Në një intervistë për “Good Morning Albanians”, Dashnor Memaj tha se ekziston mundësia që bileta e urbanëve nga 40 lekë që është sot të shkojë në 60-70 lekë.

Ai tha se kanë një analizë sa shkon kostoja e transportit, por kurrë nuk janë ulur me institucionet për të folur për sa fitojnë në raport me kostot që shpenzon ky sektor.

“Njohja e patentës direkt në vendet e Bashkimit Europian siç është Gjermania ka ndikuar dhe nxitja ka ardhur pasi shoferët kanë parë njëri-tjetrin, ik njëri merr tjetrin. Nëse ne para 4-5 vitesh kishim 10 kërkesa sot për 10 vende pune mund të vijë vetëm një aplikim,”  u shpreh Memaj.

Sipas tij, diçka e tillë vjen vetëm si pasojë e pamundësisë financiare për të rritur pagat./albeu.com/

The post Shërbimi zero, aksidente pafund, por pronarët e urbaneve kërkojnë më shumë para nga qytetarët appeared first on Albeu.com.

Ditën e sotme (21 mars) policia e Tiranës arrestoi shoferin e urbanit të linjës së Laprakës. 57-vjeçari rezultoi se e drejtonte autobusin nën efektin e alkoolit.

Rreth një vit më parë, më 29 prill 2022 rreth orës 20:10, në afërsi të Kinema Agimi, një autobus i linjës së Unazës së Re u përplas me një automjet dhe përfundoi në Lanë.

Si pasojë e aksidentit mbetën të plagosur 2 personat që ndodheshin brenda automjetit, i cili përfundoi poshtë rrotave të urbanit “Green Line” në lumin Lana.

Më 27 shkurt 2023, një tjetër urban “Green Line” i linjës së Unazës shkaktoi një aksident të shumëfishtë  pranë urës së Tajvanit.

Autobusi u përplas me 9 automjete duke lënë pas 9 të plagosur.

Autobusët e flotës “Green Line”, të cilët kryejnë transportin e qytetarëve të Tiranës përgjatë Unazës së Vogël, u prezantuan një vit më parë dhe kanë shkaktuar jo pak probleme në qytet.

Sipas ekstrakteve në QKB, kjo kompani është regjistruar në emër të “CFO Farma” e cila është në pronësi të biznesmenit Nadir Çausholli.

Po në shkurt 2023, udhëtarët e linjës së Tiranës së Re u terrorizuan pas një sherri me leva hekuri në autobus.

Fatorinoja dhe kontrollori rrahën me leva hekuri një pasagjer pasi ky i fundit kishte hedhur biletën dhe nuk e kishte në dorë kur ia kishin kërkuar ta tregonte.

Më 2 maj 2022, një urban i linjës së “qytetit Studenti-Jordan Misja” u aksidentua në stacion pranë Fakultetitt të Shkencave të Natyrës.

Fatmirësisht nga aksidenti nuk pati të lënduar.

Më 4 maj 2022, autobusi i linjës “Kristal-Qendër” u përplas me një karrotrec po te stacioni i Trenit. Fatmirësisht nuk pati të lënduar.

Edhe pse transporti urban përdoret masivisht nga qytetarët, duket se problematikat do të vijojnë dhe aksush nuk kujdeset të marrë masa./albeu.com

The post “Green Line” përfundon në Lanë, “kërcet” leva te “Tirana e Re”, shoferi i Laprakës tapë në timon, çfarë po ndodh me transportin urban appeared first on Albeu.com.

Këto deklarata vijnë edhe pse u ata u zotuan se subvencioni i qeverisë do të shmangte ndërprerjen e shërbimit apo rritjen e çmimit të biletës.

Sipas shoqatës, kërkesa do të lindë natyrshëm në përfundim të paketës së dytë, nëse nuk do të pasohet nga një tjetër.

Ata shtojnë se në të kundërt, me këtë rritje të inflacionit, ata rrezikojnë falimentimin.

DEKLARATA

Kryetari i Shoqatës së Transportit Publik, Dashnor Memaj, bëri me dije dje në një intervistë për mediat se do të kërkojnë rritje çmimi, e madje edhe më shumë nga sa është kërkuar më herët.

