Anca Molnar, e cila ishte e njohur për punën e saj me të famshëm në vendlindjen e saj, Rumani, u diagnostikua me një tumor në kokë, pas ankesave të vazhdueshme se përjetonte dhimbje të forta koke.

Sipas shoqes së saj të ngushtë, Alina Radi, 35-vjeçarja i kishte injoruar këto shenja, deri sa dhimbja ishte bërë e papërballueshme dhe shumë e shpeshtë.

Edhe pse mjekët bënë të pamundurën për ta kuruar, e reja nuk ka mundur dot të fitojë këtë betejë.

Pak para se të ndahej nga jeta, ajo ka postuar disa foto nga spitali në profilin e saj TikTok.

The post E trishtë/ Injoroi simptomat, 35-vjeçarja humb jetën në lule të moshës nga tumori në kokë appeared first on Albeu.com.

Ajo është shfaqur së fundmi me një këmishë të gjelbër dhe pantallona të zeza.

Matoshi ka thënë se nëse gruaja është e lumtur ajo zbukurohet.

Matoshi gjithashtu ka treguar se ka përdorur edhe pak ‘fotoshop’ në fotografitë që ka postuar së fundmi.

“Nëse gruaja është e lumtur, ajo zbukurohet. Në rastin tim edhe pak ‘faceapp’. Dashuri për të gjitha ju gra dhe vajza”, ka shkruar aktorja./albeu.com/

 

View this post on Instagram

 

A post shared by Adriana Matoshi (@adrianamatoshi)

The post “Mposhti” tumorin, Adriana Matoshi tregon se çfarë i ndodh gruas kur është e lumtur (FOTO LAJM) appeared first on Albeu.com.

Sipas Mjekësisë Bimore Arabe brokoli mund të luftojë tumorin, por përshtatshmëria e tij lidhet me mënyrën se si gatuhet. Arsyeja është se brokoli përmban një katalizator të quajtur myrosinase që mund të sjellë sulforaphane, që është armiqësor ndaj qelizave malinje.

Teknikat e gatimit si skuqje dhe gatim në mikrovalë, i shkatërron lëndët myrosinase.

Dobitë e brokolit:

Mënyra më e përshtatshme e gatimit të brokolit është me avull dhe i shtuar në supë. Në këtë mënyrë, fibrat e dobishme të brokolit, phytonutrients dhe mineralet e ndryshme, mbijetojnë gjatë procedurave të gatimit.

Përbërësit:

2 lugë vaj ulliri ekstra të virgjër

1 qepë të mesme, të copëtuar imët

2 gjethe selino, të copëtuar imët

2 patate të mesme, të qëruara dhe të prera në kubik

1 gotë brokoli të zier në avull

1 tufë mesatare brokoli të freskët

1 filxhan qumësht bajame

Kripë dhe piper të zi

¼ filxhan djath dhie

Mënyra e përgatitjes:

Nxehni vajin mbi nxehtësinë e mesme në një tenxhere të madhe. Shtoni selino dhe qepë, dhe i përziejini për katër minuta, derisa të zbutet.

Shtoni patatet dhe brokolin, përziejini për dy minuta të tjera.

Shtoni qumështin e bajames.

Shtoni kripë dhe piper për shije.

Ulni nxehtësisë, dhe lëreni të ziej për njëzet minuta.

Kur të ziejë, vendosini përzierjen në një blender dhe grijeni.

Shërbeni supën, dhe zbukurojeni me djath të grirë dhe brokoli.

Shërbejeni këtë supë me bukë të zezë dhe sallatë, dhe kjo pjatë do të jetë jo vetëm e shijshme, por edhe shumë kuruese.

The post Ka disa ushqime që e luftojnë tumorin, Mjekësia Bimore Arabe sugjeron supën me brokoli appeared first on Albeu.com.

Ajo u pyet rreth sfidave të saj gjatë vitit 2021, ku natyrisht lufta me tumorin e rikthyer pas shumë vitesh ishte edhe beteja e saj e saj më e rëndësishme.

