Kevin Dodaj është pranë një tjetër ndryshimi në karrierë. Sulmuesi 20-vjeçar pritet të transferohet te Lechia Gdnask, skuadër që garon në kategorinë e dytë të futbollit polak.

Sipas burimeve për mediat, Lechia Gdnask do të derdhë 650 mijë euro në arkat e CSKA Sofias për kartonin e futbollistit shkodran, i cili iu bashkua klubit bullgar pasi u largua nga Vllaznia.

Testet mjekësore janë parashikuar të zhvillohen ditën e nesërme dhe, pas përfundimit të tyre, talenti 20-vjeçar do të nënshkruajë kontratën. Nga kjo marrëveshje do të përfitojë edhe Vllaznia, që zotëron 15% të kartonit, pjesë e cila përkthehet në 90 mijë euro.

Transferimi te CSKA Sofia ishte konsideruar një hap i rëndësishëm për rritjen e Dodajt. Pas paraqitjeve premtuese dhe potencialit të shfaqur në Superiore, pritshmëritë ishin që sulmuesi të vazhdonte në të njëjtën rrugë edhe në Bullgari, por koha tregoi një realitet krejtësisht të ndryshëm.

The post Nga Vllaznia te aventura pa sukses në Bullgari, Kevin Dodaj transferohet për shifër rekord në ligën e dytë polake appeared first on Albeu.com.

Keidi Bare është zyrtarisht përforcimi më i ri i Volosit. Klubi i Superligës greke njoftoi vetëm pak orë më parë, përmes një postimi në rrjetet sociale, prezantimin e mesfushorit shqiptar.

Pas përfundimit me sukses të kontrolleve mjekësore, 28-vjeçari hodhi firmën në kontratën e tij të re. Që nga sot, ai do të vihet nën urdhrat e skuadrës dhe do të marrë pjesë në seancën stërvitore.

Në kampionatin grek, Bare do të ketë përballë edhe dy shokë të Kombëtares, Stavro Pilo dhe Thomas Strakosha. Të dy luajnë për kampionët e AEK-ut, ndaj në sezonin e ardhshëm do të jenë rivalë të tij.

Përpara transferimit te Volosi, mesfushori ishte pjesë e Real Zaragozës në kategorinë e dytë të futbollit spanjoll. Gjatë karrierës së tij, ai ka mbajtur gjithashtu fanellat e Espanyolit dhe Malagës.

Me ekipin e parë të Shqipërisë, Bare numëron 29 ndeshje dhe 2 gola. Megjithatë, trajnerët e mëparshëm e kanë lënë jashtë zgjedhjeve gjatë viteve të fundit, duke e larguar për një periudhë të gjatë nga “orbita” e kuqezinjve.

The post Keidi Bare largohet nga Spanja dhe firmos në Greqi, ku do të jetë rival i Pilos dhe Strakoshës appeared first on Albeu.com.

Berat Gjimshiti do të vazhdojë karrierën tek Al Diriyah. Sipas ekspertit të merkatos Fabrizio Romano, klubi saudit do të derdhë 3 milionë euro në arkat e Atalantës për transferimin e mbrojtësit shqiptar.

Reprezentuesi i Shqipërisë do të firmosë një marrëveshje 2-vjeçare, duke mbyllur kështu etapën e tij në Itali. Gjatë aventurës me Atalantën, Gjimshiti fitoi trofeun e Europa League-s si kapiten i skuadrës, ndërsa tashmë do të nisë një kapitull të ri në Ligën saudite.

Në këtë kampionat, ai do të takohet edhe me shokun e Kombëtares, Nedim Bajramin, i cili u prezantua të hënën si përforcimi më i ri i Al-Taawoun.

The post Kapiteni që ngriti trofeun e Europa League-s largohet nga Atalanta, Gjimshiti transferohet në Arabinë Saudite appeared first on Albeu.com.

Besëlidhja po tregon qartë se e ka marrë seriozisht projektin për të qenë një prej skuadrave më ambicioze në Kategorinë e Parë, ndërsa lëvizjet e fundit në merkato e përforcojnë edhe më shumë këtë ide.

Klubi lezhjan ka zyrtarizuar së fundmi afrimin e Lucian Radu, mesfushorit që vjen nga FC Zimbru Chisinau në Moldavi, përmes një njoftimi të publikuar në rrjetet sociale.

