MESAZHI I SHKOLLËS

I nderuar prind,

Ju informojmë se në shkollë është dërguar një email dhe duhet që nxënësit të largohen për në shtëpi. Po bashkëpunojmë me policinë. Nuk ka panik dhe të gjithë fëmijët janë shumë mirë!
Transporti i fëmijëve do të jetë me furgon ose nga ana e prindërve nëse ka mundësi. Do mbetemi në kontakt. Mësuesja kujdestare

Njoftimi i policisë:

Tiranë/Informacion paraprak

Më datë 21.02.2025, rreth orës 11:30, është marrë njoftim se në adresën e një shkolle private në zonën e Misto-Mames, ka ardhur e-mail i shkruar anglisht në të cilin thuhej se në ambientet e shkollës ishte vendosur një bombë, e cila do të shpërthente për 43 minuta.

Shërbimet e Policisë dhe Njësia Antieksploziv kanë shkuar menjëherë në vendngjarje ku kanë bërë evakuimin e nxënësve dhe stafit të shkollës.

Vijon kryerja e kontrollit dhe verifikimeve përkatëse nëse njoftimi është i rremë.

Shërbimet e Policisë, strukturat e Antiterrorit në bashkëpunim me specialistët për Hetimin e Krimit Kibernetik po punojnë për sqarimin e rrethanave dhe identifikimin e autorëve.

The post Panik në Tiranë/ Alarm për bo*bë në kolegjin “Turgut Ozal” appeared first on Albeu.com.

Rrjeti për gazetari investigative “FOLLOW THE MONEY” i është përgjigjur shqetësimit të prindërve të Kopshtit Zubeyde Hanim për të investiguar të gjitha procedurat që çuan në vendimin për heqjen e licencës së këtij institucioni nga Ministria e Arsimit dhe Sportit.

Përmes një njoftimi për media, Komuniteti i Prindërve të Kopshtit Zubeyde Hanim bën me dije se pas kontakteve që kanë zhvilluar me drejtuesit e rrjetit të pavarur “FOLLOW THE MONEY”, me qendër në Amsterdam, të Holandës, dhe redaksi investigimi në shumë kryeqytete evropiane, drejtuesit e redaksisë janë shprehur të gatshëm për të bërë një hulumtim të thelluar në lidhje me këtë çështje. Rrjeti njihet për investigimin e famshëm të PANAMA PAPERS.

Sipas këtij njoftimi, të konfirmuar për Komunitetin e Prindërve nga drejtuesit e “FOLLOW THE MONEY”, investigimi do të bëhet nga një grup gazetarësh me eksperiencë në çështjet që lidhen me drejtësinë, që mbajnë firmën e shumë investigimeve të ngjashme për shkeljet ligjore në disa vende të Evropës.

Hulumtimi pritet të përfshijë të gjithë aktorët e përfshirë në vendimet që çuan në mbylljen e institucioneve arsimore në fjalë, duke nisur nga inspektorët e Zyrave Vendore Arsimore që hartuan raportet paraprake, kushtet në të cilat u përgatitën këta raporte, e deri tek zyrtarët e Ministrisë së Arsimit dhe Sportit, si edhe gjyqtarët që gjykuan dhe rrëzuan kërkesat për sigurim të padive të paraqitura nga Kompania Turgut Ozal dhe Fondacioni Gulistan pas vendimit të MAS për mbylljen e këtyre dy institucioneve arsimore të arsimit parauniversitar.

Burimet bëjnë me dije se disa nga pyetjet investigative kryesore mbi të cilat do të fokusohen gazetarët e “FOLLOW THE MONEY” që do të vijnë në Tiranë gjatë ditëve në vijim janë : A është vendimi për mbylljen e institucioneve një vendim politik, apo i mbështetur mbi prova që argumentojnë vendimin e MAS? Mbi ç’kushte u përgatitën raportet e inspektorëve që çuan në mbylljen e këtyre institucioneve? Sa përputhen vlerësimet e inspektorëve dhe argumentet e MAS për mbylljen e institucioneve me infrastrukturën dhe mundësitë e këtyre të fundit? Sa u përgjigjen vendimet e zyrtarëve të MAS pretendimeve të tyre për heqjen e licencës së këtyre institucioneve? Si qëndron raporti i kuadrit ligjor, kombëtar dhe ndërkombëtar, me vendimin e MAS dhe dëmin e shkaktuar tek fëmijët/nxënësit?

