Në këtë situatë të krijuar, Drejtoria e Përgjithshme e Kadastrës, ASHK, ka bërë një njoftim për punonjësit që të dërgojnë kërkesat nëse duan të transferohen me punë në Drejtorinë e Kadastrës Fier.

Në njoftim jepen edhe specifikat se si të veprojnë në shprehjen e interesit dhe ku të adresohen.

Por vetë punonjësit e Kadastrës së Vlorës, jashtë kamerave thonë se ky është “muhabet kot dhe për t’i përçarë”.

“Ata thonë se ka vende në Fier, por atje nuk ka vende bosh”, shprehen punonjësit, që vijojnë protestën e tyre dhe kërkojnë një zgjidhje zyrtare.

Ata shprehen se zhvendosja në Tiranë jo vetëm u rrezikon mbylljen e vendit të punës, por edhe pamundësinë për të shkuar çdo ditë në kryeqytet dhe kthyer, kur janë me familje e fëmijë.

Edhe qytetarët e Vlorës kanë shprehur shqetësimin e tyre për këtë vendim, duke deklaruar se “tani punët dhe hallet e tyre do shkretohen fare”, duke e krahasuar vendimin si një “varr”.

Nga ana e saj, Agjencia Shtetërore e Kadastrës ka reaguar në lidhje me zhvendosje n e Kadastrës së Vlorës drejt Tiranës.

Ajo shprehet se qytetarët nuk preken dhe se procesi i transferimit të institucionit ka nisur 5 vite më parë dhe më 1 shkurt hyn në fuqi.

Reagimi i plotë:

“Agjencia Shtetërore e Kadastrës vijon punën për përmirësimin e shërbimeve ndaj qytetarëve, përmes thjeshtimit dhe lehtësimit të proceseve të brendshme institucionale.

Prej kohësh, proceset kadastrale për disa drejtori vendore janë të lokalizuara në Tiranë, si pjesë e një modeli organizimi që synon optimizimin e burimeve njerëzore dhe proceseve administrative.

Të gjitha aplikimet kryhen online përmes portalit e-Albania dhe shërbimet përkatëse ofrohen gjithashtu në mënyrë elektronike, drejtpërdrejt në profilin e qytetarit aplikues.

Gjithashtu, dokumentacioni i nevojshëm për trajtimin e aplikimit, përveç ngarkimit në sistemin elektronik, dërgohet përmes Postës Shqiptare pranë drejtorisë vendore, pavarësisht vendndodhjes së saj, për t’u administruar dhe bashkëlidhur me aplikimin e kryer në mënyrë të rregullt dhe të standardizuar.

Procesi i transferimit të drejtorive vendore në Tiranë ka nisur që në vitin 2021 me transferimin e Durrësit e Krujës, për të vijuar më tej edhe me drejtori të tjera si Shkodër, Kavajë, Kamëz -Vorë, dhe Vlorë.

Në kuadër të rritjes së efikasitetit dhe të mirëadministrimit të proceseve të parashikuara nga legjislacioni në fuqi, edhe pjesa e mbetur e punonjësve në qytetin e Vlorës, po zhvendoset në Tiranë. Ky riorganizim synon përshpejtimin e trajtimit dhe unifikimin e praktikave të punës.

Falë digjitalizimit dhe përdorimit të sistemeve të avancuara, një jurist mund të përpunojë të gjithë dokumentacionin ligjor dhe një hartograf mund të kryejë reflektimet hartografike në sistemet përkatëse, pa qenë prezent fizikisht në territorin në të cilin ndodhet prona apo aplikuesi.

Sigurojmë banorët e Vlorës se jemi të përkushtuar për të përmirësuar cilësinë e shërbimeve kadastrale, për të rritur ritmin e legalizimit të ndërtimeve informale si dhe për të përfunduar procesin e Regjistrimit Fillestar në zonat e mbetura në të gjithë qarkun e Vlorës.

Agjencia Shtetërore e Kadastrës mbetet e angazhuar që, përmes digjitalizimi të proceseve, të ofrojë shërbime gjithnjë e më të shpejta, transparente dhe të besueshme për çdo qytetar, në çdo drejtori vendore”.

