Me anë të një dedikimi mjaft prekës, mjeku përveçse i shpreh dashurinë Rozetës, e inkurajon atë që të luftojë kundër sëmundjes.

“30.05.2024…..Prag mbyllje i muajit të pestë të këtij viti të brishtë….Po mbyllet po ashtu java e pestë e qëndrimit për të dytën herë në Royal Jubilee Hospital të Victoria, BC, Canada….

Pabesia e ‘sëmundjes së shekullit, kancerit’ na surprizoi vetëm dhjetë ditë përpara se të niseshim për në Mëmëdhe, nisje që po e prisnim aq shumë të tre së bashku Rozeta, unë dhe e vogla e Familjes Kalo Jr, Genta Juna Kalo….

Të dyja kanë 21 vite pa ardhur në Tokën ku na ka lerë koka si mua po ashtu edhe sime shoqeje, sepse e vogla e familjes ka lindur këtu në Kanada….

MOS u dorzo Rozeta Kalo….Mos na i këput në mes ëndrrat e kësaj jete, të cilën ti e dëshiron dhe i gëzohesh kaq shumë….

TË DUAM shumë dhe ende shpresojmë që të vijosh të na bëhesh krah, në luftën për JETËN, sepse duhen dy vetë për të vijuar “kërcimin e valsit të lumturisë”, që ajo na ofron…..Together forever and ever”, shkruan Tritan Kalo.

The post Bashkëshortja në luftë me jetën mjeku Tritan Kalo: Mos na i këput në mes ëndrrat e kësaj jete appeared first on Albeu.com.

Si duket, nga kjo shkresë zyrtare mjeku Kalo është zhgënyer shumë, pasi pavarësisht kontributit të tij 42-vjeçar si mjek në QSUT, nga Ministria e Shëndetësisë nuk kanë gjetur mundësinë të përcillte në faqen e saj zyrtare së paku një foto e një mesazh falenderues.

Postimi i Kalos:

20.07.2023…..Dy ditë pas daljes në pension e ke kohën e mjaftë të lexosh me kujdes shkresën e ardhur nga Burimet Njerzore të Drejtorisë së QSUNT-së, me anë të së cilës ti njoftohesh për daljen përfundimtare në pension…..ASGJË jo normale jashtë praktikës burokratike të njoftimeve në raste të ngjashme…..

AJO që më befasoj ishte rreshti i fundit i shkresës, ku “shprehej e koncentruar MIRËNJOHJA INSTITUCIONALE”, për kontributin tim 42 vjeçar në Shërbimin e Sëmundjeve Infektive të QSUNT-së, në lidhje me Ofrimin e Përkujdesit Mjeksor sa më cilësor për mijra e mijra të sëmurë, në kushte shpesh të rrezikshme edhe për vetë jetën time, nisur nga natyra kontagioze jetëlënduese dhe jetëmarrëse e shumë e shumë Sëmundjeve Infektive…..”DORA E NGROHTË E PUSHT-SHTETIT” ishte e lodhur për të shprehur diçka më shumë për PUNËN, PROFESIONALIZMIN dhe PËRKUSHTIMIN tim ndaj popullit dhe vëndit tim…..

MSHMS nga ana e saj kishte shumë e shumë obligime të tjera, për të evidentuar punën dhe të kontributin e të gjithë atyre, që “sapo kanë filluar të cicërojnë” në “kopështin e madh të Përkujdesit Shëndetsor Kombëtar”, sa nuk e gjeti të mundëshme të përcillte në faqen e saj zyrtare së paku një foto e një mesazh falenderues për kontributin 42 vjeçar të një individi “kenedian” si unë, i cili në çdo kohë e rrethanë KURRË nuk pa se çfarë bëri Atdheu për të, përkundrazi me mish e me shpirt u përpoq të bëj më të mirën për vëndin e për popullin e tij…..

Vetëm KM u kujdes që urimi i tij i përvitshëm për ditëlindje të mos mungojë…..ZEMËRNGROHËS ishte fakti se së paku ndjenjat e respektit e të mirënjohjes së një populli të tërë ndaj punës e kontributit tim, u shprehën më bukur e më fuqishëm se kurrë ndonjëherë…..Together forever!!!

