Gratë, të moshave 45 deri në 75 vjeç u vranë gjithashtu në sulmin i cili la pas 200 të tjerë të plagosur.

Taleb al-Abdulmohsen, një mjek 50-vjeçar i cili mbërriti në Gjermani në vitin 2006, po mbahet nën dyshimin e sulmit dhe doli në gjykatë të shtunën mbrëma.

Gjermania u paralajmërua “katër herë” për pikëpamjet ekstremiste të të dyshuarit për sulmin me makinë në Magdeburg, thonë zyrtarët e Arabisë Saudite.

Abdulmohsen është akuzuar për pesë akuza për vrasje dhe një sërë akuzash për tentativë vrasje.

Duke shkruar në Facebook, nëna e André, Désirée, shkroi: “Lëreni arushin tim të vogël të fluturojë përsëri nëpër botë. André nuk i bëri asgjë askujt. Ai ishte me ne në tokë vetëm për nëntë vjet. Pse ju? Vetëm pse?

“Nuk e kuptoj. Tani je me gjyshen dhe gjyshin në parajsë. Ata kanë munguar shumë për ty, aq sa na mungon ne këtu tani. Do të jetosh gjithmonë në zemrat tona. Ta premtoj këtë.”

Qindra mijëra njerëz i bënë homazhe djalit të vogël dhe një person që e njihte familjen shkroi: “Është e pakuptueshme. André ishte thjesht një engjëll i vogël për të gjithë. Ai ka pasuruar kaq shumë njerëz në jetën e tij të shkurtër me natyrën e tij të sjellshme dhe aq shumë dëshirë për jetën.

The post ‘Fluturo engjëll i vogël’: Mamaja nderon djalin që iu vra në tregun e Krishtlindjeve appeared first on Albeu.com.

Në një nga kafenetë më në zë të zonës së ish-Bllokut, një vajzë në të 20-at e saj takoi një grup mikeshash, u ul, pa nxitimthi në menu, porositi dhe menjëherë sa kamerieri rikthehet me porosinë, tentoi 5 herë të bënte videon që dëshironte.
Në fytyrat e mikeshave lexohej mërzitja e një rituali që siç duket, ndodhte shpesh dhe nuk i lejonte të konsumonin pijen e tyre në qetësi.

Dhjetëra foto pasuan takimin dhe më shumë se biseda normale, gjithçka për të cilën vajza fliste, ishte sa pëlqime mori në postimin e fundit, sa video virale ka dhe cilat kompani i ishin afruar për t’i reklamuar.

Hapa Instagram-in, kishte 135 mijë ndjekës, nuk ishte figurë publike, as nuk punonte në media.

“Moda” e influencuesve zyrtarisht ka pushtuar botën. Ata paguhen ndërsa postojnë foto të tyret dhe të jetës së tyre, diçka që shumica e njerëzve të thjeshtë e bëjnë “falas”.

Gjatë dekadës së fundit, industria e influencuesve të mediave sociale është rritur nga asgjëja, në një armatë globale që ka riorganizuar mënyrën se si informacioni dhe kultura konceptohen, prodhohen dhe tregtohen.

Sektorë si moda, kozmetika, udhëtimet kryesuan fushat ku nisi ky “profesion”, por përmbajtja mori edhe drejtime të tjera: prindërim, psikologji, biznes, arsim etj.

Për pjesën më të madhe të tyre, ka funksionuar më së miri: globalisht, në fund të vitit të shkuar, industria llogaritet të vlejë 21 miliardë dollarë dhe parashikohet të arrijë në 24 miliardë dollarë në fund të 2024.

Njerëzit u besojnë influencuesve, përdoruesit e rrjeteve sociale informohen mbi lajmet më shumë nga ta se sa media tradicionale dhe shitjet nëpërmjet influencuesve kanë parë rritje progresive, në çdo kategori mallrash apo shërbimi.

Si është puna e influencuesit në Shqipëri?

