Drita e ka siguruar kualifikimin në ‘play-off’-in e Ligës së Konferencës, pasi mposhti Tre Fiorin me rezultatin 5-0, ndërsa rezultati i përgjithshëm ishte 9-1.

Ekipi kosovar e nisi ndeshjen me vrull, ndërsa epërsinë e gjeti në minutën e 20-të. Kemehlo Nguena dërgoi topin në rrjetë për rezultatin 1-0.

Drita iu afrua golit të dytë vetëm një minutë më pas, ndërsa Ovouka goditi shtyllën në minutën e 38-të.

Këmbëngulja e Dritës dha rezultat përsëri në minutën e 41-të. Pas asistimit të Ovoukas, Nguena shënoi për herë të dytë në këtë takim dhe e ndryshoi rezultatin në 2:0.

Goli i tretë nuk vonoi. Arb Manaj realizoi në minutën e 43-të për 3:0, shifra me të cilat dy skuadrat u drejtuan drejt pushimit.

Ritmi i lartë i Dritës vazhdoi edhe pas rikthimit nga dhomat e zhveshjes. Vetëm pak çaste pas nisjes së pjesës së dytë, në minutën e 47-të, Mike Arthur shënoi golin e katërt.

Në minutën e 60-të, Manaj gjeti sërish rrjetën. Ai përfitoi nga asistimi i Kemehlo Nguenës dhe e çoi epërsinë e Dritës në 5-0.

Skuadra kosovare nuk ndaloi së krijuari mundësi. Në minutën e 73-të, Nguena mund ta kompletonte het-trikun, por tentativa e tij u ndal nga shtylla.

Gjatë minutave të fundit, Drita pati disa raste të tjera për ta bërë fitoren edhe më të thellë. Pëllumbi, Arthur dhe Jashari tentuan të shënonin, por nuk arritën ta gjenin portën.

The post Drita triumfon bindshëm ndaj Tre Fiorit dhe siguron fazën ‘play-off’ të Ligës së Konferencës appeared first on Albeu.com.

Drita zbret sërish në fushë sonte (e enjte), kur në stadiumin “Fadil Vokrri” zhvillon ndeshjen e kthimit kundër Tre Fiorit, të vlefshme për raundin e tretë kualifikues të Ligës së Konferencës.

Skuadra nga Gjilani vjen në këtë takim me një epërsi të konsiderueshme, pasi triumfoi bindshëm 4-1 në udhëtim dhe hodhi një hap të rëndësishëm drejt kualifikimit.

Trajneri i ri, Ardian Nuhiu, ka përzgjedhur skemën 4-2-3-1, ndërsa përgjegjësinë kryesore në repartin ofensiv do ta kenë Liridon Balaj, Arb Manaj dhe Kristal Abazaj.

Nga minuta e parë do të luajë edhe afrimi i ri, Ëilliam Beaten, i cili në këtë përballje do të vendoset në një pozicion më të avancuar.

Formacionet zyrtare:

Drita: Maloku; Mjaki, Bytyqi, Pëllumbi, Ovouka; Dabiqaj, Limaj, Beaten; Balaj, Manaj, Abazaj.

Tre Fiori: Nardi; Sirri, Rea, Sancisi; Mengucci, Giocondi, Benedettini, D’Addario; Bernardi; Prandelli, Ferri.

The post Drita pret Tre Fiorin në “Fadil Vokrri”, publikohen formacionet zyrtare appeared first on Albeu.com.

Drita do të zbresë sërish në fushë sonte (e enjte), kur në Prishtinë do të përballet me Tre Fiorin në ndeshjen e kthimit të raundit të tretë kualifikues të Ligës së Konferencës.

Skuadra nga Gjilani vjen në këtë takim me një epërsi të konsiderueshme, pasi triumfoi bindshëm 4-1 në ndeshjen e parë të zhvilluar në udhëtim.

Pasi hodhi një hap të rëndësishëm drejt kualifikimit, Drita tani synon të zyrtarizojë kalimin në “play-off” dhe të vazhdojë rrugën drejt fazës së ligës të kësaj gare evropiane.

Në duelin si nikoqire, skuadra gjilanase do të kërkojë ta administrojë avantazhin e siguruar në San Marino dhe të shmangë çdo surprizë.

Në krahun tjetër, Tre Fiori mbërrin në Kosovë përballë një misioni jashtëzakonisht të vështirë, pasi skuadrës nga San Marino i duhet të përmbysë një disavantazh prej tri golash për të ruajtur shpresat për kualifikim.

Rezultati dhe paraqitja e takimit të parë e vendosin Dritën në rolin e favorites së madhe për raundin pasues, megjithatë trajneri dhe lojtarët do të synojnë të ruajnë përqendrimin maksimal deri në vërshëllimën përfundimtare.

The post Drita pret Tre Fiorin për të vulosur kualifikimin në “play-off” të Ligës së Konferencës appeared first on Albeu.com.

Drita ka shënuar fitore bindëse në transfertë ndaj Tre Fiorit, në takimin e parë të raundit të tretë kualifikues të Ligës së Konferencës.

Skuadra e njohur si “Intelektualët” triumfoi me rezultat 1-4 dhe siguroi një epërsi të rëndësishme përpara ndeshjes së kthimit, e cila do të luhet javën e ardhshme në stadiumin “Fadil Vokrri”.

