Transgjinore Archives - Albeu.com

U akuzua se ishte transgjinore, Khelif çon në gjyq Musk, JK Rowling dhe Trump

D Marku — Wed, 14 Aug 2024 16:10:57 +0000

Imane Khelif ishte një nga sportistet që u vu në qendër të vëmendjes gjatë këtyre Lojërave Olimpike, pasi u akuzua se ishte një transgjinore.

Edhe pse kishte shumë akuza ndaj saj, ajo arriti sërish të fitonte medaljen e artë në boks dhe menjëherë pas kësaj ka nisur një rrugë gjyqësore ndaj dy personazheve të njohur, të cilët e kishin akuzuar publikisht, Elon Musk dhe JK Rowling, ndërsa një emër i përmendur është dhe ai i Donald Trump.

Avokati i Khelif, Nabil Boudi tha për Variety : “JK Rowling dhe Elon Musk janë përmendur në padi, Trump shkroi në Twitter, kështu që pavarësisht nëse ai përmendet apo jo në padinë tonë, ai në mënyrë të pashmangshme do të shqyrtohet si pjesë e prokurorisë. Ajo që ne kërkojmë është që prokuroria të hetojë jo vetëm këta persona, por këdo që e ndjen të nevojshme. Nëse çështja shkon në gjykatë, ata do të dalin në gjyq”.

Algjeriania ka lindur femër dhe nuk identifikohet si transgjinore apo interseks, por Khelif u përball me kritika në mediat sociale nga një numër figurash publike duke thënë se ajo është mashkull dhe nuk duhet të marrë pjesë.

Autorja e Harry Potter-it, Rowling, sulmoi Khelif pas fitores së saj ndaj boksieres italiane Angela Carini. Kjo e fundit e la ndeshje e raundit të 16 vetëm pas 46 sekondash, duke refuzuar t’i shtrëngonte dorën Khelifit dhe duke pretenduar se ajo kurrë nuk ishte goditur aq fort.

Rowling e akuzoi Khelifin se ishte një burrë që shijonte shqetësimin e një gruaje që sapo e goditi me grusht në kokë.

Musk, ndau një postim rreth Khelif duke pretenduar se burrat nuk i përkasin sporteve të grave. Dhe Trump postoi një foto nga lufta Khelif-Carini me mbishkrimin: “Unë do t’i mbaj burrat jashtë sporteve të grave!”.

The post U akuzua se ishte transgjinore, Khelif çon në gjyq Musk, JK Rowling dhe Trump appeared first on Albeu.com.

Reagimi epik i Edona James kur në live e thërrasin ‘Kujtim’

D Marku — Mon, 12 Feb 2024 18:24:28 +0000

Transgjinorja nga Suhareka, Edona James, ka qenë një nga personazhet më të komentuar gjatë kohës sa ishte në Big Brother VIP Kosova 2.

Ajo bëri bujë të madhe, teksa ka qenë origjinale, pozitive dhe tërësisht pa filtra.

Pas përfundimit të spektaklit, bukuroshja është shfaqur live disa herë në TikTok.

Në një video që ka qarkulluar së fundmi në rrjetet sociale, komentuesit duket se e kanë thirrur me emrin e saj kur ishte djalë, Kujtim. Reagimi i saj ishte epik, por që e ka marrë me sportivitet duke thënë: “Kujtojnë njerëzit se kur ma përmendin emrin Kujtim më dhemb zemra”.

Biondja u rendit e katërta në finalen e Big Brother, ku fitues u shpall Lumbardh Salihu.Ai arriti të fitojë plot 144 mijë euro nga ky edicion i dytë.

The post Reagimi epik i Edona James kur në live e thërrasin ‘Kujtim’ appeared first on Albeu.com.

E bujshme nga mediat franceze, Mbappe në një lidhje me modelen transgjinore

admin — Wed, 31 Aug 2022 13:25:57 +0000

Kylian Mbappe në një lidhje me Ines Raun? Mediat italiane, si “Corriere dello Sport” dhe shumë media në Francë, po raportojnë se ylli francez i futbollit dhe modelja transgjinore janë bashkë prej muajsh.