Një kompani i drejtohet një influencuesi dhe duke prezantuar produktin apo shërbimin, njëkohësisht kërkon të dhëna sasiore të personit në fjalë, sa ndjekës ka, sa trafik gjeneron, çfarë fushatash ka bërë më parë dhe çfarë ndikimi ka pasur etj.

Nga ana tjetër, influencuesi informohet për kompaninë dhe produktet/shërbimet që ka. Vitet e fundit, kjo marrëdhënie kalon edhe nëpërmjet një agjencie të specializuar në fushën e marketingut dixhital, si urë lidhëse mes influencuesit dhe kompanisë.

Vendoset çmimi. Në fillim, bazoheshin te çmimet e reklamave në print, një lloj konvertimi i numrit të kopjeve me numrin e leximeve.

Me kalimin e viteve, tregu nisi të maturohej dhe çmimet të unifikoheshin.

Megjithatë, ka diferenca në format e fushatave që bëhen dhe kërkesat e vetë kompanive.

Tomi Kallanxhi, drejtues i “Big Media Expert”, kompani e cila është e fokusuar edhe në marketingun dixhital, pohon për “Monitor” se tregu i influencuesve në Shqipëri është zhvilluar me kalimin e kohës.

Në lojë kanë hyrë agjencitë që menaxhojnë komunikimin mes influencuesit dhe kompanive të ndryshme.

Sipas tij, me zhvillimin e botës dixhitale, është zhvilluar më tej ky treg. Z. Kallanxhi pohon se marketingu dixhital ka zënë pjesën më të madhe të tortës së atij tradicional dhe kompanitë janë gjithnjë e më shumë të orientuara drejt kësaj forme marketimi.

Format e bashkëpunimit me personazhe mediatike ose influencues janë kryesisht të strukturuara në formë pakete, që do të thotë se ofrohen disa shërbime, duke nisur nga shpërndarje story, postime, reel (format e videove në Instagram) dhe pagesat kanë arritur nga 50 euro për një foto deri mbi 2000 euro në paketë.

Pagesat, sipas tij, janë në varësi jo të numrit të ndjekësve, por të reagimeve të llogaritura në periudha mujore, që do të thotë numri i herëve që postet e një influencuesi shfaqen në ekranin para ndjekësve.

Sigurisht, kriter i rëndësishëm është edhe kategorizimi i natyrës së produktit me influencuesit: një modele nuk është personi i përshtatshëm për të reklamuar një produkt për bebe dhe duhet studiuar se cila është audienca prapa çdo influenceri.

Oliver Petrovski nga agjencia “New Moment” pohon se tregu i influencuesve është bërë aq i rëndësishëm sa po ndryshon dhe destinacionet e buxheteve të kompanive të mëdha, dukuri që po e ndiejnë madje dhe televizionet që historikisht kanë marrë pjesën e luanit.

“Në Shqipëri ky treg është shumë më i zhvilluar se në Maqedoninë e Veriut, psh”.

“Njerëzit mendojnë se ne u drejtohemi influencuesve për shkak të numrit të madh të ndjekësve që ata kanë. Sigurisht që kjo duhet, por ne i përdorim për shkak të vëmendjes me të cilën njerëzit shohin videot e tyre, jo për shkak të numrit të ndjekësve.

Materialet që ata publikojnë shihen me kujdes, sepse ndjekësit i njohin personazhet dhe duan që të shohin se çfarë bën apo thotë influencuesi”.

Ai shton se ka interes për njerëz realë, sidomos kur janë popullorë, çka bën që dhe angazhimi në video të jetë i lartë, që nga shikueshmëria, ndarjet (share), komentet.

Pagesat deri në 2000 euro/paketë

Format e bashkëpunimit me personazhe mediatike ose influencues janë kryesisht të strukturuara në formë pakete, që do të thotë se ofrohen disa shërbime, duke nisur nga shpërndarje story, postime, reel (format e videove në Instagram) dhe pagesat kanë arritur nga 50 euro për një foto deri mbi 2000 euro në paketë.

