Në kufirin Shqipëri-Kosovë është shënuar një tjetër rekord lëvizjesh gjatë sezonit turistik të verës.

Fluksi u regjistrua në fundjavën e parë të gushtit, periudhë në të cilën pritet edhe numri më i madh i pushuesve që udhëtojnë nga Kosova drejt bregdetit shqiptar.

Të dhënat e Drejtorisë Rajonale për Kufirin dhe Emigracionin tregojnë se, më 1 dhe 2 gusht 2026, përmes Stacionit të Policisë Kufitare Morinë hynë në Republikën e Shqipërisë 18.329 automjete dhe 50.463 shtetas të Kosovës.

Lëvizje të shumta pati edhe në drejtimin e kundërt, me fluks të lartë në daljen nga Shqipëria drejt Kosovës përmes Pikës së Kalimit Kufitar Vërmicë.

The post Mbi 50 mijë shtetas të Kosovës hynë në Shqipëri gjatë fundjavës, fluks rekord në kufi appeared first on Albeu.com.

Nga 1 gushti, Qeveria e Kosovës ka njoftuar nisjen e zbatimit të Ligjit për Turizmin. Legjislacioni parashikon masa ndëshkuese për të gjithë personat që punojnë si udhërrëfyes turistikë në Kosovë pa pasur licencën përkatëse.

Përmes këtij vendimi synohet ngritja e standardeve në sektorin e turizmit, në mënyrë që vizitorët të shoqërohen nga profesionistë të certifikuar dhe të licencuar prej institucioneve kompetente.

Sipas autoriteteve, formalizimi i profesionit të udhërrëfyesit zyrtar pritet të përmirësojë cilësinë e shërbimeve turistike, të ndihmojë në mbrojtjen e trashëgimisë kulturore dhe t’u garantojë vizitorëve vendas e të huaj informacion të saktë.

Pas hyrjes në fuqi të masave ndëshkuese, ky profesion nuk do të mund të ushtrohet më pa licencë. Ministria e Kulturës u ka kërkuar të gjithë personave që merren me udhërrëfim turistik të sigurojnë dokumentacionin e nevojshëm, në mënyrë që ta vazhdojnë veprimtarinë në përputhje me ligjin.

Masat kanë shkaktuar reagimin e kryetarit të Partisë Progresive Serbe (SNS), Millosh Vuçeviq. Ai i akuzoi autoritetet e Kosovës se, nëpërmjet dispozitave të Ligjit për Turizmin, të cilat sipas tij pritet të zbatohen nga 1 gushti, po synojnë “shuarjen e identitetit serb” në Kosovë.

Vuçeviq, i cili njëkohësisht shërben si këshilltar i presidentit të Serbisë për çështjet rajonale, i përshkroi masat e paralajmëruara nga institucionet kosovare si një “përpjekje të hapur për zhdukjen e emrit dhe identitetit serb në Kosovë”.

Në reagimin e tij në Instagram, ai pretendoi se kryeministri Albin Kurti, “nën petkun e rregullimit të tregut”, po vepron kundër Kishës Ortodokse Serbe dhe besimtarëve serbë.

Kreu i SNS-së kundërshtoi gjithashtu mundësinë që pelegrinët serbë të shoqërohen nga udhërrëfyes gjatë vizitave në manastiret e Deçanit, Graçanicës dhe Patriarkanës së Pejës. Sipas pretendimit të tij, këta udhërrëfyes do të promovonin “teorinë e trashëgimisë shqiptare”.

Një qasje të tillë Vuçeviq e quajti “falsifikim historik” dhe “përpjekje për të përvetësuar atë që është ndërtuar nga mbretërit dhe perandorët serbë dhe ruajtur nga murgjit serbë ndër shekuj”.

Për të dytën ditë me radhë ka reaguar edhe Dioqeza Rashkë-Prizren lidhur me masat e reja për vizitat e organizuara në objektet fetare. Sipas saj, Policia e Kosovës u ka shpërndarë grupeve të pelegrinëve fletushka ku njoftohet zbatimi i Ligjit për Turizmin nga 1 gushti.

Eparkia deklaroi se udhëtimet fetare të pelegrinëve nuk duhet të trajtohen njësoj si turizmi komercial.

Ajo theksoi se manastiret e Kishës Ortodokse Serbe janë “faltore të gjalla”, të cilat besimtarët i vizitojnë për lutje dhe shërbesa fetare, jo në cilësinë e turistëve.

Dioqeza kërkoi që çdo zbatim i mundshëm i dispozitave të Ligjit për Turizmin të realizohet duke garantuar plotësisht lirinë e besimit dhe të drejtën e pelegrinëve për të hyrë pa pengesa në objektet fetare.

Në përfundim të reagimit, ajo kujtoi se këto të drejta garantohen si nga legjislacioni i Kosovës, ashtu edhe nga marrëveshjet ndërkombëtare.

The post Zbatimi i Ligjit për Turizmin në Kosovë nxit reagime nga politika dhe Kisha serbe në Beograd appeared first on Albeu.com.

Nënkryetari i Bashkisë Lezhë Elson Frroku tha se po kordinohet puna me institucionet kosovare, për prezantimin e ofertës turistike. Mbi 60% e pushuesve në Shëngjin janë kosovar, ndërsa vitet e fundit shumë prej tyre kanë blerë apartamente në bregdet.

“Bashkia Lezhë për të dytën herë në fakt çeljen e sezonit po e nis në Prshtinë. Ne kemi mbi 65 për qind të pushuesve nga Kosova e për pasojë meritojnë vëmendjen tonë absolute.

Aktualisht që flasim kemi vetëm për vitin e fundit rreth 300 banesa të blera në Shëngjin nga qytetarë të huaj”, tha Elson Frroku.

The post Për herë të parë Lezha do të çelë sezonin turistik në Prishtinë! Bashkia: 60 për qind e pushuesve në Shëngjin janë kosovarë appeared first on Albeu.com.