Shoqata vendase e transportit “Makam-trans” ka organizuar për sot, nga ora 12:00 deri në 14:00, një protestë përpara selisë së Delegacionit të Bashkimit Evropian në Shkup. Transportuesit kërkojnë zgjidhjen e kufizimeve që lidhen me qëndrimin e shoferëve profesionistë në zonën Shengen.

Gjatë tubimit, pranë Delegacionit të BE-së do të parkohen rreth 20 kamionë nga Shkupi. Në protestë do të marrin pjesë pronarë të kompanive të transportit, shoferë dhe punonjës të tjerë nga disa pjesë të vendit.

Ky organizim zhvillohet si paralajmërim përpara mbledhjes së nesërme të Grupit të Punës në Bruksel, nga e cila transportuesit presin zgjidhje për statusin e tyre. Vështirësitë lidhen me rregullin 90/180 të BE-së, i cili u lejon shtetasve të vendeve të treta të qëndrojnë jo më shumë se 90 ditë brenda çdo periudhe prej 180 ditësh.

Protesta të ngjashme të transportuesve do të zhvillohen njëkohësisht edhe në Serbi, Bosnjë dhe Hercegovinë, si dhe në Mal të Zi.

The post Transportuesit protestojnë sot para Delegacionit të BE-së në Shkup appeared first on Albeu.com.

Transportuesit nga Maqedonia kanë njoftuar se më 31 gusht do të protestojnë para Delegacionit të Bashkimit Evropian në Shkup. Ata kërkojnë zgjidhjen e problemit që lidhet me kufizimin e qëndrimit të shoferëve profesionistë nga vendet jashtë BE-së në zonën Schengen, sipas rregullit që lejon 90 ditë qëndrim brenda një periudhe prej 180 ditësh.

Aksioni do të zhvillohet nga ora 12:00 deri në 14:00 dhe është organizuar në bashkëpunim me transportues nga Serbia, Bosnjë e Hercegovina dhe Mali i Zi. Organizata „Makam Trans“ paralajmëron se, në mungesë të një zgjidhjeje kalimtare, protestat mund të zhvendosen në pikat kufitare duke nisur nga 14 shtatori.

Biljana Muratovska nga „Makam Trans“ tha se Bashkimi Evropian ka mundësi për ta zgjidhur këtë çështje, duke përmendur rastin e shoferëve turq, të cilëve u jepen viza profesionale. Sipas saj, e njëjta zgjidhje duhet të zbatohet edhe për shoferët e vendeve të tjera.

Përmes marrëveshjeve dypalëshe, institucionet e Maqedonisë po përpiqen të gjejnë një zgjidhje për problemin. Marrëveshje tashmë janë arritur me Kroacinë, Zvicrën dhe Rumaninë, ndërsa negociatat pritet të vijojnë edhe me Austrinë, Hungarinë, Gjermaninë dhe Slloveninë.

The post Transportuesit maqedonas rikthehen në protestë, kërkojnë zgjidhje për kufizimin e shoferëve appeared first on Albeu.com.

Transportuesit e Ballkanit Perëndimor do të presin deri më 1 shtator për qëndrimin e Bashkimit Evropian ndaj problemit me të cilin përballen. Nëse vendimi nuk do të jetë i pranueshëm, ata paralajmërojnë protesta dhe bllokime të pikave kufitare.

Ky qëndrim doli nga takimi i sotëm i grupit të punës, ku morën pjesë përfaqësues të sektorit të transportit nga Maqedonia, Serbia, Mali i Zi dhe Bosnja e Hercegovina.

Biljana Muratovska nga MAKAM TRANS deklaroi se, pas protestës së zhvilluar në janar, Bashkimi Evropian kishte premtuar plotësimin e strategjisë së vizave, por sipas saj ky zotim nuk po respektohet.

“Dhe kjo është gjëja më e çuditshme, domethënë pranojnë se jemi profesionistë, se nuk jemi migrantë, nuk jemi kriminelë, ndërsa më tej vazhdojnë të na i llogarisin ditët. Kjo është diskriminim, sepse të gjitha dokumentet, të cilat janë nënshkruar në bazë dypalëshe me Bashkimin Evropian, shkruajnë se duhet të ketë lëvizje të lirë të fuqisë punëtore, lëvizje të lirë të mallrave, ndërsa ne përballemi me pengesa”, theksoi Biljana Muratovska nga MAKAM TRANS.

Përfaqësuesi i Serbisë, Nexho Mandiq, vlerësoi se koha e qëndrimit në shtetet e zonës Shengen duhet të përllogaritet në orë dhe jo në ditë. Siç u tha, një qëndrim prej vetëm 5 minutash nuk mund të regjistrohet si një ditë e plotë.

Mandiq shtoi se disa transportues tashmë po shmangin udhëtimet dhe kalimin e kufijve, pasi druhen se mund të deportohen ose të gjobiten, përcjell Zhurnal.mk.

The post Transportuesit presin vendimin e BE-së deri më 1 shtator, protestat varen nga takimi në Bruksel appeared first on Albeu.com.