Anaid Kaloti, nga “SHET Influencer Industry”, thotë se çmimet nisin nga 50 euro deri në 500 euro për postim.

“Ka disa tregues për shumën që ti paguhesh: sa korrekt je ndaj publikut, çfarë gjuhe komunikimi ke me ta, je thjesht figurë publike apo ke edhe ndërveprim ku përfshihet ndarja me audiencën e elementeve të ditës tënde: veshje, gatime, pushime apo evente etj.

Pastaj studion edhe numrat. Sigurisht që figurat publike, sidomos ata të mirënjohur në ekrane mediatike, paguhen edhe më shumë për shkak të imazhit që kanë”, – pohon z. Kaloti

Jori Vila, nga “OZ Marketing” thotë se, qëkurse bashkëpunimi priret më shumë të krijohet nëpërmjet arsyetimeve profesionale dhe jo pëlqimeve apo opinioneve personale, shikohet që influencers marketing të marrë peshë dhe të bazohet në tregues dhe shifra.

“Influencers vetë janë më përzgjedhës dhe tentojnë të jenë më profesionalë dhe markat, nga ana tjetër, janë më kërkuese dhe tentojnë të priren drejt matjeve konkrete dhe jo thjesht drejt përmbajtjes trendy apo të bukur”, – thotë znj. Vila.

Ajo shton se ka ikur koha kur kompanitë apo agjencitë shikonin vetëm numrin e ndjekësve të një influenceri të caktuar. “Një profesionist do dallojë menjëherë nëse një profil i ka ‘k’-të e blera.

Markat dhe influencers duhet të kuptojnë që më shumë se sa ‘k’ tek followers, kanë vlerë shifrat e insights dhe të fillojnë të komunikojnë përmes tyre”, thotë ajo.

Industria

Industria e influencuesve është një hapësirë për sipërmarrje dhe eksplorim, lidhje dhe angazhim, të vërteta dhe shtirje, shprehje e vetvetes dhe ezaurim

Tregu, mes informalitetit

Influencuesit mendohen se janë liderë që gjenerojnë tematika dhe vendosin tendencat në mesin e një auditori ndjekësish, duke i pozicionuar ato në një drejtim të caktuar, për t’u partnerizuar me markat, mbi përmbajtjen e sponsorizuar.

Ndikuesit po “konkurrojnë” tregun e reklamave tradicionale dhe po përhapin mesazhin e një marke për audiencën e synuar në një mënyrë autentike.

Influencuesit në përgjithësi fitojnë para nga miratimi i produkteve në faqen e tyre – të cilat duhet të etiketohen qartë si reklama për shkak të rregullave të Autoritetit të Standardeve të Reklamimit.

Në Shqipëri, tregu nuk është ende i strukturuar dhe jo çdo influencues punon formalisht. Ndonëse po merr përmasa të mëdha, Petrovski thotë se askush nuk e mat tregun e influencuesve.

Tregu global

Në fund të vitit të shkuar, industria në botë llogaritet të vlejë 21 miliardë dollarë dhe parashikohet të arrijë 24 miliardë dollarë në fund të 2024.

Pagesat për influencers në Shqipëri:

Pagesat për influencers variojnë sipas ndjekësve:

Mikroinfluencers (nën 10,000 ndjekës): rreth 100 euro
Mes 10,000 dhe 50,000 ndjekës: 200 – 400 euro
Mbi 50,000 ndjekës: rreth 600 euro
Mbi 100,000 ndjekës: 700 – 1700 euro
Shifrat janë më të larta për postime të miksuara në Instagram dhe TikTok, duke kaluar 2000 euro.

Burimi: Agjencitë e marketingut

Më të ndjekurit dhe më influencuesit

Sipas StarNgage+, një platformë e njohur botërore për matjen e suksesit të influencuesve, 3 janë “yjet” në Shqipëri që kanë ndërthurjen mes ndjekësve, angazhimit dhe feedback më të lartë: Luana Vjollca, 2.2 mln ndjekës, Noizy 2.2 milionë ndjekës dhe Armina Mevlani, 2 milionë ndjekës. Emrat e tjerë që ndjekin janë Bes Kallaku, Alketa Vejsiu, Ermal Mamaqi, Bora Zemani, Rezarta Shkurta, Lori Hoxha.

