Kompensimi parashikohet të përfitohet për të gjithë operatorët e transportit publik në vend.

Nga Shoqata Kombëtare e Transportit Qytetas dhe Shoqata Kombëtare e Transportit Urban dhe Ndërqytetas, është kërkuar subvencionim në masën 100 lekë për litër, një skemë e ngjashme me vitin 2022.

Për propozimin e subvencionimit në masën 50 lekë për litër, Kostandin Foni, kryetar i Shoqatës së Transportit Qytetas, tha se nuk arrin të mbulojë kostot shtesë nga shtrenjtimi i naftës. Por ai e vlerësoi pozitivisht si hap të parë propozimin e ministrave për të vijuar normalitetin e shërbimit.

“Në ditët në vijim ne presim që të zhvillojmë një takim me ministrat Ibrahimaj dhe Karakaçi për të diskutuar kostot e operimit për kategoritë që udhëtojnë falas, por edhe kërkesat tona për heqjen e akcizës së naftës dhe uljen e TVSH-së. Vetëm miratimi i tyre do të garantonte qëndrueshmëri për sektorin publik, i cili gjendet në vështirësi që pas Covid-19”, tha Foni.

Për shkak të vështirësive në kosto, një ditë më parë në të gjithë vendin shërbimi i transportit publik u reduktua deri në 60%.

Operatorët e 450 linjave të transportit në vend paralajmëruan përshkallëzime të mëtejshme nëse nuk do të kishte reagim të institucioneve.

Paketa antikrizë e transportit publik dorëzuar ministrave Ibrahimaj dhe Karakaçi

Në kushtet e rritjes së ndjeshme dhe të vazhdueshme të çmimit të karburantit, e cila ka krijuar një disbalancë të thellë midis kostove reale të operimit dhe të ardhurave të pandryshuara të sektorit, paraqesim për diskutim këto kërkesa prioritare, të mbështetura në precedentë ligjorë dhe në nevojën për garantimin e një shërbimi publik esencial:

Miratimi i një pakete antikrizë emergjente, në përputhje me precedentët ekzistues

Kërkohet ndërhyrje e menjëhershme përmes një pakete mbështetëse financiare, duke marrë si bazë ligjore dhe praktike VKM nr. 225, datë 13.04.2022 “Për përcaktimin e procedurave, të dokumentacionit dhe të masës së kompensimit për shoqëritë e linjave të transportit qytetas, rrethqytetas dhe ndërqytetas, pjesë e paketës antikrizë”, e cila është miratuar në kushte të ngjashme krize për kompensimin e kostove të karburantit për operatorët e transportit publik me 100 lekë/litër. Ky vendim, i mbështetur në nenin 100 të Kushtetutës dhe në legjislacionin buxhetor (ligji për buxhetin e shtetit), ka sanksionuar parimin e ndërhyrjes së shtetit në situata të jashtëzakonshme për garantimin e vazhdimësisë së një shërbimi publik jetik.

Nga të dhënat e përgjithshme rezulton se paketa financiare e asaj periudhe ka qenë në vlerën rreth 500 milionë lekë, nga e cila është përdorur rreth 55–60% e fondit, për një periudhë rreth 6-mujore.

Ky precedent provon qartë se ndërhyrja është e mundur dhe e justifikuar ligjërisht, efekti financiar është i përballueshëm për buxhetin e shtetit dhe mekanizmi i kompensimit është i zbatueshëm dhe i verifikueshëm përmes dokumentacionit tatimor dhe kontrollit administrativ.

Në këto kushte, kërkohet riaktivizimi i një skeme të ngjashme, të përshtatur me nivelin aktual të çmimeve dhe kostove reale të sektorit.

Rishikimi i menjëhershëm i barrës fiskale, heqja e taksës së qarkullimit

Duke qenë se taksa e qarkullimit përbën një komponent të rëndësishëm në strukturën e çmimit të karburantit, kërkohet pezullimi ose përjashtimi i përkohshëm i saj për operatorët e transportit publik. Kjo taksë është e përcaktuar në Ligjin nr. 9975, datë 28.07.2008 “Për taksat kombëtare”, i ndryshuar, në nivelin 27 lekë/litër, së bashku me taksën e karbonit prej 3 lekë/litër, dhe aplikohet në mënyrë të njëtrajtshme mbi benzinën dhe gazoilin.