Aktorja, e cila për herë të parë përfaqëson Lëvizjen Vetvendosja në Kuvendin e Kosovës ka folur në Klan Kosova edhe për lidhjen e saj të dashurisë  me futbollistin afrikan, Keith Oëen Groeneveld, disa vite më i ri se ajo.

Nënë e 4 fëmijëve, në rrëfimin e saj Matoshi shprehet ndër të tjera se Zoti gjithmonë i jep forcë dhe vullnet.

Adriana Matoshi: Krejt çka më kujtohet është takime me shumë njerëz, punë shumë. Kam folur shumë, takime me gra e vajza të dhunuara fizikisht e psikologjikisht, gra të keqtrajtuara, vizita në spital e në familje të varfra. Tubime me njerëz, fotografi me njerëz, telefonata, e-mail, shkolla me fëmijë, udhëtimi në Kosovë e Shqipëri për punë, familje shoqëri. Probleme, zgjedhje, pandemi, organizime, nervoz, vaj, të qeshura, intervista e seriale.

Sa suksese numëron përgjatë këtij viti, sa i përket profesionit si aktore?

Adriana Matoshi: Besom se nuk e di, më janë përzier të gjitha. E di që kam qenë e angazhuar në serinë “Shka je be tu folën” edhe pse pas shumë angazhimeve që i kam pasur viteve të kaluara, nuk e kam pasur fuqinë dhe vullnetin të bëjë diçka tjetër.

Pjesëmarrja në filmin “Zgjoi”, aktualisht në listën e ngushtë për nominime në “Oscar”, përvoja në xhirime dhe si po ndjehesh pasi gjithë suksesit që pati filmi këto kohë?

Adriana Matoshi: Jam jashtëzakonisht e lumtur për sukseset e filmit “Zgjoi”, jam e lumtur për Blerta Bashollin, për Yllka Gashin, sepse është punuar me vullnet të madh dhe me përkushtim të jashtëzakonshëm. Gjithmonë është kënaqësi të punosh në film sepse është sfidë dhe ke përgjegjësi të madhe sidomos kur temat janë të bazuara në ngjarje të vërteta. Jam e lumtur që kam pasur fat të përzgjidhem të luaj një nga rolet e atyre grave të Krushës. Gjithashtu jam tejet e lumtur që një nga ngjarjet dhe historitë e Kosovës ka mundësi t’i shoh bota.

Dashuria me Keith, marrëdhënie në distancë, si e përshkruan?

Adriana Matoshi: Gjithmonë dashuria është e mirë, jo vetëm kur je afër, por edhe nga larg. Një fjalë e mirë, një telefonatë është shumë motivuese dhe e dashur kur fjalët e bukura dalin nga shpirti.

Zgjedhja si deputete në Kuvendin e Kosovës, përvoja jote deri më tani?

Adriana Matoshi: Përgjegjësi e madhe, ngarkesë dhe shumë lodhje, sidomos për mua që kam hyrë pa u marrë kurrë me politikë. Në fillim kam vëzhguar, i kam mësuar disa terme që nuk i kam ditur çka janë, dhe në kokën time shumë gjëra nuk funksionojnë dhe kam filluar të punoj ashtu si unë mendoj se është më së miri.

Shpesh larg familjes dhe fëmijëve për shkak të punëve si deputete dhe aktore, si ia dole t’i arrish të gjitha?

Mua Zoti me ndihmon gjithmonë, më jep forcë dhe vullnet. E di që gjithçka ai e ka shkruar të ndodhë edhe të punoj, gjërat gjithë më kanë ardhur pa i menduar, punët gjithashtu. Shpesh mendoj diçka tjetër dhe krejt diçka tjetër më ndodh dhe gjithmonë kam pasur sukses. Punën e bëj me nder pa e nënvlerësuar askënd dhe pa u përzier në punën e tjetrit. Gjithmonë familjen e kamnë krah dhe punoj për ta, para familjes nuk e kam askënd, por shoqërinë e kam aty ngjitur me familjen, i kam të shenjta.