Radu mbylli sezonin e fundit me 30 ndeshje të luajtura, duke realizuar 2 gola dhe duke dhënë 6 asiste, shifra që kanë shtyrë Besëlidhjen të finalizojë tratativën për të shtuar cilësi dhe energji në repartin e mesfushës.

POSTIMI:

“KF Besëlidhja ka kënaqësinë të njoftojë afrimin e mesfushorit moldav Lucian Radu, i cili bashkohet zyrtarisht me klubin tonë.

20-vjeçari vjen nga klubi FC Zimbru Chișinău dhe është gjithashtu pjesë e Moldovisë U-21, duke sjellë energji, cilësi dhe potencial të madh për mesfushën tonë.

I urojmë Lucianit suksese me fanellën e Besëlidhjes dhe shumë momente të bukura së bashku!

Mirë se erdhe në Lezhë, Lucian!”

The post Besëlidhja synon lart në misionin “Superiore”, lezhjanët përforcojnë mesfushën me talentin moldav appeared first on Albeu.com.

Dwumfour spikat për forcën fizike dhe efikasitetin në duelet në ajër. Sipas profilit të tij në “Transfermarkt”, lojtari afrikan është qendërmbrojtës, megjithatë Vllaznia e ka prezantuar si mesfushor, rol që ai e mbulon gjithashtu në fushën e lojës.

“Mirë se erdhe, Randy Dwumfour!

KF Vllaznia ka kënaqësinë të njoftojë afrimin e mesfushorit Randy Dwumfour, i cili do të veshë fanelën kuqeblu pas eksperiencës së fituar në kampionatin shqiptar. Futbollisti ka firmosur një kontratë 1+1, me të drejtë rinovimi, duke u bërë pjesë e projektit të Vllaznisë për sezonet në vijim.

Me forcën fizike, dinamizmin dhe eksperiencën e tij në futbollin shqiptar, Randy pritet të sjellë vlera të rëndësishme për ekipin tonë. I urojmë Randy-t suksese dhe sa më shumë fitore me fanelën e Vllaznisë! Mirë se erdhe në familjen kuqeblu”, ka shkruar klubi shkodran.

The post Vllaznia zyrtarizon Randy Dwumfour, kuqeblut marrin lojtarin nga Skënderbeu me kontratë 1+1 appeared first on Albeu.com.

“Newsport.al” mëson se lojtari ka qenë prej kohësh në bisedime me Partizanin. Madje, pas rikthimit në Shqipëri, ai ka zhvilluar edhe një takim me drejtuesit e kuq, ku palët kishin arritur në parim një marrëveshje me 18 herë kampionët e vendit.

Më pas, në mëngjesin e ditës pasuese, Bitri u nis drejt Rrogozhinës për të respektuar ofertën e Egnatias dhe për t’u komunikuar drejtuesve të klubit se zgjedhja e tij ishte të firmoste me Partizanin.

Megjithatë, zhvillimet morën tjetër rrjedhë gjatë takimit me drejtuesit e Egnatias. Propozimi financiar i paraqitur, i shoqëruar edhe me bonuset e përfshira në kontratë, e shtyu mbrojtësin të rishikonte qëndrimin e tij. Në këto rrethana, shtatlarti vendosi pa humbur kohë të nënshkruante me kampionët në fuqi, i bindur edhe nga objektivat ambiciozë të klubit rrogozhinas.

Pas firmës, Bitri u largua nga Rrogozhina në drejtim të Tiranës. Por në momentin kur drejtuesit e Partizanit e kontaktuan për të mbyllur zyrtarisht marrëveshjen paraprake, ai i njoftoi se tashmë kishte hedhur firmën me Egnatian, duke i kapur në befasi drejtuesit e kuq.

Bitri shihej si një nga elementët më të rëndësishëm të merkatos së Partizanit për sezonin e ri, por në fund Agim Demrozi lëvizi më shpejt dhe siguroi shërbimet e një futbollisti me eksperiencë dhe cilësi. Ashtu si në “Ëndrrën e një nate vere”, ku mjafton një natë për të përmbysur gjithçka, edhe në këtë rast ishte një ofertë më e mirë ajo që ndryshoi gjithë historinë, duke bërë që të nesërmen Bitri të mos zgjohej si i kuq, por si rrogozhinas.