Duke qenë një barrë fikse që përfshihet në çmimin final, ajo rëndon proporcionalisht më shumë në kushtet e rritjes së çmimeve të tregut. Në funksion të interesit publik dhe duke marrë në konsideratë natyrën e veçantë të transportit publik si shërbim social, pezullimi i kësaj takse për këtë sektor përbën një masë të justifikuar dhe të mbështetur në parimin e proporcionalitetit fiskal.

Heqja ose pezullimi i akcizës mbi karburantin për këtë sektor

Akciza mbi karburantin, e përcaktuar po në kuadër të Ligjit nr. 9975/2008 dhe legjislacionit fiskal përkatës, aplikohet në nivelin rreth 39.4 lekë/litër për naftën dhe përbën një nga komponentët kryesorë të çmimit final. Si taksë indirekte me efekt të drejtpërdrejtë në koston e operimit, ajo rëndon ndjeshëm mbi operatorët e transportit publik, të cilët nuk kanë mundësi të transferojnë këtë kosto te konsumatori për shkak të tarifave të rregulluara.

Në këto kushte, vazhdimi i aplikimit të akcizës në të njëjtin nivel krijon një disproporcion të dukshëm ndërmjet barrës fiskale dhe kapacitetit ekonomik të sektorit, duke cenuar parimin e drejtësisë dhe proporcionalitetit në taksim. Vetë legjislacioni shqiptar parashikon përjashtime për sektorë të caktuar (si peshkimi), çka përforcon argumentin për trajtim të diferencuar edhe për transportin publik.

Heqja e TVSH-së

TVSH-ja, e rregulluar nga Ligji nr. 92/2014 “Për tatimin mbi vlerën e shtuar”, aplikohet në nivelin standard 20%, duke rritur drejtpërdrejt çmimin përfundimtar dhe duke kufizuar aksesin në këtë shërbim esencial. Duke qenë se transporti publik përmbush një funksion social dhe ekonomik, si dhe duke marrë në konsideratë praktikat e vendeve të rajonit ku kjo normë varion nga 0% deri në 5%, kërkohet heqja e plotë ose reduktimi i TVSH-së.

“Në rast se masat e mësipërme fiskale nuk janë të realizueshme në afat të menjëhershëm, kërkohet që të aplikohet një mekanizëm kompensimi financiar i drejtpërdrejtë, i bazuar në faturat reale të furnizimit me karburant, deklarimet tatimore dhe nivelin e konsumit të verifikuar sipas aktivitetit të licencuar”./Monitor

The post Rikthimi i normalitetit të transportit publik, kompensim i naftës 50 lekë për litër/ Çfarë parashikon marrëveshja e arritur appeared first on Albeu.com.

Duke filluar nga sot (15 prill) ato do të reduktojnë me 40% numrin e autobusëve në Tiranë dhe flotën e mjeteve në rrethe, përfshirë autobusët dhe furgonat.

Shoqatat deklarojnë se, pavarësisht kërkesave të përsëritura dhe një takimi me institucionet më 1 prill 2026, nuk është marrë asnjë masë konkrete mbështetëse.

Sipas tyre, mungon një skemë kompensimi për rritjen e çmimit të karburantit, nuk ka plan veprimi për lehtësimin e barrës financiare, nuk është dhënë asnjë afat për ndërhyrje dhe nuk ka nisur rishikimi i elementeve fiskale si akciza, TVSH-ja apo taksa e qarkullimit.

Kjo situatë ka përkeqësuar ndjeshëm gjendjen financiare të operatorëve, duke i detyruar ata të ulin mer 40% shërbimin si një masë emergjente për të përballuar kostot.