Një çështje e rëndësishme që pritet të jetë pjesë e investigimit të gazetarëve hungarezë mësohet të jetë edhe një analizë profesionale mbi përputhshmërinë e vendimeve të gjyqtarëve dhe provave të paraqitura nga avokatët e çështjeve pranë Gjykatës Administrative të Rrethit Gjyqësor Tiranë në proceset e zhvilluara deri tani.

Platforma për gazetari investigative radikale “FOLLOW THE MONEY” ( https://www.ftm.eu/) në punën e saj hulumtuese orientohet nga slogani “Shtigjet e parave nuk gënjejnë; prandaj i ndjekim”. FOLLOW THE MONEY është një platformë për gazetari investigative radikalisht të pavarur.

Kujtojmë se Kopshti “ Zubeyde Hanim”, Tiranë, ka qenë objekt i inspektimeve të shtuara nga organet në varësi të Ministrisë së Arsimit dhe Sportit ( MAS), të cilat kulmuan me miratimin e Urdhrit të Ministrit të Arsimit dhe Sportit nr.540, datë 15.09.2022 “Për mbylljen e veprimtarisë së institucionit privat të arsimit parauniversitar ‘Zubeyde Hanim’, Tiranë”.

Për sa më sipër, Komunitet i Prindërve, pas vendimit të Ministrisë së Arsimit dhe Sportit, për mbylljen e aktivitetit të Kopshtit Zubeyde Hanim, i është drejtuar Gjykatës Administrative të Rrethit Gjyqësor Tiranë, për pezullimin e zbatimit të akteve administrative dhe shfuqizim të vendimeve.

Dosja përmban mbi 1400 faqe me prova që dokumentojnë dëmin e shkaktuar te fëmijët dhe faktojnë vendimin e padrejtë në kundërshtim me dispozitat ligjore.

Ndërkohë, Komuniteti i Prindërve të Kopshtit Zybeyde Hanim, shpreh shqetësimin me mbarëvajtjen e procesit gjyqësor që kanë iniciuar përmes kësaj padie. Sipas tyre, pas shortit të hedhur për gjyqtarin që do të gjykonte padinë e tyre si prindër, përmes avokatit të çështjes, janë vënë në dijeni se znj. Selvie Gjocaj, e cila do të gjykonte këtë rast, ka paraqitur kërkesë për të hequr dorë nga shqyrtimi i çështjes, e pranuar kjo nga Kryetarja e Gjykatës Administrative të Rrethit Gjyqësor Tiranë. Më tej, çështja i ka rënë me short znj.Afërdita Maho, gjyqtare e cila më parë rrëzoi kërkesën e Kompanisë Turgut Ozal drejtuar Gjykatës Administrative të Rrethit Gjyqësor Tiranë për sigurim të padisë pas vendimit të MAS për mbylljen e Kopshtit Zubeyde Hanim.

The post Mbyllja e Kopshtit “Turgut Ozal”, rrjeti ndërkombëtar për gazetari investigative “Follow the Money” zbarkon në Tiranë appeared first on Albeu.com.

Prindërit kërkojnë anulimin e këtij vendimi, madje kanë paralajmëruar se do të bëjnë një padi civile në Strasburg.

Një prej prindërve ka kërkuar që Rama të bëjë hap pas pasi sipas saj e ardhmha e fëmijëve të tyre nuk i ngjan një telenovele turke.

Kopshti në fjalë ishte një ndër më të mirët në Shqipëri, megjithatë MAS vendosi ta mbylle me argumentin se kishte shkelur ligjin pas ndryshimit të godinës edhe pse ka dyshime të forta se vendimi në fakt është i lidhur me një kërkesë nga Presidenti i Turqisë, Erdogan. Këtë fakt e konfirmuan edhe mediat turke pranë qeverisë, të cilat dje shkruajtën se kopshti dhe kolegji i vajzave “Mehmet Akif” u mbyllën me kërkesë të Presidentit Erdogan./albeu.com

The post Prindërit kërkojnë rihapjen e kopshtit të “Turgut Ozal”: E ardhmja e fëmijëve tanë nuk është telenovelë turke appeared first on Albeu.com.

Pak momente më parë prindërit kërkuan të vendosen në shkallët e Kryeministrisë, por menjëherë ndëhyri Policia e Shtetit duke i zbritur nga aty.

Prindërit e cilësojnë të padrejtë vendimin e Keshillit të Ministrave dhe kërkojnë një zgjidhje./albeu.com

The post Mbyllja e kopshtit të “Turgut Ozal”, prindërit dhe fëmijët vendosen në shkallët e Kryeministrisë: Ndërhyn policia appeared first on Albeu.com.

