Në një intervistë për Entertainment Tonight, aktori i njohur tha se mungesa e tij lidhej me angazhimet profesionale.

“Isha duke punuar. Po xhiroja filmin ‘Batman’ atë mëngjes. Kam qenë shumë i zënë,” u shpreh Pattinson.

Megjithëse ai nuk mundi të ishte i pranishëm, partnerja e tij prej vitesh, Suki Waterhouse, mori pjesë në ceremoni. Këngëtarja dhe aktorja kishte treguar që në muajin maj se do të ishte në dasmën e Taylor Swift, madje kishte thënë me humor se shpresonte të merrte ide për ceremoninë e saj të ardhshme me Pattinson.

Pas dasmës, Pattinson reagoi edhe ndaj zërave se gjatë festës ishin shpërndarë dhurata luksoze për të ftuarit, si çanta dizajni dhe madje një makinë klasike.

“Po dhuronin gjithë ato gjëra? Po unë çfarë fitova?”, tha ai me shaka.

Dasma e Taylor Swift dhe Travis Kelce mblodhi rreth 1.000 të ftuar, mes tyre emra të njohur si Emma Stone, Sabrina Carpenter, Gigi Hadid, Karlie Kloss dhe shumë figura të tjera të showbiz-it.

Gazetari George Stephanopoulos, i cili ishte i pranishëm në ceremoni, e përshkroi atmosferën si “çuditërisht intime”, pavarësisht se ceremonia u mbajt në Madison Square Garden.

Edhe prezantuesja Robin Roberts tha se, megjithëse të ftuarit ishin yje të Hollywood-it dhe muzikës, atmosfera ishte si në çdo dasmë familjare.

The post Robert Pattinson flet për mungesën në dasmën e Taylor Swift dhe Travis Kelce appeared first on Albeu.com.

Sipas mediave ndërkombëtare, çifti i famshëm po planifikon një festë dasme që do të zhvillohet në Madison Square Garden, një nga arenat më ikonike në botë, e njohur për koncerte dhe evente sportive madhore.

Raportimet e para flisnin për një pritje madhështore më 3 korrik, ndërsa burime të reja sugjerojnë se programi do të zgjasë më shumë se një ditë. Më konkretisht, një event më privat dhe më intim pritet të mbahet një ditë më parë, më 2 korrik, me pjesëmarrjen e rreth 100 familjarëve dhe miqve më të ngushtë të çiftit.

Ndërsa të nesërmen, më 3 korrik, pritet një festë shumë më e madhe, ku numri i të ftuarve mund të arrijë deri në 1,000 persona. Sipas mediave, ngjarja mund të përfshijë edhe performanca live dhe elemente spektakolare, duke e kthyer dasmën në një event të vërtetë showbiz-i.

Thashethemet për zgjedhjen e Madison Square Garden janë forcuar edhe nga dokumente dhe leje të paraqitura për mbylljen e rrugëve përreth arenës nga data 2 deri më 4 korrik, si dhe kërkesa për hapësira të mëdha për tenda, struktura dhe automjete organizative.

Sipas burimeve pranë organizimit, autoritetet e qytetit të New York-ut po e trajtojnë seriozisht mundësinë e një eventi të madh të lidhur me Taylor Swift në këtë arenë, ndërsa një zyrtar lokal ka deklaruar për New York Times se ambienti është përgatitur për “evente dasmash” në këtë periudhë.

Gjithashtu, raportohet se disa lojtarë të ekipit Kansas City Chiefs, ku luan Travis Kelce, kanë rezervuar dhoma në një nga hotelet më të njohura të Manhattan-it, në pritje të ceremonisë.

Burime pranë Daily Mail kanë deklaruar se çifti ka zgjedhur të “përqafojë spektaklin” dhe të organizojë një dasmë në përmasa të mëdha, duke e kthyer atë në një nga eventet më të komentuara të vitit.

Megjithatë, ende nuk ka një konfirmim zyrtar për detajet përfundimtare të ceremonisë, përfshirë numrin e saktë të të ftuarve dhe formatin final të ngjarjes, e cila pritet të jetë një nga dasmat më të mëdha të showbiz-it ndërkombëtar.

The post Dasmë spektakolare në New York/ Taylor Swift dhe Travis Kelce planifikojnë festë dy-ditore me 1,000 të ftuar appeared first on Albeu.com.

Gjatë shfaqjes së saj të tretë në stadiumin Wembley të Londrës, artistja befasoi fansat duke ftuar yllin e NFL në skenë me të.

Travis iu bashkua biondes për “I Can Do It with a Broken Heart”, i veshur me një kostum të zi elegant dhe një kapelë.

Ai bëri një paraqitje të mrekullueshme duke mbajtur në krahë partneren si pjesë e performancës së tyre.

I njëjti po ashtu tregoi aftësitë në kërcim dhe u shfaq i buzëqeshur para audiencës.

Paraqitja e Kelce erdhi vetëm disa ditë pasi ai dhe Swift zyrtarizuan lidhjen në Instagram.

Ata ishin në prapaskenë në shfaqjen e parë të yllit në Londër me Princin William, Princin George dhe Princeshën Charlotte.

The post Taylor Swift performon në skenë për herë të parë me të dashurin e saj, Travis Kelce appeared first on Albeu.com.

Sipas mediave , ylli 34-vjeçar i popit do të ecë në tapetin e kuq në Muzeun Metropolitan të Artit në Nju Jork, mirëpo mbetet e paqartë nëse i pranishëm do jetë edhe i dashuri i saj, Travis Kelce.

Përditësimi vjen pasi TMZ raportoi se çifti i famshëm i kishte thënë “jo” ftesës.

Mediat spekuluan se meqenëse Taylor do të nisë turneun evropian të 52-të të Eras Tour më 9 maj, ajo nuk do të jetë në gjendje të zbukurojë natën e modës më 6 maj. Megjithatë, një burim i fshehtë për Page Six hodhi poshtë raportet e mëparshme dhe pretendoi se këngëtarja në të vërtetë do të marrë pjesë në ngjarjen luksoze.

Ndërsa nuk ka ende asnjë përditësim nga ana e Travis, një burim konfirmoi për US Sun se ai do të jetë së bashku me Taylor në turneun e saj Eras, së bashku me familjet e tyre.

Për tre muajt e ardhshëm, ajo do të ngjitet në skenën në Londër, Paris, Stokholm, Milano, Vjenë, Madrid, Lisbonë dhe Dublin.

The post Si përfundim, a do marrë pjesë Taylor Swift në ‘Met Gala’? appeared first on Albeu.com.

Mediat e huaja shkruajnë se dyshja nuk donin të fejoheshin gjatë dimrit pasi nuk donin që publiku të mendonte se ky ishte një vendim i nxituar.

Thuhet se ata se kanë ndërmend të marrin këtë hap të rëndësishëm gjatë muajit korrik atëherë kur edhe çifti bëjnë një vit të lidhur së bashku. Dalja e parë publike e Swift, dhe Kelce ishte në shtator, kur ajo erdhi për ta parë atë për ta mbështetur në ndeshjet e tij.

Teksa koha e saktë e historisë së tyre të dashurisë mbetet paksa private, shkëndijat e para duket se kanë filluar nga viti 2022. Çifti i famshëm sapo ka kaluar pushimet së bashku me familjen dhe madje edhe natën e Vitit të Ri dhe kanë bekimin e familjarëve dhe miqve të tyre.

The post Taylor Swift i jep fund beqarisë me futbollistin amerikan Travis Kelce appeared first on Albeu.com.