Sipas raportimeve, Nallbati është përfshirë në momentet e përplasjes me efektivët e FNSH-së, ku dyshohet se është goditur dhe ndaj tij është përdorur edhe spraj në fytyrë. Menjëherë pas incidentit, ai është shoqëruar drejt Urgjencës së Spitalit të Traumës nga drejtues të Partisë Demokratike, Gazment Bardhi dhe Albana Vokshi.

Ka qenë vetë deputetja Albana Vokshi ajo që ka dhënë detaje mbi gjendjen shëndetësore të tij. Sipas saj, Nallbati ka pësuar një goditje në kokë gjatë momentit kur po ndihmonte qytetarët në protestë.

“Ka një goditje në kokë. Ishte duke ndihmuar një qytetar, kur policia e ka goditur në kokë. Aktualisht është duke u trajtuar, po i bëjnë larje të syve dhe të fytyrës për shkak të djegies nga spraji, si dhe po i nënshtrohet një skaneri”, është shprehur Vokshi.

Ndërkohë, pas përfundimit të protestës, në Spitalin e Traumës ka shkuar edhe kreu i Partisë Demokratike, Sali Berisha, për t’u interesuar nga afër për gjendjen shëndetësore të deputetit.

The post U qëllua me shkopa gome pas koke dhe iu hodh spraj në fytyrë, Bledion Nallbati në gjendje të rëndë te Trauma, Sali Berisha niset me urgjencë appeared first on Albeu.com.

Sipas familjarëve të tij, ai është në gjendje të rëndë dhe ndodhet aktualisht në reanimacionin e spitalit të Traumës.

Sipas të njëjtave burime, 35-vjeçarit, nga plagosja me thikë, i është dëmtuar trakeja dhe për pasojë kishte hyrje ajri në mushkëri.

Mësohet se kjo e ka rënduar gjendjen e tij dhe është dërguar mbrëmë nga spitali i Durrësit drejt atij të Traumës, ku duket se e ka kaluar rrezikun për jetën, Gjendja e tij shëndetësore po mbahet nën monitorim nga mjekët e Traumës.

I riu mbeti i plagosur pasi ndërhyri në sherrin mes 56–vjeçarit Mikel Ndoj dhe vajzës së tij 24-vjeçare, e cila po ashtu mbeti e plagosur.

Ai ishte vetëm një kalimtar i rastësishëm që u përpoq të shuante sherrin, por fatkeqësisht mbeti vetë i plagosur.

Në njoftimin për shtyp, policia e Durrësit bëri të ditur të hënën, se të dy të plagosurit ishin në spitalin rajonal, jashtë rrezikut për jetën, por duket se me kalimin e ditëve gjendja e 35-vjeçarit është përkeqësuar.

Një ditë më parë, Mikel Ndoj, 56-vjeçari që plagosi me thikë të bijën Xhensila Ndoj dhe një kalimtar të rastit, u la në burg nga gjykata e Durrësit.

Në sallën e gjyqit, Ndoj nuk ka shfaqur asnjë lloj pendese për krimin e kryer, madje është shfaqur mohues ndaj ngjarjes. Mësohet se ai ka kërkuar lirimin, duke e konsideruar veten të pafajshëm.

The post U plagos duke tentuar të shuante sherrin mes babait dhe vajzës, 35-vjeçari dërgohet te Trauma në gjendje të rëndë appeared first on Albeu.com.

Sipas informacioneve policore, ngjarja e rëndë ka ndodhur pas një konflikti për motive të dobëta në familje.

Detaje të reja janë dhënë nga ngjarja e ndodhur të shtunën në Maqellarë të Dibrës, ku djali plagosi rëndë me thikë nënën e tij.

Sipas burimeve, mësohet se i biri 26-vjeçar Itles Sula, ka plagosur nënën e tij disa herë me thikë, duke e dëmtuar rëndë.

Ngjarja ka ndodhur në banesën e tyre dhe e plagosura Nexhmije Sula,. është transportuar me urgjencë në Spitalin e Traumës, në gjendje kritike për jetën.

