Edhe pse ka faktorë rreziku që nuk mund t’i ndryshoni, të tilla si mosha, gjinia, përkatësia etnike ose historia familjare, ka gjëra që mund të bëni për të reduktuar mundësinë për të pasur një goditje në tru , pavarësisht nga mosha juaj. Siobhan Mclernon, një pedagoge e infermierisë në Universitetin e South Bank në Londër, sugjeron përmes artikullit të saj në The Conversation, 8 zakone që mund të ndiqni.

1. Lëreni duhanin

Duhanpirësit kanë më shumë se dy herë më shumë gjasa të kenë një goditje në tru sesa jo duhanpirësit. Pirja e duhanit shkakton dëmtime të mureve të enëve të gjakut, hipertension dhe takikardi, duke krijuar njëkohësisht hipoksi. Përveç kësaj, rrit rrezikun e mpiksjes së rrezikshme të gjakut.

2. Mbani nën kontroll presionin e gjakut

Presioni i lartë i gjakut dëmton muret e enëve të gjakut, duke i bërë ato të dobëta dhe të prirura për këputje ose bllokim. Gjithashtu mund të çojë në formimin e mpiksjes së gjakut, të cilat më pas udhëtojnë në tru dhe bllokojnë rrjedhën e gjakut, duke shkaktuar një goditje në tru. Sipas Mclernon, është e rëndësishme të kontrolloni rregullisht presionin e gjakut, në mënyrë që nëse zbulohen shenja të hipertensionit, t’i trajtoni ato në kohë.

3. Kujdes nga kolesteroli

Më shumë se 1 në 4 goditje janë të lidhura me nivele të larta të kolesterolit “të keq” (LDL). Për ta reduktuar atë, sigurohuni që të mbani yndyrën e ngopur, që gjendet në mishin e yndyrshëm, gjalpin, djathin dhe qumështin e plotë, në nën 7% të kalorive tuaja ditore.

4. Kujdes nga sheqeri

Hiperglicemia shoqërohet me një rrezik të shtuar për goditje në tru, pasi nivelet e larta të glukozës në gjak shkaktojnë dëmtim të endotelit të enëve të gjakut, duke i bërë enët e gjakut më të prekshme ndaj dëmtimit dhe aterosklerozës. Ky proces mund të çojë në formimin e një mpiksje gjaku, e cila mund të bllokojë enët e gjakut që furnizojnë trurin, duke shkaktuar një goditje ishemike. Për të zvogëluar shanset për hiperglicemi, përpiquni të bëni ushtrime të rregullta, të hani një dietë të ekuilibruar të pasur me fibra, të pini mjaftueshëm ujë, të mbani një peshë të shëndetshme dhe të menaxhoni stresin.

5. Mbani një peshë të shëndetshme

Mbipesha është një nga faktorët më të rëndësishëm të rrezikut për goditje në tru, pasi shoqërohet me afërsisht 20% të rasteve, ndërsa obeziteti e rrit atë edhe më shumë, me 64%. Pesha e tepërt trupore kontribuon në shfaqjen e hipertensionit arterial, dislipidemisë, sëmundjeve kardiovaskulare dhe diabetit mellitus të tipit 2, gjendje që rrisin ndjeshëm rrezikun e goditjes ishemike dhe hemorragjike. Rregullimi i tij nëpërmjet një diete të ekuilibruar dhe aktivitetit të rregullt fizik është çelësi për të reduktuar rrezikun tuaj.

6. Ndiqni dietën mesdhetare

Një mënyrë për të ndjekur një dietë të ekuilibruar të pasur me fibra bimore dhe për të mbajtur një peshë të shëndetshme është të adoptoni modelin mesdhetar. Kjo dietë e veçantë është treguar se zvogëlon rrezikun e goditjes në tru, veçanërisht kur theksohen arrat dhe vaji i ullirit.