The post Transferimi i Kadastrës së Vlorës, ASHK: Procesi ka nisur 5 vite më parë, qytetarët nuk penalizohen appeared first on Albeu.com.

Nënshkrimi i verës pati një ndikim të rëndësishëm në ndeshje me lojën dhe paparashikueshmërinë e tij, duke ia shpërblyer besimin Luçiano Spaletit, i cili po e përdor atë më vazhdimisht, duke rigjallëruar një lojtar që deri pak javë më parë dukej si i huaj. Tani i takon atij të provojë vlerën dhe rritjen e tij.

Anësori ishte një nga nënshkrimet e fundit të Juventusit në tregun e transferimeve. I nënshkruar më 1 shtator, ai u ble nga Lilë në mënyrë të përhershme dhe nënshkroi kontratë pesëvjeçare me klubin.

Pritjet ishin të larta, duke pasur parasysh sezonet e tij të fundit në Francë.

Për shkak të mungesës së formës fizike, Zhegrova debutoi në Seria A më 20 shtator, duke luajtur shtatë minuta në barazimin ndaj Veronës.

Më pas luajti edhe 26 minuta të tjera kundër Atalantës dhe ishte në stol kundër Milanit. Më pas luajti 25 minuta në barazimin 0-0 në derbin kundër Torinos, tetë minuta kundër Napolit, gjysmë ore kundër Romës dhe një tjetër kundër Pizës.

The post Shenjat e para të Zhegrovës, transferimi i minutës së fundit i Juventusit rigjallërohet nga Spaleti appeared first on Albeu.com.

Një situatë e tillë mund të favorizojë Genoa-n, që është gati të hyjë në garë për mesfushorin shqiptar Ernest Muci.

Futbollisti 23-vjeçar aktualisht aktivizohet me Trabzonspor-in në huazim, ndërsa kartoni i tij i përket Besiktas-it.

Në fund të këtij sezoni, Mucit i mbetet vetëm një vit kontratë me klubin turk, gjë që i jep “Grifonit” mundësinë për të provuar ta marrë me një marrëveshje përfundimtare.

Muci është një mesfushor ofensiv, i aftë të luajë edhe si anësor në të dyja krahët, një profil që i përshtatet kërkesave taktike të trajnerit Patrick Vieira.

Për Genoa-n, ai shihet si një përforcim interesant dhe me potencial për të bërë diferencën në Serie A. /R.Lika

The post Ernest Muçi mund të transferohet në Seria A, ja klubi që ka interesim konkret! appeared first on Albeu.com.

Ky ndryshim i rëndësishëm u vjen në ndihmë mijëra të moshuarve që, për vite me radhë, janë detyruar të presin në radhë pranë sporteleve të postës për të tërhequr pensionin mujor.

Tani, me një procedurë të thjeshtuar dhe transparente, ata mund ta marrin pensionin në mënyrë të rregullt, mujore, direkt në bankë, duke shmangur kontaktet e panevojshme, radhët dhe vonesat.

Për të përfituar nga kjo mundësi, çdo pensionist mund të paraqitet pranë një banke të nivelit të dytë, me të cilën ISSH ka marrëveshje bashkëpunimi dhe të hapë një llogari bankare pa komision, vetëm për qëllimin e marrjes së pensionit.

Ndryshe nga llogaritë e zakonshme bankare, kjo llogari nuk ka tarifa mirëmbajtjeje, nuk ka asnjë kosto për tërheqjet apo shërbimet bazë dhe nuk kërkon asnjë pagesë shtesë nga ana e pensionistit.

Sapo të hapet llogaria, banka e zgjedhur ndjek të gjitha procedurat e nevojshme për njoftimin e ISSHsë, duke vepruar si ndërmjetës për të realizuar transferimin e qendrës paguese.

Brenda tre ditëve pune, kërkesa për transferimin e pensionit përpunohet, ndërsa në pesë ditët në vijim përfundon dhe procesi elektronik i regjistrimit të të dhënave.

Kjo do të thotë se brenda pak ditësh nga momenti i aplikimit, pensioni fillon të hidhet rregullisht në llogari, zakonisht rreth datës 20 të çdo muaji.

