Mësohet se aksidenti është shënuar në aksin Gjirokastër-Sarandë në afërsi të HEC “Bistrica 2”.

Automjeti tip “Volksvagen” me drejtues 19 vjeçarin Orest Zhgabi, është përplasur me motorin tip “Dayang” me drejtues shtetasin italian Giorgo Vania, 24 vjeç.

Si pasojë, ky i fundit së bashku me pasagjeren, Maria Pedroni, 25 vjeç janë plagosur. Ata janë transportuar me dy autoambulanca drejt urgjencës së Sarandës.

Njëri prej tyre ka thyerje të femurit.

Domenico Gritto, 24 vjeç dhe Vincenzo Tizzano, 32 vjeç, me origjinë nga Pozzuoli, humbën jetën më 24 gusht 2023 në një aksident rrugor.

Rreth orës 3 të mëngjesit, dy italianët po ktheheshin në Sarandë, me një motoçikletë, kur një makinë Mercedes Benz, e drejtuar nga një adoleshent shqiptar (17 vjeç), pa leje drejtimi i preu papritur rrugën.

Përplasja rezultoi fatale për dy italianët, ndërsa drejtuesi i makinës dhe një bashkëmoshatar që ndodhej në makinë me të përfunduan në spital.

Konsullata e Përgjithshme e Italisë në Vlorë po ndjek me vëmendjen maksimale rastin, sipas asaj që mësohet më pas./Albeu.com. 

The post Prag tragjedie në Sarandë, mallkimi i turistëve italianë në Shqipëri appeared first on Albeu.com.

Mediet italiane shkruanë se pak para se të humbiste jetën së bashku me mikun e tij Domenico Gritto, Tizzano ishte duke festuar ditëlindjen.

Fotot dhe rrëfimet dëshmojnë momentet e tij ku falenderoi të gjithë miqtë për urimet.

Megjithatë, për fat të keq, pak orë më vonë jeta e tyre u ndërpre nga një 17-vjeçar, i cili po drejtonte një Mercedes të klasit C, pa patentë.

17-vjeçari tashmë i arrestuar, ndodhej në makinë me një adoleshent tjetër. Ngjarja ndodhir rreth orës 03:00 të mëngjesit në Sarandë dhe dy turistët përfunduan poshtë rrotave të makinës duke humbur jetën menjëherë.

Ata ishin duke udhëtuar me një motor “Honda” në momentin e tragjedisë.

The post VIDEO/ Nga gëzimi në tragjedi, 32-vjeçari italian festoi ditëlindjen me shokun në Sarandë para se të humbnin jetën në aksident appeared first on Albeu.com.

Fill pasi konstatoi mungesën e parave, pronari i lokalit ka hapur kamerat dhe ka parë se ato ishin marrë nga disa turistë italianë që ndodheshin aty. Menjëherë ai ka njoftuar policinë, ndërsa kërkon prej turistëve kthimin e parave.

Për më tepër shikoni videon e mëposhtme

@albeu.com #vlorealbania?? #italian #shqiperi #hajdut #viral #viralvideo #viraltiktok #fyp #fyp #tiktokshqip #albeu #albeucom #fypシ゚viral ♬ original sound – ALBEU

Video është publikuar nga gazetari Enrik Mehmeti, nuk është rasti i parë ku turistët italianë përfshihen në situata të tilla. Më herët disa prej tyre u larguan me vrap duke mos paguar faturën në një lokal në Berat, kurse të tjerë dolën nga hoteli duke marrë peshqirët dhe çarçafët. /albeu.com

The post VIDEO/ Dy turiste italianë vjedhin një shumë parash në një lokal në Vlorë! appeared first on Albeu.com.

Një incident i pakëndshëm u regjistruar tre ditë më parë në Berat, ku disa turistë italianë u larguan nga restoranti pa paguar.

Ditën e sotme, në Sarandë, disa turistë të tjerë italianë kanë vjedhur jastëkun dhe çarçafët në një hotel.

