Milan Radoiçiq, i cilësuar si terrorist, është parë në tubimin e organizuar nga presidenti i Serbisë, Aleksandër Vuçiq.

Pamjet nga tubimi i mbajtur më 27 qershor në Beograd kanë qarkulluar në rrjetet sociale dhe në media serbe, ku shihet Radoiçiq, i cili kërkohet nga autoritetet e Kosovës me urdhër arresti nga Interpol.

Ai është personi që ka marrë përgjegjësinë për organizimin e sulmit të armatosur terrorist në Banjskë të Zveçanit më 24 shtator 2023, sulm në të cilin mbeti i vrarë rreshteri i Policisë së Kosovës, Afrim Bunjaku, ndërsa grupi i armatosur u përlesh me forcat e sigurisë së Kosovës.

Radoiçiq përbën gjithashtu një nga kushtet që kryeministri Albin Kurti i ka vendosur Serbisë dhe presidentit të saj, Aleksandër Vuçiq, për vijimin e dialogut.

Përveç kushteve të tjera, Kurti ka kërkuar që Serbia ta dorëzojë Radoiçiqin, i cili, siç dëshmojnë edhe pamjet tashmë publike, merr pjesë në aktivitete publike të udhëhequra nga presidenti serb.

Nga ana tjetër, presidenti serb Aleksandër Vuçiq e ka mbrojtur publikisht atë.

Dy ditë pasi Radoiçiq u pa në tubim, Vuçiq u pyet për pretendimet se dy pjesëtarë aktivë të Xhandarmërisë serbe po angazhohen si truproja të tij dhe të Zvonko Veselinoviqit.

Vuçiq deklaroi se nuk ka informacion për këto pretendime, por në të njëjtën kohë e minimizoi arsyen e kërkimit ndërkombëtar ndaj Radoiçiqit.

“Nuk kam asnjë informacion për këtë. Radoiçiq është në listën e kuqe të Interpolit jo për shkak të kriminalitetit, por për shkak të Kosovës”, deklaroi ai.

Më tej, ai shtoi se “dikush e ndjek atë për shkak të Kosovës, e jo për atë që ju po thoni”, duke lënë të kuptohet se procedurat ndaj Radoiçiqit janë të motivuara politikisht dhe jo penalisht.

Eksperti i sigurisë Arben Dashevci thotë se pamje të tilla nuk përbëjnë risi.

Sipas tij, Radoiçiq lëviz vazhdimisht pranë atij establishmenti politik.

“Pamjet e që po qarkullojnë në rrjetet sociale dhe në faqet serbe tregojnë se Milan Radoiçiq ka marrë pjesë në tubimin e organizuar nga presidenti i Serbisë Aleksandar Vuçiq, më 27 Qershor në Beograd, këto pamje nuk janë të reja sepse ky vazhdimisht sillet rreth atij establishmenti politik atje, gjithmonë është afër këtij establishment, është i lidhur me ta mendoj unë. Radoiçiq është personi që ka marrë përgjegjësinë për sulmin e armatosur në Banjskë të Zveçanit, më 24 shtator 2023 është i shpallur në kërkim, ka rrezikuar sigurinë kombëtare të Kosovës, është i kërkuar me fletëarrest nga Interpoli”, deklaron Dashevci për “Bota sot”.

Ai e cilëson të papranueshme praninë e Radoiçiqit në një tubim të tillë dhe vlerëson se kjo tregon mungesën e vullnetit të Serbisë për bashkëpunim, si dhe afërsinë e saj me elementë kriminalë.

“Milan Radoiçiq të shfaqet në tubimin e Vuçiq, pavarësisht akuzave për sulmin në Banjskë është absolutisht e pa pranueshme, kjo tregon establishmentin e kontaminuar atje i lidhur me grupe të rrezikshme kriminale për rajonin e Ballkanit. Pjesëmarrja e Milan Radoiçiq në tubimin e Vuçiq në Beograd tregon tentim minimizimin e veprës makabre, tregon mos gatishmërinë e Serbisë për bashkëpunim dhe dorëzimin e kriminelëve, tregon solidarizimin e Serbisë me kriminelët e kërkuar ndërkombëtarisht dhe është me prapavijë serbe”, thekson eksperti.

Sipas Dashevcit, jo vetëm Kosova, por i gjithë Ballkani mbetet i rrezikuar nga Radoiçiqi dhe persona të tjerë si ai.

Ai kërkon që këta të dorëzohen sa më shpejt.

“Dhe për sa Radoiçiq dhe kriminelët tjerë sillen të lirë në rrethin e tyre vicioz në Serbi paraqesin rrezik për ne si shtet dhe Ballkanin në tërësi mendoj unë. Bashkësia ndërkombëtare duhet të reagoj më me vendosmëri/ ashpër në presion Serbisë që t’i dorëzojë këta kriminelë sa më shpejt, sepse janë përgjegjës për sulmin më të madh në Republikën e Kosovës që nga shpallja e pavarësisë”, përfundon Dashevci.

Ndërkohë, Bllagoje Spasojeviq dhe Vlladimir Tolliq janë dënuar me burgim të përjetshëm nga Gjykata Themelore në Prishtinë për sulmin e armatosur në Banjskë, ndërsa Dushan Maksimoviq është dënuar me 30 vjet burgim. Mbi 40 persona të tjerë, në krye me Radojçiqin, vazhdojnë të lëvizin të lirë në Serbi.

