Ditmir Hoxha ka bërë një hap të rëndësishëm në karrierën e tij, duke u larguar nga skuadra kryeqytetase Rabotnicki e Shkupit për t’iu bashkuar Leeds United U21. Qendërsulmuesi shqiptar është vetëm 18 vjeç.

Futbollisti nga Struga do të ketë mundësinë të luajë në Premier League 21. Me gjatësi prej 194 centimetrash, Hoxha mund të aktivizohet në disa pozicione të repartit ofensiv, si “pykë”, sulmues i dytë apo mesfushor i avancuar.

Deri tani, Ditmir Hoxha ka përfaqësuar Maqedoninë e Veriut U19. Megjithatë, Shqipëria vazhdon të ketë shpresa për ta afruar talentin, për shkak të prejardhjes së tij.

The post Ditmir Hoxha kalon te Leeds United U21, talenti shqiptar synon Premier League appeared first on Albeu.com.

Vllaznia ka bërë zyrtarizimin e afrimit më të fundit në skuadër, duke prezantuar sulmuesin Mamadou Tounkara. Futbollisti pritet t’i shtojë alternativa dhe forcë repartit ofensiv të ekipit shkodran.

“Mirë se vjen, Mamadou Tounkara! Forcë, energji dhe ambicie të reja për repartin sulmues të Vllaznisë. Tounkara vishet kuqeblu dhe është gati për sfidën e re! Suksese me fanelën e Vllaznisë”, shkroi klubi në postimin e tij.

Nën drejtimin e Edi Martinit, Vllaznia do ta zhvillojë ndeshjen e parë të sezonit në kampionat ndaj Skënderbeut, në stadiumin “Loro Boriçi”.

Klubi shkodran ka publikuar edhe videon e prezantimit të Mamadou Tounkaras.

The post Vllaznia përforcon sulmin me Mamadou Tounkaran para startit të Superiores appeared first on Albeu.com.

Drejtori i përgjithshëm i Partizanit, Olsi Rama, po shfaqet gjithnjë e më shumë si një figurë aktive dhe e suksesshme në tregun e transferimeve.

Përmes një postimi të fundit në rrjetet sociale, Rama bëri të ditur se kishte qenë pjesë e grupit që punoi për transferimin e mbrojtësit të Kombëtares, Berat Gjimshit, nga Atalanta te Al-Diriyah.

“Jam i lumtur që kontribuova në kalimin e kapitenit të Kombëtares sonë nga Atalanta BC te Diriyah Club në Saudi Pro League. Falënderoj menaxherët e tjerë që u përfshinë në këtë marrëveshje dhe i uroj sukses Beratit në aventurën e re”, shkroi Olsi Rama.

Kalimi i Gjimshiti në Arabi pritet t’i sigurojë kapitenit të Shqipërisë një pagë të majme, e cila raportohet të jetë më e larta mes futbollistëve të Kombëtares.

The post Olsi Rama, nga drejtimi i Partizanit te roli i rëndësishëm në transferimet drejt Arabisë appeared first on Albeu.com.

Sopoti ka bërë të ditur transferimin e portierit nga Bregu i Fildishtë, Bamba Drissa, duke konfirmuar edhe ekskluzivitetin e raportuar nga “Newsport.al”.

Gardiani 32-vjeçar ka firmosur një kontratë njëvjeçare me klubin librazhdas, ndërsa marrëveshja përfshin edhe të drejtën e rinovimit. Afrimi i tij përbën një lëvizje të veçantë dhe të papritur për Kategorinë e Parë.

Drissa i bashkohet Sopotit pas disa vitesh eksperiencë te Stade d’Abidjan në Ligën e Parë të Bregut të Fildishtë. Ai ka qenë gjithashtu pjesë e kombëtares U-22 të këtij shteti.

“Klub Futboll Sopoti ka kënaqësinë të njoftojë afrimin e portierit nga Bregu i Fildishtë, Bamba Drissa. Mes klubit dhe portierit 32-vjeçar është nënshkruar kontratë njëvjeçare me të drejtë rinovimi. Drissa vjen si një afrim cilësor për librazhdasit, pas një eksperience disa vjeçare me Stade d’Abidjan në Ligën e Parë dhe po ashtu si pjesë e kombëtares U-22 të Bregut të Fildishtë”, njoftoi klubi i Sopotit.

