Whitfield thotë se Jackson, i cili sot do të mbushte 66 vjeç, ishte bërë “i dobët” në javët para vdekjes së tij në vitin 2009, shkruan The Sun.

Bill Whitfield, i cili u bë truproja personale e Jackson në dhjetor të vitit 2006, pas lirimit të tij nga akuzat shokuese për abuzim seksual të fëmijëve, tha se kishte lexuar histori për çështjen dhe nuk ishte i qartë në mendjen e tij nëse akuzat mund të ishin të vërteta.

Whitfield tha për The Sun: “Ai ishte shpesh i trishtuar. Gjërat ishin ndryshe; ai sapo kishte dalë nga disa gjyqe. Duke qenë aq afër dhe personal me dikë, po të ishte situata e tillë, do të zbulonte vetveten”.

Bill e konsideronte yllin një “mik shumë të mirë” dhe pa Jackson në disa nga momentet e tij më të brishta. Ai këmbëngul se akuzat nuk kanë peshë dhe thotë: “Kjo nuk është ajo që ai ishte. Asgjë e ngjashme nuk u shfaq për të më bërë të besoj të kundërtën”.

Michael Jackson vdiq nga një mbidozë e medikamenteve, përfshirë propofol dhe lorazepam, dhe vdekja e tij u konsiderua një vrasje. Truproja i përmendi se këto akuza dhe stresi që pasoi ndikuan shumë në shëndetin e yllit, duke thënë: “Ai ishte padyshim nën stres. Dhe stresi vret”.

Whitfield gjithashtu ndau momente nostalgjike që kishte me Jackson, duke përmendur se ylli pëlqente të bënte shëtitje të gjata me makinë në orët e vona të natës për të reflektuar dhe për të gjetur paqe.

Jackson u bë i famshëm që në fëmijëri dhe kaloi katër dekada në qendër të vëmendjes së botës, duke shitur 500 milionë disqe, por më pas u përfshi në polemika me akuzat për abuzim seksual të fëmijëve në vitet 1993 dhe 2005, të cilat ai i përjetoi si shumë stresuese.

Në fund, Whitfield tha: “Unë dua të besoj se ai nuk u largua nga jeta, ai shkoi në një vend më të mirë sepse pushimi që ai kishte nevojë kurrë nuk do ta merrte në këtë jetë”.

The post Dita e fundit e Michael Jackson: Truproja i tij hedh dritë mbi akuzat për abuzim dhe zbulon mendimet e tij për atë që vërtet e ‘vrau’ yllin që do të mbushte 66 vjeç sot appeared first on Albeu.com.

Deda akuzohet për trafik ndërkombëtar droge në kuadër të grupit të strukturuar kriminal.

Marku u arrestua nga autoritetet policore në Gjermani, me qëllim ekstradimin drejt Shqipërisë, në zbatim të urdhër arrestit ndërkombëtar të nxjerrë nga Zyra Qendrore Kombëtare Interpol Tirana.

Përveç tij, në hetim është edhe truproja tjetër, Agustin (Paul) Deda, i arrestuar në Francë. Deda ka kërkuar azil politik në Francë dhe kërkesa e tij po shqyrtohet nga autoritetet vendase, ndërsa Shqipëria kërkon që të ekstradohet.

Marku dhe Deda akuzohen se gjatë kohës që kanë shërbyer si truproja të ministrit Tahiri kanë trafikuar rreth 1 ton kanabis drejt Italisë.

Përfshirja e tyre në trafikun e drogës ka dalë nga dëshmia e 4 të penduarve të drejtësisë të cilët kanë rrëfyer në Bari për rrjetin e trafikut nga Shqipëria drejt Italisë./albeu.com

The post I akuzuar për trafik ndërkombëtar droge, SPAK kërkon 12 vite burg për ish-truprojën e Saimir Tahirit appeared first on Albeu.com.

Për këtë të fundit është marrë masa e trasferimit dhe uljes në detyrë duke e cuar atë në një komisariat të vendit.

Gazetari Elton Qyno raporton për OraNews se efektivi i RENEA-s akuzohet se ka pasur kontakte të papërshtashme me një tjetër personazh të botës së krimit.

