Taulant Seferi do ta vijojë karrierën te Kayserispor në Ligën e Parë të Turqisë, duke i dhënë fund aventurës së tij dyvjeçare me Bodrumspor.

Skuadra e tij e mëparshme iu afrua shumë ngjitjes në Superligën turke sezonin e fundit, por nuk ia doli ta siguronte atë. Pas këtij dështimi, Bodrumspor ka mbetur edhe pa shërbimet e sulmuesit shqiptar.

Transferimi bëhet edhe më interesant për faktin se Kayserispor dhe Bodrumspor janë rivalë dhe do të garojnë në të njëjtën ligë. Gjatë edicionit 2025-2026, Seferi spikati përpara portës, duke realizuar 16 gola dhe duke dhënë 7 asiste në 37 ndeshje.

The post Taulant Seferi largohet nga Bodrumspor, kalimi te Kayserispor ndez rivalitetin turk appeared first on Albeu.com.

Florian Loshaj është zyrtarisht lojtari më i ri i Bodrumspor. Mesfushori 29-vjeçar i ka dhënë fund qëndrimit te Igdir FK dhe do të vijojë karrierën te një tjetër skuadër e Ligës së Parë turke.

Palët kanë rënë dakord për një kontratë dyvjeçare, e cila do të jetë në fuqi deri në verën e vitit 2028. Loshaj e ka nisur rrugëtimin futbollistik te Genk në Belgjikë, ndërsa më pas ka veshur fanellat e MVV Maastricht, Roda JC, Poli Iasi, Cracovi dhe Istanbulpor.

Mesfushori shqiptar numëron gjithashtu 24 paraqitje me përfaqësuesen e Kosovës, duke sjellë një përvojë të konsiderueshme në ekipin e ri. Te Bodrumspor, Loshaj do të gjejë edhe dy futbollistët e Kombëtares shqiptare, Arlind Ajetin dhe Taulant Seferin.

The post Bodrumspor afron Florian Loshajn, mesfushori 29-vjeçar i bashkohet Ajetit dhe Seferit appeared first on Albeu.com.

“Po monitorojmë me kujdes çdo hap të ndërmarrë nga qarqet që dëshirojnë ta shndërrojnë Qipron në pjesë të strukturave të reja ushtarake dhe llogaritjeve gjeopolitike”, tha ai.

Ai përsëriti gjithashtu qëndrimin e Ankarasë se çdo proces i ardhshëm negociues për çështjen e Qipros duhet të bazohet në atë që Turqia e përshkruan si “barazi sovrane” të qipriotëve turq.

“Asnjë iniciativë që injoron barazinë sovrane, të drejtat dhe interesat legjitime të qipriotëve turq në Mesdheun lindor nuk mund të kurorëzohet me sukses”, tha ai.

Ai përsëriti gjithashtu angazhimin e Turqisë për të mbështetur komunitetin turk qipriot, duke thënë se Ankaraja “nuk do të lejojë kurrë, pavarësisht kostos, që ata të rijetojnë vuajtjet e vjetra”.

Erdogan e përshkroi rolin e Turqisë në ishull si një çështje “sigurie kombëtare”, duke sinjalizuar se Ankaraja nuk kishte ndërmend të ndryshonte qëndrimin e saj pavarësisht përpjekjeve të ripërtërira diplomatike të udhëhequra nga Kombet e Bashkuara.

Komentet e tij erdhën vetëm disa orë pasi Sekretari i Përgjithshëm i OKB-së Antonio Guterres, përfundoi takimet me presidentin e Qipro, Nikos Christodoulides dhe udhëheqësin turk-qipriot Tufan Erhurman, gjatë të cilave ai njoftoi planet për të thirrur një takim të ri të zgjeruar mbi Qipron.

The post Erdogani paralajmëron për Qipron: Nuk mund të bëhet pjesë e strukturave ushtarake appeared first on Albeu.com.

Angelo Tafas pritet të jetë përforcimi më i ri i Boluspor. Portieri 26-vjeçar, i cili së fundmi mbylli aventurën me Tiranën në Superiore, ka zgjedhur ta vazhdojë karrierën në Ligën e Parë të Turqisë.

Sipas mediave turke, marrëveshja për transferimin konsiderohet e përfunduar dhe tashmë mungon vetëm njoftimi zyrtar nga klubi. Pasi ka luajtur në Greqi, Kosovë dhe Shqipëri, Tafas do të provojë për herë të parë një eksperiencë në futbollin turk.