The post Bamba Drissa kalon nga Bregu i Fildishtë te Sopoti në Kategorinë e Parë appeared first on Albeu.com.

Taulant Seferi do ta vijojë karrierën te Kayserispor në Ligën e Parë të Turqisë, duke i dhënë fund aventurës së tij dyvjeçare me Bodrumspor.

Skuadra e tij e mëparshme iu afrua shumë ngjitjes në Superligën turke sezonin e fundit, por nuk ia doli ta siguronte atë. Pas këtij dështimi, Bodrumspor ka mbetur edhe pa shërbimet e sulmuesit shqiptar.

Transferimi bëhet edhe më interesant për faktin se Kayserispor dhe Bodrumspor janë rivalë dhe do të garojnë në të njëjtën ligë. Gjatë edicionit 2025-2026, Seferi spikati përpara portës, duke realizuar 16 gola dhe duke dhënë 7 asiste në 37 ndeshje.

The post Taulant Seferi largohet nga Bodrumspor, kalimi te Kayserispor ndez rivalitetin turk appeared first on Albeu.com.

Partizani ka njoftuar transferimin e Alesio Mijës, duke e bërë 25-vjeçarin përforcimin më të fundit të skuadrës kryeqytetase.

Qendërmbrojtësi, i formuar te Dinamo, u bë i njohur pas kalimit te Sheriff Tiraspol në Moldavi. Gjatë aventurës me këtë klub, Mija u aktivizua edhe në raundet eliminatore të Europa League, duke fituar një tjetër përvojë të rëndësishme.

Me këtë afrim, trajneri Florin Bratu shton alternativat në qendër të mbrojtjes, ndërsa konkurrenca brenda grupit pritet të jetë më e lartë.

The post Partizani forcon repartin defensiv, zyrtarizohet afrimi i Alesio Mijës appeared first on Albeu.com.

Sipas raportimeve të mediave, ylli portugez dëshiron që drejtuesit sportive të klubit, Simeu dhe Semedo, të kenë autoritet të plotë në çështjet e transferimeve, pa ndërhyrje nga drejtuesit administrativë.

Ronaldo beson se vetëm duke u dhënë liri të plotë drejtuesve sportivë mund të ndërtohet një skuadër konkurruese, e aftë të luftojë për trofe si në Arabinë Saudite ashtu edhe në arenën kontinentale.

Sipas të njëjtave burime, 40-vjeçari insiston që çdo vendim për afrimet dhe largimet e lojtarëve të merret mbi baza teknike dhe jo të ndikohet nga faktorë të tjerë brenda klubit.

Ndërkohë, kjo strategji lidhet drejtpërdrejt edhe me objektivat e Al-Nassr në afatin kalimtar veror.

Raportimet bëjnë të ditur se brenda klubit, ka lindur ideja për të nisur kontakte zyrtare me mesfushorin e Manchester Unitedit, Bruno Fernandes.

Fillimisht, Al-Nassr, synon të mësojë kërkesat financiare të reprezentuesit portugez, përpara se të vendosë nëse do të kalojë në negociata konkrete me klubin anglez.

Ronaldo po punon personalisht për ta bindur bashkëkombësin e tij t’i bashkohet projektit të Al-Nassr, duke shpresuar të përfitojë nga ngecja e bisedimeve për rinovimin e kontratës së Fernandes me Manchester Unitedin.

Nëse transferimi realizohet, Al-Nassr do të shtonte ndjeshëm kreativitetin në repartin ofensiv, duke krijuar një dyshe të shumëpritur mes Ronaldos dhe Bruno Fernandes.

The post Ronaldo ‘merr frenat’ e Al-Nassr, synon transferimin e yllit portugez te klubi arab appeared first on Albeu.com.