Së fundmi, sfida më e vështirë e këtij viti, rikthimi i sëmundjes. Na shpjego pak si e kuptove dhe cili është çelësi yt që përdore për të qenë kaq optimiste dhe për të dalë sërish fitimtare pas një operacioni goxha të vështirë?

Adriana Matoshi: Nuk e di për sa kohë e kam pasur tumorin në kokë sepse unë vazhdimisht kam punuar dhe kam qenë shumë e lodhur. Nganjëherë kam fjetur më shumë dhe jam zgjuar e lodhur, nganjëherë nuk kam fjetur hiç dhe prapë e lodhur. Nuk jam ndal asnjëherë edhe pse nuk mundesha. Kah fundi nuk kisha artikulim të mirë, më humbte mendimi gjatë bisedave, isha gjysmë e fjetur, dhe krejt në fund kisha marramendje e mundim, me vinte nxehtë dhe më shtrëngonte koka prapa. I bëra kontrollat dhe më doli ajo çka e prisja.

Cili është mesazhi yt për të gjithë ata që të ndjekin, të duan dhe të uruan shëndet ndërsa ti po operoheshe në Tiranë?

Adriana Matoshi: Për të gjithë lexuesit, ndjekësit, ata që më duan por edhe ata që nuk më duan… Faleminderit shumë nga thellësia e zemrës për lutjet e juaja, ma keni lehtësuar dhimbjen, ma keni larguar trishtimin, ma keni mbushur zemrën me forcë. Mos gjykoni, mos paragjykoni, duajeni njëri-tjetrin, zgjoheni më lirshëm. Gëzuar festat, begati e shëndet.

Çka do të dëshiroje të të sjelli viti 2022?

Adriana Matoshi: Shëndet për krejt familjen dhe shoqërinë e të gjithë njerëzit që nuk i njoh. Paqe, gëzime e hare./albeu.com/

The post Nga beteja me tumorin te lidhja me futbollistin me ngjyrë, rrëfimi i pazakontë i Adriana Matoshit (FOTO LAJM) appeared first on Albeu.com.

Kaona, vajza e madhe e aktores dhe deputetes, ka ripublikuar një fotografi të së ëmës e cila mban mbishkrimin”

“E ka shkatërruar dy herë tumorin. Cila është superfuqia jote?”.

Më herët ka reaguar edhe i dashuri i saj, Keith Owen Groeneveld, me mbishkrimin: “Faleminderit Zot. Operacioni ishte i suksesshëm”

Adriana Matoshi lajmëroi dy ditë më parë se turmori në tru i ishte rikthyer pas 9 vitesh. Nëpërmjet një postimi në Facebook, ku me forcën që di ta ketë vetëm ajo tregoi se ishte e sigurt se do t’ja ditle dhe për fat të mirë rezultoi pikërisht ashu.

“Mos harroni me e dashte VETEN edhe JETEN.
Mos lakmoni shume se as pasunia e botes, as fama, e asni sukses e arritje n’jete nuk vijne para SHENDETIT e asnjona prej tyne nuk po mujshin me e ble ilaqin ose me ta zgjate jeten.
N’situatat e tilla qysh jom une per momentin, po u dashke mi lon krejt edhe me menu per veten.
Une e pasun jom veç n’shpirte, se puna jem m’ka bo me njofte njerz, me ngu histori e rrefime, me perjetu gzim e lot bashke me juve.
N’fund te javes qe e kemi fatin e degjohemi prap, mos harroni qe ajo ka me ndodhe me vullnetin e Zotit edhe perkushtimit t’mjekve, nuk ka me m’pshtu as fama e as parja.”, shkruante ndër të tjera aktorja.