7. Flini mirë

Mundohuni të flini shtatë deri në nëntë orë në ditë. Shumë pak gjumë mund të çojë në presion të lartë të gjakut, një nga faktorët më të rëndësishëm të rrezikut për goditje në tru. Gjumi i tepërt, megjithatë, shoqërohet gjithashtu me një rrezik të shtuar të goditjes në tru, kështu që përpiquni të qëndroni sa më aktiv që të jetë e mundur për të fjetur sa më mirë.

8. Aktivitet ditor

Udhëzimet zyrtare rekomandojnë shmangien e qëndrimit të zgjatur ulur dhe synimin për të paktën 150 minuta aktivitet me intensitet të moderuar ose 75 minuta aktivitet të fuqishëm në javë. Ushtrimi duhet të shpërndahet në mënyrë të barabartë në katër deri në pesë ditë në javë ose çdo ditë tjetër, dhe aktivitetet e forcës duhet të preferohen të paktën dy herë në javë.

The post Goditja në tru: 8 zakone që mbrojnë mendjen dhe reduktojnë rrezikun appeared first on Albeu.com.

A mundet që rrëmuja në shtëpi apo zyrë të jetë “kreative” apo t’i ngatërrojë idetë tona?

Kërkimet shkencore bien kryesisht dakord me Mari Kondo, gurunë japoneze të artit të rregullimit, e cila rregullon dollapët, qilarët dhe shtëpitë me një saktësi kirurgjikale.

Aq sa Elizabet Sander, psikologe në Universitetin Bond në Australi, ka treguar se rendi, bukuria dhe mungesa e kaosit në mjedisin ku punojmë, lidhet me përgjigjet më të mira njohëse dhe emocionale të sistemit tonë nervor.

“Trurit nuk i pëlqen çorganizimi, pasi i shteron burimet e tij dhe e zvogëlon aftësinë për t’u përqendruar. Tufat e letrave, gotat e pista, objektet e hedhura me shumicë në tavolinë e shpërqendrojnë mendjen tonë, krijojnë një lloj mbingarkese informacioni vizual, e cila e komprometon kujtesën funksionale” thotë ajo.

Ndikimin tek produktiviteti dhe qartësia e mendimit, e konfirmon edhe një studim i Institutit të Neuroshkencës të Universitetit Prinston, SHBA. Ai analizoi aktivitetin e trurit të disa vullnetarëve në mjedise pak a shumë të rrëmujshme në shtëpi dhe punë.

Një nga ekspertët, Stefani Mekmein, zbuloi se rregulli rreth e rrotull, e bën trurin tonë më të aftë për të qenë i përqendruar dhe në përpunimin e informacionit, me një përfitim të qartë mbi performancën e aftësive njohëse.

Si të mos mjaftonte kjo, një mjedis i çorganizuar dhe kaotik, shkakton shumë shtyrje të detyrave:ata që kanë një tavolinë të mbushur me letra dhe dosje të hedhura sa andej-këtej pa ndonjë një kriter të saktë, priren të zvarritin më shumë punët që kanë nëpër duar se sa ata që punojnë me skedarëve të radhitur sipas përparësisë.

“Çorganizimi dhe tendenca për të zvarritur punën kanë një origjinë të përbashkët. Të vendosësh gjërat në rregull kërkon kohë, dhe është diçka që nuk e pëlqejnë shumë” thotë Xhozef Ferrari, profesor i psikologjisë në Universitetin DePaul në Çikago. Sipas tij ata që janë më të çrregullt priren t’i shtyjnë punët e tyre, madje janë edhe më të pakënaqur me performancën e tyre.

Duket se efekti negativ në tru i rrëmujës së mjediseve, varet nga stresi i shkaktuar nga kaosi: na pëlqen apo jo, një dhomë e rrëmujshme na vë në alarm në mënyrë të pandërgjegjshme. Rritet niveli i hormonit të stresit, kortizolit, me një efekt edhe më të dukshëm tek femrat, diçka që varet ndoshta edhe nga trashëgimia kulturore.

