Ndërkohë që është bërë me dije se Hermes Nikaj është paraqitur para pak ditësh pranë Gjykatës së Tiranës, në dhomën penale në një seancë gjyqësore, që u mbajt me dyer të mbyllura për shkak të situatës nga pandemia. Nika ishte prezent në sallë së bashku me mbrojtësin e tij ligjor, avokati i njohur Perlat Koçillari, i cili ka në ngarkim dosjen e tij.

Hermes ka pretenduar gjatë gjithë kohës për pafajësi, duke i mohuar akuzat e ngritura rreth tij. Sipas burimeve, Hermes i ka kërkuar Gjykatës që çështja në ngarkim të tij të gjykohet me gjykim të shkurtuar, duke u qëndruar besnik deklarimeve të dhëna më parë. Sakaq, nuk dihet kur është lënë seanca vendimtare, por deri më tani ende s’ka një vendim të formës së prerë për çështjen e tij.

Ndërkohë, ditën e nesërme, më 11 korrik, Hermes feston ditëlindjen, por festimet i ka nisur më parë. Gazetari që njihet si Zogu i Tiranës e si djali që s’njeh tabu e humbi mundësinë për ta shijuar lirinë e plotë, megjithatë kjo s’e ka penguar të realizojë disa foto të reja profesionale, ku shfaqet komplet i transformuar me look të ri, flokë të zgjatur dhe me gërsheta.

Gazetari vështirë të njihet në këto foto, teksa duket se gjatë izolimit në shtëpi ka rritur mjekrën, duke marrë tashmë pamje më burrërore. Hermes, i cili shquhet për pamjen e kuruar deri në detaj, i është rikthyer pasionit të tij të vjetër, duke qenë se fillimet e tij kanë qenë si model.

Se fundmi në janë publikuar disa pamje të tij, ku shfaqet mes luksit, ku duket edhe një festë private me një djalë, i cili shihet tek i servir pije. Nga fotot e tjera u pa se të pranishëm ishin dhe miqtë e tij më të mireë, si Kristina Ibro e njohur si Christina Aguilera shqiptare, të cilet siç duket nga pamjet e surprizuan jo pak Hermes, shkruan Panorama.

Në lidhje me identitetin e djalit nuk dihet asgjë, ndërsa me Kristinën janë miq prej vitesh. Kujtojmë se ajo i doli në mbrojtje publikisht Hermes, gjatë një programi televiziv. Mjaft i ri në moshë, por i pasionuar pas markave të shtrenjta dhe luksit, Hermes vazhdon po njësoj.

Kartmonedha Euro, tortë gjikante, tullumbace, lule e dhurata të shumta e rrethojnë Nikën në muajin e ditëlindjes së tij.

Gazetari dhe reporter i “Vox pop”-eve për disa emisione televizive, prej muajsh ndodhet i izoluar brenda katër mureve, me shpresën e mbylljes së çështjes pas arrestimit, me akuzën për shfrytëzim prostitucioni.

The post Arresti në shtëpi transformon totalisht “Zogun e Tiranës”, i dalin fotot pikante në shoqërinë e një djali (FOTO LAJM) appeared first on Albeu.com.