Durrësi dhe Kavaja, u kthyen vitet e fundit në një nga modelet më të mira të turizmit në vend, pas investimeve të mëdha të bizneseve në hoteleri, ç`ka tërhoqi agjencitë e huaja që sjellin turistë të organizuar nga gjithë Europa.

Kjo zonë ishte nga të parat që futi konceptin e “të gjitha të përfshira”, ndërsa çmimet mbeten ekonomike, në kontrast me Jugun, duke i bërë hotelet që të “vuajnë” më pak braktisjen e pushuesve.

Kontrasti i turizmit që “shkëlqen” në bregdet është i madh me zonën e brendshme, nga hotelet drejt rrugës dytësore.

Pothuajse kudo shikon qese me plehra të hedhura grumbull në trotuar, apo në cep atë rrugëve.

Një pamje kjo që nuk është aspak e hijshme për një vend që po mirëpret miliona turistë në vit dhe po përpiqet me çdo kusht, të ruajë këtë burim të ardhurash për ekonominë lokale.

Në fillim të këtij sezoni, Bashkia e Durrësit u kërkoi hoteleve që t’i menaxhonin vetë plehrat, nëpërmjet kompanive private.

Burime zyrtare nga Bashkia thanë se ashtu si të gjitha Bashkitë e tjera, edhe ajo e Durrësit është përgjegjëse për mbledhjen vetëm të plehrave të qytetarëve.

Operatorët turistikë pohojnë se me detyrën e menaxhimit të mbetjeve, bashkia ka hequr edhe koshat e plehrave në zonën nga Shkëmbi i Kavajës deri te Mali i Robit, ndërsa ata po detyrohen që të largojnë plehrat me koston e tyre.

“Muajt e fundit, Bashkia e Durrësit na ka kërkuar ne si struktura akomoduese të menaxhojmë mbetjet. Pavarësisht se ne paguajmë taksa, detyra për menaxhimin e mbetjeve na ka ngelur ne.

Për menaxhimin e tyre ne kemi kontaktuar kompani private që të merren me këtë shërbim, duke shtuar më shumë kostot për ne gjatë këtij sezoni turistik”, pohon David Hyka, administratori i Diamma Resort.

Fatos Çerenishti nga “Fafa”, struktura më e madhe akomoduese në zonën e Golemit me rreth 2 mijë shtretër, pohon se që pas urdhrit të Bashkisë, ata i heqin vetë plehrat që gjeneron hoteli, nëpërmjet kompanive private të kontraktuara.

Ai shton se problemi është se nuk ka kosha për qytetarët dhe pallatet.

Burime zyrtare nga Bashkia, thanë vendet e hedhjes së mbeturinave kanë mbetur të pandryshuara dhe koshat, jo vetëm që nuk janë reduktuar, përkundrazi janë shtuar.

Koshat ndodhen në rrugë dhe plehrat mblidhen 4-6 herë në ditë.

Bashkia po heq dhe plehrat kudo që i sheh në cepa trotuaresh dhe rrugësh.

Pak më tutje në vëzhgimin tonë, hasim një individ që afrohet anash rrugës dhe hedh dy qese në një vend pranë stacionit të autobusit, ku ka dhe mbetje të tjera dhe largohet i pa shqetësuar nga turistët që kalojnë aty pranë.

Pikërisht në vendin ku ai hedh mbeturinat ndodhet njoftimi i bashkisë “Ndalohet hedhja e mbeturinave, në të kundërt do të gjobiteni nga Policia bashkiake”!

Një ndërgjegjësim i qytetarëve mbetet i domosdoshëm për të mos krijuar vende mbeturinash në rrugë e trotuare, por për t’i hedhur ato në vendet e caktuara për depozitim.

Ujëra të zeza, trotuare të papërfunduar, mungesë ndriçimi

Dy rrugët dytësore të Golemit, përveçse deshën disa vjet për t’u ndërtuar, nuk kanë përfunduar ende tërësisht.