Por ka dhe nga ata që duan të kujtohen për mirë.

Dy uristë italianë, duke udhëtuar me biçikletë kanë gjetur në rrugë një portofol me një shumë parash dhe e kanë dorëzuar në komisariatin e policisë së Lushnjës.

Policia thotë se pasi kanë kryer verifikimet në bazë të kartës ID që ishte në portofol, kanë njoftuar shtetasin që e kishte humbur, i cili është paraqitur në Komisariat për të marrë portofolin me shumën e konsiderueshme të parave, kartat bankare dhe kartën e identitetit.

Pasi ka marrë portofolin, ai ka falënderuar punonjësit e Policisë dhe dy turistët italianë, për gjestin e tyre./Albeu.com/

The post Dy anët e medaljes! Turistët italianë gjejnë portofolin plot me lekë, e dorëzojnë në policinë e Lushnjës appeared first on Albeu.com.

Protagonistë janë sërish turistët italianë.

Sipas denoncimit të “Saranda Web” turistët italianë kanë vjedhur jastëkun, çarçafët dhe një peshqir në një hotel.

Fillimisht ata nuk kanë pranuar, ndërsa pas kontrollit ka rezultuar se në çantën e tyre ndodheshin edhe sendet e grabitura nga hoteli.

“Ju lutem publikojeni vidion shikoni se si na vjedhin italianët. Vemi të pastrojmë dhomën dhe na mungon jastëku kllëfi i jastëkut, carcafi dhe një peshqir.  I lanë valiçet dhe erdhën t’i marrin ne orë 16 e 30 minuta. Kur u them se mungojnë në dhomë jastëku peshqiri dhe carcafi thanë nuk dime  gjë. Nje cante e kishin marrë me vete kur vajta dhe i thashe sille canten e solli e kontrolluam dhe i gjetem. Nuk u beri fare përshtypje vetëm thanë na falni dhe ne si gjithmon kur kapim hajdutin e falim”, thuhet në denoncim.

Kujtojmë se kryeministrja italiane, Giorgia Meloni u shpreh e turpëruar nga veprimi i turistëve në Berat dhe e pagoi personalisht faturën e tyre./Albeu.com/

The post VIDEO/ Italianët e bëjnë sërish! Vjedhin jastëkun dhe çarçafët në një hotel në Sarandë! appeared first on Albeu.com.

Postimi i plote i Melonit:

Ndërsa isha në Shqipëri, kryeministri Rama më tregon historinë e 4 italianëve që u arratisën në një restorant pa paguar faturën. Kujdestari, pasi fotot e arratisjes u bënë virale, tha se ishte ende i lumtur sepse bashkatdhetarët tanë kishin ngrënë mirë dhe ishin të lumtur.

Më vjen turp, sepse Italia që dua të përfaqësoj nuk është një Komb që e bën veten të flasë jashtë shtetit për këto gjëra, që nuk respekton punën e të tjerëve, që mendon se është qesharake duke ia futur të tjerëve. Kështu që vendosa t’i kërkoj ambasadorit të shkojë dhe të saldojë faturën, të cilën e kam paguar personalisht. Asgjë e madhe, në fakt unë as nuk kam raportuar për të.

The post “Më vjen turp”, Meloni reagon për largimin e turistëve italianë pa paguar darkën: Faturën e pagova personalisht appeared first on Albeu.com.

Ka qenë kryeministri Edi Rama ai i cili në një intervistë për La Stampa ka treguar se kur ia ka thënë Melonit të gjithë kanë qeshur.

Pasi mësoi detajet nga vetë kryeministri shqiptar, Meloni ka porositur ambasadorin italian Fabrizio Bucci për të paguar llogarinë që 4 turistët italianë.

“Në mediat shqiptare dhe në TikTok nuk u fol veçse për një grup italianësh që u arratisën nga një restorant në Berat pa paguar. Pronari e hodhi poshtë. Kur i thashë Giorgias, të gjithë qeshën.