The post Pagesa nga 50 në 2000 euro, pse të gjithë duan të bëhen influencues appeared first on Albeu.com.

Në numër mjetet e importuara nga Koreja e Jugut janë rritur me më shumë se 3 herë ku nga rreth 2956 tashmë kanë arritur në 10.6 mijë mjete. Tendenca rritëse e importeve nga Koreja vihet re qartësisht edhe e sy të lirë nga një numër i shtuar i agjencive importuese por edhe reklamave të sponsorizuara në rrjete sociale të tyre.

I vetmi vend që ende kryeson importet duke lënë pas Korenë është Italia nga ku importet kanë një peshë 18.2 për qind, ose 11.1 mijë automjete në janar-korrik.

Në vend të tretë vjen Gjermania me 17.2 % (10.5 mijë mjete) dhe më pas me radhë Zvicra me 9.1%, SHBA me 6.7%, Kina me 5.7% (shiko grafikun: Importet e automjeteve, sipas shteteve, 7 mujori).

Pse Koreja e Jugut po dominon tregun?

Tendenca e importeve nga Koreja e Jugut duket se ka pas në pamje të parë një tendencë globale të stimulimit të mjeteve miqësore me mjedisin.

Politikat qeveritare nxisin përdorimin e mjeteve sa më të reja dhe kryesisht ato elektrike ose hibride. Kjo ka bërë që përdorimi i mjeteve me djegie të eliminohet me ritme të shpejta, duke nxitur shitjen e tyre.

Makina e përdorura nga Koreja vijnë me një çmim dukshëm më ekonomik sesa ato të Europës që skeptikët e cilësojnë se vjen si efekt i standardeve më pak strikte të mjeteve sesa ato në BE kurse një tjetër argument është kostoja më e lirë e krahut të punës.

Pavarësisht dilemave duket se importet nga Koreja e Jugut mbeten tejet aktive dhe çmimet e leverdishme po nxisin shqiptarët të orientohen gjithmonë e më shumë drejt tyre. Mënyrat e blerjes janë dy: ose duke porositur online dhe duke i paguar agjencisë tarifën e inspektimit dhe transportit ose duke blerë direkt nga agjencitë një mjet të siguruar prej tyre.

Sipas mediave koreane, ka një rritje të ndjeshme të eksporteve të makinave të përdorura. “Dërgesat dalëse të makinave të pasagjerëve të përdorura arritën në 4.44 miliardë dollarë në vitin 2023, duke u rritur me 66 për qind nga një vit më parë, sipas të dhënave të përpiluara nga Shoqata e Eksportit të Makinave të Përdorura të Koresë. Për sa i përket njësive të shitura, shifra arriti në 555,549, duke u rritur me 68 për qind gjatë periudhës.

Makinat me benzinë ​​zënë pjesën më të madhe prej 67,5 për qind, të ndjekura nga makinat me naftë me 30,3 për qind dhe modelet hibride me 1,3 për qind. Eksportet e makinave hibride arritën gjithashtu një rekord të ri, me eksportet e tyre që u rritën 82 për qind në krahasim me vitin 2023 në 124.2 milionë dollarë”, shkruan Korea Times.

Të dhënat zyrtare

Mjetet e regjistruara për herë të parë në vend të blera qoftë përmes importuesve apo koncesionarëve shënuan rritje edhe në korrik. Të dhënat e publikuara nga Drejtoria e Përgjithshme e Shërbimit të Transportit Rrugor tregojnë se muaji i shtatë i vitit shënoi edhe rekordin në raport me muajt paraardhës.

“Korrik 2024, rekord shifrash të mjeteve të regjistruara për herë të parë për vitin 2024, prej 10,724 regjistrimesh! 34 për qind më shumë regjistrime krahasuar me Korrik 2023.