Ato pak trotuare që ka, për shkak të mungesës së hapësirës, janë lënë me zhavorr. Ndriçim nuk ka, duke detyruar pushuesit të përdorin telefonat për të parë rrugën.

Në rrugën që të çon në kompleksin Diamma, që vitet e fundit e fundit ka investuar duke ndërtuar hotel me standarde të larta, duhet të zësh hundët.

Ujërat e zeza derdhen në rrugën jashtë hotelit, që është lënë në një gjendje të mjeruar.

Turistët detyrohen të tërheqin valixhen përmes ujit të zi, në mungesë të ndriçimit që të shkojnë te autobusi për t’u larguar. Dhe kjo është lamtumira më e keqe që mund t’i jepet një turisti! /Monitor

The post Turizëm mes plehrave në Golem, ujëra të zeza dhe mungesë ndriçimi appeared first on Albeu.com.

Britanikët po zgjedhin gjithnjë e më shumë alternativa për një përvojë autentike, duke shkëmbyer ishujt mesdhetar dhe grekë me destinacione si Shqipëria!

Ndërsa turistët britanikë përgatiten për të nisur pushimet verore, eksperti i udhëtimeve Taib Dzemidzic ka rekomanduar destinacionin e fshehur evropian Shqipërinë për një përvojë të paharrueshme.

Sipas raportit të tendencave të udhëtimeve 2024 të “Flash Pack” drejtuesit e paketave kanë raportuar një rënie të turizmit në vendet e njohura si Mikonos dhe Santorini.

Britanikët po zgjedhin gjithnjë e më shumë një eksperiencë më të paprekur dhe autentike, duke shkëmbyer ishujt e Mesdheut dhe ato grekë me destinacione si Shqipëria.

Shqipëria ndodhet në Evropën Juglindore në Gadishullin Ballkanik. Ajo kufizohet me Malin e Zi në veriperëndim, Kosovën në verilindje, Maqedoninë e Veriut në lindje dhe Greqinë në jug.

“Peizazhet natyrore të Shqipërisë, nga Riviera deri në Alpet e thyera shqiptare, mbeten kryesisht të pacënuara”, tha eksperti i udhëtimeve, Taib Dzemidzic.

“Trashëgimia e saj kulturore është e pasur dhe e larmishme, ku shfaqen rrënoja të lashta, arkitektura osmane dhe fshatra tradicionale që ofrojnë një vështrim unik në të kaluarën”, shtoi ai.

Vizitorët mund të zbulojnë Rivierën Shqiptare, të notojnë në ujërat blu mahnitëse, të ecin nëpër parqet kombëtare dhe të vizitojnë muzetë dhe vendet kulturore.

Nëse po mendoni të udhëtoni vetëm, Shqipëria duhet të jetë në krye të listës suaj të udhëtimeve!

“Ngrohtësia dhe mikpritja e popullit shqiptar i bëjnë vizitorët të ndihen të mirëpritur dhe të sigurt”, tha ai.

“Me trashëgiminë e saj historike magjepsëse, natyrën e pacënuar dhe përballueshmërinë, Shqipëria është destinacioni perfekt për aventurierët solo”, shtoi eksperti.

Në perëndim ka një vijë bregdetare përgjatë detit Adriatik dhe në jugperëndim kufizohet me detin Jon.

Vendi ofron një peizazh të larmishëm – me male, lugina dhe një vijë bregdetare mbresëlënëse. Alpet shqiptare në veri janë të njohura për peizazhet e tyre mahnitëse.

Shqipëria ka një trashëgimi të pasur kulturore me ndikime nga qytetërimet ilire, greke, romake, bizantine dhe osmane.

Destinacioni mesdhetar është shtëpia e disa prej vendeve të Trashëgimisë Botërore të UNESCO-s, duke përfshirë qytetin antik të Butrintit dhe qendrat historike të Beratit dhe Gjirokastrës.

