Tre të arrestuarit, K.Ç., 25 vjeç, R.Ç., 21 vjeç dhe K.L., 25 vjeç, banues në Shkodër dyshohet se shpërndanin doza kanabisi në zona të ndryshme të qytetit të Shkodrës.

Ata u arrestuan në kuadër të megaoperacionit antidrogë ‘Tempulli’ dhe policia sekuestroi dozat e kanabisit si dhe 3 celularë.

‘Si rezultat i administrimit të menjëhershëm të informacioneve të siguruara nga inteligjenca policore, në vijim të megaoperacionit policor antidrogë të koduar “Tempulli”, Seksioni për Hetimin e Narkotikëve i DVP Shkodër, në bashkëpunim me Patrullën e Përgjithshme të Komisariatit të Policisë Shkodër, arrestuan në flagrancë shtetasit K. Ç., 25 vjeç, R. Ç., 21 vjeç dhe K. L., 25 vjeç, të tre banues në Shkodër.

Nga kontrollet fizike të kryera ndaj 3 shtetasve, në lagjen “Partizani”, shërbimet e Policisë gjetën dhe sekuestruan në cilësinë e provës materiale, një sasi lënde narkotike cannabis sativa, të ndarë në doza, të cilën këta shtetas, të organizuar si grup, dyshohet se do ta shitnin në zona të ndryshme të qytetit të Shkodrës.’, njofton policia.

The post Shkodër/ Tre të rinj në pranga, shpërndanin doza kanabisi në qytet appeared first on Albeu.com.

Ditën e sotme një ngjarje ka ndodhur në Tiranë ku tre të rinj donin të digjnin me benzinë të miturën.

Ish bashkëjetuesi i saj Ardit Çela, 25-vjeç ishte një ndër autorët, i cili ishte shpallur në kërkim.

Nuk zgjati shumë dhe 25-vjeçari është arrestuar nga policia.

16-vjeçarja bashkëjetonte me Çelën dhe kanë pasur një konflikt me njëri-tjetrin për shkaqe xhelozie.

Njoftimi:

Në vijim të informacionit të dhënë ditën e sotme, sipas të cilit, dyshohet se në ambientet e jashtme të një pallati, 3 shtetas (dy prej të cilëve të arrestuar në flagrancë) kanë ushtruar dhunë ndaj një 16-vjeçareje, si dhe kanë tentuar ta dëmtojnë atë me lëndë djegëse (benzinë), ju informojmë se:

Specialistët për Hetimin e Krimeve në Komisariatin e Policisë Nr. 2 bënë të mundur arrestimin e shtetasit A. Ç., 25 vjeç.

Strukturat e Policisë vijojnë punën për zbardhjen dhe dokumentimin e plotë me prova ligjore të kësaj ngjarjeje.

Materialet i kaluan Prokurorisë, për veprime të mëtejshme procedurale./albeu.com

The post Tentoi të digjte të miturën me benzinë, arrestohet 25-vjeçari appeared first on Albeu.com.