Rreth 24% regjistrime krahasuar me Dhjetor 2023, i cili ka qenë muaji më i mirë i 5 viteve të fundit” nënvizohet në publikimin e DPSHTRR. Sipas të dhënave periudha Janar-Korrik 2024 numëron 61,081 regjistrime ndër të cilat 83% e totalit janë autovetura.

Kjo shënon 117% më shumë regjistrime krahasuar me Janar-Korrik 2019 dhe 45% më shumë krahasuar me Janar-Korrik 2023. DPSHTRR vëren se regjistrimet e mjeteve për herë të parë kanë ndikuar në rinovimin e flotës në vend pasi një pjesë e mirë e tyre janë të gjeneratës së fundit.

“Rinovohet flota me 10,610 mjete të gjeneratës së fundit , 0-3 vite: 174% më shumë regjistrime krahasuar me Janar-Korrik 2019 dhe 66% më shumë regjistrime krahasuar me Janar-Korrik 2023.
Si muaji më i mirë i vitit 2024 dhe i periudhës 2019-2024 për regjistrimet për herë të parë të mjeteve, DPSHTRR udhëzon të gjithë drejtuesit e rinj të mjeteve dhe ata ekzistues: Respektoni rregullat e qarkullimit rrugor; Kryeni kontrollet periodike të mjetit; Përpara se të importoni një mjet, kryeni “Verifikimin e Kategorisë Mjedisore”” nënvizon DPSHTRR.

The post Si po ndryshon tregu i automjeteve, trefishohen importet nga Koreja e Jugut në janar-korrik appeared first on Albeu.com.

Sipas njoftimit zyrtar, injektimi mesatar ditor nëpërmjet operacioneve injektuese të likuiditetit me maturim 1-13 javë ranë mesatarisht 22.70 mld lekë, kundrejt përkatësisht 47.70 miliardë lekë dhe 54.20 miliardë lekë në tremujorët e mëparshëm.

Gjatë 3-mujorit të parë të vitit 2024, Banka e Shqipërisë ka vijuar të tentojë rritjen e portofolit nëpërmjet ankandeve të blerjes së letrave me vlerë. Vlera e portofolit të bonove të thesarit të Bankës së Shqipërisë është 70.00 miliardë lekë, pranë niveleve maksimale të vërejtura.

Me objektiv rritjen e rezervës valutore, Banka e Shqipërisë zhvilloi tre ankande për blerjen e valutës.

Në ankandet e zhvilluara janë blerë 32.60 milionë euro. Në ankandin e fundit të zhvilluar në muajin mars u regjitrua një pjesëmarrje mjaft e ulët. Në këtë ankand u blenë 5.8 milionë euro, ndërkohë që shuma e blerë në dy ankandet e tjera mbetet rreth mesatares së vitit 2023

Ndërkohë gjatë vitit 2024, me objektiv rritjen e rezervës valutore, Banka e Shqipërisë synon të blejë përmes ankandeve 250-330 milionë euro, thuhet në njoftimin e BSH-së e datës 28 qershor 2024.

The post Banka e Shqipërisë ndërhyn në tregun e parasë, blen 32.60 milionë euro appeared first on Albeu.com.

“Diskutuam për tregum me na ba tregun. Nëse është pronari dakord do jetë aty ku ka qenë. Ne ramë dakord që të bëhet me kushte. Që sot fillojnë bisedimet, megjithese kemi qenë të pasiguruar. Pronari ska qenë sot për arsye familjare. Ne shpresojmë të fillojmë më shpejt”, tha një grua.

“Na priti shumë mirë. Tregu do bëhet ku ka qenë dhe një ndihmë të vogël do na e jape bashkia. Shpejt tha ai (Beci) do fillojmë punën. Ne presim në dorë të Zotit jemi! Se jemi të sëmurë, duhet me ble ilaçet, duhet me ble bukë përditë”, tha një tjetër tregtare.