“Bëhet fjalë për dy persona. Për Jeton Lamin është marrë masa arrest me burg, ndërsa për efektin e RENEA-s është marrë masa e transferimit dhe uljes në detyrë duke e çuar në një pozicion periferik në një komisariat të vendit. Ai dyshohet se ishte kthyer në truprojen e një të shumëkërkuari,”- tha Elton Qyno.

Ende nuk dihet identiteti i efektivit apo i të shumëkërkuarit të cilit i ka “shërbyer”  ai.

Jeton Lami është arrestuar një natë më parë dhe Gjykata e Kurbinit ka lënë në masën ‘arrest me burg’. Ai akuzohet se ka pasur kontakte dhe shoqëri me Ervis Martinajn dhe e ka ndihmuar të arratisej, pasi u shpall në kërkim nga operacioni “Plumbi i artë”. Për herë të fundit, bashkë janë filmuar më 7 gusht në dy ambiente të ndryshme, në Durrës dhe Tiranë./albeu.com

The post Efektiv i RENEA-s transferohet në një komisariat periferik, dyshohet se kishte lidhje me personazhet e krimit appeared first on Albeu.com.

Vjeshtën e kaluar u shfaq informacioni se gruaja e sulmuesit të PSG- së donte të divorcohej nga ai pasi kishte mësuar për takimet e tij me të dashurën.

Si pasojë, çifti nuk u nda. Thuhej se futbollisti i dha Wandës të drejtat për të gjitha të ardhurat dhe pasuritë e tij deri në vitin 2050 për të shpëtuar martesën.

Gazetari Diego Estevez raporton se vetë Nara e tradhtoi në fund të vitit të kaluar me një truproje kur ajo fluturoi për në Argjentinë.

Disa persona kanë qenë dëshmitarë kur gruaja e Icardit, pas një prej ndejave, ka ftuar një truproje në dhomën e saj. Mësohet se një tjetër takim intim kanë pasur në ashensor.

Icardi përfundimisht e mori vesh këtë dhe e pushoi truprojën. /albeu.com/

The post Wanda mashtroi Icardin me një truprojë, sulmuesi i PSG-së e shkarkoi appeared first on Albeu.com.

Flirti i sulmuesit me modelen argjentinase, China Suarez që desh çoi në divorc lojtarin dhe Wanda Narën, e më pas padia për pastrim parash tronditën jetën e tyre por sot ka një tjetër kapitull.

Siç mësohet tani është Mauro Icardi që ka marrë rolin e xhelozit pasi nuk e ka pëlqyer aspak afrimin e truprojës me bashkëshorten e tij.

Agustin Longueira mori shumë fame kohët e fundit pasi shihej kudo me Wanda Narën dhe për ish ushtarakun ndoshta kishte londur diçka madje e tha hapur edhe vetë.

Ai ka publikuar pyetjet dhe përgjigjet me disa followers të cilët e kanë ngacmuar së tepërmi por ai nuk është stepur.

“Të pëlqen Wanda”, e pyëtën truprojën dhe ai u përgjigj “E dua”. Ata e pyetën se çfarë ndjen për Wandën, “Shumë dashuri” ishte përgjigja e Longueiras ndërsa në një pyetje tjetër nëse do të niste një raport me një grua të martuar, ai konfirmoi me një “Po”.

Me t’u publikuar ky lajm, Mauro Icardi ka marrë menjëherë masa dhe ka pushuar nga puna truprojën e bashkëshortes duke u bërë ai tani viktimë e xhelozisë por ndoshta kjo është edhe “karma”.

The post Truproja shprehu dashurinë për Wanda Naran, Icardi e pushon nga puna appeared first on Albeu.com.

Pas sherrit me gushte dhe shkelma, në pranga ka rënë truproja i lokalit pasi iu gjet një thikë, ndërsa janë proceduar 9 persona të tjerë, mes tyre dhe 3 angelezë dhe 2 truproje.

Gjithashtu janë proceduar dhe 2 pronarët e lokalit ku ndodhi konflikti, për veprat penale “Veprime që pengojnë zbulimin e së vërtetës” dhe “Punësim i paligjshëm”.