“Shoqata Kombëtare e Transportit Qytetas dhe Shoqata e Transportit Urban dhe Interurban informojnë qytetarët se, pavarësisht problematikës së ngritur prej javësh dhe takimit të zhvilluar më datë 01.04.2026 me institucionet përgjegjëse, deri në këtë moment nuk është marrë asnjë masë konkrete mbështetëse për sektorin e transportit publik. Kështu konstatojmë se:

a) Nuk është miratuar asnjë skemë kompensimi për rritjen e çmimit të karburantit, pavarësisht kërkesës së përsëritur të operatorëve;

b) Nuk ka një vendim zyrtar apo plan veprimi për lehtësimin e barrës financiare të sektorit;

c) Nuk është dhënë asnjë afat konkret për ndërhyrje nga institucionet përgjegjëse;

d) Nuk ka nisur asnjë proces për rishikimin e elementeve fiskale që ndikojnë drejtpërdrejt në kostot operative (akcizë, taksë qarkullimi, TVSH).

Kjo mungesë reagimi dhe veprimi konkret ka përkeqësuar ndjeshëm situatën financiare të operatorëve, të cilët ndodhen tashmë në kushte tejet të vështira për të përballuar vazhdimin e aktivitetit.

Për pasojë, ju bëjmë me dije se, duke filluar nga nesër (sot) do të reduktojmë numrin e mjeteve në qarkullim duke e ulur me 40% flotën në shërbimin e transportit publik, si një masë e detyruar për përballimin e kësaj situate emergjente.

U bëjmë thirrje qytetarëve për mirëkuptim dhe të parashikojnë kohën e udhëtimit , duke theksuar se kjo situatë nuk vjen si rezultat i vullnetit të operatorëve, por si pasojë direkte e mungesës së ndërhyrjes institucionale në kohë.

Shoqatat mbeten të hapura për dialog dhe bashkëpunim, por theksojnë nevojën për ndërhyrje të menjëhershme dhe efektive”, thuhet në njoftim e bërë publik ditën e djeshme.

The post Nuk u kompensuan pas rritjes së çmimit të naftës/ Transporti publik reduktohet me 40% në të gjithë Shqipërinë, qytetarët përballen me pritje dhe vonesa në stacione appeared first on Albeu.com.

Eurostat, ka publikuar të dhënat lidhur me përdorimin e transportit publik nga vendet e ndryshme të Europës. Gati 17% e shqiptarëve e përdorin transportin publik çdo ditë, duke u renditur në vend të pestë në Europë, pas Hungarisë, Zvicrës, Çekisë dhe Luksemburgut dhe më lart se mesatarja europiane prej 10.7%.

Transporti publik përfshin autobusët, tramvajet, trenat dhe metronë, etj., por nuk përfshin mjetet që mund të merren me qira në mënyrë private sipas dëshirës së përdoruesit (p.sh. taksi ose biçikleta), sipas metodologjisë së Eurostat.

20.4% e shqiptarëve e përdorin transportin publik çdo javë, të tretët në Europë pas Zvicrës dhe Luksemburgut. Gati 21% e përdorin çdo muaj, të dytët pas Turqisë. 11.6% e përdorin më pak se një herë në muaj, ndër të fundit në Europë. 30.2% nuk e përdorin fare transportin publik, sërish ndër të fundit në Europë.

Meshkujt e përdorin më shumë transportin publik se femrat. Sipas Eurostat, 17.9% e meshkujve mbi 16 vjeç udhëtojnë çdo ditë me autobus dhe 15.8% e femrave.

Sipas grupmoshave në Shqipëri, çdo ditë transportin publik e përdorin më shumë të rinjtë:

-33.8% e meshkujve nga 16 në 29-vjeç;

-34.9% e femrave nga 16 në 29-vjeç;

-15.3% e femrave nga 30 në 64-vjeç;

-18.8% e meshkujve nga 30-64-vjeç

-4% e pensionistëve;

Përdorimi i lartë i transportit publik, pavarësisht mjeteve të kufizuara vetëm tek autobusët, lidhet dhe me numrin e ulët të mjeteve për banorë në Shqipëri.