50-vjeçarja është drejtoreshë e shkollës 9-vjeçare në fshatin Pocest.

Itles Sula, mësohet se kishte përfunduar studimet e larta, por ishte ende i papunë.

I riu mësohet se përballej prej kohësh me shenja të depresionit.

The post U plagos nga i biri, 50-vjeçarja Nexhmije Sula dërgohet me urgjencë tek Trauma appeared first on Albeu.com.

Ngjarja ka ndodhur rreth orës 18:00, kur A. N., në bashkëpunim me një tjetër shtetas ende të paidentifikuar, ka goditur me grushte shtetasin Orgito Berhama, ., 22-vjeç, për motive të dobëta.

Si pasojë e dhunës,. Orgito Berhama, është dëmtuar dhe është transportuar për ndihmë më të specializuar mjekësore në Spitalin e Traumës, në Tiranë.

Policia vijon punën për identifikimin dhe kapjen e bashkëautorit të dyshuar në këtë ngjarje.

Njoftimi:

Specialistët për Hetimin e Krimeve në Komisariatin e Policisë Sarandë arrestuan në flagrancë shtetasin A. N., 20-vjeç, banues në Sarandë, pasi ditën e djeshme, rreth orës 18:00, së bashku me një shtetas tjetër, për të cilin vijon puna për identifikimin dhe kapjen, në lagjen nr. 1, Sarandë, gjatë një konflikti për motive të dobëta, kanë goditur me grushte shtetasin Orgito Berhama., 22-vjeç, banues në Gjashtë, Sarandë, i cili është transportuar për mjekim më të specializuar në Spitalin e Traumës, Tiranë.

The post Sarandë/ U dh*nua nga dy persona, i riu përfundon te Trauma appeared first on Albeu.com.

Ndaj Kevin Hajrulla, është qëlluar me të paktën 30 plumba. Nga breshëria e kallashit, mbeti i plagosur edhe një kalimtar i rastit, Armand Spahiu 35-vjeç, tregtar shumice i fruta perimeve.

Fatmirësisht ai ndodhet jashtë rrezikut, ndërsa 30-vjeçari po lufton për jetën, pasi ka marrë plagë të shumta në trup e në bark.

Sipas dëshmitarëve okularë, momenti pas të shtënave ishte kaotik. Në pamje e bëra publike në media, shihet se si i plagosuri Kevin Hajrulla, i mbuluar me gjak dhe në gjendje të rënduar, futet me vështirësi në një makinë nga të afërmit që përpiqeshin ta transportonin drejt spitalit. Dëgjohet zëri i një personi që thotë: “Iku ore, iku”.

Kush është Kevin Hajrulla?

Shënjestra e atentatit, Kevin Hajrulla (I plagosur)

Raportohet se 30-vjeçari Kevin Hajrulla, është kushëriri i Inez Hajrulla, i njohur ndryshe si “i forti i Vlorës”.

Inez Hajrulla, është një emër i njohur për policinë, pasi i ka shpëtuar disa atentateve në Vlorë. Ai ka qenë shënjestër e dy atentateve, në vitin 2017 dhe 2019.

Po ashtu, Inez Hajrulla, ka qenë dy herë i arrestuar për armëmbajtje pa leje dhe është akuzuar për grabitjen e një kazinoje në vitin 2013.

Dëshmitari i tronditur: U shtriva barkas

Një dëshmitar ka rrëfyer momentin e panikut, teksa janë dëgjuar të shtënat me armë në qytetin e Vlorës.

Qytetari rrëfen se është shtrirë menjëherë në tokë, sapo ka dëgjuar të shtënat. Ai thotë se nuk ka parë asgjë, madje në atë moment po shikonte televizor dhe sapo ka dëgjuar krismat është shtrirë barkas.

“Sa dëgjova një të shtënë u shtriva. S’pash asgjë. Unë isha duke parë televizor dhe në moment sa dëgjova krismat u shtriva barkas”, është shprehur dëshmitari.

Atentati me pasojë plagosjen e dy personave ndodhi mbrëmjen e djeshme në qytetin e Vlorës, duke tronditur qytetarët dhe kalimtarë të çastit.