Karriera e portierit ka nisur tek AEK Athinë. Më pas, ai është aktivizuar me Loutraki, APO Keratsini, Ionikos Nikea, Kukësi, Gjilani, Teuta dhe, së fundmi, Tirana.

The post Pas humbjes së vendit si titullar te Tirana, portieri bëhet gati për transferimin e bujshëm në Turqi appeared first on Albeu.com.

Kërkesa e Zelenskyt vjen pas dy sulmeve të rënda me raketa ruse ndaj kryeqytetit Kiev brenda më pak se një jave. Raketat goditën ndërtesa banimi, duke shkaktuar vdekjen e mbi 50 civilëve.

Samiti, që zhvillohet në Ankara të martën dhe të mërkurën, pritet të shërbejë gjithashtu si skenë për një takim të rëndësishëm mes Zelenskyt dhe presidentit amerikan Donald Trump.

Presidenti ukrainas synon të argumentojë se sulmet e fundit të Rusisë janë shenjë dobësie dhe jo force, duke kërkuar që presidenti rus Vladimir Putin të vihet nën presion për t’u ulur në bisedime që do të çonin drejt një paqeje “me dinjitet”.

The post Samiti i NATO-s në Turqi/ Pas sulmeve të fundit ruse, Zelensky do të kërkojë më shumë sisteme të mbrojtjes ajrore appeared first on Albeu.com.

Sipas administratës amerikane, Trump pret që të gjithë anëtarët e aleancës të nisin menjëherë rrugën drejt objektivit për të investuar 5% të Prodhimit të Brendshëm Bruto në mbrojtje gjatë dekadës së ardhshme.

“Presidenti Trump pret plotësisht që të gjithë aleatët të veprojnë menjëherë dhe me urgjencë për të arritur objektivin prej 5%”, deklaroi ambasadori i SHBA-së në NATO, Matt Whitaker, përpara samitit.

Shtëpia e Bardhë, e konsideron gatishmërinë e shumicës së vendeve anëtare për të rritur shpenzimet ushtarake si dëshmi të ndikimit që Trump ka pasur mbi aleancën, edhe pse ai ka vijuar të ketë mosmarrëveshje me disa partnerë për çështje të ndryshme, përfshirë luftën mes Izraelit dhe Iranit, deklaratat për Groenlandën dhe përplasjet personale me liderë të tjerë.

Trump do të niset drejt Ankarasë mbrëmjen e së hënës dhe, ditët e fundit, ka përsëritur kritikat se Shtetet e Bashkuara shpenzojnë shumë më tepër për mbrojtjen sesa aleatët e tyre.

Nga ana tjetër, sekretari i përgjithshëm i NATO-s, Mark Rutte, është përpjekur të theksojë progresin e vendeve anëtare.

The post Samiti i NATO-s në Turqi/ Donald Trump kërkon nga vendet anëtare të Aleancës zbatimin e angazhimit për rritjen e shpenzimeve ushtarake appeared first on Albeu.com.

Sipas rezultateve, 88 për qind e qytetarëve shprehen se kanë besim te Shtetet e Bashkuara të Amerikës, ndërsa po aq, 88 për qind, deklarojnë besim edhe te NATO, duke i vendosur këto dy institucione në krye të partnerëve ndërkombëtarë më të besueshëm për vendin.

Menjëherë pas tyre vjen Bashkimi Evropian, ndaj të cilit besim kanë 83 për qind e të anketuarve. Në vijim renditen Banka Botërore me 82 për qind dhe Fondi Monetar Ndërkombëtar (FMN) me 80 për qind.

Në mesin e aktorëve ndërkombëtarë të përfshirë në këtë listë është edhe Turqia, e cila gëzon besimin e 78 për qind të kosovarëve të pyetur.

Të dhënat janë pjesë e gjetjeve të sondazhit vjetor 2026 për Kosovën, i cili trajton perceptimet e qytetarëve ndaj Bashkimit Evropian.

Mbështetja për anëtarësimin e shtetit më të ri në Ballkan në BE mbetet e lartë. Sipas sondazhit, 83 për qind e qytetarëve thonë se e mbështesin integrimin evropian të Kosovës, ndërsa 85 për qind vlerësojnë se anëtarësimi do të sillte më shumë përfitime sesa mangësi.

Raporti thekson se 68 për qind e qytetarëve ndihen të mirë-informuar ose deri diku të informuar për procesin e integrimit evropian të Kosovës.