“Do Zoti e mban premtimin. Na tha do ë bëjmë tregun ku ka qenë. Ne presim të fillojë puna se kemi bukën e gojës aty.  Me mujt me e bë si ka qenë dhe me mirë se ka qenë. Gjithçka në rregull me standarde”, u shpreh një tjetër.

Kryebashkiaku i Shkodrës, Benet Beci garantoi mbështetjen ndaj 80 tregtarëve që janë prej 22 vitesh pjesë e atij tregu. Ai deklaroi se fillimisht do të duhet një dakordësi me pronarin e truallit, më pas bashkia do të hartojë projektin për rivënien në punë të tregut të rrobave të përdorura me kushte dhe standade.

“Po shohim sipërfaqen dhe do marrim projektuesit, ulemi me zotërinë që ka tokën, që ta kthejmë si duhet por me rregulla dhe siguri. Nga një hall duhet ta kthejmë në një punë të mirë”, tha Beci.

Tregu i rrobave të përdorura u përfshi nga flakët pasditen e së premtes ndërsa policia tha se ngjarja ishte aksidentale me përgjegjës dy fëmijë, 9-vjec që i vunë zjarrin polesterolit me më pas flakët u përhapën me shpejtësi duke shkrumbuar gjithë mallin në treg. Po kaq flakët dogjën 5 banesa përreth tregut. Bashkia ka nisur verifikimin për dëmet në banesa dhe kompensim me vendim te keshillit bashkiak.

The post Zjarri shkrumboi tregun në Shkodër, tregtarët takojnë Becin: Do Zoti e mban premtimin! Ne presim të bëhet tregu i ri se kemi bukën e gojës aty! appeared first on Albeu.com.

Ai ka mbjellë një sipërfaqe të madhe me varietetin Obla të shalqinit dhe për pak ditë fillon procesin e vjeljes ashti si gjithë fermerët e zonës. Edhe pse nuk ka përfituar nga skemat ndihmëse të qeverisë, Fatjoni ka arritur të prodhojë një sasi të konsiderueshme të bostanit me vlera ushqyese dhe kualitet të lartë, të kultivuar në mënyrë bio me elemente organike.

Por ndërsa prodhimi është shumë i mbarë Fatjoni dhe fermerët e tjerë i tremben tregut.

“Çmimi s’na pëlqen. Sipas Mertirit, tregu aktual është i pasigurt dhe fermerët nuk kanë informacion të qartë mbi çmimin dhe sasinë e kërkesës. Çmimi i ofruar prej 22 – 23 lekë për kilogram është i pakënaqshëm për ta”, tha ai.

Në gjithë Myzeqenë janë të shumtë fermerët si Fatjoni, të pasigurt për shitjen e prodhimit të tyre, pasiguri që e shton edhe fakti që ende nuk ka kërkesë të mjaftueshme për eksport.

The post Fermerët i tremben tregut/ Në prag të vjeljes së shalqinit, por çmimi i shitjes nuk ju pëlqen appeared first on Albeu.com.

Siç shihet nga pamjet, flakët kanë përpirë zonën e tregut, e për fat të keq, të favorizuara edhe nga era, kanë përfshirë edhe një banesë, si dhe po afrohen te banesa e dytë.

Deri më tani nuk raportohet për të lënduar, ndërsa banorët kanë qenë të parët që kanë ndihmuar njëri-tjetrin të evakuohen. Ndërkohë zjarrfikësit ndodhen në vendngjarje dhe po punojnë për vënin nën kontroll të flakëve.

Njoftimi i policisë:

‘Rreth orës 18:55, në lagjen “Ndoc Mazi”, në një treg me rroba të përdorura ka rënë zjarr. Zjarrfikësit së bashku me policinë menjëherë kanë shkuar në vendngjarje. Shërbimet e Policisë  po bëjnë evakuimin e banorëve nga banesat që rrezikohen nga zjarri. Zjarrfikësit po punojnë intensivisht për shuarjen e zjarrit  Grupi hetimor nën drejtimin e Prokurorisë po punon për zbardhjen e  shkakut të rënies së zjarrit.’