Sipas të dhënave të tjera të Eurostat, në raport me popullsinë, Shqipëria ka në total 443 mjete për 1 mijë banorë, që pavarësisht rritjes mbetet ndër më të ulëtat në Europë. P.sh., vetëm për autoveturat, Shqipëria kishte 328 mjete për 1000 banorë në vitin 2024, nga 578 që është mesatarja europiane.

Europa
Sipas publikimit të Eurostat, në vitin 2024, 10.7% e personave (16 vjeç e lart) në BE përdornin çdo ditë një formë të transportit publik, 11.6% e përdornin çdo javë, 10.0% çdo muaj, ndërsa 17.1% e përdornin më rrallë se një herë në muaj. Nga ana tjetër, 50.6% nuk e përdornin fare transportin publik.

Ndër vendet e BE-së, pjesa më e madhe e popullsisë që nuk e përdorte transportin publik në vitin 2024 ishte në Qipro, me 85% të popullsisë, e ndjekur nga Italia (68.0%), Portugalia (67.8%), Franca (65.1%), Sllovenia (61.6%) dhe Greqia (61.3%).

Në skajin tjetër të shkallës qëndronte Luksemburgu, ku vetëm 15.7% e njerëzve nuk e përdornin transportin publik në vitin 2024, i ndjekur nga Estonia (26.6%) dhe Suedia (26.7%).

Sa i përket përdorimit çdo javë të transportit publik, Luksemburgu regjistroi pjesën më të lartë, me 23.1% të popullsisë që e përdorte, i ndjekur nga Letonia (19.2%) dhe Estonia (18.2%)./Monitor

The post Vetëm me autobusë, shqiptarët ndër banorët që përdorin më shumë transportin publik në Europë appeared first on Albeu.com.

Shpëtim Bendaj e ndan jetën mes Beratit dhe Londrës dhe sipas tij, dallimi i madh mes dy qyteteve nis nga transporti publik.

“Kur unë zbres në Londër me bashkëshorten dhe djalin, që në aeroport janë të renditur autobusët sipas qyteteve dhe stacioneve. Për çdo qytet të Britanisë së Madhe apo stacionet qendrore kanë linjën e vet të autobusit, por edhe të trenit”, thotë ai.

Shumë larg nga Britania e Madhe, në qytetin e lindjes së Bendajt transporti publik nuk i mbulon të gjitha zonat. Ky problem nuk është i kufizuar vetëm në qytetin e Beratit.

“Kjo gjë nuk është as në Tiranë e as në Berat, sepse unë përdor edhe transportin publik në Tiranë. Në Berat, transporti publik ofrohet vetëm në qendrat e banuara, nuk ka në të gjitha zonat. Veç kësaj, në Berat pas orës 10 PM nuk funksionon transporti publik”, shtoi ai.

Dhjetëra qytetarë të tjerë i thanë Faktoje përmes një pyetësori të publikuar online se; cilësia e transportit publik në Shqipëri është e dobët ose shumë e dobët, ndërsa përballen me vonesa, mbingarkesë dhe mungesë të kushteve në autobusët urbanë.

Pyetësori u plotësua nga 76 qytetarë; 92 për qind e të cilëve jetojnë në Tiranë dhe gjysma e të cilëve janë frekuentues të përditshëm të transportit publik urban.

Rreth 80% e të anketuarve, e vlerësuan cilësinë e shërbimit si shumë të dobët (54%) dhe të dobët (25%), ndërsa vetëm 6% e tyre e vlerësuan atë si të mirë. Të anketuarit vlerësuan si probleme kryesore mbingarkesën e autobusëve dhe vonesat, ndjekur nga mungesa e kondicionerëve dhe trafiku i rënduar.

Ekspertët bien dakord me qytetarët, ndërsa vlerësojnë se transporti publik është në gjendje kome në Tiranë. Sipas urbanistit Gentjan Kaprata, kjo situatë vjen për shkak të shpejtësisë së ulët me të cilin lëvizin autobusët, vonesës nëpër stacione dhe cilësisë së keqe të këtyre mjeteve.

“Në Tiranë autobusët lëvizin deri në 7 km/h, është e paimagjinueshme për një shërbim të tillë”, tha Kaprata për Faktoje.