Lidhur me afatin e mundshëm të anëtarësimit, 48 për qind e të anketuarve mendojnë se Kosova mund të bëhet pjesë e BE-së brenda pesë vjetëve të ardhshme. Ndërkohë, 32 për qind besojnë se kjo mund të ndodhë në një periudhë prej pesë deri në 15 vjet, ndërsa vetëm 3 për qind vlerësojnë se Kosova nuk do të bëhet kurrë anëtare e Bashkimit Evropian.

Sa u përket përfitimeve që lidhen me anëtarësimin në BE, më së shumti përmendet përmirësimi i imazhit të Kosovës në arenën ndërkombëtare, i përzgjedhur nga 49 për qind e të anketuarve. Më pas renditen paqja dhe siguria për Kosovën dhe rajonin me 43 për qind, si dhe një e ardhme më e mirë për fëmijët me 42 për qind.

Nga ana tjetër, qytetarët shohin si pengesën kryesore për integrimin evropian korrupsionin e përhapur, të cilin e përmendin 40 për qind e tyre. Pas tij vjen mungesa e interesit të BE-së për ta pasur Kosovën anëtare me 27 për qind, ndërsa mungesa e vullnetit politik në Kosovë përmendet nga 26 për qind.

Raporti evidenton edhe një nivel të lartë besimi ndaj Bashkimit Evropian. Rreth 83 për qind e qytetarëve deklarojnë se i besojnë BE-së, ndërsa 64 për qind thonë se kanë një imazh pozitiv për unionin.

Për sa i përket ndihmës financiare, 97 për qind e qytetarëve janë në dijeni se Bashkimi Evropian financon projekte në Kosovë. Prej tyre, 65 për qind e konsiderojnë këtë mbështetje si efektive.

Sipas të anketuarve, fushat ku BE-ja duhet të ketë një rol më të madh në Kosovë janë zhvillimi ekonomik dhe tregtia, sistemi shëndetësor, si edhe lufta kundër korrupsionit dhe forcimi i sundimit të ligjit.

The post Sondazhi 2026: Kosovarët besojnë më shumë te SHBA-ja dhe NATO, ndërsa mbështetja për BE-në mbetet e lartë appeared first on Albeu.com.

“Kangurët” shënojnë nga një gol në çdo pjesë dhe marrin tre pikë të çmuara dhe i bashkohen Shteteve të Bashkuara të Amerikës në krye të grupit.

Irankunda zhbllokoi sfidën në pjesën e parë, ndërsa Matcalfe golin që vulosi fatin e ndeshjen në pjesën e dytë.

Ka nisur keq aventura e Turqisë në Botëror. Skuadra e Montelës ndonëse nuk luajti keq, nuk arriti që të evitojë humbjen përballë Australisë në ndeshjen e parë të grupit.

Shikoni golat:  Goli 1 dhe Goli 2

The post VIDEO/ Australia surprizon Turqinë appeared first on Albeu.com.

Ekipe mjekësore, të zjarrfikëse si edhe policia mbërritën menjëherë në vendngjarje. Nëna dhe tre fëmijët u transportuan menjëherë në spital.

Si pasojë e zjarrit u raportuan dëme të shumta materiale.

The post VIDEO/ Zjarri përfshiu banesën 3-katëshe, shpëton mrekullisht nëna dhe tre fëmijët në Turqi appeared first on Albeu.com.

Reshjet intensive nisën ditën e djeshme dje shkaktuan daljen e lumenjve nga shtrati në distriktin Havza të provincës Samsun. Ujërat vërshuan nëpër rrugë, duke transportuar makina dhe mbeturina.

Sipas Anadolu, bodrumet dhe katet përdhese të disa banesave dhe bizneseve u përmbytën. Pamjet video të publikuara tregojnë një shofer që qëndronte mbi një kamion, në pritje të shpëtimit nga ekipet emergjente.

Sipas autoriteteve, asnjë prej të lënduarve nuk ndodhet në gjendje të rëndë. Disa prej tyre u paraqitën vetë në spital, ndërsa të tjerë u transportuan nga ekipet mjekësore.

Zjarrfikësit, policia dhe ekipet e emergjencave civile janë angazhuar në zonë për shpëtimin e banorëve të bllokuar dhe pastrimin e rrënojave të shkaktuara nga përmbytjet.

The post Përmbytje të mëdha në Turqi, reshjet e rrëmbyeshme lënë dhjetëra të lënduar appeared first on Albeu.com.