“Gratë ndihen shpesh përgjegjëse për rendin e gjerave, dhe kur dështojnë përjetojnë shqetësim më të madh” thotë Darbi Saksbi, psikologe në Universitetin e Kalifornisë Jugore, që ka studiuar efektet e rrëmujës tek norma e stresit.

E gjithë kjo ka pasoja jo vetëm në aktivitetin e aftësive njohëse, që përkeqësohet, por edhe tek mirëqenia në përgjithësi. Kështu disa studime tregojnë se gjumi në dhoma të rrëmujshme e lehtëson fillimin e çrregullimeve të gjumit, duke e bërë më të vështirë rënien në gjumë apo nxit ëndrrat e këqija.

Por një mjedis i rrëmujshëm, mund të vërë në provë edhe marrëdhëniet personale, sepse sipas të dhënave të mbledhura nga studiuesit e Departamentit të Psikologjisë të Universitetit Kornell të SHBA-së, kaosi e pengon interpretimin e saktë të shprehjeve dhe emocioneve të njëri-tjetrit, duke shkaktuar më shumë grindje dhe diskutime.

Për më tepër, të tjerët na gjykojnë pikërisht në bazë të organizimit të hapësirave tona. Një studim amerikan nga Universiteti i Miçiganit, ka treguar se hyrja në një zyrë të rregullt (librat në rafte, letrat e mirë-sistemuara, mbeturinat në kosh), nxit gjykimin e personit në fjalë si më të ndërgjegjshëm dhe më të besueshëm, sa se ata që punojnë në një hapësirë ​​të paorganizuar (me librat në dysheme, letra e shpërndara etj). Me pak fjalë, pamja ka rëndësinë e saj. Përshtypja, shpjegojnë autorët e hulumtimit, është se kemi të bëjmë me një person të pakujdesshëm, më nervoz dhe më të vështirë për t’u menaxhuar./

The post Si ndikon rrëmuja në trurin e njeriut? appeared first on Albeu.com.

Hulumtimi i ri nga një ekip psikologësh tregon një mënyrë të thjeshtë që çdokush mund ta bëjë trurin e tij të funksionojë sikur të ishte vite më i ri.

Si ta bëni trurin tuaj më të ri (pa marrë parasysh moshën tuaj reale)

Ju nuk keni nevojë për shkencën për të ditur se aftësia dhe mprehtësia juaj njohëse goditet në të 30-at dhe 40-at dhe tregon një rënie të ndjeshme rreth të 60-tave. Edhe pse shumica e kërkimeve mbi shëndetin e trurit janë bërë tek njerëzit e moshës së mesme dhe të moshuar, studimi i ri tregon se edhe në moshën e mesme truri mund të forcohet duke marrë pjesë në aktivitete specifike.

Për shembull, në testet neuropsikologjike shumica e njerëzve duket se fillojnë të humbasin potencialin për funksionimin e trurit që në të 20-at dhe sigurisht pas të 30-tave. Edhe pse këto rënie në fillim janë delikate, ato shtohen me kalimin e çdo dekade dhe shpesh bëhen më të dukshme pas moshës 50-60 vjeç.

Ekipi për hulumtimin e fundit u mbështet në 33 pjesëmarrës të rritur mbi moshën 55 vjeç, të cilëve iu kërkua të regjistroheshin në klasa të ndryshme për të mësuar aftësi të reja: nga të mësuarit për të kënduar deri në mësimin e spanjishtes.

Pjesëmarrësit ia dolën shumë mirë në karaoke dhe, natyrisht, porositën në restorantin e tyre të preferuar, por aftësitë thelbësore që ata fituan nuk ishin më mbresëlënëse, sipas këtij eksperimenti të thjeshtë.

Ky eksperiment zgjati 3 muaj dhe forcoi vëmendjen dhe kujtesën e pjesëmarrësve në atë masë sa truri i tyre filloi t’i ngjante trurit të një 30-vjeçari. Gjëja më mbresëlënëse ishte se funksionet e tyre të trurit vazhduan të përmirësoheshin edhe pas përfundimit të hulumtimit.