“Në bazë të kërkesës që bëmë ne përpara disa kohësh, për të cilën bëmë edhe një konferencë ku deklaruam se nuk ishim në gjendje të përballonim më shërbimin, pra e studiuam tregun në detaje, për të pasur shërbim cilësor dhe për të përmirësuar flotën e autobusëve do të nevojitej një biletë në vlerën e 70 deri 80 lekëve”, tha ai.

Ai nuk la pa përmendur edhe mungesën e subvencioneve nga shteti midis dy paketave, për muajt qershor e korrik, të cilat çuan ata drejt reduktimit të flotës urbane e madje edhe në kërcënime për mosnxjerrjen në qarkullim të biletave të pajtimit mujor. Për këtë arsye, Memaj insiston për krijimin e një politike afatgjatë për sektorin që përfaqëson.

“Nëse nga shteti nuk ka subvencione afatgjata, ne do ta kërkojmë rritjen e biletës”, shprehet prerë Memaj teksa shton se ka një disblanacë midis çmimit të rritur të naftës dhe asaj të biletës urbane, e cila ka mbetur në vendnumëro që prej disa vitesh.

Dhënia e subvencioneve me periudha tre mujore i ka dhënë një frymëmarrje këtij sektori, i cili me reduktimin e lëvizjeve duket se po var shpresat për mbijetesë në ndihmën e qeverisë duke e kthyer situatën në pikën zero. Paketa e dytë e ndihmës përfundon në muajin pasues, tetor, dhe urbanët do të kthejnë sytë nga qeveria, ose nga udhëtarët. Subvencion ose rritje çmimi. Aq më tepër, kur parashikimet për uljen e çmimit të naftës duken të zymta.

Një gjë e tillë ka bërë disa linja urbane midis qyteteve të abuzojnë duke rritur në mënyrë të njëanshme e të paligjshme çmimin e biletës së udhëtarëve. Sikur kjo të mos mjaftonte, kushtet në shumicën dërrmuese të autobusëve (veçanërisht ato në rrethe) janë jashtë çdo standardi, me mjete të vjetra në qarkullim dhe mungesë kushtesh./albeu.com/

The post Shoqata e Transportit Publik kërcënon qytetarët: Do dyfishojmë çmimin e biletës appeared first on Albeu.com.

Kriza e rënies së pasagjerëve nisi që në vitin 2020 me pandeminë e Covid-19, ndërsa vijon të thellohet për shkak të emigracionit të lartë të popullsisë.

Sipas të dhënave të Bashkisë së Tiranës për periudhën janar-qershor 2021 numri i pasagjerëve që përdorin transportin publik është 49% më pak se e njëjta periudhë e 2019-s. Për 6 mujorin e parë të 2021 rreth 50% e pasagjerëve përdorën abone, ndërsa pjesa tjetër udhëtuan me bileta dhe libreza. Në 2019 rreth 63% e pasagjerëve të linjave urbane përdorën abone, 37% përdorën bileta dhe libreza.

Operatorët kryesorë të linjave urbane në kryeqytet thanë për Monitor se aktualisht numri i pasagjerëve është 40% më pak se viti 2019, që konsiderohet periudha para krizës. Për shkak të rënies së pasagjerëve kompanitë e këtij sektori po funksionojnë me flotë të reduktuar autobusash.

“Me nisjen e fillimit të shkollës numri i pasagjerëve pati një rritje, krahasuar me muajt e verës ku frekuentimi ishte më i ulët. Por frekuentimi vijon të mos jetë në nivelet e parakrizës. Arsyeja e uljes së numrit të pasagjerëve është emigracioni i popullsisë, kryesisht të rinjve”, pohon drejtori i linjës së transportit urban Kombinat-Kinostudio-Tufinë, Kostandin Foni.

Për t’i ardhur në ndihmë sektorit për shkak të shtrenjtimit të çmimit të naftës qeveria miratoi vendimin për rimbursimin me 100 lekë për litër për naftën e shpenzuar për muajt gusht-shtator-tetor. Kjo është paketa e dytë antikrizë në ndihmë të sektorit. E njëjta paketë u përdor për rimbursimin e naftës për muajt mars-prill-maj. Ndërsa për muajt qershor dhe korrik transporti urban në tërësi vuajti shtrenjtimin e kostove nga rritja e çmimit të naftës. Operatorët në Tiranë paralajmëruar ndërprerjen e abonesë nëse nga qeveria nuk merreshin masa.