Një element i rëndësishëm që duhet të kenë parasysh të gjithë pensionistët që zgjedhin këtë formë të tërheqjes së pensionit është edhe detyrimi, për të konfirmuar dy herë në vit që dëshirojnë të vazhdojnë marrjen e pensionit nëpërmjet bankës.

Ky konfirmim, i quajtur “deklaratë për vazhdimin e kreditimit”, mund të bëhet shumë lehtë nëpërmjet “e-Albania”, duke përdorur shërbimin “online” përkatës, ose fizikisht në sportelin e bankës ku është hapur llogaria.

Afatet për këtë deklarim janë në muajin mars dhe në muajin shtator të çdo viti.

Moskryerja e deklarimit në kohë, sjell ndërprerjen e përkohshme të transferimit bankar dhe rikthimin automatik të pagesës në pikën e mëparshme të tërheqjes.

Kjo skemë e re nuk është vetëm një përmirësim teknik, por një hap drejt trajtimit me dinjitet dhe lehtësirave të merituara për pensionistët, shumë prej të cilëve kanë kontribuar për dekada me punën e tyre në sistemin shtetëror e privat.

Ajo u kursen kohë, përpjekje fizike dhe mbi të gjitha, u garanton një mënyrë më të sigurt dhe të kontrolluar për të administruar të ardhurat mujore.

Të dhënat zyrtare tregojnë se mijëra pensionistë tashmë kanë zgjedhur këtë formë dhe numri i aplikimeve është në rritje të vazhdueshme.

Në një periudhë ku teknologjia po bëhet pjesë e pandashme e shërbimeve publike, kjo është një mundësi reale për pensionistët që të përfshihen në ritmin e ri të shërbimeve, duke ruajtur sigurinë dhe qetësinë që meritojnë në vitet e pleqërisë.

Për çdo paqartësi ose asistencë gjatë aplikimit, zyrat e ISSH-së dhe vetë bankat janë të gatshme të ndihmojnë, ndërsa portali “e-Albania” ofron një platformë të sigurt për aplikime “online” pa nevojë për të dalë nga shtëpia.

The post Lehtësohet shërbimi/ Si bëhet transferimi i pensionit në bankë, përfituesit duhet të plotësojnë çdo 6 muaj një… appeared first on Albeu.com.

Përformancat me Kombëtaren, por edhe paraqitjet fantastike në Azinë e Largët kanë tërhequr vëmendjen e shumë skuadrave.

Siç dihet, për Asanin ka interesim nga Italia, Gjermania dhe Arabia Saudite, por jo vetëm. Sipas mediave, lojtari ka gjasë të bashkohet me Celta Vigon në Spanjë.

Vlen të theksojmë se në La Liga luan edhe sulmuesi Myrto Uzuni me Granadan. Celta Vigo mbetet një alternativë shumë e mirë, skuadër me të cilën ai do kishte mundësi të tregonte akoma më shumë veten.  Asani ka luajtur më parë në Hungari për Kisvardën dhe AIK në Suedi.

The post Zbulohet klubi europian ku mund të transferohet Asani në janar appeared first on Albeu.com.

“Jam shumë i lumtur që jam këtu, sot është një ditë e mrekullueshme Unë e shikoj Serie A që kur isha i vogël dhe pashë shumë kampionë. Ardhja në Serie A është si të kthehesh në shtëpi për mua”.

Çfarë këshillash iu ka dhënë babai juaj? Serie A ka ndryshuar shumë që kur ka luajtur babai im. Por ai më ka dhënë shumë këshilla, si baba. Ai më tha të luaj me gëzim, të përfitoj nga momenti dhe të shijoj çdo moment, sepse ëndrra ime është realizuar.

Objektivi juaj me fanelën e Interit?Shpresoj të shënoj shumë gola me këtë fanellë dhe të fitoj shumë.

Tifozët? Kam parë disa video në Youtube për të kuptuar se si luhen ndeshjet në San Sior. U bëj thirrje tifozëve zikaltër të më presin se po vij” – tha ai.

The post Thuram i lumtur për transferimin te Inter: Shpresoj të shënoj sa më shumë gola appeared first on Albeu.com.