Autorët e pritën të parkojë një Benz ngjyrë gri, me të cilin ka qenë duke lëvizur dhe më pas derdhën breshëri plumbash në drejtim të tij.

Ngjarja ndodhi rreth orës 21:30 (18 dhjetor 2024) në lagjen 24 maj’ në afërsi të postës së Çoles.

Autorët lëvizën me makinë me targa italiane të vjedhura

Makina e djegur në fshatin Panaja

Tre dyshohet se kanë qenë autorët e përfshirë në atentat, një shofer dhe dy qitës, që qëlluan nga një makinë tip KIA me targa italiane.

Po të njëjtat burime, thonë se targat rezultojnë të vjedhura. Tre dyshohet se kanë qenë autorët e përfshirë në atentat, një shofer dhe dy qitës. Makina e autorëve tip KIA, u gjet e djegur në fshatin Panaja në autostradën Vlorë-Fier, ndërsa autorët më pas janë larguar në drejtim të paditur.

Ndërkohë, në mjetin e djegur të autorëve në fshatin Panaja janë gjetur dy kallashnikovët e përdorur për atentatin. Njëra armë është sediljen e pasagjerit në pjesën e parme të makinës, ndërsa tjetra pas. Kjo konfirmon edhe praninë e 3 autorëve, njëri shofer dhe dy qitës.

Pikërisht në këtë zonë, policia ka ushtruar kontrolle në disa banesa, por deri më tani nuk është gjetur asnjë gjurmë e autorëve.

E gjithë zona ku ndodhi atentati, ka kamera sigurie që mendohet se kanë filmuar skenën, por dhe lëvizjet e autorëve.

Makina e djegur me targa të vjedhura të autorëve

Njoftimi i policisë për ngjarjen:

“Mbrëmjen e sotme, rreth orës 21:30, në lagjen “24 Maji”, Vlorë, në rrethana ende të paqarta, është plagosur me armë zjarri shtetasi K. H., rreth 30 vjeç, i cili udhëtonte me një automjet tip “Benz”. Si pasojë e të shtënave, është plagosur me armë zjarri edhe shtetasi A. S., 35 vjeç, i cili ndodhej në afërsi në momentin e ngjarjes.

Të dy personat janë transportuar menjëherë në Spitalin Rajonal Vlorë dhe ndodhen nën kujdesin e mjekëve.

Gjatë krehjes së zonës në afërsi të fshatit Panaja, është bërë i mundur lokalizimi i automjetit të dyshuar të përdorur nga autorët, i cili është përfshirë nga flakët. Po punohet për shuarjen e zjarrit.

Shërbimet e Policisë kanë mbërritur menjëherë në vendngjarje dhe po punojnë intensivisht për identifikimin dhe kapjen e autorit/autorëve të dyshuar.

Grupi hetimor po vijon punën për zbardhjen e rrethanave të plota të ngjarjes”, njofton policia.

The post Detaje nga atentati në Vlorë/ Në gjendje të rëndë për jetën, Kevin Hajrulla dërgohet drejt Traumës, ja çfarë u gjet brenda automjetit appeared first on Albeu.com.

Si pasojë e kasidentit, mbeti i plagosur shoferi i mjetit, si dhe dy fëmijët e tij të mitur të cilët me urgjencë u dërguan në spitalin e Lushnjës.

Personi i cili u përfshi në aksident, është biznesmeni i njohur Kristian Boçi dhe dy fëmijët e tij të mitur.

Boçi dhe dy fëmijët e tij, janë dërguar me urgjencë me autoambulancën e Lushnjes mëngjesin e sotëm.

Mësohet se Boçi ka pësuar fraktura në kokë, ndërkohë fëmijët e tij kanë pësuar dëmtime të lehta.

Fatmirësisht gjendja shëndetësore e të treve është stabël.

Kristian Boçi, teksa ishte duke udhëtuar me fëmijët e tij në aksin Rrogozhinë-Lushnje, ka humbur kontrollin mbi automjetin dhe si pasojë përfundoi anash rrugës.