Plazhet dhe vendet kulturore që duhet të vizitoni me patjetër:

1. Plazhet:

Plazhi i Ksamilit

Plazhi i Dhërmiut

Plazhi i Jalës

Plazhi i Himarës

Plazhi Pulëbardha

Plazhi Lori

2. Vendet kulturore

Parku Kombëtar i Butrintit

Gjirokastra

Berati

Kalaja e Krujës

The post Media britanike “Daily Express”: Shqipëria, kjo perlë e fshehur evropiane duhet të jetë në krye të listës suaj të udhëtimeve appeared first on Albeu.com.

“A ka hapur SPAK hetim ndaj këtij fenomeni, ndaj shërbimeve të huaja inteligjente”? pyeti Deliu, kuptueshëm, duke na e lënë mister se cili ishte burimi i tij i informacionit dhe se cilat ishin këto “shërbime të huaja inteligjente”.

Pastaj në skenë hyri vetë kryeministri me boritë e tij të shumta mediatike. Sipas asaj që Rama tha, ka “shumë video, lajme, komente të rreme të manipuluara, të bëra me qëllim, që duan të thonë që këtu s’ka ardhur njeri.” Sipas tij, kemi të bëjmë me “sulm të organizuar që vjen nga disa anë. Fakti është që sistemet tona të sigurisë kanë ndezur dritën e kuqe, të sigurisë kibernetike.”

Së fundmi, media proqeveritare deklaroi “fakte” më konkrete për të vërtetuar komplotin. Sipas një propagandisti qeveritar, agjenci të lidhura me resorte në Greqi paguajnë mediat, për të thënë që Shqipëria është e shtrenjtë.

Nuk është shumë e vështirë të dallosh nonsenset në të gjithë këtë. E para, nëse ka ndonjë sjellje të koordinuar, me fjalë të hedhura në ajër, të pambështetura në prova, nuk ka pse të shkojmë më tutje. Pastaj, në botën e sotme, turistët informohen në Booking dhe AirBNB apo shërbime të tjera të ngjashme për të parë se në cilën zonë ka dhoma të disponueshme dhe se sa kushtojnë këto dhoma. Rrjedhimisht, është shumë e vështirë që të “dizinformosh” një vizitor potencial duke publikuar lajme për plazhe bosh apo për çmime të larta. Sepse, nëse publikon video me plazhe bosh, kjo ka gjasa që do të nxisë më shumë turistë që të vizitojnë këto plazhe, në një kohë kur mbipopullimi i qendrave turistike është shqetësim madhor për shumë vetë.

Dhe, normalisht që është edhe kontradikta në vetë fjalët e Ramës. Nga njëra anë ai ankohet për këtë fushatën armiqësore kundër turizmit, ndërsa nga ana tjetër i bërtet operatorëve turistikë duke thënë se “kanë luajtur mendsh” me çmimet që kanë vendosur këtë vit.

Nga ana tjetër, deputetët e tij flasin për shërbime të huaja armiqësore kundrejt një vendi që, në fakt, rrethohet nga të gjitha anët nga aleatë. A mundet që, fjala vjen, një shërbim i huaj që përhap informacione të pavërteta dhe dëmtuese për turizmin shqiptar të jetë, Italia, Greqia, Maqedonia e Veriut apo Kosova, tre të parat, aleatet tona në NATO, ndërsa Kosova, ndonëse jo aleat në NATO, ka pak gjasa të hyjë në fushatë të tillë? Apo mos e kanë fjalën për Serbinë, vendin me të cilin kryeministri ka ndërtuar ura të forta bashkëpunimi përgjatë të gjithë dekadës së fundit (dhe një vend që nuk ka dalje në det dhe nuk ka se si të përfitojë duke na sharë turizmin ne)? Apo, mos ndoshta shërbimet sekrete turke, një vend me të cilin kemi jo thjesht aleancë, por marrëdhënie “vëllazërore”, po bëjnë atë që na shpjegoi Deliu në parlament? Apo pas fushatës dizinformuese është Putini?