Dalja e tij në tubimin e Vuçiqit ndodhi në një kohë kur presidenti serb mbajti një fjalim me tone nacionaliste, duke përsëritur pretendimet e Serbisë ndaj Kosovës dhe duke paralajmëruar shfaqje të forcës ushtarake gjatë aktiviteteve të Vidovdanit.

Në atë fjalim, Vuçiq tha se Kosova është pjesë e Serbisë dhe u bëri thirrje qytetarëve të ndjekin paradën ushtarake, duke theksuar se “nesër do ta shihni forcën e Ushtrisë suaj”.

The post Radoiçiq shfaqet në tubimin e Vuçiqit në Beograd, eksperti: Serbia po jep sinjal për mosbashkëpunim appeared first on Albeu.com.

Përpara Kryeministrisë protestuesit mbajtën fjalime, ku kërkuan dorëheqjen e Kryeministri Edi Rama dhe Ministrit të Brendshëm Besfort Lamallari. Protesta u shoqërua gjithashtu me thirrje të forta nga turma, ku u dëgjua vazhdimisht ultimatumi: “Keni 24 orë afat, lironi zyrat!”. Gjatë fjalimeve banorët bënë thirrje që të largojnë oligarkët nga toka e tyre.

Pjesëmarrësit përcollën edhe mesazhin “Nesër më shumë”, duke lënë të kuptohet se mobilizimi do të vazhdojë sërish ditën e nesërme në orën 10:00.

The post Pas më shumë se dy orësh përfundon protesta përpara Kryeministrisë, nesër qytetarët sërish tubim: Shqipëria nuk është në shitje appeared first on Albeu.com.

“Deri më sot nuk e di nga çfarë vdiq fëmija im. Nuk jam në grevë urie vetëm për djalin tim, por për çdo fëmijë që humbi jetën, për çdo nënë dhe çdo baba”, tha ndër të tjera Pano Ruçi në fjalën e tij.

Pano Ruçii vazhdon grevën e urisë edhe pas vendimit të Prokurorisë së Shkallës së Parë të Larisës për të miratuar kërkesën e tij për leje për zhvarrosjen e të birit vetëm për qëllime identifikimi me ADN të trupit të tij.

“Unë vazhdoj luftën time, nuk ndalem. Siç e kam thënë që nga momenti i parë, dita e parë, deri në fund. Sepse këta engjëj të vegjël atje lart duan drejtësi. Dhe unë nuk do ta lë kështu. Derisa gjithçka të bëhet siç duhet”, tha ai.

Gjendja e tij shëndetësore është kritike. Ekipi mjekësor që po monitoron Pano Ruçin lëshoi ​​një deklaratë në lidhje me gjendjen e tij shëndetësore.

Në njoftim përmenden mjekët Olga Kosmopoulou (patologe-specialiste e sëmundjeve infektive), Maria Karambeli (patologe-intensiviste), Dimitris Ziazias (patologe), Chrysoula Botsi (pulmologe) dhe Agapi Iliaki (specialiste e patologjisë). Siç theksojnë ata, “koha po mbaron” dhe u bëjnë thirrje autoriteteve kompetente të mos e lënë babain e njërit prej të ndjerëve nga Tempi të pësojë dëme të pakthyeshme.

The post Tubime solidariteti në mbarë Greqinë, Pano Ruçi: Nuk e di nga se vdiq djali im, jam në grevë urie për çdo fëmijë që humbi jetën në Tempi appeared first on Albeu.com.

Kjo është protesta e parë e një përmase të tillë, ku Berisha nuk do të jetë prezent fizikisht për shkak të masës ‘arrest shtëpiak’.

Mësohet se ish-kryeministri Berisha, do të flasë përmes teknologjisë në protestë.

Data 20 shkurt, e cila përkon edhe me rrëzimin e bustit të Enver Hoxhës, është një pikë kthese për pluralizmin në vend dhe sipas organizatorëve të protestës, ndaj është caktuar pikërisht kjo ditë.

Kjo protestë ka vënë në gatishmëri Policinë e Shtetit. Mësohet se mbi 1100 forca të policisë, duke nisur nga ato të rendit, FNSH, Shqiponjat dhe Garda e Republikës, do të jenë në terren për mbarëvajtjen e protestës.

Në gatishmëri do të jenë edhe forcat RENEA. Do të ketë edhe autobotë me ujë nëse do të ketë nevojë në raste incidentesh.

Si në çdo protestë, do të krijohet kordoni me efektivë policie para kryeministrisë dhe perimetrit rreth saj.

Në terren do të përfshihen edhe agjentët civilë, për të monitoruar mbarëvajtjen e protestës. Dyert e kryeministrisë do të jenë të blinduara me veshje metalike.

Policia ka instaluar përgjatë gjithë bulevardit ‘Dëshmorët e Kombit’ kamera me rezolucion të lartë.

Segmentet rrugore që janë të bllokuara 2 orë para nisjes së protestës, deri në përfundim të saj janë:

Bulevardi “Dëshmorët e Kombit”, sheshi “Nënë Tereza”, rruga “Ismail Qemali”, nga kryqëzimi i rrugës së Elbasanit me rrugën “Ibrahim Rugova”, rruga “Papa Gjon Pali II”, bulevardi “Zhan D’Ark” dhe bulevardi “Bajram Curri”, nga kryqëzimi i Rrugës së Elbasanit me rrugën “Ibrahim Rugova”.

The post Protesta e opozitës/ Berisha i pranishëm në tubim, mbi 1 mijë forca policie në terren, ja rrugët që do të bllokohen appeared first on Albeu.com.