The post U aksidentua bashkë me fëmijët, biznesmeni Kristian Boçi dërgohet me urgjencë te Trauma appeared first on Albeu.com.

Sipas informacioneve, mësohet se është përkeqësuar gjendja shëndetësore e 42-vjeçarit Rigels Kaso nga Bilishti.

Burime pranë spitalit të Traumës, bëjnë me dije se gjendja shëndetësore e Kasos është përkeqësuar dhe ndodhet i intibuar me plagë të shumta në kokë.

42-vjeçari ka plagë të shumta edhe në trup, ndaj mjekët vendosen që ta fusin në intubim në sallën e reaminacionit, pasi gjendja e tij është kritike për jetën.

Kaso u gjet mëngjesin e sotëm nga kalimtarët i shtrirë në rrugën “Sokrat Miho” në kryeqytet.

Policia nuk dha më tepër detaje për ngjarjen, ndërkohë nuk dihet asgjë së për autorin apo autorët.

The post U gjet i dhunuar në Tiranë, përkeqësohet gjendja shëndetësore e 42-vjeçarit, intubohet te Trauma appeared first on Albeu.com.

Të rinjtë janë konfliktuar në rrugë, por me ndërhyrjen e policisë konflikti është shuar.

Pranë spitalit të Traumës ku po dërgohej një prej të lënduarve, janë ndjekur nga agresorët dhe janë dhunuar barbarisht.

Mësohet se personat e dhunuar, janë identifikuar si shtetasit Alvaro Doci dhe Gjergji Shaga.

The post Plas sherri në Kombinat, dy të rinj përfundojnë të masakruar te Trauma, në kërkim agresorët appeared first on Albeu.com.

Nga aksidenti i rëndë mbetën të lënduar dhe tre persona të tjerë që gjendeshin në një mjet tip Passat, të përkuar në një servis makinash.

Policia, përmes një njoftimi zyrtar sot bëri me dije se kanë arrestuar shtetasin Jetmir Daci 44 vjeç, banues në Peshkopi, për veprën penale “Shkelja e rregullave të qarkullimit rrugor”.

Sipas policisë, “44-vjeçari Jetmir Daci me automjetin që drejtonte, ka përplasur një automjet dhe si pasojë e humbjes së kontrollit nga drejtuesi, ka goditur dhe një automjet tip “Passat”, në ambientet e një servisi. Për pasojë janë dëmtuar 4 shtetas që ndodheshin jashtë automjetit “Passat” (pasagjerë që udhëtonin në këtë automjet)”.

The post Prej ditësh në luftë për jetën te ‘Trauma’ pasi mbeti e lënduar rëndë në aksident, ndërron jetë 24-vjeçarja appeared first on Albeu.com.

47-vjeçari dyshohet se vuante nga probleme të shëndetit mendor. Policia thotë se ai ishte paraqitur te Trauma për ndihmë mjekësore më datë 24 shkurt, pasi ishte vetëplagosur me mjet prerës thikë, në Tepelenë.

Sipas deklarimeve të familjarëve, policia thotë se 47-vjeçari ka tentuar edhe herë të tjera që të vetëvritet.

“Më datë 25.02.2024, rreth orës 05:30, dyshohet se është vetëhedhur nga kati i 3-të i Spitalit të Traumës, shtetasi M. H., 47 vjeç, i cili si pasojë e dëmtime të marra ka ndërruar jetë. Ky shtetas është paraqitur për ndihmë mjekësore në spital, më datë 24.02.2024, rreth orës 12:00, pasi është vetëplagosur me mjet prerës thikë, në Tepelenë. 47-vjeçari vuante nga probleme të shëndetit mendor, dhe sipas deklarimeve të familjarëve ka tentuar të vetëvritet dhe më parë”, njofton policia.

Grupi hetimor po punon për sqarimin e rrethanave të ngjarjes.

The post Tiranë/ 47-vjeçari hidhet nga kati i tretë i spitalit të Traumës dhe humb jetën! appeared first on Albeu.com.