Liverpooli ka bërë të ditur se Turkish Airlines do të jetë sponsori i ri kryesor në pjesën e përparme të fanellës, duke nisur nga sezoni 2027/28. Kompania do të pasojë Standard Chartered, partnerin që ka mbajtur këtë rol për një kohë të gjatë.

Sipas marrëveshjes së re, e cila besohet të kapë më shumë se 349 milionë euro për një periudhë pesëvjeçare, Liverpooli pritet të sigurojë kontratën më të vlefshme të sponsorizimit në historinë e Ligës Premier.

Standard Chartered do të mbetet pjesë e klubit edhe pas ndryshimit të rolit, pasi nga sezoni 2027/28 do të shërbejë si partner global. Ky bashkëpunim përfaqëson një prej partneriteteve më të gjata në futbollin botëror, pasi kompania ka qenë sponsori kryesor i Liverpoolit që nga viti 2010.

Në fillim të këtij viti, Liverpooli u rendit për herë të parë si klubi anglez me të ardhurat më të mëdha. Raporti “Football Money League” i Deloitte tregoi se të ardhurat e klubit arritën në 818 milionë euro.

Një ndikim të rëndësishëm në këtë rritje ka pasur edhe kontrata me Standard Chartered, e cila kap vlerën e rreth 70 milionë eurove në sezon. Eksperti i financave Kieran Maguire ka veçuar ndër faktorët kryesorë zgjerimin e Anfieldit dhe zhvillimin e aktiviteteve jashtë futbollit.

“Bëhet fjalë për të sjellë më shumë njerëz në stadium dhe për të organizuar më shumë evente atje. Ata kanë pritur koncerte dhe kanë gjeneruar të ardhura edhe nga këto aktivitete”, kishte deklaruar ai.

Maguire kishte shtuar se klubi ka zgjeruar gjithashtu rrjetin e dyqaneve zyrtare në mbarë botën, duke krijuar burime të tjera të ardhurash.

“Ky njoftim është gjithashtu një mundësi për të vlerësuar kontributin e jashtëzakonshëm që Standard Chartered ka dhënë për Liverpool gjatë 17 viteve të fundit”, tha Latty.//

The post Liverpooli zyrtarizon sponsorizimin rekord të fanellës me Turkish Airlines appeared first on Albeu.com.

Kompania ajrore njoftoi në rrjete sociale se: “Pas ndihmës së parë mjekësore që iu dha pilotit, e cila nuk funksionoi, ekuipazhi në kabinë, i cili përbëhej nga një kapiten dhe një bashkëpilot, vendosi të bënte një ulje emergjente. Fatkeqësisht, kapiteni ynë vdiq para uljes”.

Fluturimi u devijua për në New York dhe janë bërë procedurat e nevojshme që pasagjerët të udhëtojnë drejt Turqisë.

The post E rëndë/ Piloti humb jetën gjatë fluturimit, avioni bën ulje emergjente appeared first on Albeu.com.