Një foto e publikuar në rrjet, e cila tregon kantautoren duke nënshkruar një autograf në ceremoninë e fundit të ndarjes së çmimeve BAFTA në Londër, ka alarmuar fansat e saj.

Një ndryshim drastik ka ndodhur në pamjen e Arianes, e cila ka humbur shumë peshë, gjë që ka shqetësuar jashtë mase shumë fansat e saj.

Ata dyshojnë se ndoshta këngëtarja vuan nga ndonjë formë kanceri, gjë të cilën ajo ndoshta preferon ta mbajë të fshehtë, njësoj si aktori i njohur Chadwick Boseman, i cili u nda nga jeta në vitin 2020, pas një beteje të gjatë me kancerin në zorrën e trashë, të cilën nuk e bëri kurrë publike.

“Ajo po vdes dhe askush nuk po e shikon këtë”; “Nuk po e bullizojmë për peshën, thjesht jemi të shqetësuar për shëndetin e saj”; “Ajo mund të sëmuret ose të vdesë, mos e trajtoni atë thjesht si një vajzë të dobët”, ishin disa nga komentet që spikatën për të në “X”.

The post Ndryshimi drastik i këngëtares Ariana Grande trondit fansat: Ajo po vdes… (FOTO) appeared first on Albeu.com.

10-vjeçarja e cila nuk gëzoi lirinë, atë ditë po përjetonte gëzimin e madh se do të kthehej në shtëpi, një vit pasi po qëndronin me familjen e saj në tendat e improvizuara në “Lugun e Madh” të Drenasit.

Në lapidarin e oborrit të shkollës “Rilindja” të fshatit Dobroshec të Drenasit, janë gdhendur emrat dhe fotografitë e Besmirës dhe dy fëmijëve të vrarë në Poklek, të cilët kishin vijuar mësimin në të njëjtën shkollë.

Babai i Besmirës, Enver Hajdari, rrëfen për mëngjesin e hershëm të 11 qershorit, ku mbeti e vrarë vajza e tij. Besmira, e cila atë kohë ishte 10-vjeçare, u vra në gjumë nga forcat serbe. Babai i Besmirës tregon se e kishin varrosur në mal dhe pas dy javëve e kishin zhvarrosur në varrezat e fshatit.

25 vite pas luftës, ai flet në klasën dhe vendin ku ulej në klasë Besmira, e cila po vijonte klasën e tretë të shkollës fillore “Rilindja” në Dobroshec të Drenasit.

Enveri, i cili ishte vet pjesëtar i Ushtrisë Çlirimtare të Kosovës, thotë se kur filloi lufta në fshatin e tyre, ishin detyruar që t’i rezistonin terrorit serb dhe të zhvendosnin familjet e tyre në Lugun e Fatit për më shumë se një vit.

Pas vrasjes se Besmirës, “Lugu i Madh” është emërtuar si “Lugu i Besës”. Emri i Besmirës, tashmë është përtërirë dhe emrin po e gëzon mbesa e Enverit.

Ajo ka shkruar edhe një poezi për hallën e saj. Babai i Besmirës, Enver Hajdari thotë se nuk ndjehen rehat dhe bën thirrje për drejtësi për gjithë fëmijët e vrarë ne luftë.

The post Rrëfimi tronditës i babait të 10-vjeçares që u vra në gjumë nga serbët, prej 25 vitesh ajo fle në… appeared first on Albeu.com.