“Sigurisht jo të gjitha linjat janë njësoj, por mesatarja është kjo gjendje”,shtoi ai.

Problemet pranohen edhe nga kreu i Shoqatës së Transportit, Dashnor Memaj, i cili thekson megjithatë se faji nuk është vetëm i operatorëve.

Sipas Memajt, është e domosdosjme që mjetet e transportit publik të kenë korsi të dedikuara dhe kjo është në dorën e strukturave shtetërore.

“Qytetarët natyrisht kërkojnë shërbim më cilësor dhe më të mirë si në aspektin e infrastrukturës, por edhe të viteve të mjeteve. Kjo nuk është në dorë të operatorëve 100%, që do të thotë duhen korsitë e dedikuara, stacionet, tabelat e orareve”. tha Memaj.

“Në këtë mënyrë autobusi lëviz me shpejtësi më të madhe, nuk krijohen radhë në stacionet pasardhëse dhe nuk ka ngarkesë”, shtoi ai.
Përgjegjësi e bashkive

Cilësia e transportit publik, është një problem i mbartur në të gjithë territorin e Shqipërisë për shkak të mungesës së investimeve dhe mundësisë së qytetarëve, për të paguar një shërbim më cilësor. Problemi është më i dukshëm në Tiranë, ku jeton thuajse 1/3 e popullsisë së vendit në një qytet që zgjerohet çdo ditë.

Denisi, është njëri prej qytetarëve që përdor çdo ditë linjën e Porcelanit për të shkuar në punë. Ai thotë se vonesat, mbingarkesa dhe mungesa e higjienës janë problemet që duhet të vuajë përditë.

“Janë të mbingarkuar me njerëz në tërësi të gjitha linjat. Kanë probleme me higjienën dhe ndezjen e kondicionerëve. Gjithashtu kanë vonesa. Mbingarkesa është në mëngjes më së shumti, por ka edhe gjatë ditës”, thotë ai.

Të njëjtën përvojë ndan edhe Xheni, e cila duhet të ndërrojë dy linja çdo mëngjes për të mbërritur në punë. Ajo i tha Faktoje se përdor më së shumti linjat Institut-Qendër dhe Unazën, për të cilat ankohet se mungon sistemi i ajrimit përmes ajrit të kondicionuar.

“Sistemi i ventilimit dhe kondicionimit nuk përdoret fare. Me rezerva, në kohë piku, stinë vere apo dimri. Urbanët vijnë nga Europa perëndimore dhe veriore me klime ndryshe nga ne. Por, edhe nëse përdoret kondicioneri është pothuajse jo efiçent”, shkroi ajo për Faktoje.

Linjat e tjera të autobusëve urbanë në Tiranë ndajnë probleme të ngjashme. Linja Qendër- Sanatorium, e cila e lidh qytetin me njërin nga spitalet më të mëdha të vendit spitalin universitar “Shefqet Ndroqi” – ka sipas përdoruesve të saj një numër të kufizuar autobusësh.

“Çdo 60 minuta autobus në një pikë kyçe si spitali universitar ‘Shefqet Ndroqi’, si rrjedhojë mbingarkesë, mungesë kondicionerësh dhe qershia mbi tortë, trafik i rënduar në Senatorium ku parkohet çdo ditë në vendin e parkimit të autobusit”, shkruan njëri prej përdoruesve.

Qytetarët bëjnë përgjegjës pushtetin vendor, në lidhje me cilësinë e dobët të shërbimit dhe kërkojnë më shumë vëmendje nga bashkitë për korrigjimin e problematikave.

Rreth 90% e anketuesve, thonë se transporti publik nuk merr vëmendjen e duhur nga bashkitë e vendit, ndërsa 74% e tyre bëjnë përgjegjës në mënyrë të drejtpërdrejtë bashkitë për cilësinë e dobët të këtij shërbimi.

