Në total kanë shënuar në 12 nga 16 ndeshje. Një udhërrëfyes i shkëlqyer, sepse tregon se, kur ata të dy janë bashkë, Interi pothuajse gjithmonë fillon me një avantazh goli. Ishte e vështirë të imagjinohej një mirëkuptim i ngjashëm në nisje të sezonit.

LAUTARO – Të sfidosh Juventusin nuk është asnjëherë e lehtë, veçanërisht nëse është në shtëpinë bardhezi, qofshin sfiduesit sulmi më i mirë në Itali. Lautaro e ka provuar në lëkurën e vet se t’i shënosh “zonjës’ nuk është e lehtë, pasi edhe pse është ekipi që ka sfiduar më shumë në karrierë(16 herë), është ai kundër të cilit ka shënuar më pak. Vetëm 3 herë, 2 prej të cilave ishin penallti dhe në 2 nga 3 raste nuk arriti ta shmangte humbjen.

TURAM – Testi është ndoshta ndër më të vështirët, për më tepër nëse përballja me Juventusin është diçka e re për ish-lojtarin e Borusia Mënshengladbahut, edhe pse ai e njeh mirë qytetin ku ka jetuar si fëmijë në kohën kur babai i tij Lilian luajti për Juventusin. Gjithsesi Markus ka treguar se në sfidat e mëdha nuk zhgënjen. Ai mund të ketë shënuar më pak se shoku i tij i repartit (5 gola kundër 14), por viktimat e tij kanë qenë emra si Milani në derbin e tij të parë, Roma dhe Benfika

Një detaj tjetër që vërteton ndikimin e tij, është fakti që nga 5 golat e tij, 4 kanë vlejtur zhbllokimin e rezultatit, golin e 1-0. Dhe, për ta përfunduar, kur francezi ka vendosur firmën e tij në ndeshje, fitorja ka qenë e garantuar për zikaltrit. Tashmë Juventusi është paralajmëruar dhe mbi të gjithë mbrojtësit e tij.

The post Turam-Martinez gati për të thyer “murin” bardhezi appeared first on Albeu.com.

“Unë mendoj se kritikat ndaj Pirlos janë për të qeshur me të vërtetë, sepse besoj se ai mund të bëhet trajner i shkëlqyer, ashtu siç ishte lojtar i shkëlqyer, por i duhet kohë”, ka thënë për “Sky Sport Italia” ish-mbrojtësi i Juventusit dhe Francës. “Nuk mund të bëheni lojtar i shkëlqyeshëm në edicionin e parë në nivel profesional, as kuzhinier ose gazetar i shkëlqyer, pasi gjithçka kërkon kohën e vet. Kështu që nuk mund të presësh që Pirlo të jetë një trajner i shkëlqyer në sezonin tij të parë. Mund t’i kërkohen rezultate pas 10 apo 15 vjet përvojë si trajner. Zidane kur u emërua nga Reali, nuk ishte përvoja e tij e parë si trajner. Ai kishte punuar me ekipin e të rinjve si dhe ishte ndihmës i Carlo Ancelottit e Jose Mourinhos”, ka theksuar Thuram.

The post “Mund t’i kërkohen rezultate pas 10 apo 15 vjet përvojë si trajner”, ish-lojtari i Juves i del në mbrojtje Pirlos appeared first on Albeu.com.