Raporti sqaron se, pozicioni strategjik i vendeve si Shqipëria, Mali i Zi, Maqedonia e Veriut, Serbia, Bosnja dhe Hercegovina si dhe Kosova, e shoqëruar me kërkesën e lartë për drogë, veçanërisht në Bashkimin Evropian dhe Turqi, kanë përshpejtuar operacionet e grupeve kriminale.

“Disa vende të BE-së gjenden në rrugët e trafikimit që kalojnë përmes Ballkanit Perëndimor përpara se të kthehesh në BE. Kjo do të thotë se flukset e trafikimit mund të jenë komplekse”, thuhet në raportin në fjalë i cili është pjesë e një studimi më të madh rajonal të kryer mes viteve 2019 dhe 2022.

Komunitetet e shumta në vendet e BE-së, po ashtu ofrojnë një grup individësh që mund të shfrytëzohen ose rekrutohen nga këto rrjete, thuhet në raport.

Agjencia e BE-së kundër drogës, EMCDDA, raportoi lidhur me veprimtarinë e grupeve nga Ballkani Perëndimor në Belgjikë dhe Holandë, ku portet si Antwerp-i dhe Roterdam-i luajnë një rol të rëndësishëm tek trafiku i drogës në BE.

Sipas agjencisë EMCDDA, rrjetet ballkanike të drogës kanë interesa të mëdha në vende si Gjermania, Italia, Spanja, Zvicra dhe Mbretëria e Bashkuar kur flitet për tregjet e kokainës, heroinës dhe kanabisit.

Këto rrjete kanë vënë në përdorim teknologjinë e fundit për të përmirësuar efikasitetin e prodhimit të drogës, trafikimin dhe pastrimin e parave, thuhet në raport.

Këtu përfshihen pajisjet komplekse për kultivim në mjedise të brendshme, përdorimin e dronëve, shfrytëzimin e monedhave dixhitale dhe komunikimet e koduara.

Si Ballkani Perëndimor ashtu edhe vendet e BE-së shërbejnë si strehë për kriminelët që fshihen nga grupet rivale kriminale ose nga organet e zbatimit të ligjit.

“Anëtarët e rrjeteve kriminale italiane dhe turke raportohet se i shmangen drejtësisë duke u vendosur në Ballkanin Perëndimor, ndërsa organizatat kriminale ruse mendohet se janë të përfshira në aktivitete të pastrimit të parave përgjatë vijës bregdetare të rajonit”, tha agjencia e BE-së kundër drogës, EMCDDA./voa

The post Raporti i BE-së: Rrjetet mafioze të Ballkanit Perëndimor, rol kryesor në tregtinë e drogës appeared first on Albeu.com.

“Piranja” Rovena Cerka zbuloi me detaje aktivitetin e përditshëm të një shpërndarësi, siç quhet rëndom, një 30-vjeçar që “tregtinë” e zhvillon në një nga zonat me të frekuentuara të kryeqytetit, “Parku Rinia”.

https://youtu.be/itkdcKe68J4

Me të mbërritur në pikëtakim, shpërndarësi i ofron gazetares së Piranjave një sasi kokaine vetëm për ta provuar, kërkesë e cila ndeshet në refuzim të prerë. Megjithatë insistimi i tij vazhdon pa rezultat, por si një strategji për të tërhequr më shumë njerëz në përdorimin e drogës.

Ai madje nuk frikësohet as nga makina e policisë që kalon aty pranë, duke zbuluar se ka nga ata policë që “rrotullohen me një 20-ëshe apo 30-ëshe.”

Me të fituar besimin, shpërndarësi tregon se më parë ka qenë i dënuar për tentativë për vrasje, pasi ka plagosur dikë që i kishte ngacmuar motrën. Ai, si shumë shpërndarës të tjerë, është gjithashtu përdorues droge.

The post “Piranjat” godasin sërish: Tregtia e drogës lulëzon në mes të Tiranës, shpërndarësi pranon se ka korruptuar zyrtarin e lartë appeared first on Albeu.com.