Policia thotë se i riu, i identifikuar si Akil Gjongecaj u ndalua teksa drejtonte një automjet tip “Benz”, ku gjatë kontrollit iu gjet një armë zjarri pistoletë me municion luftarak.

Gjithashtu, nga hetimet paraprake dyshohet se 23-vjeçari ka qëlluar më herët në ajër me armën që e posedonte pa leje.

Njoftimi:

Tropojë

Qarkullonte me armë zjarri pistoletë në qytetin e Bajram Currit, kapet dhe vihet në pranga 23-vjeçari.

Nga verifikimet rezultoi se 23-vjeçari i armatosur e drejtonte automjetin, në gjendje të dehur.

Gjithashtu, ky shtetas kishte qëlluar më parë, me armë zjarri, në ajër.

Sekuestrohen arma e zjarrit me municion luftarak dhe automjeti.

Strukturat e Komisariatit të Policisë Tropojë, në vijim të punës për goditjen e veprimtarisë kriminale në fushën e armëmbajtjes pa leje, kanë goditur një rast të kësaj veprimtarie në qytetin e Bajram Currit. Për këtë rast u arrestua shtetasi:

-A. Gj., 23 vjeç, banues në Bajram Curri.

Ky shtetas u kap në flagrancë nga shërbimet e Policisë, në qytetin e Bajram Currit, duke qarkulluar me automjetin tip “Benz”, ku gjatë kontrollit iu gjet 1 armë zjarri pistoletë, me municion luftarak.

Nga kryerja e testit të alkoolit, 23-vjeçari rezultoi në gjendje të dehur.

Nga hetimet dyshohet se shtetasi A. Gj. ka qëlluar në ajër, me armën e zjarrit që e posedonte pa leje.

Materialet procedurale i kaluan Prokurorisë, për veprime të mëtejshme.

The post Qarkullonte me makinë i armatosur, ishte edhe i dehur, arrestohet 23-vjeçari appeared first on Albeu.com.

Policia bën me dije se një automjet ka dalë nga aksi rrugor “Bajram Curri – Qafë Morinë” dhe për pasojë ka humbur jetën drejtuesi 34-vjeçar. Në gjendje të rëndë është dërguar në spital pasagjeri R. D, 38 vjeç. Ende nuk dihen rrethanat e aksidentit të rëndë.

“Rreth orës 19:30, në aksin rrugor “Bajram Curri – Qafë Morinë”, në vendin e quajtur Kasaj, automjeti me drejtues shtetasin I. K., 34 vjeç, banues në Tropojë, i cili udhëtonte së bashku me shtetasin R. D., 38 vjeç, ka humbur kontrollin e automjetit dhe, për pasojë, ka dalë nga rruga.

Si pasojë, ka ndërruar jetë drejtuesi i automjetit, ndërsa pasagjeri po merr asistencë mjekësore dhe ndodhet në gjendje të rëndë shëndetësore. Grupi hetimor është në vendngjarje dhe po punon për sqarimin e rrethanave të aksidentit.”, njofton policia.

The post Automjeti del nga rruga në Tropojë, ndërron jetë shoferi! Në gjendje të rëndë pasagjeri appeared first on Albeu.com.

Policia thotë se sekuestroi 1.2 kilogramë lëndë narkotike kanabis, 405 gram tritol, 51 kapsolla detonatore, 5 m fitil zjarrpërcjellës, municion luftarak, si dhe një sasi lekësh.

“Ky shtetas u kap në flagrancë nga shërbimet e Policisë, në fshatin Dushaj, duke lëvizur me automjetin tip “Volksëagen”, në të cilin kishte fshehur në brendësi të bagazhit lëndën narkotike, eksplozivin dhe municionin luftarak, të cilat dyshohet se i kishte transportuar me varkë nëpërmjet liqenit, nga fshati Apripë, Pukë, deri në Tropojë, ku kishte parkuar automjetin me qëllim shmangien e kontrollit të Policisë”, thotë policia.

Vijon puna për zbardhjen dhe dokumentimin e plotë ligjor të këtij rasti, me qëllim identifikimin dhe kapjen e personit që do t’i blinte në Kosovë.