Operatorët privatë kërkojnë zgjidhje

Dashnor Memaj nga Shoqata e Transportit, thotë se përpjekjet e operatorëve privatë janë të kufizuara dhe se qeveria duhet të ofrojë mbështetje dhe një politikë afatgjatë për transportin publik, në mënyrë që të përmirësohet shërbimi.

Sipas Memajt, operatorët privatë e kanë të pamundur që të rinovojnë flotat e tyre të autobusëve në kushtet kur janë rritur kostot e mirëmbajtjes dhe të punonjësve.

Ai ankohet gjithashtu se mbështetja nga shteti është zero, ndërkohë që abonetë për studentët apo shtresa të tjera vulnerabël janë nën kosto.

“Problemi i operatorve është se s’kanë siguri si do të operohet dhe si do të jetë situata ekonomike, kur çdo gjë rritet dhe kostot e mirëmbajties dhe pagat e punëtorëve po rriten”, tha Memaj.

“Kërkesat tona kanë qenë të vazhdueshme, por asnjëherë s’janë marrë seriozisht për plotësim”, thekson ai.

Urbanisti Gentjan Kaprata, mendon gjithashtu se shteti nuk mund t’ua lërë të gjithë barrën operatorëve privatë për zgjidhjen e problemeve të transportit publik dhe se nevojitet ndërhyrje përmes buxhetit të përbashkët që paguajnë qytetarët në formën e taksave për Bashkitë.

Kaprata thonë se nëse situata lihet në gjendjen aktuale, kompanitë që operojnë linjat e transportit urban në Tiranë mund të përballen me falimentim për 2-3 vitet e ardhshme.

“Të ndërhyjmë nëpërmjet buxhetit tonë të përbashkët, buxhetit të Bashkisë Tiranë ku ne si të gjithë qytetarë jemi kontributorë. Të ndërhyjmë duke subvencionuar këtë shërbim, por duke ecur paralelisht me cilësinë”, propozon Kaprata.

Ai shtoi megjithatë se rruga preferenciale, është gjetja e një mekanizmi ligjor që çmimi i biletave të jetë i tillë që të ofrojë një shërbim cilësor të transportit publik në Tiranë, ndërkohë që Bashkia duhet të kontrollojë normën e fitimit paralelisht me rritjen e cilësisë së shërbimit./ Faktoje.al

The post Anketa e kryeqytetit/ Transporti publik në Tiranë është “katastrofë” appeared first on Albeu.com.

I gjithë vendi evropian i Luksemburgut, duke përfshirë kryeqytetin e tij me të njëjtin emër, hoqi tarifat në vitin 2020, pasi kryeqyteti i Estonisë, Talini, prezantoi politikën në 2013.

Nga mbrëmja e djeshme, banorët e Montpellier-it me një leje të posaçme mund të udhëtojnë me tramvajë dhe autobusë pa pagesë në qytetin jugor.

Vizitorët dhe turistët do të duhet të paguajnë 1,60 euro (1,70 dollarë) një udhëtim. Michael Delafosse, kryetari i bashkisë premtoi transport publik falas kur u zgjodh në vitin 2020.

Ai filloi duke futur udhëtime falas në fundjavë atë vit, më pas vitin e ardhshëm i zgjeroi ato për të gjithë personat nën 18 ose mbi 65-vjeç gjatë gjithë javës.

Delafosse tha se nisma ishte pjesë e një angazhimi evropian ndaj klimës dhe fuqisë blerëse. Rikujtojmë, se Roma do të jetë qyteti i parë revolucionar në Itali, ku nxënësit deri në moshën 19-vjeç do të udhëtojnë falas në mjetet e transportit publik përgjatë gjithë vitit shkollor.

Sipas ligjit në fuqi në mjetet e transportit publik janë të detyruar të paguajnë biletën fëmijët nga moshat 11-vjeç e deri në moshë madhore.

Abonimet mujore të transportit publik sipas të ardhurave familjare shkojnë nga 150 deri në 250 euro e për familjet me dy fëmijë adoleshentë në shkollë, kosto mujore për lëvizjen e tyre është 500 euro.

The post Transporti publik falas, për cilin qytet bëhet fjalë appeared first on Albeu.com.