Ekipi gjilanas e nisi përballjen më mirë dhe kontrolloi plotësisht posedimin e topit, por për një kohë të gjatë nuk arriti t’i konkretizonte aksionet.

Pavarësisht dominimit të Dritës, vendasit befasuan duke kaluar të parët në avantazh. Sami dërgoi një pasim të gjatë te Prandelli, i cili e kontrolloi bukur topin dhe më pas mposhti Malokun në minutën e 56-të.

Festa e Tre Fiorit, megjithatë, zgjati vetëm katër minuta. Në minutën e 61-të, Ovouka shfrytëzoi një top të kthyer dhe riktheu baraspeshën.

Vetëm dy minuta pas golit të barazimit, Blerim Krasniqi realizoi me kokë pas një asistimi të bukur, duke e përmbysur rezultatin në minutën e 63-të.

Besnik Krasniqi e vulosi fitoren e Dritës në minutën e 82-të, pas një aksioni të shpejtë.

Në çastet e fundit, skuadra nga Gjilani e dërgoi edhe një herë topin në rrjetë, me Krasniqin që shënoi nga pika e bardhë në minutën 90+4.

Me këtë rezultat, Drita është afruar ndjeshëm me play-offin, por kualifikimin duhet ta konfirmojë pas një jave. Atje do të përballet me fituesin e duelit Inter Escaldes – Flora, sfida e parë e të cilit u mbyll 2-0 në favor të klubit nga Andorra.

The post Drita triumfon 1-4 ndaj Tre Fiorit dhe hedh hap të madh drejt play-offit të Ligës së Konferencës appeared first on Albeu.com.

Drita përballet me Tre Fiorin në San Marino, në ndeshjen e vlefshme për raundin e tretë kualifikues të Ligës së Konferencës.

Skuadra kosovare konsiderohet favorite e qartë, ndërsa kjo është paraqitja e parë e saj pas shkarkimit të Zekirija Ramadanit.

Trajnerët kanë zbuluar tashmë përbërjet me të cilat do ta nisin takimin.

Tre Fiori: Nardi; D’Addario, Syku, Sirri, Sancisl; Mancini, Censoni, Sami, Benedictines, Mengucci; Prandelli

Drita: Maloku; Krasniqi, Bytyqi, Pëllumbi, Ovouka; Dabiqaj, Limaj; Abazaj, Bl.Krasniqi, Jashari; Manaj.

Ndeshja do të nisë në orën 21:00.

The post Drita synon fitoren ndaj Tre Fiorit, publikohen formacionet zyrtare appeared first on Albeu.com.

Mbrëmjen e sotme, kampionia kosovare Drita rikthehet në skenën ndërkombëtare, duke u ndeshur me Tre Fiorin në takimin e parë të raundit të tretë eliminator të Ligës së Konferencës.

Dueli do të luhet në stadiumin e Serravales në San Marino, duke filluar në orën 21:00, teksa ekipi nga Gjilani synon një paraqitje që do t’i jepte avantazh përballë sfidës revanshe.

Pas dy eliminimeve të suksesshme, skuadra kosovare shpreson të vazhdojë aventurën evropiane dhe t’i afrohet edhe më shumë fazës “play-off”, e cila ndodhet vetëm një hap larg hyrjes në fazën e grupeve të kompeticionit.

Ndërkohë, Tre Fiori do të mbështetet te terreni vendës dhe përkrahja e tifozërisë për të krijuar një diferencë pozitive përpara udhëtimit në Kosovë.

Përballja e kthimit është planifikuar pas një jave, atëherë kur Drita do të mirëpresë Tre Fiorin në Prishtinë, për të përcaktuar se cila skuadër do të kalojë në raundin pasardhës të garës kontinentale.

Në rast kualifikimi, kampionët e Kosovës do të ndeshen në “play-off” me fituesin e çiftit mes Flora Tallinn dhe Inter Escaldes.

The post Drita e nis sonte misionin për “play-off”, sfidon Tre Fiorin në San Marino appeared first on Albeu.com.

Drita, kampionia e Kosovës, do të ndeshet me fituesin e çiftit Flora Tallinn – Inter Escaldes, nëse kalon pengesën e radhës.

Klubi gjilanas është përfaqësuesi i vetëm kosovar që vazhdon garën për një vend në fazën e grupeve, pasi Malisheva, Dukagjini dhe Ballkani u eliminuan gjatë raundit të dytë kualifikues.

Përpara se të mendojë për finalen e play-offit, Drita duhet të përballet me skuadrën nga San Marino, Tre Fiori. Në rast kualifikimi, ajo do të luajë kundër ekipit që triumfon në duelin Flora Tallinn – Inter Escaldes.

Gjatë dy viteve të fundit, Drita ka qenë pjesë e fazës së grupeve, ndaj synimi mbetet rikthimi në këtë etapë. Megjithatë, këtë herë skuadra duhet ta realizojë objektivin pa trajnerin Zekirija Ramadani, i cili u shkarkua së fundmi.

Ndeshja e parë ndërmjet Dritës dhe Tre Fiorit do të zhvillohet të enjten e ardhshme, ndërsa takimi i kthimit është planifikuar një javë më vonë.

The post Drita zbulon rivalin e mundshëm në play-offin e Ligës së Konferencës pas Tre Fiorit appeared first on Albeu.com.