The post Shërbeu 42 vjet në QSUT, mjekut Tritan Kalo i ndërpritet puna: Më nisën shkresë zyrtare, nuk gjetën kohë të më falenderonin appeared first on Albeu.com.

Mësohet se ai ka vendosur të largohet përfundimisht nga Shqipëria. Lajmin e ka bërë me dije vetë mjeku me anë të një statusi në Facebook. Pas daljes në pension në korrik të këtij viti, Kalo ka zbuluar se ai do të vazhdojë jetën në Victoria të Kanadasë, aty ku ka edhe një pjesë të familjarëve të tij.

Kalo ka edhe disa kritika për sistemin shëndetësor, për të cilin thotë se këtu nuk vlerësohet profesionalizmi, por para vendosen interesat partiake. Mjeku i njohur kërkon më respekt për bluzat e bardha.

Në përfundim të shkrimit, Kalo shkruan se e në çdo qelizë përjetësisht i është “gjurmëzuar Shqipëria dhe Shqiptarizma” edhe pse do të largohet nga vendi.

Postimi i plotë

1.04.2023….Muaj PRILLI të mbarë miq, të afërm, mirëdashës, kolegë e bashkëkombas….1.04.1997 shënon ditën e mbërritjes sonë në ishullin e Vankuverit të Kolumbisë Britanike, Kanada, fillimisht për dy vite në Nanaimo ku më 7.08.1998 erdhi në jetë bija jonë e tretë, Genta Juna Kalo, dhe prej 1.07.1999 e në vijimësi në kryeqendrën e provincës, Viktoria….Prej Shtatorit 1996 i kishim në dorë dokumentet e emigrimit për në Kanada, por megjithatë hezitonim shumë të largoheshim nga “Dheu ku na kish lerë koka”….Ishim të instaluar shumë mirë në Paris, Francë ku unë edhe studiova, por së bashku me time shoqe dhe dy vajzat e lindura në Shqipëri vendosëm të riktheheshim në fillimvitin 1993, me idenë e dëshirën të kontribuonim në ZHVILLIMIN dhe në DEMOKRATIZIMIN, e vendit tonë të dalë nga 45 vite diktaturë….”Guri i rëndë në vend të vet” ishte diçka, që prindërit na e kishin ushqyer përditë me dashurinë për NËNË LOKEN SHQIPËRI….

Pozicionin profesional të punës në Paris, të marrë përmes konkurrimit kurrë nuk mbërrita ta marr në vendin tim, edhe pse i Diplomuar me “Medalje të Artë” në Fakultetin e Mjekësisë, Universiteti i Tiranës dhe i vetmi mjek në atë kohë i Diplomuar në një prej 100 universiteteve më në zë në Botë, Universiteti Paris 7, Fakulteti i Mjekësisë “Xavier Bichat” në dy domene të rëndësishme të mjekësisë klinike: 1- Sëmundjet Infektive e Tropikale, dhe 2- Reanimacionin Mjekësor….

Viti i praptë 1997 na krijoj angështinë e vijimësisë së jetës në Shqipëri…PROFESIONALIZMI, PËRKUSHTIMI dhe PUNA pak u vlerësuan në atë kohë, dhe ato përsëri pak u vlersuan pas rikthimit tim nga Kanadaja në Korrik 2009, kur “gëzova edhe statusin e të papunit” për një vit si dhe të mos rikthimit në auditorët e dijedhënies në vijimësi deri më sot….NËSE nuk je konformist, militant apo një servil i delezuar pas forcave politike të dala me shpalljen e pluralizmit në Shqipëri më 15.12.1990, pak ose aspak të ofrohen mundësitë e dhënies së më të mirës tënde si Mantelbardhë i panjolltë….KËTË gjë nuk duan t’a pranojnë myteberët politikbërës në Shqipëri, ndaj edhe i mirëkuptoj shumë kolegë përse ata largohen nga “Dheu i të parëve të tyre”….