Njoftimi i policisë:

Sarandë

U konfliktuan me njëri-tjetrin në ambientet e lokalit, arrestohet në flagrancë 1 shtetas, procedohen penalisht 9 shtetas të tjerë.

Procedohen penalisht dhe 2 pronarët e lokalit ku ndodhi konflikti, për veprat penale “Veprime që pengojnë zbulimin e së vërtetës” dhe “Punësim i paligjshëm”.

Specialistët për Krimet në Komisariatin e Policisë Sarandë arrestuan në flagrancë shtetasin Xh. D., 47 vjeç, banues në Tiranë (truproje), për veprat penale “Plagosja e lehtë me dashje” dhe “Prodhimi, mbajtja, blerja apo shitja pa leje e armëve të ftohta”. Gjatë kontrollit fizik nga shërbimet e Policisë, këtij shtetasi iu gjet dhe iu sekuestrua 1 armë e ftohtë (thikë).

Gjithashtu u proceduan penalisht për veprat penale “Plagosja e lehtë me dashje” dhe “Prishja e qetësisë publike”, shtetasit: Xh. S., 25 vjeç, T. D., 25 vjeç, banues në Tiranë (të dy truproje), A. M., 23 vjeç, F. M., 27 vjeç, E. S., 21 vjeç, F. V., 19 vjeç, të katërt shtetas kosovarë, banues në Londër, A. B., 22 vjeç, M. N., 26 vjeç dhe M. T., 26 vjeç, të tre shtetas anglez, banues në Londër (klientë në lokal).

Këta shtetas, mbrëmjen e djeshme, pas një konflikti për motive të dobëta, kanë goditur njëri-tjetrin me grushte dhe si pasojë kanë marrë dëmtime të lehta.

Në vijim të veprimeve, nga specialistët për Krimet në Komisariatin e Policisë Sarandë u proceduan penalisht shtetasit M. I., 37 vjeç dhe M. I., 41 vjeç, banues në Sarandë, të dy pronarë të lokalit ku ndodhi konflikti, për veprat penale “Veprime që pengojnë zbulimin e së vërtetës” dhe “Punësim i paligjshëm”, pasi dyshohen se kanë fshirë pamjet filmike të këtij konflikti që ka ndodhur brenda ambienteve të lokalit. Nga verifikimet e bëra ka rezultuar se 3 shtetasit e përfshirë në konflikt, të cilët punonin si truproje në këtë lokal, ishin të paregjistruar/siguruar, duke shmangur sigurimin e detyrueshëm për të punësuarit.

Materialet i kaluan Prokurorisë pranë Gjykatës së Shkallës së Parë Sarandë, për veprime të mëtejshme./albeu.com

The post Sherri masiv në Sarandë, arrestohet truproja i lokalit, procedohen 9 të tjerë me shtetësi të ndryshme appeared first on Albeu.com.

Ditën e djeshme ajo ishte në Durrës dhe mund të themi me bindje se e ndezi atmosferën me hitet e saj. Por një video tërhoqi veçanërisht vëmendje. Një prej fansave ka xhiruar disa sekonda ku Tayna shfaqet duke u ngritur peshe në të njëjtën kohe nga dy badygard që nuk e lejojnë të prekë rërën. “Pse me u lodh”, shkruan Tayna dhe kaq ka mjaftuar që të vendos një tjetër standard të përtesës.

The post Nuk i shkel këmba në tokë, truprojat mbajnë në ajër Taynën (VIDEO) appeared first on Albeu.com.

Siç mund ta shikoni edhe nga fotot, ish kryeministri  shoqërohet nga një truprojë, i cili i mban çadrën që të mos laget dhe e shoqëron deri te vendi i shoferit.

Makina që përdor zoti Nano është një “Maserati”, e cila dihet që hyn te makinat e shtrenjta. Edhe kur ishte Kryeministër, Nano preferonte ta niste vetë makinën, me siguri mund ta ketë njëpasion i tij.

The post Fatos Nano nuk heq dorë nga luksi, shoqërohet nga truproja dhe drejton “bishën” luksoze (FOTO LAJM) appeared first on Albeu.com.