Njoftimi i policisë:

Finalizohet operacioni policor i koduar “Varkëtari”

Transportoi me varkë drejt Tropojës drogë, eksploziv dhe municion luftarak, me qëllim që ta trafikonte drejt Kosovës; vihet në pranga 29-vjeçari nga Puka.

Sekuestrohen 1.2 kilogramë lëndë narkotike kanabis, 405 gram tritol, 51 kapsolla detonatore, 5 m fitil zjarrpërcjellës, municion luftarak, si dhe një sasi lekësh.

Shërbimet e DVP Kukës, në bashkëpunim me shërbimet e Komisariatit të Policisë Tropojë dhe me mbështetjen e shërbimeve të Forcës së Posaçme “Shqiponja”, bazuar në informacionet e siguruara në rrugë operative se një shtetas do të transportonte drejt Kosovës një sasi lëndë narkotike dhe lëndë eksplozive, organizuan dhe finalizuan operacionin policor të koduar “Varkëtari”.

Si rezultat i këtij operacioni u arrestua në flagrancë shtetasi L. P., 29-vjeç, banues në Pukë.

Ky shtetas u kap në flagrancë nga shërbimet e Policisë, në fshatin Dushaj, duke lëvizur me automjetin tip “Volkswagen”, në të cilin kishte fshehur në brendësi të bagazhit lëndën narkotike, eksplozivin dhe municionin luftarak, të cilat dyshohet se i kishte transportuar me varkë nëpërmjet liqenit, nga fshati Apripë, Pukë, deri në Tropojë, ku kishte parkuar automjetin me qëllim shmangien e kontrollit të Policisë.

Në bashkëpunim me Prokurorinë dhe me homologët e Kosovës vijon puna për zbardhjen dhe dokumentimin e plotë ligjor të këtij rasti, me qëllim identifikimin dhe kapjen e personit që do t’i blinte në Kosovë.

Materialet procedurale i kaluan Prokurorisë, për veprime të mëtejshme.

The post Transportoi me varkë drejt Tropojës lëndë narkotike, eksploziv dhe municion luftarak, me qëllim trafikimi drejt Kosovës, vihet në pranga 29-vjeçari appeared first on Albeu.com.

Ata ndodheshin në stan dhe nuk kanë mundur të lëvizin, për shkak të borës së madhe.

Në përpjekje për t’u ardhur në ndihmë, djali i tyre ka shkuar me automjet, por edhe ai ka mbetur i bllokuar.

Autoritetet vendore po ndjekin situatën dhe bashkia ka deklaruar se janë duke marrë masat e nevojshme, për të nxjerrë të sigurt tre personat e mbetur të izoluar.

The post Reshje të dendura bore në Tropojë, bllokohen 3 persona appeared first on Albeu.com.

Prokuroria e Posaçme kundër Korrupsionit dhe Krimit të Organizuar përfundoi hetimet dhe ka dërguar për gjykim në Gjykatën së Posaçme të Shkallës së Parë procedimit penal Nr. 15 të vitit 2025, në ngarkim të të pandehurve:

Rrok Gegaj – i akuzuar për kryerjen e veprës penale “Korrupsion aktiv i personave që ushtrojnë funksione publike”, parashikuar ga neni 244, paragrafi dytë i Kodit Penal.

Zyra Islamaj – e akuzar për kryerjen e veprës penale “Korrupsion pasiv i personave që ushtrojnë funksione publike”, parashikuar nga neni 259, paragrafi i dytë i Kodit Penal.

Nga tërësia e veprimeve hetimore të kryera për këtë procedim penal, rezulton se shtetasja Zyra Islamaj, aktualisht në ushtrimin e detyrës së Kryetarit të Bashkisë Tropojë, rezulton se është përpjekur përmes një tenderi të hapur, të favorizojë ndërtimin e një ure në dobi të familjarëve të saj.

Ajo ka ndërhyrë tek ndërtuesi, Rrok Gega për të ngritur urën mbi përroin që kalon pranë shtëpisë së motrës së saj.

Njëkohësisht planifikoi të angazhonte edhe teknikun e mirëmbajtjes së rrugëve, punonjës në Bashkinë Tropojë, për ta ndihmuar ndërtuesin. Edhe ndërtuesi, nga ana e tij, ka pohuar se ky ndërtim nuk ka qenë në procedurat e tenderimit dhe ai do t’ia bënte dhuratë Kryetares së Bashkisë Tropojë.