FATKEQSISHT “Partia, Kryetari” prevalonin e vijojnë të prevalojnë mbi Profesionalizmin dhe Interesat socio-politiko-ekonomiko Demokratike e Kombëtare….Fotot e mëposhtëme janë të bëra në Victoria, ku jeton edhe vajza e vogël e tezes së bashku me bashkëshortin e saj….Jemi këtu pesë familje të një lidhje shumë të afërt mes nesh: Familja Kalo Jr vetë i pestë, Familja Veizaj vajza e tezes vetë e tretë, im nip Familja Leka vetë i pestë, ime mbesë Familja Pashaj vetë i katërt, dhe Familja Qirjako ime vjehrre dhe im kunat vetë i katërt, si dhe shumë miq shqiptarë nga Shqipëria londineze, nga Kosova e viset e tjera Arbërore….Edhe pak muaj na ndajnë nga 18.07.2023, datë që do të shënojë edhe kthimin tim përfundimtar pas pensionimit në Shqipëri, këtu në Victoria, BC, Canada….Gjithsesi në çdo qelizë timen përjetësisht është gjurmëzuar Shqipëria dhe Shqiptarizma….Together forever!!!

The post Edhe Tritan Kalo braktis Shqipërinë, mjeku jep lajmin e keq për pacientët vendas appeared first on Albeu.com.

“RIKUJTESË për kohët e tashme të “griposura”, POR jo më kovidiane….PËRSËRITJA MBETET MËMA E DIJES PËR TË GJITHË NE….GRIPI është tashmë mes nesh, ndërkohë që virusi i Sars-Cov2/COVID-19, vijon të vijë rrotull si të gjithë sëmundjet e tjera endemike infektive, sikundër gjinden në mesin tonë tashmë edhe paraardhësit më pak “jetëlëndues” të tij, që prej vitit të largët 1962….. NE si popullatë i kemi njohuritë e mjafta për “përballjen” me GRIPIN STINOR, por edhe të parandalimit të mundshëm të saj si përmes VETNDËRGJEGJËSIMIT, po ashtu edhe përmes VAKSINIMIT, sidomos të grupeve të riskut….Jemi në kohën më të përshtatëshme të aplikimit të vaksinës së Gripit stinor në këto grupe risku: personeli i ofrimit të përkujdesit shëndetsor, gratë shtatëzëna, grup moshat nën 5 vjeç dhe mbi 65 vjeç, të sëmurët me sëmundje kronike të zemrës, të veshkave, të mëlçisë, të mushkërive, të kyçeve, të Diabetikëve, të përdoruesve kohëgjatë të kortizonikëve, të përdoruesve të kemioterapisë në sëmundjet kanceroze apo të medikamenteve imunosupresive, të infektuarve nga virusi i imunodefiçiencës humane (HIV/AIDS), etj……KUJDES: 1- Ajrosja sa më e shpeshtë e mjedisit ku gjendemi, por duke evituar korentet ajrore, 2- Ulësit e temperaturës (Paracetamol, Ibubrufen), kompresat e ftohta rreth qafës apo rrëzë dy kofshave, dushet me ujë të vakët….3- Marja e çajrave të ndryshëm bimorë dhe të lëngjeve të ndryshme për të shmangur dehidrimin….4- Ushqim sa më të pasur, në mundësi edhe të gjëndjes ekonomike të të sëmurit….5- Evitimi i frequentimit të çerdheve, kopshteve, shkollave, të vëndeve të punës apo të mjediseve publike nëse kemi shënja Gripi….Të gjitha këto përbëjnë bazën e trajtimit të Gripit Stinor….Në rast të rëndimit të gjëndjes, mos e nënvlerësoni adresimin e menjëhershëm për ndihmë mjeksore….ASNJËHERË mos rendni drejt marjes së ANTIBAKTERIALËVE/ANTIBIOTIKËVE si vetmjekim, sepse antibiotikët nuk janë antiviralë, por vetëm në rast se ato përshkruhen nga mjekët, nën dyshimin e mbivendosjeve bakteriale në të sëmurët me Grip stinor ose Katare stinore…..Të evitojmë gabimet e shumta të përshkrimit të Antibiotikëve vënd e pavënd, të përshkrimeve për kombinime të tyre jo shkencërisht të bazuara apo edhe me kohëzgjatje  alogjike të tyre, gabime të cilat janë vërejtur jo pak përgjatë Pandemisë së Covid-19…..Po ashtu kujdes edhe me marjen e kortikosteroideve, të abuzuara po ashtu në dhënien e tyre në “Kohët kovidiane”…..Jo ekzaminime radiologjike vënd e pa vënd, po ashtu edhe një rikujtesë se imazhet skanografike të GGO-ve (Ground Glass Opacities) nuku vërehen vetëm në Covid-19, por edhe në Grip sidomos në atë të shkaktuar nga AH1N1…..Puna, Përkushtimi e Profesionalizmi ynë kurrë nuk do mungojë në ofrimin e Përkujdesit ndaj jush…..Together forever!!!”, shkruan Kalo./albeu.com