Kjo shifër përfshin autobusët dhe tramvajin që u dogjën, dy tramvaje që u dëmtuan, si dhe stolat e thyer në ndalesa, tha IDFM për AFP, duke konfirmuar informacionin e raportuar më parë nga gazeta Le Parisien.

Javën e fundit, gjithsej 39 autobusë u dogjën në zonën e madhe të Parisit. Çdo autobus kushton pothuajse 350 mijë euro, sipas shifrave të organizatës.

Edhe pse trazirat tashmë janë reduktuar ndjeshëm, autobusët dhe tramvajet u kthyen në stacione në orën 21:00, për sigurinë e punëtorëve dhe pasagjerëve.

The post Trazirat në Francë, 20 milionë euro dëme vetëm në transportin publik appeared first on Albeu.com.

Kryetari i Shoqatës Kombëtare të Transportit Qytetas Kostandin Foni tha se aktualisht numri i pasagjerëve në linjat urbane është tkurrur 35% krahasuar me vjet. Sipas tij arsyeja kryesore e rënies është emigracioni i lartë, kryesisht i të rinjve.

Shqetësim për operatorët e linjave urbane mbetet thellimi i humbjeve nga mungesa e kompensimit të plotë të abonesë për studentët.

Nisma e bashkisë së Tiranës “Abone falas për studentët” ka nisur zbatimin nga 1 nëntori 2022. Me vendim nr. 101, datë 1 9.10.2022 “Për kompensimin e biletës së pajtimit mujor, të përgjithshëm (abonesë së studentit) për studentët e pajisur me kartë studenti për të gjitha linjat, në transportin qytetas në bashkinë e Tiranës” është përcaktuar dhe mënyra e kompensimit, bazuar në vendimin e mësipërm, pra kompensimi për 600 lekë/abone e shitur. Drejtues të shoqatës pohuan se deri tani operatorët nuk kanë përfituar kompensimin për çmimin e plotë të saj në vlerën e 1,600 lekëve, çka ka sjellë jo vetëm rënie të biletave, por edhe abuzime me shitjen e aboneve.

Në letrën “Ankesë për mungesën e kompensimit të abonesë së studentit” dërguar bashkisë së Tiranës Shoqatës Kombëtare të Transportit Qytetas thotë se mos kompensimi çdo muaj po shkakton dëme financiare dhe rënie 35% të shitjeve të biletave.

“Pavarësisht faktit se nuk kemi qenë dakord me aplikimin e kësaj nisme në mënyrë kaq të shpejtë dhe urgjente, pavarësisht se jemi ndjerë “të detyruar” ta zbatojmë atë, ne kemi respektuar çdo kërkesë tuajën. Gjendur në këto kushte kërkojmë që kompensimi të kryhet në çdo kohë, për çdo muaj, duke mos na shkaktuar, më dëme financiare që po çojnë gjithnjë e më tepër drejt falimentit.

Shpërndarja falas e aboneve të studentit ka rritur kostot tona financiare, ka ulur ndjeshëm në masën 35% shitjet e biletave të tjera dhe ka shkaktuar gjendje të vështirë ekonomike-financiare në kryerjen me eficencë të shërbimit. Duke shtuar faktin se kjo nismë, tashmë po vazhdon është aplikuar, duke mos realizuar kompensimin sipas ligjit për çdo muaj, ju po vazhdoni të rëndoni gjendjen tonë financiare, duke krijuar pamundësi në realizimin e shërbimit me eficencë dhe cilësi”.

Kompanitë ngritën edhe më herët shqetësimin se për secilin operator në Tiranë shitjet e biletave ranë 37% nga shpërndarja e aboneve falas. Në fund të muajit tetor Shoqata Kombëtare e Transportit Qytetas në një letër drejtuar kryetarit të bashkisë Tiranë Erjon Veliaj dhe ministres së Arsimit Evis Kushi kërkonte rimbursimin e plotë në vlerën e 1,600 lekë të aboneve të studentëve që shpërndahen falas, pasi dhënia e tyre falas rrezikonte falimentimin e 11 kompani të transportit urban për 16 linja.