Normalisht që vetë raporti në përmasa të shtyn të mendosh se, edhe nëse do të ishin me të vërtetë armiqësore, as Greqia, as Turqia as Italia, as Kroacia e as ndonjë vend tjetër nuk do të merrte mundimin që të shante në rrjetet e medias sociale turizmin shqiptar për të përfituar vetë. Greqia, subjekti më afërmendësh i një teorie komploti, ka një vijë bregdetare prej 15 mijë kilometrash (ndërsa Shqipëria ka 400). Në një vit të zakonshëm ka 30 milionë turistë, të cilëve arrin t’u shërbejë para së gjithash falë punës së qindramijëra emigrantëve shqiptarë. Turqia ka rreth 8400 kilometra vijë bregdetare dhe rreth 50 milionë turistë në vit. Me pak fjalë, larg të qenit “halë” në sytë e armiqve, Shqipëria është një vend tërësisht i parëndësishëm për t’u marrë, edhe nëse këto vende do të ishin armike, kur në fakt janë aleate.

Rama vetë na foli për “siguri kibernetike”. A mundet vallë? Siguria kibernetike nuk ka shumë të bëjë me thashethemet e pavërteta të përhapura në rrjetet sociale, por ka të bëjë me thyerjen e sistemeve kompjuterike. Ironia është që me të vërtetë Shqipëria ka një institucion të quajtur: Autoriteti Kombëtar për Çertifikimin Elektronik dhe Sigurinë Kibernetike.

E treta, aludimi se ka agjenci turistike në shërbim të resorteve në Greqi. Kjo ka pak gjasa të jetë e vërtetë para së gjithash për faktin se Greqia nuk është një vend i njohur për resorte. Turizmi në Greqi është zhvilluar sipas modelit të njësive të vogla e të mesme ekonomike, nën pronësi kryesisht familjare, me shumë pak hotele të mëdha dhe kurrsesi, jo me llojin e komplekseve të njohura si “resorte” me shërbime masive siç janë ato në Turqi e Egjipt. Është pak e vështirë të imagjinohet që ndonjë Kostas apo Nikos nga hoteli i tij me pesë apo dhjetë dhoma diku në Greqi të lidhet me ca agjenci turistike, të cilave, t’u shkojë në mendje të shajnë turizmin shqiptar në mënyrë që turisti të mos shkojë në Golem apo në Orikum, por të shkojë drejtpërsëdrejti te ky në Greqi.

Çdokush ka të drejtë të thotë broçkulla, përfshirë deputetin Deliu apo opinionistët pranë qeverisë. Kjo hyn në kategorinë e të drejtave themelore të njeriut. Vetëm se kryeministri Edi Rama, në mënyrë që fjalët e tij të mos i klasifikojmë automatikisht në kategorinë e broçkullave, bën mirë në na japë ndonjë provë se ajo që ai tha, mbështetet në realitet dhe jo në fantazi. Ai mund ta fillojë shpjegimin duke na treguar se cilës agjencie qeveritare i është ndezur llampa e kuqe, se çfarë metodologjie analize ka ndjekur kjo agjenci për të identifikuar sjelljen keqbërëse si dhe, nëse mundet, të na tregojë nëse, kur z. Deliu foli për shërbime sekrete të huaja, ka pasur në mendje ndonjë informacion real nga agjenci reale të inteligjencës, apo jo.

