The post Ish-kreu i KMSH në VOA: Ka shumë presion për xhaminë e Namazgjasë, nëse nuk e mbyllin turqit, e mbaron vetë komuniteti appeared first on Albeu.com.

Eni së fundmi është pjesë e kastit të aktorëve të serialit ‘Snob’.  Po sa snob është ajo? Pranon që në disa raste do duhet ta kishte bërtitur punën e e saj.

“Varet çfarë zgjedh njeriu. Janë disa njerëz që punojnë dhe puna i  bën të famshëm dhe nuk e kanë qëllim të jenë të famshëm.  Dhe janë disa njerëz që luftojnë për të qenë të famshëm. Unë hyj tek ata njerëz që nuk e bëj gjënë se dua të jem e famshme, e bëj gjënë se më kënaq, më bën të ndihem mirë me veten, mendoj që shërbej me atë që bëj dhe si rrjedhoj mund të vij dhe fama”.

Ermali e pyet nëse ka personazhe të filmit apo teatrit që janë mbivlerësuar në Shqipëri?

“Po ka. Emra s’të përmend”, pohoi ajo.

Pse nuk e kanë ftuar shpesh në projekte, për të luajtur me Gencin? Grindavec të dy në një set?

“Nuk është se kemi patur shpesh propozime, kanë qenë të rralla. Ndoshta se unë jam pak grindavece në sensin e se ka momente që  “shiko ta shikosh këtë, ta bësh këtë; dhe unë i them mos ndërhy është roli im, e bëj vetë, nuk kam nevojë”, domethënë gjëra të kësaj natyre”.

A do mundin serialet shqiptare ato turke? Kjo s’është çudi për aktoren madje sipas saj, ata mund të blejnë serialet tona.

The post Edhe turqit do marrosen me serialet shqiptare? Eni Jani: Mund të rikthehet ‘Njerëz e fate’ appeared first on Albeu.com.

Këto komente ajo i bëri në emisionin “Euro2020” në RTV Ora, menjëherë pasi Italia shënoi tre gola kundrejt Turqisë që me 0 gola.

“Turqit janë të mirë për donera, për bakllava për kafe turke, futbollin le ta lënë. Shiko se çfarë i bënë në Itali. Për mua futbolli turk është trafik dhe i zhurmshëm. “- tha ajo.

Kampionati evropian ka nisur mbrëmjen e sotme në orën 21:00 dhe do të përfundojë më 12 korrik .

The post Qeqa komenton fitoren e Italisë: Turqit janë për donera dhe kafe, ta lënë futbollin appeared first on Albeu.com.