Konkretisht, siç zbuloi gazetari i “The Athletic” David Ornstein, një frakturë e nofullës që do ta lërë jashtë fushës për disa javë.

Lëndimi i papritur që do t’ia bëjë të pamundur të luajë për disa javë mund të jetë një pengesë serioze në negociatat mes FC Barcelona dhe Chelsea për transferimin e sulmuesit.

Në këto kushte kjo situatë mund të komplikojë operacionin e transferimit te Chelsea./ h.ll/albeu.com

The post Grabitja në shtëpinë e tij e la me dëmtim në nofull, Aubameyang rrezikon të mos transferohet te Chelsea appeared first on Albeu.com.

Gjithashtu Zhang ka dhënë dritën jeshile për të sjellë në Milano fantazistin argjentinas. Fillimisht, Dybala refuzoi ofertën e parë të Interit për një pagë prej 5 milionë euro në sezon, por më pas e pranoi. Tashmë dihet që Dybala do Interin dhe Interi do Dybala, por ka një pengesë.

Zikaltërit duhet të shesin me patjetër Sanchez, jo vetëm për t’i bërë vend ish-lojtarit të Juventusit, por edhe për të reduktuar në planin ekonomik pagat.

Ditët në vijim mund të ketë një përgjigje vendimtare për të ardhmen e argjentinasit./ h.ll/albeu.com

The post Dybala pret telefonatën e Interit, Zhang aprovon transferimin por pengesa është vetëm një zikaltër appeared first on Albeu.com.

Përmes një ‘postimi’ në rrjetet sociale, Arsenali e ka falënderuar për kohën e kaluar me skuadrën e ‘topçinjve’, e cila është firmosur për qëllime ligjore dje pak para mesnatës.

Hapi tjetër duhet të jetë njoftimi i nënshkrimit të tij si lojtar i ri i FC Barcelona deri në vitin 2023.

“Për momentet fituese të ndeshjes, për festimet ikonike, që na bëri të buzëqeshim. Faleminderit për gjithçka, Auba ”, ishte mesazhi i zgjedhur nga Arsenali për të konfirmuar lamtumirën e sulmuesit./ h.ll/albeu.com

⚡ For the match-winning moments
?‍♂️ For the iconic celebrations
? For making us smile

Thank you for everything, @Auba ❤️

— Arsenal (@Arsenal) February 1, 2022

The post Arsenali zyrtarizon largimin e Aubameyang appeared first on Albeu.com.

27-vjeçari është shprehur i lumtur për kalimin e tij tek Inter. Ai ka folur për ‘Inter Tv’ si lojtari më i ri i Inter-it.

“Është një krenari e madhe sepse kam ardhur te një nga ekipet më të mira në Evropë, jam shumë i lumtur që ndodhem këtu dhe mezi po pres të filloj. Dje në mbrëmje fola pak me Inzaghin në video-telefonatë dhe ai më tha se çfarë pret nga unë. Unë i tregova idetë e mia dhe ai ka një dëshirë të madhe për që të punojmë së bashku. Mezi pres të trajnohem nga ai dhe të jem në fushë me shokët e ekipit zikaltër.

Shpresoj të shënojë sa më shumë gola në San Siro dhe të asistoj për shokët pasi ta bësh këtë gjë në San Siro është një adrenalinë e madhe dhe një ndjesi e jashtëzakonshme”.

Më pas ai dha edhe një mesazh për tifozët zikaltër.

“Përshëndetje tifozë zikaltër, jam vërtet shumë krenar dhe i lumtur që jam këtu midis jush. Mezi po pres të futem në fushë e t’ju shoh të gjithëve në San Siro dhe të jap maksimumin tim për Interin”, kështu është shprehur gjermani Gosens./ h.ll/albeu.com

? | INTERVISTA

“Sono contento e orgoglioso di essere qui, non vedo l’ora di iniziare” ?️

Le prime parole di Gosens da giocatore dell’Inter, ai microfoni di @Inter_TV: ascoltiamole insieme, qui ?#WelcomeRobin pic.twitter.com/siki8gU8eZ

— Inter ??? (@Inter) January 27, 2022

The post Gosens: Është krenari të luash për Interin appeared first on Albeu.com.