Gruaja postoi historinë e saj në platformën Reddit, duke shpjeguar saktësisht se çfarë kishte ndodhur.

Ajo dhe ish-partneri i saj ishin bashkë për njëzet vjet dhe nuk ishin martuar sepse nuk kishin fëmijë dhe, sipas saj, nuk e gjenin arsyen pse nuk mund të mbetej shtatzënë.

Tre vite më parë ajo zbuloi se partneri i saj po e tradhtonte dhe u nda menjëherë me të.

Përfundimisht ai u martua me personin e tretë në lidhjen e tyre dhe gjatë gjithë kësaj kohe u përpoq të mbante lidhje me ish-in, duke i dërguar mesazhe për ditëlindje dhe raste të tjera. Megjithatë, ajo kurrë nuk iu përgjigj përpjekjeve të tij për të komunikuar me të.

Ndërkohë, gruaja ka gjetur sërish dashurinë dhe ajo dhe i dashuri i saj kanë një vajzë së bashku dhe sipas deklaratës së saj, familja e saj është e lumtur.

Në një moment, ish-i i saj e ndërpreu plotësisht komunikimin dhe 4 muaj më parë u bë e ditur se ai kreu vetëvrasje.

Më pas, gruaja mori një telefonatë nga një avokat, i cili e informoi se ish i kishte lënë një shumë të madhe parash (700,000 dollarë për të qenë të saktë), si dhe një letër që shpjegonte se sa donte që ajo t’i merrte ato para.

“Ai ma la gjithçka mua, me përjashtim të prindërve dhe nipit të tij. Mora një letër ku kërkonte falje për atë që kishte bërë, duke thënë se më donte dhe duke më uruar lumturi me familjen time.’

Bashkëshortja dhe prindërit e të ndjerit nuk mund të pranojnë që një gjë e tillë të ketë ndodhur dhe po përgatiten ta kundërshtojnë testamentin para gjykatës kompetente.

The post Kishin ndërprerë çdo kontakt, një grua trashëgoi 700 mijë dollarë nga ish-partneri appeared first on Albeu.com.

Sipas tij prindërit i kanë dhënë dashurinë për vendin e tij dhe për njerëzit, në këtë mënyrë ai e ka “një derë” hapur kudo që shkon. Ndërsa fëmijëve të tij Petrit Malaj thotë se u ka lënë, dije, pasi pavarësisht se nuk ua trashëgoi dashurinë për artin, u kujdes që ata të shkolloheshin mirë dhe është i lumtur që investimi i tij nuk ka shkuar kot, po ashtu ai tregon se përpiqet t’u jap edhe dashurinë për të afërmit që i takojnë rrallë.

Megi Latifi: Profesor, fëmijët e tu do munden njësoj si prindërit tuaj për ju dhe ju për ta?

Petrit Malaj: Unë jam i kënaqur që investimi që kam bërë për fëmijët e mi nuk më ka shkuar kot. Shkollimi që ata morën njëri ekonomik, e tjetri juridik nuk ka shkuar kot, ata janë në punë, përpiqen, bëjnë gjithçka. Ne prindërve na takon të jemi pas tyre në kuptimin e shtytjes dhe kur kanë nevojë në një moment të caktuar për ne, por ata e kanë veten në dorë për gjithçka. Unë zgjohem i qetë në mëngjes, ata janë bërë me fëmijë. Por çfarë ka ndodhur tjetër?! Pa dyshim që ata kanë kredi, jetojnë në një shtëpi të tyre. Kanë marrë kredi sepse babai i tyre nuk e kishte atë mundësi që t’u linte ndonjë shtëpi apo pasuri të konsiderueshme që ata ta trashëgonin më tej. Megjithatë, unë përpiqem që fëmijët e mi ti marr, se ka ardhur një moment që nuk njohin kushërinjtë e tyre. Janë larguar fare, mirëpo edhe kjo ka të bëjë me trashëgiminë. Në një dasmë që unë mund të kem në Tropojë apo në Vlorë, mundohem që njërin prej tyre ta marr me vete, që të njohë 5 njerëz.

The post Petrit Malaj: Fëmijët e mi kanë marrë kredi, s’pata mundësi t’u lija shtëpi (FOTO LAJM) appeared first on Albeu.com.

Pyetja që lind është se çfarë do të ndodhë tani e tutje me këto jahte dhe pasuri të paluajtshme të konfiskuara, çfarë do të bëjnë vendet? Çfarë procedurash ndiqen dhe kush do të jetë “pronari” i ri?

“Ne jemi në ujëra të paeksploruar,” tha Benjamin Maltby, një partner në firmën ligjore britanike Keystone Law, e cila është e specializuar në çështjet e pronësisë së jahteve luksoze. “Është një realitet që nuk ka ndodhur kurrë më parë”.

Ekspertët argumentojnë se, në përgjithësi, sanksionet nuk i lejojnë vendet të fitojnë (kaq thjesht) pronësinë e jahteve, avionëve dhe shtëpive të oligarkëve rusë.

Sipas tekstit zyrtar të sanksioneve në Bruksel dhe Uashington, masat “nuk lejojnë ata që u pasuruan shumë në raport me popullin rus dhe ndihmuan Putinin të pushtojë Ukrainën, të përdorë pasuritë e tyre të ngrira dhe të ose të sekuestruara”.

Çfarë do të thotë kjo në praktikë? Prona e “bllokuar” mbetet pronë e oligarkëve, por ata nuk mund ta shesin. Setsin dhe Mordasov, për shembull, mbeten pronarë të jahteve të tyre, por ata nuk mund t’i shesin apo udhëtojnë me to.

Që oligarkët të mos zotërojnë super jahtet, avionët dhe shtëpitë luksoze, duhet që të jepet një vendim në kuadër të një vepre penale.

“Qeveria duhet të provojë si krimin ashtu edhe lidhjen me të inkriminuar” tha Stefan Cassella, ish-kreu i Zyrës së Prokurorit të Maryland. Dhe kjo është diçka shumë e vështirë, pasi përveç aktivitetit kriminal, duhet vërtetuar se paratë e paligjshme janë përdorur për të blerë këtë jaht, avion apo vilë.

Sipas ekspertëve, procedurat ligjore për ndryshimin e pronësisë mund të zgjasin disa vite.

Shtetet e Bashkuara, për shembull, kanë ndihmuar Nigerinë të rekuperojë 300 milionë euro nga ish-diktatori ushtarak Sani Abacha, një proces që ka zgjatur më shumë se pesë vjet. Në mënyrë të ngjashme, në rastin e ish-kryeministrit ukrainas Pavlo Lazarenko, i cili u shpall fajtor për pastrim parash në SHBA, u deshën më shumë se 15 vjet.

Duhet të theksohet gjithashtu se oligarkët janë mjeshtra në artin e errët të fshehjes së parave dhe lidhjeve të tyre. Ata përdorin kompani, truste, offshore, etj., për të fshehur dhe për të mos zbuluar gjendjen e vërtetë të pasurisë së tyre. /abcnews.al

The post U bllokuan, çfarë do të ndodhë tani me jahtet e oligarkëve të Putinit? Kush do t’i trashëgojë këto pasuri? appeared first on Albeu.com.