Iliria e Fushë-Krujës ka bërë publik afrimin e Vasil Tunit. Mbrojtësi i qendrës, 23 vjeç dhe me origjinë nga Gjirokastra, vjen pas eksperiencës me AF Luftëtarin në Kategorinë e Parë.

Tuni ka qenë pjesë edhe e Skënderbeut në Superiore gjatë sezonit 2020-2021. Transferimi i tij shihet si një shtesë e rëndësishme për konsolidimin e repartit prapa te skuadra bardheblu.

“Mirë se vjen, Vasili Tuni! KF Iliria ka kënaqësinë të njoftojë arritjen e marrëveshjes me mbrojtësin 23-vjeçar Vasili Tuni, i cili bashkohet me klubin tonë pas eksperiencës së tij te AF Luftëtari në Kategorinë e Parë.

Klubi jonë i uron shumë suksese me fanelën bardheblu. Mirë se erdhe në familjen e KF Ilirisë!”, thuhet në njoftimin e klubit nga Fushë-Kruja.

The post ZYRTARE/ Iliria forcon mbrojtjen me Vasil Tuni, ish-lojtarin e Skënderbeut në Superiore appeared first on Albeu.com.

Besëlidhja ka bërë të ditur nëpërmjet një postimi në rrjetet sociale se ka arritur marrëveshjen me mesfushorin Sabit Bilali. Futbollisti 28-vjeçar i bashkohet skuadrës lezhjane me parametra zero dhe shihet si një shtesë me peshë për mesin e fushës.

Bilali vlerësohet si një lojtar i kompletuar në repartin qendror, pasi mund të japë kontribut si në rolin e ekuilibruesit, ashtu edhe në atë të “shkatërruesit”. Te Besëlidhja besohet se kjo lëvizje mund të dalë mjaft e goditur në funksion të objektivit të madh, ngjitjes në Superiore.

Një tjetër pikë e fortë e Sabit Bilalit mbetet përvoja e tij, duke qenë se më herët ka luajtur me Dinamo Zagreb U-19 dhe ka fituar titullin në Superiore me Partizanin. Në edicionin 2026-2027, skuadra e qytetit të Lezhës do të garojë në Kategorinë e Parë.

The post Besëlidhja afron Sabit Bilalin, ish-mesfushori i Dinamo Zagreb U-19 dhe kampioni me Partizanin përforcon repartin qendror appeared first on Albeu.com.

Vora ka bërë afrimin më të fundit në Superiore, duke zyrtarizuar mbrojtësin Renato Halili. Futbollisti 18-vjeçar vjen nga Italia dhe është aktivizuar me Shqipërinë U-19.

Halili ka pasur eksperiencën e tij të fundit profesionale te FC Sudtirol, në ekipin Primavera të Italisë. Me këtë lëvizje, trajneri Arjan Bellaji fiton më shumë alternativa për repartin mbrojtës.

Në prezantimin e lojtarit, klubi i Vorës shkroi: “Klubi ynë ka kënaqësinë të njoftojë se Renato Halili është zyrtarisht pjesë e skuadrës sonë.

Mbrojtësi qendror 18-vjeçar vjen pas një eksperience të rëndësishme në Itali, ku është zhvilluar te Sudtirol, duke kaluar nëpër ekipet zinxhir dhe aktualisht ishte pjesë e Sudtirol Primavera. Me gjatësi 185 cm dhe profil modern në mbrojtje, Halili spikat për sigurinë në duele, leximin e lojës dhe ndërtimin nga prapa.

Renato është aktualisht pjesë e Kombëtares së Shqipërisë U-19, ndërsa më parë ka qenë pjesë edhe e U-16 dhe U-17, një rrugëtim që tregon potencialin dhe vazhdimësinë e tij.

Me talentin dhe potencialin e tij, pritet që Renato Halili të rritet vazhdimisht dhe të zhvillojë më tej cilësitë e tij, duke u bërë një vlerë e shtuar për ekipin në vazhdim”, ka shkruar klubi i Vorës në përshkrimin për lojtarin Halili.

The post Vora zyrtarizon Renato Halilin, 18-vjeçari kuqezi mbërrin nga Italia appeared first on Albeu.com.