Ajo urdhëroi ambasadorin: “Shko dhe paguaj faturën për këta budallenj, të lutem, dhe bëj një deklaratë! Italia nuk mund të humbasë respektin kështu”.

 

View this post on Instagram

 

A post shared by Albeu.com (@albeucom)

The post “Shko dhe paguaj për këta budallenj”, Rama tregon çfarë i tha Melonit për turistët që ia mbathën nga restoranti: Qeshën të gjithë appeared first on Albeu.com.

Një darkë në restorantin e njohur Guva në Berat, prodhoi më shumë “lajme” dhe pëlqime se fletë arrestet e SPAK për 8 ish zyrtare të përfshirë në dosjen e sterilizimit.

Katër adoleshentë italianë, të qeshur dhe me bollek energjish shijuan kuzhinen shqiptare, komplimentuan stafin për cilësinë dhe kur erdhi radha për të paguar u larguan fshehurazi me ngut nga restoranti. Fatura e pa paguar 80 euro!

Stafi i restorantit mbeti i hutuar, jo vetëm nga largimi i beftë, por edhe nga guximi i të rinjve.

Stafi postoi një video të shkurtër në rrjetet sociale ku tregonte adoleshentët duke u larguar nga restoranti.

“Stafi ynë i uron këtyre “zotërinjve” italianë pushime të mbara dhe me lekët e PAPAGUARA në restorantin tonë bëjnë diçka të mirë!!!”.

Deri këtu asgjë e jashtëzakonshme. Me shumë se humbjen financiare postimi shpreh zhgenjimin nga sjellja e adoleshentëve.

Portalet me shpejtësine e zjarrit të korrikut në një pyll me shqopa e morën këtë “ngjarje” dhe e “zbukuruan” me tituj të bujshëm, pergjithësues e denigrues.

Rrëfimi u zhvendos me shpejtësi nga një akt minor keqbërje në një narrativë më të gjerë.

Ndërsa veprimi i të rinjve është i qortueshëm, media në vend të penelit mori në dorë një furçe të madhe për të pikturuar me tituj një popull dhe një vend të tërë dhe ke? Italine, atdheun, e 700 mijë emigrantë shqiptarë ndër vite.

A mundet një incident i izoluar të mbushe boshllekun me lajme të një ditë të nxehtë gushti?

Mediat sociale njihen për sensin e sensacionalizmit dhe polarizimit, por portalet me ndikim ne opinion mund të benin kujdes për të mos rënë në kuthin e përgjithësimeve dhe steriotipeve.

Ndoshta vetë restoranti mund të sherbeje si katalizator për të ndrequr shijen e titujve bombastik.

Jam kurioz nëse restoranti do të postoje “shkruajtem për 4 adoleshente italiane dhe jo për “turistët italiane” a do të bëhet lajm po aq viral sa video?

Media ka fuqinë për të formësuar perceptimet, për të ndikuar në debate dhe për të krijuar apo zhbërë stereotipet.

Ndonëse akti i katër të rinjve ishte i gabuar, ai mund të jetë edhe një kujtesë se një ngjarje e vetme nuk mund të përgjithësoje njerëzit dhe vendet. Nuk mund të lidhet pylli me një litar…

The post Darka e pa paguar… appeared first on Albeu.com.

Resotrant “Guva” ka shpërndarë disa video ne rrjetet sociale, ku dallohen katër turistët italianë që zbresin shkallët dhe pasi arrijnë te dera e jashtme ia fusin vrapit.

Restoranti duket se e ka marrë me sportivitet, dhe me ironi u uron atyre pushime të mbara: “Stafi ynë i uron këtyre “zotërinjve” italianë pushime të mbara dhe me lekët e PAPAGUARA në restorantin tonë bëjnë diçka të mirë!!!”.

The post Ia mbathin me vrap, momenti kur turistët italianë ikin pa paguar nga restoranti në Berat (VIDEO) appeared first on Albeu.com.