The post Gripi stinor, mjeku Tritan Kalo: Mos e bëni kurrë këtë gjë nëse keni simptoma appeared first on Albeu.com.

Mesazhin Kalo e shpërndau përmes një postimi në rrjetet sociale, ku informoi qytetarët mbi kujdesin që duhet të tregojnë nga pickimi i mushkonjave, në këto ditë të nxehta vere.

Kalo thekson se nga pickimet e mushkonjave transmetohen një sërë sëmundjesh, ndërsa shton se ndonëse jemi vonë si vend për dezinfektim, ai duhet bërë.

Reagimi i Kalos:

12.07.2022….Mirmëngjes e ditë sa më të mbarë miq, të afërm, dashamirës dhe bashkëkombas….Një RIKUJTESË dobiprurëse për Shëndetin Publik….DITËN, mbrëmjen dhe natën, ka javë që na e “shqetsojnë” disa miq të padëshirueshëm dhe sëmundjepërhapëse sikundër janë mushkonjat, gjinitë Anopheles eato Tigër të të cilave tashmë janë të mirëinstaluara në hapsirat tons….Përpos irritimeve lokale të cilat edhe mundet të mbiinfektohen e të qelbëzohen, ato përhapin infeksione të sistemit nervor qëndror, tsutsugamushin apo ethen me dhimbje poliartralgjike, malarien, etj.…Përderisa sëmundje të tilla i raportojnë fqinjët tanë jugorë, Grekët dhe ata veriorë të përtej Adriatikut, Italianët, NE nuk jemi të përjashtuar prej tyre….Për ilustrim po ndaj me ju disa foto personale të bëra gjatë ditës së djeshme në QSUNT….Jemi vonë për të filluar DEZINSEKTIMIN, por së paku më mirë vonë se kurrë…. Together forever!!!

The post Mjeku Tritan Kalo informon qytetarët: Rreziqet nga pickimi i mushkonjave, jemi vonë! appeared first on Albeu.com.

Kalo theksoi se ka përdorur hidroksilklorinë ndërsa shtoi:“Kam filluar në dhjetor nga dy tableta në javë por për të përforcuar dhe me një tjetër, me artemisininë. Fauci shpjegonte se përdorimi i këtij medikamenti shërben si parandalim ose si mjekim. Unë për vete e kam përdor si parandalim.”, tha mjeku duke shtuar se ka kryer një studim të vogël me disa pjesëmarrës që merrnin këtë medikament.

“Bashkë me kolegët vendosëm që të sëmurët që merrnin hidroksilklorinën të mos e ndërpresin. Patëm vetëm një të vdekur midis 500 të sëmurëve., 18 u shtruan në spital. Të tjerët nuk u prekën. Grupi tjetër ishte në ndjekje në mënyrë progresive e të sëmurëve që e merrnin këtë medikament për tjetër arsye nëse do t’i mbrojë apo jo.”, tha ai.

Ai thotë se pandemia mori përmasa më të mëdha nga çfarë ishte. Kur u pyet se kur do të jetë fundi i pandemisë, ai theksoi se jemi në “bishtin e saj”. “Në çdo vend të botës çdo kush përfiton nga një situatë që acarohet për përfitime nga të gjitha dimensionet. Politikani në politikë, prodhuesi në prodhim etj. Nisem nga aspekti “Is the time to make some money”.

U orientua drejt fitimprurjes. Bëri në një minutë 7 vetë miliarderë në botë. Duke qenë se fitimi ishte i shpejtë për alarmin që u krijua, do të shumëfishohej sepse do të bëheshin dhe të tjerë miliarderë. Duhej të zbehej dikush që të ndriçohej dikush tjetër. Duhej të baltosej pak evolucioni i Kinës, është një përzgjedhje politike që solli shumë gabime”, tha ai.