The post Pamje dramatike nga Shkodra, flakët përpijnë tregun e rrobave të përdorura, zjarri përhapet edhe te banesat (FOTO) appeared first on Albeu.com.

Për herë të parë disa fermerë të kësaj kulture bujqësore kanë vendosur të bashkohen duke krijuar një kooperativë.

Vetë fermerët shprehen optimist për këtë nismë të vonuar sipas tyre.

Rezultatet e grupimit të këtyre fermerëve pritet të nxisin krijimin e kooperativave edhe të fermerëve që kultivojnë kultura të tjera bujqësore, ndërsa nevojiten përmirësime të tjera ligjore si dhe certifikimi i markave për produktet bujqësore shqiptare.

The post Synojnë tregun evropian, fermerët e luleshtrydheve në Fier krijojnë kooperativën e tyre appeared first on Albeu.com.

Braçe thotë se qepa e Serbisë, domatja e Greqisë apo patatja e Gjermanisë, po konkurrojnë produktet tona të vendit, ndërsa thekson se kjo është një shenjë e keqe.

“Po dal nga tregu u Lushnjës dhe me thënë të drejtën më i mërzitur se kaq nuk kam qenë ndonjëherë. Domate Turqie, domate Greqie, patëllxhan Greqie, hurmë Greqie, mollë Greqie, patate Gjermanie, mollë Polonie, Moldavie. Gjithçka import. Qepë Serbie, e që konkurronin që të gjitha produktin e vendit, mollët e Korçës, pataten e Korçës, qepën e Korçës, domaten tonë, specin tonë,. Sallata ajsberg që vjen nga Italia, ndërkohë që ne kemi sallatën tonë lakrën fantastike. Nuk arrij ta kuptoj sinqerisht, është një shenjë shumë e keqe që në Lushnjë të ketë kaq shumë mall importi është një shenjë e keq.

Nuk e di pse ne dhjetorin janarin duhet tu kemi bosh e të mbytur me mall importi, Patjetër që kushton të shkosh të marrësh mall në Korçë, apo Lushnjë, fier e berat, por jam i bindur që kushton shumë më tepër transporti nga Polonia këtu, nga Greqia këtu. Edhe nëse fiton ashtu siç kishin hyrë në Kakavijë katër ditë më parë, është hall i madh për bujqit”, shprehet Braçe.

The post Braçe: Qepa e Serbisë e domatja e Greqisë po konkurrojnë produktet vendase appeared first on Albeu.com.

Blegtorët thonë se nuk ka shitje, pavarësisht se e diela është ditë pazari.

“Nuk ka ecur, shumë dobët. Nuk kanë lekë njerëzit, s’ka treg. Shumë dobët”, thotë një blegtor.

“Ka interes por nuk kanë lekë njerëzit me ble”, pohon një tjetër tregtar.

Ndërsa blerësit shprehen se çmimet janë të papërballueshme, dhe se janë rritur shumë gjatë tre vitet e fundit.

“Ne po shohim pazarin, ka shkuar shumë shtrenjtë, katastrofë. Ka njerëz që vijnë shohin dhe nuk marrin gjë. Shumë shtrenjtë. Cjapi 200 mijë lekë, dhia 150 mijë lekë, shumë shtrenjtë, ka njerëz që janë me ndihmë ekonomike nuk i përballojnë”, thotë një qytetar.

Numri i krerëve të bagëtive në Kukës ka rënë ndjeshëm, kjo për shkak të emigrimit masiv, duke bërë që fuqia punëtore të jetë e moshës së tretë.

Zona e Kukësit shquhet për cilësinë e mishit, kullotat e pasura malore, me burime ujore, duke e bërë mishin e Kukësit më të kërkuarin në tregun shqiptar.

The post Tregu i gjësë së gjallë Kukës në krizë për blerës, flasin qytetarët: Vijmë shohim dhe ikim duarbosh appeared first on Albeu.com.