Thuhet me të drejtë se teoritë e komplotit ngjisin më shumë në vendet e Evropës Lindore postkomuniste për shkak të historisë. Përgjatë dyzet e pesë viteve, shqiptarëve iu ushqye vazhdimisht dhe vazhdimisht ideja e të qenit e rrethuar nga armiqtë. Nga televizioni te gazetat, librat apo infomacioni i shpërndarë nëpër shkolla, shqiptarët dëgjonin se si armiqtë e jashtëm bashkëpunonin me ata të padukshmit, të brendshëm, për të na rrëmbyer ne këtë parajsën që kishim këtu. Aspekti i interesit ekonomik si mekanizmi që nxit sjelljet armiqësore dhe komplotiste ka qenë shumë i rëndësishëm në modelin e propagandës komuniste, (krahas imazhit të armikut që vjen të të çnderojë), si mjet për të nxitur urrejtje ndaj të huajit. Kjo shpjegon teorinë e komplotit mes interesit të “resorteve në Greqi”, agjencive turistike dhe lajmeve të rreme të publikuara “në media”, (emrat e mediave nuk jepen), që dizinformojnë turistët për çmimet në Shqipëri. Tre dekada pas rënies së komunizmit, mentaliteti i shqiptarit dhe aftësia e publikut për të mos rënë pre e propagandës me komplote dukshëm nuk është përmirësuar mjaftueshëm. Teoritë e komplotit i sheh në të dyja anët e politikës, me raste të padëmshme, e me raste, me rrezikun që mbartin për dehumanizimin e tjetrit, siç është rasti i teorive të komplotit me “Prindi 1” dhe “Prindi 2”. Është një politikë shumë e shëmtuar kjo, të cilën publiku bën mirë ta shohë ashtu siç është: një politikë të shëmtuar./ BIRN

The post BIRN: Rama duhet të na tregojë ndonjë provë të ‘komplotit kundër turizmit’ appeared first on Albeu.com.

Kjo situate vijon prej tre ditësh për shkak të punimeve që po kryhen për rrjetin e ri elektrik, investim i cili nuk ka përfunduar ende.

Mungesa e energjisë po sjell pasoja mjaft negative për turizmin, duke vënë në vështirësi bizneset në këto ditë nxehta qershori, ku temperaturat kanë arritur deri në 40 grade celsius.

Ishte deklaruar se Shëngjini në tërësi nuk do të kishte probleme në furnizimin me energji, por në terren situata është krejt tjetër.

Nga ana tjetër OSHEE bën me dije se investimi për rrjetin e ri elektrik përfundon brenda pak ditësh, duke i dhënë zgjidhje furnizimit me energji elektrike në të gjithë Shëngjinin.

The post Lezhë/ Turizëm pa energji elektrike në Kune! Punimet e vonuara ne rrjetin e ri elektrik, po sjellin probleme appeared first on Albeu.com.

E ndodhur 45km larg qytetit të Rrëshenit dhe mbi 800 metra mbi nivelin e detit, shpopullimi ka prekur masivisht fshatrat e Selitës, por kur të përfundojë rruga e Lures ka shpresa që situata do të ndryshojë. Zërave për investime në Selitë iu bashkua politikani Luan Rama, që ka jetuar në qytezen minerare të Kurbneshit gjatë diktaturës.

E rrethuar nga tri bjeshkë alpine dhe 5 monumente natyrore, kjo zonë është një mundësi e mirë eksplorimi për hiking dhe sporte te tjera. Turistët mund të vizitojnë pllajën karstike të Valmor-Didhes përbri lumit të Urakës dhe Kroin e bardhë me veti kurative.

The post Selita e Mirditës, në kërkim të turizmit malor! Artistë e poetë promovojnë natyrën e traditën appeared first on Albeu.com.

Një përdorues i platformës “Reddit” organizoi sondazhin: ‘Cili vend duhet vizituar këtë vit?’ dhe zbuloi përmes përgjigjeve të komentuesve destinacionet e tyre të preferuara për të udhëtuar në 2024.

Përdoruesit ndanë përvojat e tyre të pushimeve në vendet më pak të njohura – duke u bërë thirrje udhëtarëve t’i vizitonin sa më shpejt, përpara se ato të mbipopulloheshin nga turistë nga e gjithë bota.

Shqipëria është rekomanduar si një nga perlat e fshehura që premtojnë bukurinë e një lokacioni të famshëm në Instagram pa turma vizitorësh.