The post Në frontin e parë të luftës kundër pandemisë, Kalo tregon se si u mbrojt për dy vite nga virusi appeared first on Albeu.com.

Mjeku i njohur Tritan Kalo është shprehur se shteti duhet të ndihmojë të pastrehët, pasi është e vështirë që ata t’i kalojnë jashtë këto ditë të vështira.

Kalo ka postuar ditën e sotme një fotografi në Facebook-un e tij, ku duken dy persona të pastrehë të cilët e kanë kaluar natën jashtë.

Mjeku thotë se fotoja është bërë pranë Bibliotekës ‘Musine Kokalari’ në Tiranë, pranë shkallëve, aty ku dy personat kaluan natën më të ftohtë të këtij dimri.

Krahas fotos Kalo shkruan se në këto kohë covidiane dhe me të ftohta, ndërsa pushtetarët marrin nga buxheti i shtetit, qytetarë të këtij vendi nuk kanë as ku të strehohen.

Postimi i plotë:

Kohë kovidiane….25.01.2022…Mbrëmë dhe sot 24 orëshi më i ftohtë i këtij dimri…Ndërkohë që “lukunia pusht-shtetbërëse” çirret për DREJTËSI e VIJOJNË shqyerjen e “tortës buxhetore”, qytetarë të saj e kalojnë acarin e natës në kushtet e mëposhtëme….

MENDONI e veproni edhe për ta….Vëndi ku janë “strehuar” është ngjitur me shkallën ku ka lindur KM ynë, pranë Bibliotekës “Musine Kokalari”, Pallati 18. Shk 1, në Bulevardin “Zhan D’Ark”….31 vite “qenëzënie” për prona, para e pasuri të pa trashguara dhe të pa merituara, nga JU të gjithë “politiqenët” tanë të të gjitha ngjyrave partiake, që për Atdhe e Komb keni vetëm çifliqet tuaja….KURRË mos haroni se edhe ata, e jo vetëm, janë bijë e bija të këtij vëndi….Janë vëllezërit e motrat tona….

Quo vadis Shqipëria ime e këndej Drinit?!?/albeu.com/

The post Mes ngricës, mjeku Tritan Kalo bën apelin e fortë: Fatkeqët flenë jashtë, politiqenët zihen për para (FOTO LAJM) appeared first on Albeu.com.

Kalo gjithashtu u është drejtuar institucioneve shëndetësore, duke iu thënë: “Mjaft me retorika për vaksina të sigurta apo të pa sigurta, por duhet shtuar shumë kujdesi në miradministrimin e këtyre vaksinave,  për të ruajtur zinxhirin ftohës/konservues të tyre gjatë transportimit si në dhe në aplikimin e tyre.

Postimi i Kalos:

Kohë kovidiane….11.11.2021….Ecuria e kohëve të fundit e Pandemisë së Sars-Cov2/Covid-19, ve në pah  faktin se ENDE nuk mundet të brohorasim “Fitore”, por edhe të mos e zbehim përkujdesin ndaj SHËNDETIT tonë individual dhe të gjithë shoqërisë sonë….Jeta e çdo shqiptari është e paçmimtë dhe e plotëvlertë për të, për familjen e për të gjithë shqiptarinë….KOMBINIMI i kujdesshëm i të gjitha masave të dobishme në uljen e mundësisë së infektimit, ose në uljen e rrezikut jetëlëndues e jetëmarrës të virusit Sars-Cov2/Covid-19, MHD (Maskë, Higjenë personale dhe kolektive, Distancim fizik kur dhe ku është e mundëshme) dhe VAKSINIM, me siguri do t’a bëj të mundur jo vetëm përballimin por edhe daljen nga “tyneli i zymtë e asfiksues” i kësaj “flamë mbarëbotërore”…..RETORIKA ndaj vaksinave sidomos prej GJITHOLLOGËVE, duhet të marë fund….Është e vërtetë se ato nuku e kanë treguar efektin e mirëreklamuar të tyre, POR në fund të fundit kanë shpëtuar dhe vijojnë të shpëtojnë miliona jetë njerëzish, duke u mundësuar të vaksinuarve si kalimin më të lehtë të sëmundjes, po ashtu edhe mos humbjen e jetës nga infeksioni prej Sars-Cov2/Covid-19, dhe riaktivizimin dobiprurës të dijedhënies e të aktiviteteve ekonomike të vendit….Administrata Amerikane dhe ajo e Britanisë së Madhe kanë njohur së fundmi Sinovac, si një vaksinë të besueshme dhe pas 22 Nëntorit të vaksinuarit prej saj mundet të hynë në këto vënde….MJAFT MË me retorika për vaksina të sigurta apo të pa sigurta, POR duhet shtuar shumë kujdesi në mirëadministrimin e këtyre vaksinave,  për të ruajtur zinxhirin ftohës/konservues të tyre gjatë transportimit si në dhe në aplikimin e tyre….VETNDËRGJEGJËSIMI, MIRËKUPTIMI dhe MIRËBESIMI reciprok do të prevalojnë mbi këtë “zezonë” të emërtuar Pandemija e shkaktuar prej virusit jetëlëndues dhe jetëmarrës të Sars-Cov2/Covid-19…..NË NDËRKOHË të mos e zbehim për asnjë çast symprehtësinë ndaj Sëmundjeve të tjera Infektive stinore virale apo bakteriale qofshin ato…..NUKU ka vetëm Covid-19….Together forever!!! #ripostimi mund të bëhet vetëm me lejen e shkruesit./albeu.com

The post Tritan Kalo mesazh “Shëndetësisë”: Mjaft me retorika për vaksinat, por administojini si duhet ato appeared first on Albeu.com.

Një ndër problemet më të mëdha nga ku njerëzit ndihen më të rrezikuar nga COVID-19 është udhëtimi brenda përbrenda Tiranës me urbanët.

Këtë alarm e ka dhënë dhe vetë mjeku Tritan Kalo i cili si duket ka marrë autobuzin për të udhëtuar dhe u ka drejtuar një mesazh publik kryeministrit Rama dhe kryebashkiakut Veliaj.

Ai shkruan se e kupton brengosjen që është krijuar për afganët mirëpo nuk duhen nënvlerësuar dhe ish-afganët e para 30 viteve thotë ai.

Ai fton kryeministrin Edi Ramën dhe kryebashkiakun Erjon Veliajn që të marrin çdo mëngjes linjën e Unazës dhe të shkojnë në punë, duke ironizuar vonesën e pritjes.

POSTIMI:

Kohë kovidiane….26.08.2021….Zotërinj KM/ER dhe KB/EV.

Ju mirëkuptoj për brengosjen ndaj Afganëve të sotëm, POR mos na nënvlerësoni edhe ne “ish Afganët e para 30 viteve”….

Nëse doni t’a nisni ditën me nerva të cingërisura, ju ftoj të merni me mua çdo mëngjes linjën e Unazës për të shkuar në punë….

E keni të garantuar pritjen më së paku 30 minuta në stacion, autobuza pa kondicioner që edhe breshka do t’ua kishte zili për “ecjen e tyre”, mbingarkesën në pasagjerë duke rritur rrezikun e transmetimit të virusit Sars-Cov2/Covid-19, etj, etj….

Mirë uji që na mungon nëpër çezma, pluhuri e papatërtia që gëlojnë kudo dhe kurdoherë, POR së paku të ndiheshim të mirëtrajtuar dhe mirëkuptuar si qytetarë taksapagues të rregullt në Kabulin/ Tiranën tonë….JU FALEMIMDERIT PËR MIRËKUPTIMIN tuaj edhe në këtë rast!!!! /albeu.com/

The post Mjeku Kalo merr autobuzin për në punë e i bën thirrje Ramës e Veliajt: Skandal! Ejani dhe provojeni edhe ju  appeared first on Albeu.com.

Në postim Kalo shkruan se rruga me e madhe për të shkuar në fund të tunelit të pandemisë është bërë, por mbetet akoma udhë.