Francezja është modelja e parë trans që ka zbukuruar kopertinën e Playboy në vitin 2017 dhe ka bërë histori. Rau është një modele dhe prezantuese e cila u bë e njohur për shkak të këtij seti fotografik të veçantë.

Mbappé, in Francia sicuri: la nuova fidanzata è la modella transgender Ines Rau https://t.co/w0T2rKVsQZ pic.twitter.com/nJdIRAuKkG

— Serie B BKT (@serieB123) August 30, 2022

Për një kohë të gjatë Rau nuk kishte folur për gjininë e saj, sepse ajo pretendonte se kishte frikë. Por në një moment ajo vendosi të fliste hapur për jetën e saj. Rau deklaroi se “bukuria e çdo gruaje duhet të nderohet”.

Modelja franceze u shfaq për herë të parë me asin e PSG-së muaj më parë në Kanë. Që atëherë ata janë parë bashkë në evente të ndryshme ndërsa mediat italiane raportojnë se kanë pushuar bashkë dhe kanë foto të përbashkëta.

Crecen los rumores de romance entre Mbappé e Inès Rau, primera transgénero ‘conejita’ de Playboy https://t.co/sYhokZ6wRa

— okdiario.com (@okdiario) August 19, 2022

Mbappe u lidh kohët e fundit me aktoren e njohur franceze Emma Smet, por gjërat nuk shkuan mirë.

Transgjinorja Rau, 32-vjeçare, e cila në vitin 2018 publikoi edhe një libër me titullin “Gruaja”, shkruante në të për ndryshimin e gjinisë: “Ndjej se shpirti im më në fund është i lirë, sikur dryni që më mbajti mbyllur, ka kaq kohë që është hapur. Këtë herë jam plotësisht femër!”

Ajo iu nënshtrua një operacioni për ndryshimin e gjinisë në moshën 16-vjeçare./ h.ll/albeu.com

The post E bujshme nga mediat franceze, Mbappe në një lidhje me modelen transgjinore appeared first on Albeu.com.

Dështon atletja e parë transgjinore në Lojërat Olimpike, e nis keq provën e parë

E S — Mon, 02 Aug 2021 14:04:46 +0000

Atletja transgjinore Laurel Hubbard shkoi historinë në Lojërat Olimpike, por dështoi në çdo tentim për të ngritur peshë +87 kilogramë në garën e grave në peshëngritje në Tokio.

Hubbard, nga Zelanda e Re, u bë transgjinorja e parë që merr pjesë në Olimpiadë në një kategori ndryshe nga ajo në të cilën ishte lindur.

Por pas një tentimi të dështuar për t’i ngritur 120 kilogramë dhe dy përpjekjeve të dështuara për t’i cuar 125 kilogramë, gara në Tokio mori fund për të.

Ajo kishte garuar në ngjarjet sportive të meshkujve në të kaluarën, para se të deklarohej publikisht si transgjinore në vitin 2013.

Pjesëmarrja e saj në Tokio 2020 shkaktoi shumë polemika, pasi shumë njerëz u ankuan se ajo do të kishte një përparësi të padrejtë ndaj garueseve të tjera.

“Nuk jam plotësisht e pavetëdijshme për polemikat rreth pjesëmarrjes sime në këto Lojëra”, tha Hubbrd pas eliminimit.

43-vjeçarja e fitoi të drejtën për të garuar në Lojëra Olimpike kur Komiteti Olimpik Ndërkombëtar i ndryshoi ligjet në vitin 2015, duke ua lejuar atletëve transgjinorë të garojnë si gra, nëse niveli i testosteroneve është nën një prag të caktuar.

Testosteroni është hormon i cili e rrit masën muskulore.

The post Dështon atletja e parë transgjinore në Lojërat Olimpike, e nis keq provën e parë appeared first on Albeu.com.