Prokuroria e Posaçme ka administruar materialin kallëzues, bazuar mbi një informacion të ardhur më 8.1.2025, nga Partia Demokratike, i mbështetur mbi denoncimin e bërë nga një emision televiziv investigativ në nëntor të vitit 2024.

The post SPAK dërgon për gjykim për korrupsion Kryetaren në detyrë të Bashkisë Tropojë appeared first on Albeu.com.

Hetimet e thelluara identifikuan dhe zbardhën një rast dhune sistematike nga bashkëshorti ndaj bashkëshortes, e dyshuar me pasoja të rënda.

Vihet në pranga shtetasi Imer Shpata, 58-vjeç, që ushtonte dhunë sistematike ndaj bashkëshortes.

Bashkëshortja është larguar nga banesa më datë 22.07.2025 dhe vijon të jetë në kërkim.

Në banesën e të arrestuarit u gjetën dhe u sekuestruan dy armë zjarri automatike.

Njoftimi i policisë:

Tropojë

Hetimet e thelluara identifikuan dhe zbardhën një rast dhune sistematike nga bashkëshorti ndaj bashkëshortes, e dyshuar me pasoja të rënda.

Vihet në pranga 58-vjeçari që ushtonte dhunë sistematike ndaj bashkëshortes.
Bashkëshortja është larguar nga banesa më datë 22.07.2025 dhe vijon të jetë në kërkim.
Në banesën e të arrestuarit u gjetën dhe u sekuestruan dy armë zjarri automatike.

Shërbimet e Policisë vijojnë kontrollet intensive për gjetjen e shtetases N. Sh., 48 vjeçe, e cila është larguar nga banesa më datë 22.07.2025. Dyshohet se pas këtij largimi mund të fshihet një ngjarje e rëndë kriminale.

Në momentin e arrestimit, Policia gjeti në banesën e 58-vjeçarit I. Sh., banues në fshatin Bujan, dy armë zjarri automatike, të cilat u sekuestruan. Armët do të dërgohen në Institutin e Policisë Shkencore për ekzaminime të mëtejshme, për të përcaktuar nëse janë përdorur apo jo në ngjarje kriminale.

Specialistët për Hetimin e Krimit në Komisariatin e Policisë Tropojë, pas informacionit të marrë nga të afërm të shtetases N. Sh., se ajo ishte larguar nga banesa e bashkëshortit dhe kishin humbur kontaktet me të, organizuan menjëherë punën për lokalizimin dhe gjetjen e saj.

Nga hetimet rezultoi se 48-vjeçarja dyshohet se është larguar si pasojë e dhunës sistematike nga bashkëshorti. Në këto kushte, u shoqërua dhe më pas u ndalua shtetasi I. Sh., 58 vjeç.

Nën drejtimin e Prokurorisë vijojnë hetimet për dokumentimin e plotë të ngjarjes. Po ashtu, janë angazhuar shërbime të specializuara të Policisë për kërkimin e 48-vjeçares, me dyshimin se mund të jemi përballë një ngjarjeje të rëndë kriminale.

Materialet procedurale i kaluan Prokurorisë, për veprime të mëtejshme.

The post Dhunohej nga burri, gruaja largohet nga shtëpia/ Policia arreston 58-vjeçarin në Tropojë (EMRI) appeared first on Albeu.com.

Motivet që kanë çuar 54-vjeçarin të ndërmarrë aktin e vetëvrasjes janë ende të paqarta ndërsa ka reaguar edhe policia.

Uniformat blu bëjnë me dije se grupi hetimor ndodhet në vendngjarje për të zbardhur shkaqet dhe rrethanat e ngjarjes.

Njoftimi i Policisë

Rreth orës 14:40, në fshatin Shumicë, është gjetur i pajetë, nga familjarët, në oborrin e banesës, shtetasi K. N., 54 vjeç, i cili dyshohet se është vetëvarur. Grupi hetimor po punon për zbardhjen e rrethanave të rastit.

The post E rëndë në Tropojë, 54-vjeçari gjendet i pajetë në oborrin e shtëpisë, familjarët njoftojnë policinë appeared first on Albeu.com.

