Sipas tregtarëve, situata ka ardhur si pasojë e punimeve për rikonstruksionin e tregut të madh të qytetit, investim i cili ka nisur prej pak ditësh.

Ata shprehen se bllokimi i hyrjes po u shkakton humbje të konsiderueshme ekonomike, pasi kanë mallra me vlerë miliona lekë që rrezikojnë të dëmtohen, ndërsa nuk mund të hapin as qepenat e bizneseve të tyre.

Ndërkohë që dyqanet që janë në treg në vendimin e parë do të lejoheshin të hapeshin, por jo të dilnin me mallin në rrugë, por as sot dyqanet nuk janë lejuar të hapen.

Pas grumbullimit në treg, protestuesit janë zhvendosur drejt ambienteve të Bashkisë së Vlorës, ku kanë kërkuar një takim me kryetaren Bashkisë, Brunilda Mersini.

Në shenjë revolte, disa prej tyre kanë shtyrë edhe portën kryesore të institucionit.

Tregtarët kërkojnë një zgjidhje të menjëhershme për aksesin në bizneset e tyre, ndërsa vijojnë të qëndrojnë para Bashkisë në pritje të një reagimi nga autoritetet lokale.

The post Tregtarët e Vlorës protestë në Bashki: Po humbasim miliona lekë mall, s’po na lënë të hapim dyqanet e të punojmë, kemi dëme ekonomike appeared first on Albeu.com.

Gjatë takimit, Spiropali pranoi se nuk kishte qenë në dijeni të plotë të situatës dhe premtoi se do të bisedojë me kryetaren e bashkisë dhe me anëtarët e Këshillit Bashkiak për të kuptuar më nga afër problematikën e tregtarëve.

“Kemi 30 vjet që punojmë, me taksa me të gjitha. Sot, ne hidhemi në rrugë, jemi me ilaçe, jemi të sëmurë. Nuk na la policia në Këshillin Bashkiak”, u dëgjua të thoshte një prej qytetareve.

“Do të flas me kryetaren dhe me anëtarët e këshillit bashkiak, që të njihem më konkretisht me problemin tuaj”, u përgjigj Spiropali.

Tregtarët protestojnë pasi nuk janë dakord me vendimin e bashkisë për ngritjen e dy tregjeve të përkohshme: tregu i fruta-perimeve në lagjen “24 Maji” dhe tregtimi i mallrave të tjera në zonën industriale të Çolës.

Ata kërkojnë që zhvendosja të bëhet në zona më pranë qytetit, për të mos humbur klientelën dhe për të shmangur rrezikun e falimentimit.

The post Po na hedhin në rrugë/ Tregtarët e Vlorës në protestë për zhvendosjen e tregut, Spiropali: Do flas unë me kryetaren e Bashkisë appeared first on Albeu.com.

Ky takim që zgjati rreth 1 orë, u zhvillua pas një protestë të organizuar nga tregtarët përpara bashkisë, pasi këtyre të fundit u është komunikuar se duhet të largohen brenda 3 ditësh nga zona ku ushtrojnë aktivitetin e tyre tregtar, në kuadër të një projekti të ri që do të aplikohet në atë mjedis.

Tregtarët janë shprehur të zemëruar pasi janë lajmëruar papritur dhe u është një afat kohor tepër i shkurtër. Nga takimi me kryebashkiaken Mersini nuk është arritur dakordësi pasi alternativat q u janë dhënë nuk janë të përshtatshme për tregtarët dhe zonat që tregtarët kanë kërkuar zhvendosje, nuk janë pronë e bashkisë.

Për mediat tregtarët shprehen të shqetësuar për mallin e tyre stok dhe vijimin e punës, pasi është e vetmja veprimtari me të cilën nxjerrin të ardhura për familjen.

The post Tregtarët e Vlorës njoftohen 3 ditë para për largimin nga tregu, protestë përpara bashkisë: Kryebashkiakja thotë nuk kemi prona, ne ku të shkojmë? appeared first on Albeu.com.