turne Archives - Albeu.com

Pas 2 vitesh turne, Justin Timberlake zgjedh qetësinë: Mision i kryer

D Marku — Tue, 05 Aug 2025 10:30:56 +0000

Pas plot dy vitesh në skenë, Justin Timberlake është kthyer në shtëpi dhe, siç duket, ka vetëm një plan: të mos bëjë asgjë.

Këngëtari 44-vjeçar e ndau këtë ndjesi me ndjekësit e tij në Instagram Stories të hënën, ku publikoi një foto me një bluzë që shkruante:

“Nuk do të bëj asgjë sot. Mision i kryer.

Në foto, Timberlake shfaqet i buzëqeshur, duke i nxjerrë gjuhën kamerës, në një moment të qartë çlodhjeje pas përfundimit të turneut botëror “Forget Tomorrow World Tour”, që nisi në prill 2024 në Vankuver dhe përfundoi më 30 korrik 2025 në Stamboll.

Kjo ndodh vetëm pak kohë pasi Timberlake zbuloi se është diagnostikuar me sëmundjen Lyme, çka e bëri edhe më domethënëse për të mbyllja e këtij kapitulli të rëndësishëm në karrierë.

The post Pas 2 vitesh turne, Justin Timberlake zgjedh qetësinë: Mision i kryer appeared first on Albeu.com.

Taylor Swift përfundon turneun muzikor ‘Eras’ me një fitim prej 2 miliardë dollarësh bruto

D Marku — Mon, 09 Dec 2024 14:37:54 +0000

Zyrtarisht ka ardhur fundi i turneut të Taylor Swift. Këngëtarja 14-herë fituese e çmimit Grammy përfundoi turneun e saj ‘ Eras’ Tour ‘ të dielën, më 8 dhjetor në Vankuver, duke mbyllur një seri rekord koncertesh që ndryshuan përgjithmonë peizazhin kulturor.

Teksa doli në skenë, Swift falënderoi fansat e saj që e bënë ‘Eras’ Tour’ kaq të pabesueshëm.
“Dua të falënderoj secilin prej jush që keni qenë pjesë e kapitullit më emocionues të gjithë jetës sime deri më sot – Eras Tour tim të dashur”, tha ajo në një video të shpërndarë në X (ish-Twitter) përpara se të këndonte këngën “Karma”.

Ylli më parë tha:‘Ne kemi bërë një turne në të gjithë botën… kemi pasur kaq shumë aventura. Ishte gjëja më emocionuese, më e fuqishme, elektrizuese, intensive, sfiduese që kam bërë ndonjëherë në gjithë jetën time.”

“Ne arritëm të performojmë për mbi 10 milionë njerëz në këtë turne”, shtoi Swift. Sipas New York Times, “Eras Tour” shiti gjithsej 2,077,618,725 dollarë në bileta.

Kompania konfirmoi se 10,168,008 njerëz morën pjesë në koncerte, thuhet në raport. Sipas NY Times, Coldplay ndjek Swift-in pasi thuhet se ka grumbulluar 1 miliard dollarë në shitjet e biletave për turneun e tyre “Music of the Spheres World Tour” me datë 156, i cili filloi në mars 2022 dhe zgjat deri në shtator 2025.

The post Taylor Swift përfundon turneun muzikor ‘Eras’ me një fitim prej 2 miliardë dollarësh bruto appeared first on Albeu.com.

Pas Nadal e Federer tërhiqet edhe Djokovic, mungon në turneun e Majemit

E S — Mon, 22 Mar 2021 08:50:21 +0000

Pas Roger Federer e Rafael Nadal në turneun Masters 1000 në Majemit do të mungojë edhe Novak Djokovic.

Tenisti serb, numri 1 në botë, ka konfirmuar përmes rrjeteve sociale nuk do të luajë në turneun e parë Masters të vitit për shkak se ende nuk ka rikuperuar nga dëmtimi që pësoi në grand slam të Australian Open. Turneu që zhvillohet në Florida nis më 24 mars.

“Të dashur fansa. Më vjen keq t’ju bëj me dije se nuk mund të luajë në turneun e Majemit. Vendosa të përdor këtë kohë të vyer që kam në dispozicion për të pushuar më shumë dhe të qëndroj me familjen time. Me gjithë këto kufizime anembanë botës preferoj të qëndroj në shtëpi, duke u përpjekur që të gjej një ekuilibër. Mezi pres të rikthehem në Majemi vitin tjetër”, tha Djokovic.

The post Pas Nadal e Federer tërhiqet edhe Djokovic, mungon në turneun e Majemit appeared first on Albeu.com.