The post Si ndryshoi gjithçka brenda natës për Eneo Bitrin, nga marrëveshja me Partizanin te firma me Egnatian (PRAPASKENAT ME DREJTUESIT E PARTIZANIT) appeared first on Albeu.com.

Burime bëjnë me dije se mes të burgosurve që u transferuan, janë edhe ata që janë arrestuar gjatë Operacionit ‘Ura’ dhe Revansh.

Transferimi u krye pak pas mesnate, nën masa ekstreme sigurie, me shoqërimin e dhjetëra mjeteve policore dhe protokolle të rrepta. Kolona mbërriti në Peqin rreth orës 00:15.

Vendimi për zhvendosjen e eksponentëve më të rrezikshëm të botës së krimit, erdhi pas arratisjes së Altin Ndocit nga Spitali i Durrësit.

Burgu i Durrësit, i njohur edhe si “burgu i VIP-ave”, u vu në fokus për shkak të kushteve dhe nivelit të sigurisë.

Sipas burimeve, 206 të dënuar dhe paraburgosur u rivlerësuan për shkallën e rrezikshmërisë, ndërsa më problematikët u përzgjodhën për t’u sistemuar në Peqin, i pajisur me seksione të posaçme të sigurisë së lartë.

The post U transferuan nga Durrësi pas arratisjes së Altin Ndocit, kush janë disa nga të burgosurit me rrezikshmëri të lartë që u dërguan në qelitë e Peqinit (EMRAT) appeared first on Albeu.com.

BalkanWeb, ka siguruar pamjet nga operacioni për transferimin e të burgosurve me rrezikshmëri të lartë nga paraburgimi i Durrësit drejt burgut të Fierit.

Transferimi i tyre u krye me dhjetëra automjete, ndërsa të burgosur të tjerë janë transferuar në burgun e sigurisë së lartë në Peqin.

Transferimi u krye pak pas mesnate, nën shoqërimin e dhjetëra mjeteve policore, me masa të shtuara sigurie dhe protokolle të rrepta, ndërsa kolona mbërriti në ambientet e burgut të Peqinit rreth orës 00:15.

Në fokus të operacionit ishin personat me rrezikshmëri të lartë, të cilët deri më tani qëndronin në Burgun e Durrësit, institucion i njohur ndryshe edhe si “burgu i VIP-ave”, për shkak të kushteve dhe profilit të disa të dënuarve.

The post Arratisja e Altin Ndocit nga spitali/ Jo vetëm në Peqin, të burgosurit me rrezikshmëri të lartë transferohen edhe drejt IEVP Fier appeared first on Albeu.com.

Lojtari i kombëtares shqiptare të futbollit kishte edhe një vit kontratë me Torinon, por nuk bënte pjesë në planet e trajnerit Ivan Juriç.

Në bazë të akordit, Berisha do të firmosë deri në Qershor të 2024, me opsionin për të rinovuar edhe për një tjetër vit.

Tek Empoli luajnë edhe mbrojtësi kuqezi Ardjan Ismajli si edhe sulmuesi i ekipit Shpresa Stiven Shpendi.

Lojtari kuqezi ka luajtur më parë te skuadrat e Atalantës, SPAL dhe Torinos.

Ai do të ndryshojë ekip dy javë pas nisjes së Serie A dhe në prag të dy ndeshjeve të kombëtares të vlefshme për kualifikueset e Euro 2024.

34-vjecari ka luajtur me përfaqësuesen kuqezi 77 ndeshje dhe është një nga kapitenët e ekipit.

The post Etrit Berisha transferohet te Empoli appeared first on Albeu.com.

24-vjeçari u transferua gjatë janarit te Galatasaray, skuadër me të cilën fitoi titullin kampion në Turqi. E ardhmja quhet Aston Villa, aty ku trajneri Unai Emery e pret krahëhapur.

“Zaniolo nuk është një sulmues i mirëfilltë, është i gjithanshëm. Mund të luajë si ‘pykë’, si numër 7 ose si numër 10.

The post Zaniolo transferohet në Premier League, detajet e operacionit appeared first on Albeu.com.