Po ashtu Shoqata kombëtare e Transportit Qytetas paralelisht i ka dërguar edhe një kërkesë bashkisë për realizimin e premtimeve, si: Rimbursimin e vlerës për abonenë e studentit nga 600 lekë në 1,600 lekë bazuar në kushtet aktuale dhe ndikimit të nismës “Abone studenti falas”; Rimbursimin e akcizës së karburantit bazuar në konsumin e deklaruar sipas raportimit në Drejtorinë e Përgjithshme të Tatimeve dhe pranë Drejtorisë së transportit në Bashkinë Tiranë nga secili operator i transportit publik qytetas; Rimbursimi i TVSH-së në shitje për biletat dhe abonetë.

Shoqata thekson se në rast se pikat e mësipërme nuk arrijnë të zbatohen brenda një periudhe afatshkurtër, atëherë me dakortësinë e të gjithë operatorëve të transportit publik qytetas kërkojmë që secili operator të paguhet në lekë/km./ monitor

The post Babëzia e transportit urban, duan sërish para nga taksat e kryeqytetasve, por shërbimin e kanë përtokë appeared first on Albeu.com.

Kjo u vërtetua edhe sonte nga autobusët e Unazës, “Go Green”, nga të cilët më sa duket shumë pak do kenë mbetur pa u përfshirë në një aksident.

Autobusi është përfshirë në aksient në Unazëne  Re, në zonën e Astirit dhe mësohet se është futur në një rreth rrotullim me shpejtësi tej normave.

Kjo vjen vetëm pas aksidentit të muajit të kaluar në kryeqytet, ku ishte i përfshirë sërish një urban i “Green Line”.

Autobusi mori para 9 automjete në zonën e “Shallvareve” dhe disa persona mbetën të plagosur, teksa duke se nga kompania përkatëse nuk janë marr masat.

Ndërkohë një vit më parë një tjetër autobus i “Green Line” përfundoi në Lanë, duke rrezikuar sigurinë dhe jetën e qytetarëve.

Ndërkohë as institucionet e as kompania përkatëse nuk kanë reaguar përballë këtyre ngjarjeve, edhe pse vazhdojnë të përsëriten.

/AlbEu.com

The post “Mallkimi” i autobusëve “Green Line”, tjetër aksident në Tiranë, qytetarët të pasigurt në transportin publik appeared first on Albeu.com.

Ai tha për Euronews se është e domosdoshme që qytetarët të përmirësojnë higjienën personale.

Ai ka shtuar se sado përmirësime të ketë në shërbimin urban, qytetarët duhet të ndërgjegjësohen për higjienën e tyre, pasi në urban është e pamundur të qëndrosh nga aromat e këqija.

“Është nevoja e përmirësimit të atyre që hipin në autobusë. Absolutisht, ai është shërbim publik dhe ti je i detyruar të jesh higjenikisht ashtu siç duhet.

Unë mendoj se në urban hipin qytetarë dhe jo njerëz që janë pranë botës së kafshëve. Higjiena trupore e njeriut, ata vijnë aty dhe kundërmojnë era djersë dhe tërbojnë dynjanë dhe është e pamundur. Kjo ja ul vlerën shërbimit urban”, tha Tushi./Albeu.com/

The post “Qytetarët në urbanë kundërmojnë erë djerse”, sociologu: S’kanë higjienë personale appeared first on Albeu.com.

Në këtë kuadër, gjatë 24 orëve të fundit, rëndësi e veçantë i është kushtuar kontrolleve të befasishme të drejtuesve të mjeteve të transportit publik, në linja të ndryshme të autobusëve, në kryeqytet.

Ditën e djeshme i janë nënshtruar testit të alkoolit, 25 drejtues të mjeteve të transportit publik, me qëllim parandalimin e aksidenteve rrugore dhe për t’iu siguruar qytetarëve, një transport sa më të sigurtë./albeu.com

The post Policia e Tiranës aksion blic, u bën testin e alkoolit shoferëve të mjeteve të transportit publik appeared first on Albeu.com.