Vetë banorët shprehen se, qoftë për vizita mjekësore apo edhe për ndërhyrje kirurgjikale, i drejtohen spitalit të Gjakovës, pasi në spitalin e Bajram Currit mungojnë shumë mjekë specialistë, si për të rriturit ashtu edhe për moshën pediatrike, raporton A2 CNN.

“Në Tropojë nuk ka mjek, shkojmë në Gjakovë. E kemi afër, janë doktorë të mirë”, thotë një qytetare e Bajram Currit. “Po të mos jetë shërbimi në Gjakovë, vdesim të gjithë”, thotë një i moshuar, mbarojmë”. “

Situata e mungesës së mjekëve në spitalin e Bajram Currit pranohet edhe nga vetë drejtori i këtij spitali, i cili rendit disa nga këto mungesa. “U bënë disa vite që ka mungesë mjekësh, sidomos kardiologë, pediatër, renimator… Kemi kërkuar patronazhim nga Kukësi që të na vijë të paktën dy herë të muaj, por si duket edhe Kukësi ka probleme”, thotë Kujtim Rexha, drejtor i Spitalit “Bajram Curri”.

Nga ana tjetër, spitali i Gjakovës, i cili ka jo vetëm stafin e nevojshëm me mjekë dhe specialistë, por edhe aparaturat që duhet të ketë një institucion i tillë, u ofron shërbimin falas qytetarëve nga veriu i Shqipërisë, njësoj si banorëve të Gjakovës.

“Kemi afërsisht deri në 50 pacientë ditorë, të gjitha shërbimet i marrin edhe qytetarët e Shqipërisë”, thotë Hilmi Shala, drejtor i Spitalit të Gjakovës.

Përveç banorëve të Bajram Currit dhe Hasit, drejt spitaleve të Gjakovës dhe Prizrenit nuk janë të paktë as banorët e Kukësit dhe fshatrave të tjerë në afërsi të kufirit, të cilët shkojnë për të marrë shërbim shëndetësor në mungesë të këtij shërbimi pranë qendrave të tyre të banimit

The post Banorët e Tropojës marrin shërbim mjekësor falas në Kosovë: Po të mos jetë Gjakova, vdesim appeared first on Albeu.com.

Si pasojë e këtyre kushteve të motit, të gjitha akset nacionale rrugore vazhdojnë të jenë nën trysninë e rënies së gurëve, inerteve dhe ngricave duke krijuar vështirësi në qarkullimin normal të mjeteve në disa segmente rrugore.

Subjektet kontraktore, kanë punuar gjatë gjithë kohës me të gjitha kapacitetet për mbajtjen funksionale të tyre.

Aktualisht të gjitha akset rrugore nacionale janë të qarkullueshme normalisht.

Nga Bashkia Kukës, Tropojë dhe Has, nuk kemi raportime për ndonjë problematikë emergjente.

I gjithë Qarku i Kukësit furnizohet normalisht me energji elektrike, përveç nj. Adm. Llugaj bashkia Tropojë, fshati Vlahen, nj. adm. Golaj dhe fshatrat Pogaj e Kishaj.

The post Reshje të dendura dëbore në Tropojë e Kukës, disa fshatra pa energji elektrike appeared first on Albeu.com.

Flordian Mulaj 35-vjeç, goditi me armë zjarri 43-vjeçarin Artur Dauti, duke e lënë të vdekur në vend.

Por tronditëse është se autori dhe viktima ishin shokë prej kohësh dhe ngjarja e rëndë ka ndodhur teksa ishin duke konsumuar alkool në lokalin e fshatit.

Nën shoqërinë e njëri-tjetrit, dy shokët Flori dhe Artur po konsumonin alkool, ndërsa në një moment kanë filluar konfliktin i cili përfundoi në tragjedi.

Nuk dihet ende shkaku i sherrit, por dyshohet për motive banale. Forcat Operacionale si dhe dy grupe të Forcës Kombëtare të Sigurisë së Shkodrës, u nisën drejt Tropojës.

The post Zbardhen detaje nga vrasja e 43-vjeçarit në Tropojë/ Viktima dhe autori ishin shokë appeared first on Albeu.com.