Tashmë sipas vendimit “Për përcaktimin e procedurave, të dokumentacionit dhe të masës së kompensimit për shoqëritë e transportit të linjave qytetase, rrethqytetase dhe ndërqytetase, pjesë e paketës antikrizë, faza II”, operatorët prej muajit shtator kanë të drejtë të aplikojnë për rimbursimin e naftës. Aplikimet do të pranohet deri në muajin dhjetor 2022.

Kompanitë kryesore të transportit urban në Tiranë pohojnë se vendimi u lehtëson kostot, pasi e çon çmimin e naftës në nivelin e 130 lekë për litër, aq sa e  blinin në 2021. Por për ta subvencionet disamujore, vlerësohen të pamjaftueshme, pasi ndihma reale ndaj sektorit do të ishte duke pasur subvencionim të vazhdueshëm, me qëllim që të mos përsëritet e njëjta situatës si në muajt e verës. /MONITOR

The post Transporti urban në Tiranë vijon me rënien e pasagjerëve; Operatorët: Deri 40% më pak se 2019 appeared first on Albeu.com.

Sipas të dhënave paraprake, në orën 09:30 të mëngjesit të 21 korrikut 2022, pushtuesit rusë bombarduan një ndalesë të transportit publik në rrethin Kyivskyi të Kharkivit me sistemet e raketave lëshuese të shumëfishta Uragan (MLRS).

Për më tepër, trupat ruse filluan një sulm artilerie në distriktin Saltivskyi të Kharkivit, duke goditur një shtëpi banimi dhe tre civilë u plagosën.

Trupat ruse kanë bombarduar ndalesat e transportit publik në Kharkiv për dy ditë me radhë.

Më 20 korrik 2022, tre civilë u vranë, duke përfshirë një djalë 13-vjeçar.

Të plagosur kanë mbetur motra e tij 15-vjeçare dhe një e moshuar./albeu.com

The post Sulm në stacionin e urbanit në Kharkiv, të paktën 20 të plagosur, tre të vrarë appeared first on Albeu.com.

Lajmin e ka bërë të ditur kryeministri Edi Rama gjatë fjalës së tij në një takim me drejtuesit e bankave tregtare në vend, në kryeministri.

Rama shtoi se ky vendim është në kuadër të procesit të digjitalizimit./albeu.com/

The post Rama ndan lajmin: Nuk do të ketë më bileta letre për transportin urban (VIDEO) appeared first on Albeu.com.

Nga drejtoria e Stacionit të autobusëve në Shkup thonë se po vazhdoi ky trend do të ndodh kolaps i transportit publik. Drejtori Omer-Agiq tha se kjo goditje e përditshme e çmimeve do të bëj të pamundur vozitjen e makinave dhe ngarkesa e transportit do të bie mbi autobusët e linjave publike.

“Është jo humane që transportuesit të rritin sërish çmimin e biletave, ne do ta ndërmarrim këtë hap vetëm nëse rrezikohet puna dhe financat bëhen të paqëndrueshme. Meqë kemi shok të çmimit në këtë javë ne nuk kemi ndërmarr masa radikale dhe presim si të ecën situata dhe nëse do kemi ndonjë përgjigje reale”, tha Masar Omer Agiq, Drejtor i Stacionit të Autobusëve.

Nga Shoqata e Transportuesve të udhëtarëve thonë se qytetarët duhet të riorganizojnë udhëtimet e tyre me autobusë për nevojat e përditshme brenda apo edhe jashtë qytetit, andaj kërkojnë subvencione.

“Ne kemi dërguar kërkesë te Qeveria dhe Ministria përkatëse për ndihmë nga shteti. Presim të na thirrin në takim për t’i treguar problemet e transportuesve të udhëtarëve dhe të na japin propozim për zgjidhje”, thonë nga Shoqata e Transportuesve.

Nga Qeveria thonë se do të marrin në shqyrtim kërkesën e tyre, por nuk kanë paraparë diçka të tillë. Ende pa u bërë muaji i plotë, çmimi i biletave të linjave ndër-urbane u shtrenjtuan deri në 20% në të gjithë vendin.

Varësisht nga distanca nga 15 shkurti qytetarët kanë paguar nga 30-120 denarë më shumë. Prej atëherë derivatet janë rritur rreth 25 denarë për litër. Në 150 linjat e autobusëve që janë aktive aktualisht, sipas autoriteteve, çdo ditë udhëtojnë mbi 3,000 qytetarë nëpër gjithë vendin./ Alsat.mk

The post Transporti ndërurban pranë kolapsit në Maqedoninë e Veriut appeared first on Albeu.com.