Përfitimet e këtyre aktiviteteve të vogla mund të jenë të pabesueshme për trurin tonë, pavarësisht se në çfarë moshe jemi. Pra, mos ndaloni kurrë së ushtruari mendjen tuaj dhe ta stërvitni atë në diçka të re, sepse në këtë mënyrë ju e ndihmoni atë të bëhet funksionalisht, më e vogël.

The post Mënyra për ta bërë trurin tuaj të funksionojë sikur të jetë 30 vite më i ri appeared first on Albeu.com.

Këto janë arrat, të cilat janë të pasura me yndyrna të dobishme Ω-3, proteina, magnez, vitaminë B6 dhe vitaminë E dhe në të njëjtën kohë arrijnë të nxisin ndjenjën e ngopjes dhe të reduktojnë në mënyrë drastike dëshirat.

“Ne e dimë se arrat na bëjnë të ndihemi më të ngopur, por ishte befasuese për ne kur zbuluam se arra ndikon në aktivitetin e trurit kur ushqimi është para nesh dhe, si rrjedhojë, ndikon në zgjedhjet tona ushqimore dhe sa të uritur jemi,” tha Dr. Tamar Samuels, bashkëthemeluese e Culina Health dhe shton se arrat janë zgjedhja kryesore kur bëhet fjalë për zgjedhjen e një fruti të thatë që do të japë efekte anti-inflamatore në trup.

The post Ky është fruti që na mban të ngopur për orë të tëra dhe redukton urinë appeared first on Albeu.com.

The post 6 ushqime të pasura me kolinë, lënda ushqyese për shëndetin e trurit appeared first on Albeu.com.

The post Zakonet më të këqija që dëmtojnë shëndetin e trurit appeared first on Albeu.com.

Vajza u dërgua në Klinikën e Dytë në Vladivostok, në skajin lindor të Rusisë në Oqeanin Paqësor, në gjendje relativisht të mirë, por me thikën e ngulur në kokë. Sipas medieve të huaja thika kishte depërtuar në kokë por pa goditur fatmirësisht organet jetike.

“Siç doli, ishte një aksident. Çuditërisht, vajza ishte e vetëdijshme dhe madje mund të fliste”, tha spitali për agjencinë ruse të lajmeve RIA.

Një zëdhënës i spitalit shpjegoi se tehu hyri në kafkë 45 mm, pa goditur enë gjaku ose pjesë vitale të trurit.

“Nëse tehu do të kishte devijuar disa milimetra në ndonjë drejtim, pacientja jonë mund të kishte vdekur në vend ose të mbetej e paaftë”, tha neurokirurgu Ivan Radkov.

Operacioni zgjati më pak se një orë dhe përfundoi me sukses.

Sipas mjekëve, vajza ndihet mirë./Albeu.com/

The post Thika 25 cm i ishte ngulur në kokë, mjekët bëjnë mrekulli, shpëtojnë vajzën appeared first on Albeu.com.

Ky besohet të jetë koleksioni më i madh i këtij lloji në botë.

Në vitet 1990, Këshilli Danez i Etikës vendosi që këto tru të mund të përdoren për kërkime.

Ekspertët thonë se gjatë viteve koleksioni ka ndihmuar në hulumtimin e shumë sëmundjeve, si çmenduria dhe depresioni./Albeu.com.

The post Në Danimarkë ekziston një bankë ku ruhen 10,000 tru njerëzish appeared first on Albeu.com.

Ju mund të habiteni kur papritur në të dyzetat nuk mund të mbani mend disa detaje. Por mos kini frikë, është normale. Në fakt, kujtesa jonë është në maksimumin e saj në të njëzetat, dhe pas kësaj ajo ngadalë bie. Zakonisht, njerëzit në të dyzetat e hershme vërejnë ndryshimet e para në kujtesën e tyre.