Postimi i Kalos

Kohë kovidiane….19.08.2021…..Fundjava e parafundit e këtij muaji të jashtëzakonshëm Gushti përvëlues për njerëzinë, por jo pak përvëlues e “hirësues” edhe i gjelbërimit të viseve tona, i ndihmuar në shumë raste nga mëndjet e çartura dhe duart rrënuese piromane….Në ndërkohë që kemi përshkruar pjesën më të madhe në “tynelin e gjatë të Pandemisë së Sars-Cov2/Covid-19”, NE ende kemi udhë për të bërë deri në përfundimin e saj….Me durim, me vetbesim, me vetëkujdesje, me mirëkuptim dhe mirëbesim reciprok, NE sigurisht që do të mundet t’a fitojmë luftën me “armikun e padukshëm” jetëlëndues e jetëmarrës, infeksionin nga virusi Sars-Cov2/Covid-19….”Il poppolo Albanese” ka një thënie mjaft kuptimplotë në lidhje me rolin e domozdoshëm të trupës mjeksore, në betejën e gjthëkujt prej nesh për triumfin e jetës ndaj vdekjes në luftën përkundrejt çdo sëmundje, kur AI shprehet se: “Zoti/Perëndija para dhe ju prapa tij”….Pikërisht kjo thënie më erdhi e para ndërmënd kur përfaqsuesi i Perëndisë mbi Tokë, Papa Françesku i bëri thirrje gjithë “grigjës së tij”, për të mos hezituar e për t’u vaksinuar ndaj infeksionit Sars-Cov2/Covid-19…..”Vaksina është dashuri” shprehet Ati ynë i Shenjtë…..”Dashuri ndaj vetes, dashuri ndaj familjes, dashuri ndaj shoqërisë”…..Vaksina mundet të mos jetë diçka e detyrueshme për disa prej nesh, por AJO në një kuptim më të gjërë shoqëror është shpëtuese për shumicën e të dashuruarve pas lirisë së një jete më pak të rrezikuar nga “ky armik i padukshëm”…..Duke u vaksinuar ulet rreziku për t’u infektuar ose për të kaluar forma të rënda të sëmundjes, dhe mbi të gjitha për të ulur mundësinë e “rënies në kthetrat e vdekjes” prej Covid-19…”Duajeni veten në çdo kohë dhe rrethanë të jetës”, sepse jeta e çdo Shqiptari andej dhe këndej Drinit është e domozdoshme dhe e paçmimtë për të gjithë Shqiptarinë….Trupa mjeksore e vaksinuesve është e gatëshme në të katër anët e vëndit, për t’ju ndihmuar në realizimin e proçesit të Vaksinimit, ndaj KURRË mos nguroni të kërkoni ndihmesën e tyre….NGURUESIT dhe MOSBESUESIT në lidhje me rolin dobiprurës të VAKSINAVE kundër infeksionit Sars-Cov2/Covid-19 ose më gjërë, më së paku gjë që u kërkohet është të mos bëhen PENGUES për të tjerët, për sa kohë që “liria e gjithëkujt përfundon aty ku fillon liria e tjetrit” (V.H.)….Mantelbardhët dhe stafi tjetër mjeksor janë aty në vijën e parë të kësaj lufte për jetën, që me Profesionalizmin, Punën, Përkushtimin dhe Përkujdesjen e tyre t’u gjindet të gjithë të prekurve nga ky infeksion tinzar….. APELI i sotëm që u drejtohet në lidhje me VAKSINIMIN lidhet jo vetëm me shpëtimin e jetëve tuaja, por edhe me uljen e rrezikut të infektimit dhe të jetëlëndimit të vetë STAFIT MJEKSOR, sepse mbi 70 mjekë e infermjerë e kanë humbur jetën e tyre për të shpëtuar jetët tuaja….. Janë motrat e vëllezërit tuaj. Janë bijat dhe bijtë tuaj, ndaj shprehni edhe “pak më shumë dashuri për sakrificat e tyre” duke u VAKSINUAR…..FUNDJAVË të mbarë miq,  të afërm, kolegë, dashamirës e bashkëkombas…..Together forever!/albeu.com

The post Tritan Kalo: Vaksinohuni, kemi ende rrugë për të shkuar në fund të tunelit të pandemisë appeared first on Albeu.com.