Shqipëria, Gadishulli Ballkanik

Shqipëria ndodhet në Ballkan. Vendi njihet për plazhet e bukura dhe Bjeshkët e Nemuna, të cilat janë një varg malor spektakolar në veri të Shqipërisë.

Vizitoni Shqipërinë përpara se vendi të preket nga turizmi masiv, pasi influencuesit në Instagram vazhdojnë të bëjnë të njohur dhe të promovojnë këtë perlë ballkanike.

Njerëzit janë shumë të ngrohtë dhe mikpritës, plazhet janë të mahnitshme dhe ushqimi është një ndërthurje e shijeve ballkanike, greke, turke dhe italiane.

Destinacioni mesdhetar është super i përballueshëm dhe ofron një mot të ngrohtë dhe të favorshëm.

Sipas sondazhit online në “Reddit”, vendet më të rekomanduara për t’u vizituar në vitin 2024 janë:

Shqipëria, Gadishulli Ballkanik

Sllovenia, Evropa Qendrore

Transilvania, Rumani

Bolivia, Amerika e Jugut

Mali i Zi, Gadishulli Ballkanik

Paraguaj, Amerika e Jugut

The post ‘Daily Mail’: Shqipëria, perla e fshehur që premton bukurinë e një lokacioni pa turma vizitorësh appeared first on Albeu.com.

Vlera totale arriti në 4.2 miliardë euro, me shpenzimet e turistëve që u rritën me 47% në krahasim me një vit më parë.

Sipas tur-operatorëve, bizneset në sektor po shohin rritje të volumit të punës, por ende mungon fitimi i kënaqshëm.

Me Shqipërinë që ka hyrë në një fazë të re të turizmit, tur-operatorët shprehen se vendi duhet të drejtohet drejt turizmit cilësor.

Nga të ardhurat e turistëve rreth 1.8 miliardë euro mbetën në vend, ndërsa edhe shpenzimet e shqiptarëve jashtë vendit u rritën në mënyrë domethënëse në shifrën e 2.4 miliardë eurove.

The post Turistët sollën 4 miliardë euro! Banka e Shqipërisë tregon shifrat financiare të vitit 2023 appeared first on Albeu.com.

“Jam guidë turistike, amator për momentin por pres të marr dhe licencen. Turistët I shoqëroj në Durrës por dhe në qytete të tjera si Krujë dhe Berat. Ata kryesisht janë të interesuar të mësojnë për kohën e komunizmit”, tha Ermest Sollaku.

Rritja e ndjeshme e numrit të turistëve ka bërë që të shtohet kërkesa për guida turistike. Kthimi i Durrësit në një destinacion gjithë vjetor, do u krijonte mundësi personave që shërbejnë si guida turistike të kenë një punë stabël.

“Aktualisht studentet punojnë vetem gjatë sezonit veror, sfidë mbetet të punësohen gjatë gjithë vitit. Ky është shqetësimi kryesor, që të punësohen me kohë të plotë”, tha pedagogia Dorina Xheraj.

Në takimin e zhvilluar paraditen e sotme në sallën e Këshillit Bashkiak mes përfaqësuesve të Drejtorisë së Turizmit dhe studentëve të UAMD-së që ndjekin degën “Guidë Turistike” theksi u vu tek prezantimi i guidave të reja dy- tre ditore, të cilat do t’u ofrojnë të huajve një panoramë më të gjerë të të gjithë potencialit historik, natyror, kulinarisë, turizmit të aventurës etj që qyteti 3000-vjeçar ofron.

Në prag të këtij sezoni të ri veror, bashkia Durrës vjen me aplikacionin dhe ëebpage-n e dedikuar turizmit www.visitdurres.al, ku jepet një informacion mjaft i detajuar, shoqëruar me video dhe foto mbi atë çfarë ofron qyteti. Vitin e kaluar, Durrësin e vizituan 1.5 milionë turistë, ndërsa këtë vit pritshmëritë janë edhe më të larta.

The post Durrës, rritet kërkesa për të punuar guidë turistike appeared first on Albeu.com.