Protesta e organizuar nga prindërit ka vijuar për disa minuta, ndërkohë që aty u vendosën edhe banka ku fëmijët mundën të pikturonin dhe të simulonin një orë normale mësimi në këtë kopsht.

Njëri prej fëmijëve shkruan se donte “zysh Mozën”, ndërsa të tjerë vizatuan me ngjyra duke kërkuar nga qeveria anulimin e vendimit për mbylljen e kopshtit të tyre.

Qindra fëmijë kanë mbetur pa një vend ku të mësojnë tani pas vendimit për të mbyllur kopshtin.

Mediat turke raportuan dje se vendimi për mbylljen e këtij kopshti erdhi pas kërkesës së Presidentit Erdogan.

The post Pas nxënëseve të “Mehmet Akif”, fëmijët e kopshtit “Turgut Ozal” dhe prindërit e tyre në protestë, vizatojnë poshtë zyrës së Ramës appeared first on Albeu.com.

“Takvim”, një gazeta pranë qeverisë në Turqi shkruan se gjithçka ndodhi “pas përpjekjeve të gjata diplomatike dhe vizitës së fundit të Presidentit të Turqisë në Ballkan”.

Sipas “Takvim”, qeveria shqiptare vendosi mbylljen e këtyre shkollave dhe përzënien e mësuesve prej tyre pas aktivitetit të shtuar të diplomacisë turke.

“Shkollat u mbyllën pas përpjekjeve diplomatike të Turqisë. Menjëherë pas vizitës së Presidentit Erdogan në Ballkan filloi edhe mbyllja e aktivitetit të tyre duke u përzëënë prej andej. Pas kopshtit të kompanisë Turgut Ozal, u mbyll edhe kolegji “Mehmet Akif””, shkruan Takvim në faqen e saj.

Të njëjtën gjë kanë raportuar edhe gazetat “Aksam” si edhe televizioni shtetëror turk, TRT.

Ndërkohë, pas interesimit të djeshëm nga mediat, kryeministri Rama tha se nuk duhej gjetur asnjë shkak pas vendimit të qeverisë për mbylljen e shkollave përveç se zbatimin e ligjit.

Pas mbylljes së kopshtit dhe kolegjit të vajzave, më shumë se 400 fëmijë dhe adoleshentë janë tashmë pa një vend ku të mësojnë.

The post Mediat turke: Kopshti i “Turgut Ozal” dhe kolegji “Mehmet Akif” u mbyllën sepse e kërkoi Presidenti Erdogan appeared first on Albeu.com.

Përmes një postimi në rrjetet sociale, Meta bën të ditur se përfaqësuesit i shpjeguan detaje nga veprimet anti-ligjore për të mbyllur kopshtin.

Ai thekson se është shokuar nga këto fakte të cilat shkatërrojnë sigurinë juridike në vend, duke shtuar se arsimi nuk duhet të bëhet viktimë e politikës.

Mesazhi nga Ilir Meta:

Prita sot përfaqësuesit e institucionit arsimor “Turgut Ozal”, një investim privat hollandez, që më shpjeguan në detaje veprimet antiligjore të Qeverisë shqiptare ndaj këtij institucioni arsimor, për të cilat janë njoftuar dhe rasti po ndiqet me vëmendje edhe nga institucionet ndërkombëtare.

Jam i shokuar nga këto fakte të cilat shkatërrojnë sigurinë juridike në vend. Këto akte antiligjore nuk kanë të bëjnë vetëm me një shkollë, por tregojnë rrezikun që i kanoset çdo qytetari, investitori të huaj, biznesi të ndershëm, etj.

Shpreh shqetësimin e madh për këto akte të papranueshme, nisur edhe nga fakti, që ky vendim i Qeverisë merret pasi ka filluar shkolla, duke ndikuar tek fëmijët dhe familjet e tyre, si edhe tek mësuesit.

Jemi një vend që duhet të funksionojë sipas ligjeve, por në këtë rast, shteti ynë ka kryer akte arbitrare brutale dhe të paligjshme, që kanë traumatizuar qindra vogëlushë dhe familjet e tyre.

I inkurajova ata të ndjekin deri në fund rrugën ligjore dhe i sigurova se do ta monitorojmë procesin nga afër.

Arsimi dhe fëmijët të mos përfshihen e të bëhen viktima të politikës!/albeu.com/

The post Mbyllja e kopshtit, Meta takon përfaqësuesit e “Turgut Ozal”: Akt i papranueshëm, do monitorojmë procesin nga afër appeared first on Albeu.com.