Lajmi i mirë është se plakja e trurit mund të vonohet me ndryshime në dietë. Ndryshimi më i rëndësishëm që mund të bëni? Përfshini lëndë ushqyese si acidet yndyrore omega-3 në dietën tuaj.

Acidet yndyrore omega-3 janë lëndët ushqyese më të mira për shëndetin e trurit, pikërisht për këtë arsye peshku i yndyrshëm është ushqimi më i mirë për parandalimin e humbjes së kujtesës.

Salmoni, skumbri, toni dhe harenga kanë nivelet më të larta të acideve yndyrore omega-3 ndër ushqimet natyrale. Kjo është pikërisht arsyeja pse ekspertët sugjerojnë përfshirjen e tyre në dietën tuaj për një shëndet më të mirë të trurit.

Peshku i yndyrshëm dhe truri

Po, peshku me vaj është ushqimi më i mirë për parandalimin e humbjes së kujtesës për shkak të acideve yndyrore omega-3.

Megjithatë, përfitimet e acideve yndyrore omega-3 nuk ndalen vetëm me trurin. Janë këto lloj yndyrash që lidhen me uljen e rrezikut të sëmundjeve të zemrës, ndihmojnë në ruajtjen e niveleve të triglicerideve (yndyra në gjak) dhe mund të reduktojnë simptomat e artritit.

Pra, si ndihmojnë acidet yndyrore omega-3 në parandalimin e humbjes së kujtesës? Në fakt, truri juaj përmban shumë qeliza yndyrore, dhe shumë prej tyre janë bërë pikërisht nga acidet yndyrore omega-3, që do të thotë se ato ndihmojnë në ruajtjen e trurit duke ndërtuar qeliza, gjë që është thelbësore për shëndetin kognitiv, kujtesën dhe trurin në funksion në përgjithësi.

Po kështu, studime të shumta kanë treguar se acidet yndyrore omega-3 mund të ndihmojnë në parandalimin e demencës dhe Alzheimerit, të dyja sëmundje të lidhura me plakjen e trurit dhe humbjen e kujtesës.

BB MediaBB Media

The post Konsumojeni më shpesh, ky është ushqimi më i mirë për trurin appeared first on Albeu.com.

Ushqimet ultra të përpunuara si pica e ngrirë dhe ushqimet e gatshme na lehtësojnë jetën me ritme të shpejta, por përveçse na kursejnë kohë, këto ushqime janë edhe mjaft të shijshme.

Por nëse më shumë se 20% e marrjes suaj ditore të kalorive përbëhet nga ushqime të tilla, ju rritni rrezikun e rënies së aftësisë njohëse, ka zbuluar një studim i ri.

Kjo sasi do të ishte rreth 400 kalori në ditë në një dietë me 2000 kalori në ditë. Studimi tregoi se një pjesë e trurit e përfshirë në funksionimin ekzekutiv – aftësia për të përpunuar informacionin dhe për të marrë vendime – është veçanërisht e prekur.

Burrat dhe gratë në studim që hëngrën ushqimet më të përpunuara kishin një ritëm 25% më të shpejtë të rënies së funksionit ekzekutiv dhe 28% më të shpejtë të dëmtimit të përgjithshëm kognitiv.

“Megjithëse ky studim nuk është projektuar për të vërtetuar shkakun dhe efektin, ka një sërë elementesh që mbështesin hipotezën se një rënie e përshpejtuar njohëse mund t’i atribuohet ushqimeve ultra të përpunuara”, tha Dr. David Katz për CNN.

Mbi 10,000 brazilianë morën pjesë në studim për një periudhë deri në 10 vjet. Më shumë se gjysma e tyre ishin gra, me një moshë mesatare 51 vjeç. Përveç ndikimit njohës, ushqimet e përpunuara rrisin rrezikun e obezitetit, problemeve të zemrës dhe qarkullimit të gjakut, diabetit, kancerit dhe një jetëgjatësi më të shkurtër.

The post Si ndikon konsumimi i ushqimeve të përpunuara në tru? appeared first on Albeu.com.