Ne kemi përgatitur një listë të vendeve që janë ‘miqësore me portofolin’, por në të njëjtën kohë premtojnë përvoja të paharrueshme, shkruan Nika Arsovski në një artikull të botuar në revistën sllovene “City Magazine”.

Nga qytetet historike në parajsat tropikale, çdo destinacion ofron një ndërthurje unike të kulturës, bukurisë natyrore dhe aventurës.

Paketoni valixhet dhe bëhuni gati për të eksploruar!

Shqipëria

Shqipëria është një vend me reliev të thyer, plazhe të pacenuara dhe histori të lashtë që presin për t’u eksploruar.

Zbuloni qytetin e Beratit të përfshirë në Listën e Trashëgimisë Botërore të UNESCO-s, i njohur ndryshe si “Qyteti i një mijë dritareve”, me arkitekturën e stilit otoman të ruajtur mirë dhe kështjellën mahnitëse në majë të kodrës.

Shëtisni rrugët e ngushta me kalldrëm ose eksploroni xhamitë dhe kishat e qytetit.

Për adhuruesit e plazhit Shqipëria ofron gjithçka sipas dëshirës së tyre.

Në Shqipëri mund të gjeni shumë plazhe me rërë përgjatë vijës së saj të pacenuar bregdetare, duke përfshirë plazhet piktoreske të Sarandës, Himarës dhe Dhërmiut.

Shqipëria është renditur mes 10 destinacioneve të përballueshme për pushime të paharrueshme në vitin 2024!

1-Shqipëri
2-Budapest, Hungari
3-Meksiko Siti, Meksikë
4-Mirisa, Sri Lanka
5-Goa, Indi
6-Ohër, Maqedonia e Veriut
7-Gambia
8-Tallin, Estoni
9-Kajro, Egjipt
10-Republika Dominikane

/Agjencia Telegrafike Shqiptare/

The post “City Magazine”: Shqipëria destinacioni i përballueshëm për pushime “të çmendura” në 2024 appeared first on Albeu.com.

Janari raportohet të jetë mbyllur me hyrjen e 460 mijë vizitorëve. Por, a i ka kapacitetet vendi ynë për turizëm gjithëvjetor?

Kryetari i Shoqatës së Tur-Operatorëve, Besnik Vathi shpjegon: “Turizmi gjithëvjetor është praktikisht i pamundur, pasi çdo lloj turizmi ka sezonalitetin e vet. Nëse flasim për turizëm bregdetar, Shqipëria për shkak të pozicionit gjeografik, e ka të pamundur të ketë turizëm gjithëvjetor. Edhe nëse flasim për turizmin historiko-kulturor, ka po ashtu sezonalitetin e vet që është pranvera dhe vjeshta. Përsa i përket turizmit dimëror, Shqipëria ka dy probleme, infrastruktura dhe investimet në infrastrukturë për turizëm dimëror mungojnë dhe së dyti nuk është turizmi dimëror shumë tërheqës për investime, në këtë sector, pasi temperaturat e ulëta dhe bota në Shqipëri nuk është se zgjasin shumë sa të mbajnë turizëm rentabël dhe të tërheqin investimet në këtë sektor.

Përsa i përket shifrave të janarit, unë mendoj se duhen analizuar me faktorët që kanë ndikuar. P.sh. hyrjet transit nga Kosova kanë qenë dy herë më të larta se çdo janar, pasi këtë herë kosovarët udhëtonin pa viza, dhe përdorin aeroportin e Tiranës, për të udhëtuar në gjithë botën. Ne nuk e dimë se sa janë turistët brenda këtij numri, ndaj themi se patëm një boom edhe në janar, kur në fakt ka faktorë të ndryshëm që ndikojnë në një muaj apo në një tjetër”.

The post Turizëm edhe në dimër/ Për muajin janar, Shqipërinë e vizituan 460 mijë shtetas të huaj appeared first on Albeu.com.