The post “E shkatërroi dy herë tumorin”, reagon për herë të parë vajza e Adriana Matoshit (FOTO LAJM) appeared first on Albeu.com.

Matoshi shprehet se e kuptoi që iu rikthye sërish tumori, teksa gjatë ditëve të fundit ka ndjerë shumë lodhje, ndërsa ka menduar s evinte për shkak të angazhimeve. Aktorja e njohur ka shkruar se do të kalojë më shumë kohë me familjen dhe njerëzit e afërt. Mesazhin prekët ajo e mbyll duke thënë të mos e gharrojmë asnjë moment të duam jetën.

Postimi i plotë:

Jetes pas sfidave besoj qe veç i shtohet vlera, se tek at’her fillojme me e pa te bukuren ndryshe, me vlersu te drejten, me e njofte forcen e brendshme edhe me e pa dashnine e sinqeritetin e njerzve rreth vetes.

Nje nder sfidat qe mu ka dashte me kalu para 9 vjetve kur u pata diagnostifiku me tumor ne hipofize, ate kohe isha shtatzane pritsha me sjelle ni mrekulli n’kete jete. Komplikim i dyfisht shkaku edhe i shtatzanise, po efekti te une nuk u vrejke aspak. Asni moment te vetem nuk jom dorzu e as nuk kom besu qe munet me m’ndodhe diçka, se dashnine per jeten e kisha shume ma t’madhe sesa friken prej vdekjes. Nuk kisha as kohe me menu asi sene se n’shpi m’pritshin fmite, prind, m’pritke puna, projektet…

Tash 9 vite ma vone, tu mos pushu kurre sa duhet, m’kapi lodhje prej angazhimeve te mija te shumta, stresi i akumulum mrena, mbingarkesat, krejt kto m’bonen me menu qe e kom tepru. Ja kom thy limitet vetes.

Po aty e kuptova qe tumori ne tru ish rikthy prap.

Me misionin e njejt prap po m’doket, me m’tregu qe koha osht teper e vlefshme edhe duhna me kalu ma shume kohe me prind e mi, fmite e mi, te dashurin tem, me krejt shoqnine, koleget e njerzt qe duhemi pa kushte. Gjithçka po du ma shume.

Te merkuren duhna prap me u perballe mes jetes edhe vdekjes, ama e di qe rrugetimi jem ka me vazhdu se osht shume i gjate. Kom shume qytete t’botes pa i pa, shume skena te filmit pa shkele, shume role pa lujt, i kom fmite qe duhna me i bo t’zot e vetes…

I falenderoj nga zemra krejt doktoret profesionist me te cilet bashke kemi me luftu edhe ksaj here.

E falenderoj Zotin qe n’krejt kto sfida po m’jep force e vullnet. Une e kom besimin e plot te fuqia e tij edhe lutjet tuaja.

Besoj qe ne fund t’javes kom me u çu me sukses edhe kom me ju kthy komente pozitive krejt lutjeve t’juja edhe komenteve plot dashni.

JU DUA FORT 

Mos harroni me e dashte VETEN edhe JETEN.

Mos lakmoni shume se as pasunia e botes, as fama, e asni sukses e arritje n’jete nuk vijne para SHENDETIT e asnjona prej tyne nuk po mujshin me e ble ilaqin ose me ta zgjate jeten.

N’situatat e tilla qysh jom une per momentin, po u dashke mi lon krejt edhe me menu per veten.

Une e pasun jom veç n’shpirte, se puna jem m’ka bo me njofte njerz, me ngu histori e rrefime, me perjetu gzim e lot bashke me juve.

N’fund te javes qe e kemi fatin e degjohemi prap, mos harroni qe ajo ka me ndodhe me vullnetin e Zotit edhe perkushtimit t’mjekve, nuk ka me m’pshtu as fama e as parja.

The post Adriana Matoshi tregon se i është rikthyer tumori: Duhet prap me u përball mes jetës dhe vdekjes appeared first on Albeu.com.