Përfaqësuesi i shoqatës së Transportit Publik, Konstandin Foni i ftuar në ABC Live këtë të enjte ka dhënë detaje në lidhje me zhvillimet më të fundit nga sektori i shërbimit të transportit urban në kryeqytet.

Foni është shprehur se kërkesat dhe propozimet që u dakordësuam me bashkinë dhe që do të hynin në fuqi në janar akoma nuk ka asnjë shenje në lidhje me këtë.

Sipas tij mosinteresimi nga ana e bashkisë në lidhje me këto kërkesa ka sjellë dhe reagimin e operatorëve të transportit urban të cilët kërkojnë dyfishim të biletës dhe të abonesë.

“Jemi dakordësuar me përfaqësuesit e bashkisë për disa pika që do të ishin lehtësuese për transportin urban dhe që do të futeshin në fuqi në janar, por akoma nuk ka asnjë shenjë në të. kemi rënë dakord që të futet në zbatim heqja e akcizës së naftës, heqja e taksës së qarkullimin, rimbursimi i TVSH 100% dhe një fond nga Bashkia me një vlerë prej 1 milionë euro por jemi në mars dhe ende nuk është implementuar asnjë nga pikat e dakordësuar.

Duke parë që nuk ka asnjë interes ndaj këtij sektori me rritjen e çmimit të naftës kemi kërkuar rritjen e çmimit të biletës nga 40 lekë në 80 lekë duke u bazuar në analizën e të ardhurave të operatorëve tanë.

Edhe abonoja do të rritet sa çmimi i biletës deri në dyfishimin e saj. Akoma nuk ka asnjë interesim në lidhje me këto propozime dhe ngelemi në pritje. Operatorët nuk mund që të rrisin çmimin e biletës, pasi duhet që të marrin vendimin e këshillit bashkiak. Në varësi të operatorëve ka dhe mundësinë e operimit të urbanëve në qytet”, ka thënë ai.

The post Transporti urban në kaos, përfaqësuesi i shoqatës: Bileta dhe aboneja do të dyfishohen appeared first on Albeu.com.

Kreu i Shoqatës, Dashnor Mema, tha se sipas llogaritjeve të ekspertëve çmimi i biletës është llogaritur për 80 lekë bileta.

Është e çuditshme se si të gjithë duan të përfitojnë nga situata energjitike në botë, pas nisjes së luftës në Ukrainë.

Çmimet e naftës kapëryen në shifra rekord në Shqipëri, edhe pse blerjet e naftës nga Rusia nuk kishin nisur ende.

“Siç e shohim stacionet janë plot me njerëz sepse nafta dje na erdhi njoftimi që në pikat e furnizimit do jetë 220 lekë për litër me shumicë. Natyrisht kjo ishte e frikshme sepse asnjë nga operatorët nuk ka kapacitet financiar që të vazhdojë operimin me kapacitet të plotë, por ndërkohë edhe t’i shërbejë qytetarëve. Nëse do vazhdojmë me këtë situata kapitullimi i transportit do jetë për 3-4 ditë maksimalisht.

Zgjerohet harta e ‘paqes’, Rusia do ndalojë sulmet në 5 qytete për të lejuar civilët të largohen

Ne jemi të varur nga rritja e çmimit të naftës dhe duke pasur një heshtje totale nga instancat ne konkretizuam pikat konkrete se çfarë na duhet që të shpëtojmë nga kjo situatë e vështirë ekonomike. Ajo që u vendos të kërkohet më parë dhe që është më emergjentja është rritja e çmimit të biletës. Kjo për shkak se do jepte nëj mundësi që të kishim transport në Republikën e Shqipërisë.  Çmimi i biletës për të përballuar këtë krizë është llogaritur nga ekspertët tanë në 80 lekë për biletë njëpërdorimshme”, tha kreu i shoqatës Dashnor Mema.

Përfaqësuesit e shoqatës thanë se rritja e çmimit të biletës ka mbetur si zgjidhja e fundit për të përballuar krizën në mungesë të një përgjigjeje nga qeveria. Ata shtuan se nëse çmimi i biletës nuk rritet transporti urban do shkojë drejt mbylljes totale./albeu.com/

The post Transporti urban kërcënon: Do dyfishojmë çmimin e biletës për udhëtarët appeared first on Albeu.com.